陳漢記 (已結業)

7點去到，店舖門口已經出現長長的人龍，我們一行5人等了大概45分鐘方可入座。因為煲仔飯製作需時，所以等位途中店員已經會為客人下單。我地共點了三客煲仔飯：1. 窩蛋牛肉飯，蛋黃流出來的感覺很治癒🤤但牛肉無牛味，飯焦亦較少。2. 臘腸排骨飯：臘腸的油香滲透到飯中，排骨肥瘦適中，這個很不錯！3. 白蟮滑雞飯：雞肉很嫩滑，跟白蟮的份量亦很多🏻🏻除了煲仔飯之外，我們還點了很有名的腸粉，叉燒的份量很多，而腸粉的表皮晶瑩剔透，果真皮薄餡靚🏻重點是沒有我最討厭的莞茜🥰最後，我們還點了炸醬麵。面質非常爽口彈牙，而且沒有鹼水味，配合起微辣的肉醬，真的很開胃！

天寒地凍最好食煲仔飯，星期日夜晚7點20分到，8點42分先入到去，但排緊隊都會幫你落定煲仔飯因為要等45分鐘架我哋叫咗一個臘味煲仔飯，一個豉椒白鱔一路食住通菜一路等，食完個菜啱啱就到落完豉油焗一焗，試咗白鱔先~非常香非常肥美鮮味，但個飯太濕而d大葱又發唔到味相反臘味飯粒粒分明，吸哂臘味味超正，但臘腸略嫌唔夠甜同濃，但茶餐廳價喎質素算唔錯啦~食到底仲有脆卜卜飯焦添😍正，真係大件夾抵食！唔好意思到我同bf食淨大半煲飯除咗煲仔飯都見到唔少人食佢d腸粉~ 應該都好出名~下次一定要黎再試過

呢間大埔出名既煲仔飯既人潮真係不容小覷，排隊排到傻🤣🤣早兩星期晚上去，排了足足成個鍾。•第一次黎食梗係試佢招牌煲仔飯同腸粉啦！點了我最愛既豉椒白鱔煲仔飯（$71）同薑蔥田雞煲仔飯（$61），佢白鱔好新鮮，約有6件，份量都算足，田雞都幾好食！但佢既飯竟然係濕濕地既？kidding me?呢樣真係有點失望，話哂都係人氣店，最基本既飯竟做唔好（咁可能有人鐘意啦，只係我個人唔鍾意）～👀•豬潤腸粉（$27）超好食，真係皮薄餡靚！皮超晶瑩，入面勁多豬潤切粒，勁正，必點！————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️⭐️味道：⭐️⭐️⭐️💫性價比：⭐️⭐️⭐️⭐️回頭指數：⭐️⭐️⭐️💫————————————

冬天係食煲仔飯季節❄️凍冰冰天氣配上熱辣辣嘅煲仔飯，係一個簡單既浪漫🥰————————————————————1️⃣田雞臘味煲仔飯 $74 田雞滑同份量多👍🏻臘味不過不失但係份量少🤦🏻‍♂建議大家雙拼嘅話叫臘味，因為飯會有臘味嘅甜同咸味😋2⃣黃鱔滑雞煲仔飯 $69 雞件滑但份量少，同埋多肥膏少肉☹️鱔份量多，無骨，有鮮味👍🏻3⃣鮮蝦腸粉 $24 一句講哂皮薄餡靚👍🏻😍腸粉皮薄得黎唔會一夾就穿蝦大隻得黎，份量多同有蝦嘅鮮味😋 *六點嘅時候無咩人，但個煲仔飯都等左五個字 (即叫即整) 如果繁忙時間黎可能會等更加耐

天氣又突然轉涼，除了火鍋之外，煲仔飯就是另一個必食之選！昨晚7點去到，店鋪門口已經出現長長的人龍，我們一行5人等了大概45分鐘方可入座。因為煲仔飯製作需時，所以等位途中店員已經會為客人下單。我地共點了三客煲仔飯：1. 窩蛋牛肉飯，蛋黃流出來的感覺很治癒🤤但牛肉無牛味，飯焦亦較少。2. 臘腸排骨飯：臘腸的油香滲透到飯中，排骨肥瘦適中，這個很不錯！3. 白蟮滑雞飯：雞肉很嫩滑，跟白蟮的份量亦很多👍🏻👍🏻除了煲仔飯之外，我們還點了很有名的腸粉，叉燒的份量很多，而腸粉的表皮晶瑩剔透，果真皮薄餡靚👍🏻重點是沒有我最討厭的莞茜🥰最後，我們還點了炸醬麵。麵質非常爽口彈牙，而且沒有鹼水味，配合起微辣的肉醬，真的很開胃！

其實吃落和普通茶餐廳煲仔飯一樣，米飯不乾身，飯焦不脆，性價比不高。五點幾去到，排隊要排成一個鐘，要七點幾先有得食，識落第一口，覺得米飯乾身不分明黐埋一齊，應該係落得太多水煮得太急因為好多人排隊。

某日同家人係附近郊遊，諗住出發前食返個暖笠笠既早餐，於是就揀左好出名既陳漢記喇～當初識呢間野係因為係附近學興趣班，問大埔朋友有咩美食推介介紹俾我既，今次同屋企人黎，再試下唔同既食物。鍾意食鵝腸既我，糾結緊食鵝腸麵好定豬潤麵，最後都係揀左豬潤麵，豬潤厚度剛好爽脆，湯底清甜，麵無簡水味，軟硬度適中，仲有一碗豉油俾你點豬潤食，個豉油都好美味，唔會太咸，微甜！另外仲有叫豬潤腸，食食下發現同台既姐姐叫左鵝腸麵，我口水都流晒，因為咁我地仲開始傾計，佢地一家人仲介紹左好多大埔美食俾我地添！呢餐我會俾 7.5/10 ，而家好難得食到咁有質素既麵了！一定會再黎！

同屋企人夜晚去咗出名食煲仔飯嘅陳漢記食晚飯，平時夜晚係會排哂長龍，今晚可能晏咗食飯，大約等咗5分鐘就有位坐。可能太夜關係，本身想食炸兩，但賣哂，咁唯有叫個豬潤腸粉代替。🔹豬潤腸粉 本身無哂炸兩已經有小小失望，點知連個豬潤腸粉都蝦我，腸粉凍嘅，好似放咗係到攤凍咗咁，腸粉皮較為薄皮，所以一夾起就散。🔹臘腸潤腸滑雞煲仔飯 相反煲仔飯就不錯，即叫即整熱辣辣，飯夠哂熱同軟熟，仲有飯焦添！本身係得臘腸，額外再加多$8要多份潤腸，係幾好味嘅。🔹腐乳通菜通菜唔算太新鮮，有部份已經黃咗，煮得唔較淋，但腐乳汁夠味。📍陳漢記大埔運頭街91B地下．．環境分數：7/10食物分數：5.8/10Encore分數：5/10

上星期三,上班工作至放工,有點累,不太想食飯,所以到了一間麵店食...這麵店外的招牌都幾大個,而且用黑底金字做,唔怕睇唔到,而位置於轉彎位交界,都幾方便尋找入到去望了一陣餐牌睇下想食些什麼,最後決定...先點了碟鮮蝦腸,蝦都幾大隻,唔係雪蝦, 腸粉皮幾薄下另外,還叫左碟叉燒腸黎食下,味道對於價錢黎講都算係幾低食,大大條咁腸粉皮同樣唔太厚身,依碟還很滑溜的感覺,好好食!食完感到很滿足,可以令人有飽肚感

今日中午去大埔，本身打算食煲仔飯，但原來佢6黑後先供應。諗住佢地d煲仔飯咁出名，咁普通d午餐都唔會太差，點知中曬伏。本人就嗌咗份叉燒蛋飯。老老實實，叉燒呢樣嘢我敢講全港餐廳係佢地整得最難食。冇蜜汁都算啦，成舊叉燒根本好似上咗色素咁，粉紅色上碟。口感仲乾過食樹皮，唔浸d咖哩汁根本冇辦法呑落肚。我男朋友嗌嘅咖哩牛腩飯都有同樣情況。牛腩打曬柴，食落乾食又鞋口。真係唔明點解會有人排長隊食呢家野。一句講曬，失望！

「冬至」就到，近日天氣都好應節，變得越來越凍！要即刻令身體暖笠笠，首選當然係食返啲熱辣辣嘅嘢，補充下熱量🤤今次，我地就一於食碗香港地獨家禦寒秘方——煲仔飯！——————————🔷窩蛋牛肉煲仔飯$48📍8.5/10呢度嘅煲仔飯非常唔錯，分量啱晒兩個人食。熱辣辣嘅飯，面上蓋著大量嘅牛肉和生雞蛋，真係視覺的盛宴！我習慣一黎到先等一陣，之後落一圈豉油再焗，咁樣就可以食到飯焦，也可令豉油味更出～牛肉鮮嫩，加上滑蛋令口感滑順；白飯粒粒分明，煲邊偶有飯焦，與超香的甜豉油撈埋一齊食，真係暖到入心❤️🔶炸両腸粉 $20📍6/10本身好鍾意食炸両，呢間嘅腸粉皮真係薄得黎唔會易爛，食落都有少少米香。可惜入面嘅油炸鬼唔夠香脆又唔夠熱😑雖然可以自己加麻醬甜醬，但呢間嘅甜醬超級稠，食落好甜，唔啱我口味。🔷艇仔粥 $30📍8/10艇仔粥有好多料，有豬膶、魷魚、粉腸、瘦肉和花生，加上少少蔥花，香氣更佳！其中最好食嘅係豬潤，爽口又滑，不會有異味，非常不錯👍🏼粥底好綿好滑，唔似出邊會越食越稀，不過感覺加咗唔少味精，食完有啲口渴😵

我地6點幾去到排差唔多一個鐘入座, 原來大埔街坊朋友話六點前去到就唔使點排隊.以前煲仔飯多數有薑絲伴菜，唔知點解而家冇左，所以飯就冇咁香我叫左味比較細條，但好鍾意嗰種質感，白鱔真係好肥美有五大件 朋友叫白鱔加滑雞煲仔飯: 滑雞冇乜肉總括嚟講佢唔貴(我地都係$76) 另加鮮蝦腸($23) 雖然腸粉比較細條但好多大蝦都好好食排隊時會先由伙計先記底煲仔飯數量，見後便一家都改左幾次但係侍應態度好有禮不過如果排一個鐘頭就可能唔值得

個個聽到陳漢記就會諗起煲仔飯, 但今晚同同事燒完野食已經好夜, 一到夜深總係會牙痕, 食唔落一煲飯但一碗河粉就岩岩好啦, 夜晚唻到鋪面依舊多人, 不過都係等左四五個字就可以入坐啦先唻枝可樂將岩岩燒野食既食物gur左去先, 夜晚晚有一碗焿火喇喇既湯面認真幸福睇落湯底以為好淡, 但飲落好重口味而且唔油,牛腩唔會太肥唔太瘦, 夾落唔會散, 而且都非常足料..配既白蘿白吸哂湯汁非常入味, 整體唻講係非常高質數既牛腩河, 下次有機會一定要試埋煲仔飯

星期日踩完單車搭小巴出番大埔市中心找野食！ 最後決定係你啦！ 一去到已經有長長的人龍！ 最後我負責排隊，男人負責去後街買小食醫肚！ 排左差唔多一個鐘，終於去到隊頭！ 職員叔叔問我地食咩！唔該，一個白鱔豬肉煲仔飯，叉燒腸同蟹粥！ 職員叔叔話：「除左煲仔飯外，其餘野食都可以在店內落單」過左一陣終於有得入去坐，叫左腸粉同粥，好快有得食！ 腸粉皮好滑！蟹粥方面，有1.5隻蟹！男人話好味好鮮甜！食完野呆坐等煲仔飯！ 最後真係等左一個鐘，煲仔飯終於上檯啦！我覺得煲仔飯冇咩特別，正正常常啦！ 不過真心超熱！ 店內環境乾淨，燈光充足，冷氣超強有點冷！

今日真係好凍，所以同朋友來陳漢記食個煲仔飯。煲仔飯6點後先開始供應。我地5:30已經叫單，等左個半鐘，7點先有得食。我叫左個北菇滑雞飯，冬菇好味，滑雞幾滑。但可惜豉油冇味，冇法提高煲仔飯既層次。如果用甜豉油，應該會更正。