阿爺燒鵝餐室 (已結業)

依篇食評係為左舊叉燒而寫：話說我個好sweet既同事知我冇帶飯話幫我買埋外賣我就由得佢揸主意啦講真 每日諗食飯食咩都咪話唔煩難得佢話係佢住個頭幫我買個正既飯盒無奶油say no 啫～～咁佢買左咩比我呢？係個叉燒炒蛋飯本身都覺得冇咩特別啦但係一食舊叉燒... O M G不得了點解 ！？點解舊叉燒可以咁好食架😱😱佢少少甜 唔會太咸咬落肉質係軟軟地 又有d彈性都算係厚切 口感一流唔肥 但又唔乾 直頭係有肉汁可能你會覺得我誇張我真係覺得佢地舊叉燒好正配埋有少少蛋汁既炒蛋又係好厚既令成個飯盒變得豐富左視覺同味覺都rich晒叉燒+ 蛋+ 菜 + 飯對我黎講份量算多差d食唔晒仲加左個例湯！ 好甜 花生🥜眉豆雞腳湯 好味呀 有家既感覺咁搞法 我諗得閒都要叫同事幫我買下飯盒

家中有兩個食肉獸，十分喜愛燒味，但盡量也不讓他們常吃；今天與媽媽散步後，經過這間燒味店，看到這間門面光鮮，食物賣相也不錯的燒味店，便打算斬料讓他們吃個夠!食物的價格已清清楚楚地列出，店員亦十分友善地問我們想要什麼，最後決定叫三款斬料。阿爺原隻燒鵝脾 ($100) 點燒鵝預了價格會高一點，燒鵝脾份量不多；外層的皮頗香脆，點一點配給的燒鵝醬，更突出鵝肉味；放涼了始終差一點，熱辣辣吃相信會更好。叉燒最少要買($40)，這裡就是這價錢的份量，還算可以。沒有特別指明要半肥瘦，給我們的叉燒偏瘦，故肉質較乾較韌，輕輕的蜜汁甜味不錯，但個人認為味道可以再豐富點。脆皮腩仔同樣是($40)的份量，腩仔皮頗香脆啊! 點上芥末醬，家人都表示不錯吃!

今日行過西灣河見到呢一間燒味舖頭掛住一隻隻好肥美嘅燒鵝，真係心郁郁，諗起橫掂一陣間耂都返屋企食飯，一於斬料加送先。呢一間燒味店應該係開業無耐，門面裝修都好簡潔乾淨，餐牌上選擇都好多，除咗外賣，呢度仲有堂食，連早餐、常餐、下午茶餐都應有盡有，因為我見雖然唔係食飯時間都有唔少人嚟幫襯！我就比較愛吃啖啖肉嘅燒鵝髀，「下庄」就係我最好嘅選擇啦，$155價錢公道鵝皮好薄，唔會太油膩，基本上係無咩多餘嘅肥膏，肉質鮮嫩多汁，唔係乾爭爭，食真D仲聞到陣陣煙燻嘅味道！兩個人話咁快就K.O.左一盒！除了招牌燒鵝，呢度出名嘅仲有脆皮燒腩仔、秘製叉燒、貴妃雞同豉油雞等等，以後想食燒味飯或想斬料加餸，又有多一個選擇啦！正呀！

今日放工，想起屋企人提醒我加餸買外賣，於是去左在openrice搜尋，搵到一間附近的燒味店。呢間門口掛了好多隻燒鵝，油光閃閃，非常吸引啊！餐廳裝修企理，座位不多，裡面以醒目的紅色為主調，但感覺幾幾乾淨。有燒味飯，也可以外賣燒味，例如乳豬、叉燒、腩仔、油雞等，於是我買了阿爺燒鵝皇試一試。一打開外賣盒，已經聞到一陣好香嘅燒鵝味，顏色帶深紅色，試一啖，皮比較厚，食起黎皮下脂肪厚，啖啖油香。一邊送飯，燒鵝的油香滲透在飯裡，食起上來好滋味。

今天要到西灣河看德國电影節，突然看到一間阿爺燒鵝餐室，心血來潮好想好想吃燒鵝，一個人就叫了一人餐，價錢也頗為合理，一人餐才一百多元!首先來的是雪耳南瓜豬骨湯，不得不讚，湯夠晒火喉又香又濃，真的没有欺場!主角是燒鵝乳豬雙拼瀨粉，燒鵝很香又入味，乳豬是每日烤出來的，皮真的脆卜卜，而瀨粉很爽口，加上一碟菜芯，真的是人間美食，我覺得這間阿爺燒鵝餐室，乳豬燒鵝也可以稱得上皇牌，下次一定要外買帶回家給媽媽吃!

約了友人去西灣河打波，打完波去食晚餐。經過見到這間店，有很多人買外賣，我們又不想食太多，打完波嘛，又見這裡燒鵝好似好正，所以就在這裡食晚餐。內裡環境雖然不太大，但很光猛，感覺都很舒適，不會侷促。我們見二人餐抵食，又唔駛諗，就選擇了這個。二人餐有：雙拼燒味 (任選兩款)、邪惡金蛋、油菜、白飯及飲料。雙拼燒味，我們當然選擇了燒鵝及叉燒。燒鵝皮脆肉嫩，很香口；叉燒軟而多汁，好味 邪惡金蛋是雞蛋及咸蛋，很滑、很香，很惹味，送飯一流 可惜咸蛋真的很邪惡 ^_<油菜唔駛講當然好味啦！再送埋飲品，抵食

「妳幾耐無番過屋企食飯？」食住家飯是前菜，一家人共聚才是主菜❤️中國人表達愛的方法很含蓄，尤其對家人的愛，甚少用身體和言語表達，沒有相擁互抱更沒有親嘴說愛你「斬料」，大概是我們表達愛和感恩的方法☺️----燒鵝✅一打開盒已經聞到撲鼻嘅香氣，好難得食到嘅燒鵝係咁香🤤香味獨特應該係炭火柴香，正喎真係😍肉甘香，不過略厭肥膏比較多呢！-叉燒✅叉燒意想不到高質，首先部位應該是頸背肉的半肥叉，肉嫩腍而肥肉仲帶點爽口，正😍👍🏻燒得剛好微焦入味又帶點蜜糖甜，唔錯呀喂！-乳豬✅外皮香脆肉嫩，皮肉比例1:1，唔錯啦！-油雞✅雞滷得入味不會過咸，肉質都不會很乾/嚡，不錯！———堂食燒味飯又得，外賣暫料加餸都得今晚準備番家食飯的朋友，如果你經過附近，不防買點「愛」回家❤️

After finishing my appointment, it was already lunch time and since i was alone, i just walked around to find a place to have lunch. Finally i settled on Grandpa Roast Goose Restaurant, which looked quite tempting. It was located at Shau Kei Wan Road, few minutes walk from Sai Wan Ho MTR.They served all kinds of roasted meat such as roasted goose, pork belly, BBQ pork and chicken etc. Besides that, they served snacks and drinks as well. Lemon honey - It was very sweet and clear, with slight lemo

今晚難得去親戚屋企痴餐, 梗係要斬料上去加餸啦, 雖然附近有唔少燒臘店, 不過呢間阿爺燒鵝最多人係門口等, 相信街坊就一定無錯!餐廳有堂食同外賣, 未到7點已經坐滿7成, 門外仲持續有差不多十人在等外賣, 估唔到師傅都好快手, 落完單之後三兩下手勢就斬好.學生同長者買飯仲有優惠除左招牌燒鵝, 仲買左一斤是日特價ge 蜜汁燒排骨, 一路行已經聞到好香~~燒鵝面一層油光令立立, 薄薄外皮下一層脂肪, 未入口已經感受到好香ge 煙燻味, 平時成日聽人講用柴燒ge 獨特香氣終於第一次感受到!!  而且鵝肉嫩滑多汁, 令人食唔停口!

雖然外皮色澤吸引，皮薄脆口，但皮下脂肪驚嚇度滿分.....燒鴨都無咁肥.....單說肥膏呢點，以後都不用幫襯了......再評論一下味道，完全不入味，好趕時間嗎？做壞個品質，有誰再來買呀⋯⋯買興東酒樓燒味仲好食，價錢仲公道好多。阿爺燒鵝～我唔理你做過幾多隻好食嘅燒鵝，我只知道你起碼有呢隻不合格嘅燒鵝👎做食品嘅，請你尊重食物爸爸話：垃圾，要垃圾桶，負十分 影響晒成餐晚飯....媽媽話：又肥，又無鵝味，味道似煙鴨胸，唔鍾意食哥哥話：唔好再買啦，浪費金錢

晏晝同媽咪兩個人經過阿爺燒鵝餐室時，見到店內仲有兩個位，於是即刻入去坐低在睇餐牌，點知兩母女都叫咗個常餐。常餐有叉燒湯意粉配火腿炒蛋及牛油多士，而我哋都唔要多士，改要方包，餐飲揀熱檸水，估唔到常餐嘅叉燒份量都唔少，而且真係好好味，肥瘦適中，意粉湯底又唔會鹹，炒蛋又夠滑，方包又夠厚，真係比我預期中好食嘅常餐，仲要只係$38，簡直好味兼抵食！夜晚返屋企專登去買燒鵝返去加餸，因只有兩個人食，所以只買咗下庒$138，返到屋企打開個盒，已經聞到好香嘅燒鵝味，加埋梅子醬食，真係好食，仲有店內職員態度都唔錯，餐廳都好乾淨，夜晚仲見到個男人企門口，服務態度簡直一流，相信係老闆，難怪間舖成日都咁多食客。

朋友推介西灣河新開既燒鵝店，所以決定買個上庄番屋企孝敬下老人家，去到已經唔少人買外賣，上庄（$110），一攞到已經聞到好香柴火燒既味，熱辣辣，不過攞到番屋企個皮已經淋左，但味道唔錯，而且都幾油下，下次會試埋燒腩仔同燒鵝脾~~

去完灣仔買滷味之後，其實我同朋友講咗我想食叉燒已經好多日去西灣河探朋友班嘅時候經過阿爺燒鵝，但今次就唔係買燒鵝啦，要咗半斤半肥瘦叉燒，我想話呢間阿爺叉燒，真係冇得頂喎，蜜汁香濃，脂肪瘦肉比例平均，十分香口， 啲肉仲有少少彈牙，食過返尋味。另外要咗半斤五香牛展，師傅蓋盒之前落咗啲麻油落去，朋友都讚不絕口，送啤酒一流。我接近六點去到，原本想買燒腩仔，咁啱撞正星期二特價，已經賣曬， 人流仲唔少師奶放工斬料加餸。

坐車途經筲箕灣道，好幾次都見到這間新開的燒味店大排長龍，今天趁全家人齊齊整整返歸開飯，一於斬料加餸。餐廳的門面紅噹噹，耀眼奪目，吸引了不少途人駐足觀看。中午時份來到，舖外未見人潮洶湧，店內就已差不多爆滿。透過櫥窗，便見到隻隻巨型的燒鵝整齊排列，色澤紅潤、皮肉飽滿，油份沿著鵝脾一滴滴慢慢流向下方鐵盤，此情此景，令人不禁吞吞口水。另一邊則掛起叉燒、燒肉、貴妃雞和玫瑰油雞，在射燈的影照下，顯得特別油亮。既然燒鵝皇是鎮店之寶，當然必試，家人尤喜歡吃脾位，於是點了下庄($150)。另外，老豆最愛脆皮腩仔，身為乖乖女，就叫半斤($60)氹他開心。稍等一會，師傅已將燒味斬好並放進盒子，我也急不及待拿拿聲返屋企，開飯喇喂！燒鵝皇脹卜卜、閃令令，賣相討好。外皮薄薄一層，可能放涼了的關係，略欠脆口感覺。脂肪比例較想像多，無可否認的是潤澤馥郁，邪惡之物總是讓人又愛又限。鵝肉未算極厚身，但是嫩滑多汁，而且充滿煙燻香氣，味道縈繞口腔，頗為獨特。建議蘸些酸梅醬同吃，有助消減膩感。燒腩仔看似不錯，第一件當然孝敬老豆，第二件便直入小妹嘴巴。嘩，外皮很脆，咬時甚至聽到「咔嚓」聲響，鬆化非常。肉質偏瘦，夾著薄薄的肥膏層，

逢星期日基本上都會同屋企人去行山今個星期就行龍脊行完撘翻車去筲箕灣本身唸住睇下東大街有咩食但冇咩想食就沿路行下睇下有咩食啦經過阿爺突然好想食燒味就入去試下啦本身想外賣既但係見到都有位就索性入去食啦望落間鋪細細咁但其實位置都多既不過如果多人既時候都有機會要同人撘枱雖然知道阿爺係主打燒鵝但係最近先食完就真係唔太想再食燒鵝所以就打算要其他燒味其實見到咁多款燒味都花多眼亂咁啱我哋兩個都想食叉燒飯就決定不如叫碟叉燒再叫兩個飯啦(飯 $12)所以就叫咗例牌阿爺叉燒($78)一碟望落好似唔太多但其實呢到都有大概廿幾舊到呢碟叉燒好就好在唔肥又唔瘦呢d半肥瘦既叉燒就最好平時最怕食d太肥既叉燒因爲覺得calories太高好有罪惡感而食太瘦既叉燒又覺得太乾咁 個口感唔太好所以斬埋黎見到d叉燒係半肥瘦咁已經加咗分d叉燒食落唔韌食落係軟身既亦都係另一加分位另外就係d汁好多時候我覺得叉燒既汁係一種靈魂黎既個汁我覺得啱啱好 唔會太甜既同時亦都唔太咸平時有d燒味店既蜜汁會咸得滯令到d叉燒失色哂所以呢個阿爺叉燒都食得過.食完呢次叉燒之後應該平時都會走過黎阿爺買d叉燒翻屋企加餸另外仲值得一贊既係服務態度好好所以呢餐飯食得