阿爺燒鵝餐室 (已結業)

清明節拜山完之後唔夠時間煮菜，媽媽話外賣燒鵝，去咗西灣河一間叫做阿爺的，區內非常出名，特色是古法燒鵝，而且帶有薰香味，燒鵝是夠肥先好食，我哋買咗隻燒鵝髀，皮薄脂肪幾厚，肉柔嫩，係有煙薰香，與其他不同，有佢嘅特色。除咗燒鵝之外，買咗半斤叉燒，可以揀半肥瘦或肥一啲，我揀咗半肥瘦，現在覺得太瘦了，下次要揀肥，但味道就好好，仲俾咗好多汁，撈飯真正。補充番先，燒鵝外賣盒裏西都有唔少汁，呢方面真係值得俾個讚，令到燒鵝更加滋味，撈飯又得。呢度的燒肉都出名，下次要試吓，試吓堂食都好。

食燒鵝，首選當然係「深井」，皮脆肉嫩，又juicy以前住新界嘅時候，周不時去食，搬出來後已無乜点去啦😌間燒鵝店開業無幾耐，門面裝修重好新淨，鍾意食燒鵝嘅我，當然想試下呢處嘅燒鵝進入去，人唔多見餐牌常餐有叉燒湯意粉 ＋ 火腿炒蛋、多士$38, 隔離枱個靚仔食緊，佢話加十蚊可以改燒鵝於是，我哋叫佐個常餐同雙拼燒味(燒鵝及燒腩仔)飯。食物送上，睇落幾靚，食落同想象中嘅燒鵝差好遠😓首先，1) 皮皮韌唔脆，皮下多肥膏2) 味道肉厚帶韌，冇鵝味整體唔夠熱，肉質唔嫩，只有皮和肉，沒有脂香和肉汁，一句講，唔好食3) 唔軟熟，硬兼冇飯味🙃燒腩肉又係一樣，連一向食嘢唔挑剔嘅朋友都話no good個常餐嘅多士無問過我就塗滿唔知係牛油定瑪芝蓮意粉唔腍，燒鵝皮肥膏多肉嚡口雞蛋炒得太生，可惜遲送來無影相連杯餐飲都好唔掂，奶茶係暖嘅，簡單講，唔香濃，so bad呢間以「阿爺」為名嘅燒鵝店，初時重以為同鼎爺一樣有料到，点知係間無heart嘅餐廳，食物全部唔熱，谷住一肚氣，因為食咗有生以來最難食嘅燒鵝想係呢度食到皮脆肉嫩又香口嘅燒鵝？No way🙅‍♀️

今日行過見到呢間燒味舖，決定加餸～！不過個價錢其實都唔算平，所以都諗左陣…～😆如果就咁喺入面食一個燒味飯，就比泰興平好多，但因為今日返屋企食飯，所以決定買返佢一齊試吓佢驚紅色膠袋真係好有香港燒味嘅味道！！！😆跟住我決定要左一份有燒鵝髀嘅夏裝，佢嘅味道非常香，我搭車返屋企嘅過程全程都聞到！至於承諾也怎櫻桃木的味道，他的煙熏味不算太重，而且肉質很香。不過佢嘅脂肪唔算多，同一般燒鵝不同～～至於佢嘅叉燒就非常林，但蜜汁味冇其他一般的燒味譜咁重，但肉質非常好😁

今日食左喺西灣河嘅呢間呀爺燒鵝餐室🦢嚟得燒鵝餐室，就梗係要食燒鵝啦😋叫左個例牌，竟然唔洗加錢就有得揀下庒，咁識揀當然係會揀食燒鵝脾啦，滑d又啖啖肉🤤🤤例牌嘅size都幾大架，最後我都食唔哂要打色走🤭，呢度嘅燒鵝同平時食開嘅有d唔同，多左陣炭燒味，幾特別架👍🏻呢度冇小菜食，不過就有好多其他款嘅燒味，我就揀左海蜇拼燒排骨🐖，排骨個蜜汁好甜幾好食，海蜇都夠粗夠彈牙🤗，相當唔錯架👍🏻

阿姨屋企附近開左間專門食燒鵝嘅小店, 星期日依間小店7點已經好多人食, 全店滿座 lol我諗咁多人食應該都唔差, 一於試下😋黎到當然係試燒鵝😎叫左個例牌, 份量都幾多, 侍應姐姐仲話唔駛加錢都可以揀要下庄, 所以例牌都有埋燒鵝脾🤩依度嘅燒鵝同外面唔同, 食嘅時候有陣淡淡嘅煙燻炭燒味, 夠晒火喉🔥除左燒鵝, 其他燒味都好似幾正🤤 所以叫左個雙拼, 燒排骨拼海蜇~~排骨甜甜地幾惹味, 海蜇爽口彈牙👍🏻另外餐廳每日有一款老火例湯只係$18❗️今晚例湯係眉豆花生雞腳, 足料冇味精~~我諗下次叫阿姨唔洗煮飯煲湯, 同佢落黎依間小店開飯就得🤓

逢星期日都會同男朋友去行街食飯，今星期就去太古城行街掃貨，因為lunch已經係太古個邊食左所以夜晚就落左西灣河食。本身想去太安樓掃街，但拎住太多野就決定搵間餐廳食🤤簡左呢間燒味店，夜晚7點幾黎到，等左10分鐘就有得入。由於唔想煩就叫左個2人餐食，有燒味，飯/麵，菜，蛋同例湯/野飲，賣單$173都算合理價錢。燒味簡左燒鵝同燒煵，燒鵝個皮超脆，咬落d油香爆哂出黎🤤🤤肉就相對小d，但肉質好鮮亦算易咬。燒煵切得有d薄，但肥瘦得宜，咬落亦香脆，不錯。簡左懶粉同鵝油撈麵，懶粉份量多又唔會散好易夾！鵝油撈麵食偏濃味，麵質彈牙。個蛋係用上鹹蛋黃炒雞蛋，偏重口味，撈飯食一定正。可惜今餐冇叫飯🤣🤣仲有個青菜🤣飲品就要左熱檸茶同凍奶茶，熱檸茶正常，凍奶茶就相對失色左d，下次叫湯試下🤣

同朋友傾開話宜家燒味好貴，特別係叉燒。無計喇，人工貴，租貴好難唔貴。有另一個朋友去開呢間加餸 ，一於搵日齊人食飯既時候去加料喇。50蚊叉燒岩減梗肥又為食既食，瘦叉，好林好好味。50蚊燒骨好香，醬包住肉，送飯一流。50蚊燒肉呢個要食哂有難度，因為每種50蚊份量比我地預期既多2-3成，阿媽話唔怕食唔哂，因為屋企仲有海參，整返個燒肉煲都易過借火。燒肉新鮮燒出，食落軟林林，加埋芥末醬，超正。餐廳近巴士站同地鐵站，放工經過去買都好方便

星期六都要加班半日，午餐當然要食好啲！之前有聽同事講過公司附近嘅阿爺燒味餐室啲燒味好味，仲極推薦個滑蛋叉燒飯。平時通常帶飯，好少午餐出街食，今日返半日，放工就同男朋友試下！男朋友叫咗阿爺燒鵝脾飯。一見到鵝皮燒到薄脆又有光澤，就知到個燒鵝有料到！果然，食落皮香脆，肉嫩滑。我最欣賞嘅鵝肉無羶味！好耐都無食過咁高質嘅燒味，所以男朋友都好滿意！我就當然要試同事極推介嘅邪惡金蛋叉燒飯。一上枱見到金黃色嘅滑蛋已經食指大動。一食第一啖就知道點解同事會大推！原來呢個唔係一般嘅滑蛋，而係加咗咸蛋黃，既有雞蛋嘅香滑口感，又有鴨蛋嘅咸香，層次係好豐富，果然係邪惡金蛋！叉燒又係另一邪惡食物，呢到嘅叉燒肉質嫩腍，重點係個表面燒到微焦，好香口！叉燒配上邪惡金蛋呢個組合絕對大推！飲品方面，我哋叫咗熱檸樂同熱檸水。雖然呢兩個飯係好邪惡，因為卡路里都唔低，但真係好美味，值得為佢哋上多兩堂fitness class!

因新年前真的行過見到hk$688 有兩味,乳豬同雞，加個盆菜十幾人食。呢間開左唔係太耐既阿爺燒鵝餐室，入面地方都算好乾淨。其實都有好多外賣可以叫 有早餐、下午茶價錢在本區來講都好抵食 新年期間都會照常營業。 員工服務不錯都非常細心 要左油雞取回家吃，油雞好滑的肉而且唔鞋口個皮好好味，食過不停 入面中間的骨唔會有血。 過節前雖然是取回家吃，但個乳豬真係燒得好香又脆，不過可放心燒到個皮剛剛好。唔會燒到黑。 下次做節都會搵返呢間去買

今日行完吉之島，買唔到心水 ，就行去筲箕灣西灣河一帶買份燒味補償下。其實燒味係真係幾好味，間中食返一次都幾開心架。今次我就嗌左半隻油雞，50蚊海蜇同50蚊燒骨。因為材料靚就質素唔會差架喇，個燒骨燒到好香同微脆，咬落少甜少咸不知幾juicy.海蜇佢講明份量唔多，其實我真係幾鍾意食架，不過唔明海蜇點解咁貴，可能好多人都鐘意食所以需求大就貴。呢個麻香海蜇好爽口，就算貴少少都值得。我一個人可以一餐食哂。叉骨$50又大又香又多，睇落有10幾塊叉骨入面半隻油雞半隻再一半半隻的另一半 送俾娘家最後我就叫左半隻油雞，真係幾正，因為皮薄唔肥 ，肉都幾嫰。170 蚊就係4人份量，所以分開一半俾娘家都唔失禮。

聽朋友講西灣河有間燒鵝好好食, 對於我呢個為食之人, 一聽到話有好食的嘢, 即刻都想去試下, 於是星期六的下午, 特登去了西灣河, 斬了半隻燒鵝拎返屋企,同家人並享.拎住燒鵝返屋企途中, 隔住個盒及膠袋已聞到陣陣燒鵝香, 真的是令人垂涎. 返到家中, 剛好熟飯, 大家齊齊座, 食燒鵝. 打開個盒, 香氣四溢, 好香的鵝肉味及一D香料的味道, 咬一啖, 哇, 脆脆的鵝皮在口中爆汁, 一股香濃的鵝汁滑入喉嚨, 脆皮底下是厚厚的鵝肉, 食落口相當有滿足感, 啖啖都是肉, 鵝肉鬆軟, 嚼兩嚼, 鵝肉的香味在口腔中徘徊, 真的超好味! 鵝肉好入味, 我不點醬汁都覺得好好味, 朋友真的無介紹錯, 這阿爺燒鵝餐室的燒鵝非常正斗!

又到每月來西灣河evening training, 今次沒有攪錯日子，真係要返呀！每次training 都攪到十點幾，所以必來個快吃，今日仲遲收工添....一下車，第一眼就看到間紅卜卜的餐室，咁搶眼，那就是它，餐室必定快！嘩！一入門就見到掛滿叉燒、燒肉和一隻隻肥油雞，已令我不禁垂涎....餐室長方形的格局，一邊是廚房重地，另一邊就是兩行四人餐枱，座位不多，但骨子企理。餐簿封面是一隻亮麗肥美的燒鵝，引死人.....翻開看看，分別有燒味例牌、燒味飯、燒味雙拼飯、燒味三拼飯、自選孖寶麵餐和每週例湯。唔止呀！牆上還有幾塊大餐牌，是一二四人套餐和阿爺推介。************************本來店員話燒鵝售罄，一聽到簡直晴天霹靂....幸兒，原來是要等十分鐘，仲好！即燒即食，正！一想到一陣要辛辛苦苦training，就要食好啲，決意點一客阿爺燒鵝脾 Roasted Goose Leg （$53）加我愛的海蜇 Jellyfish （+$8）再配鵝油撈麵 Goose Oil Dried Noodle （+$10）。嘩！剛剛燒起果然不同，熱辣辣最滋味。鵝脾大小適中，外皮赤紅亮澤，薄脆油潤；

向來去燒味店都有點餐障礙，因為燒味都係每斤計，我叫$40蚊燒肉或叉燒又會俾人話我叫咁少得幾塊。 溝通完一輪都叫唔成。今次黎到新開既阿爺燒鵝餐廳，侍應好nice, 我講明我個budget佢會幫我安排好哂，問我岩唔岩心水。$78 玫瑰油雞一整盒既雞，切得好靚仔，冇碎骨，每塊大細岩好，又入味。配有薑蔥。$40 叉燒叉燒偏瘦，岩哂追求健康既人士。叉燒十分香，俾左好多汁。正$40 燒肉呢個拎返屋企再焗熱，好脆皮，唔會太肥。配有芥末醬。想起在別家點燒味時，燒肉唔俾芥末醬。。

今天到診所拿取Body Check報告，說我大致上蠻健康，膽固醇沒有超標⋯為了獎勵自己，我要吃肥膩的燒鵝脾，呵呵！實在是太美好啊！為了膽固醇，我有一年多沒吃燒鵝了。阿爺燒鵝脾 $100； 阿爺燒鵝脾飯 $105，多付$5有白飯一大碗，當然選阿爺燒鵝脾飯啦～阿爺燒鵝真的不得了，雖然是外賣，但香濃撲鼻得好像剛出爐一樣。阿爺燒鵝脾飯皮脆肉嫩，肥瘦適中，啖啖肉確是好味道！題外話，在等候外賣時聽到很多人點選邪惡金蛋叉燒飯，跟叉燒煎蛋/炒蛋飯不一樣，相信這個金蛋飯一定是很出色。

我同男友都係戲精，香港電影節開鑼，響電影資料館睇完戲就慢慢行去搵阿爺：阿爺燒鵝！睇完戲好鬼肚餓，叫左個二人餐，勁多野食，根本係三至四人餐先岩啦，哈哈～先黎雪耳南瓜豬骨湯，好似返左屋企飲阿媽煲既老火湯咁喔～黎搵阿爺都係因為佢既燒鵝，真係超好味架！唔肥膩仲好有肉地，連皮都食埋；我就鐘意配瀨粉！二人餐除左燒味雙併之外，仲有兩個餸：邪惡金蛋&油菜。其實邪惡金蛋係用鹹蛋炒滑蛋，鹹蛋既份量拿捏得非常好，唔會太濃烈或太濃味；輕輕帶出鹹蛋既味道，very nice散點碟頭飯大約$50左右，雖然無油菜無金蛋，不過都幾抵食！同埋強烈推介要點燒鵝脾，真係好好味！