陳漢記 (已結業)

老公話，陳漢記好出名，帶我去試吓，夜晚11點幾，都要排成半個鐘先至入到去，可想而知呢一間鋪頭人氣有幾旺我哋嗌咗臘味排骨飯，北菇蒸雞飯，可能因為期望太高嘅原因，我覺得只係普通，廟街嘅煲仔飯都好食過佢叉燒腸同蝦腸不過不失，可能係呢間鋪頭食過最好食嘅嘢最期待嘅爽口魚皮，太令我失望了，唔夠爽口，同我幻想以為佢係好似我喺澳門食嘅灼魚皮一樣咁厚身同埋爽口，點知完全相反，仲要冇乜味鵝腸好爽口，但係又係冇乜味成晚覺得最開心嘅就係見到譚校長，不過試過一次就唔會再嚟食了

艇仔粥賣三十蚊，但D料同質素出面廿蚊都食到，鮮蝦牛雙拼腸賣三十一蚊，味道一般般。埋單時我比六十一蚊，但收銀就在張單上寫五十一蚊，仲要比返十蚊我，我出到門口就叫我一聲靚仔，唔記得價錢就麻煩下次係張單度寫價錢啦！懶係醒錦。

1️⃣叉燒腸粉HKD$23用叉燒做豉油汁 所以成個好重叉燒味 腸粉唔係好滑 但好‘林’ 薄得黎厚度係岩岩好.2️⃣蒜蓉黃鱔煲仔飯HKD$61飯唔錯 d米好食我習慣一黎落左豉油再焗想食飯焦記得等耐小小先開飯焦好食 但一定要焗耐d 黃鱔夠多 但整得唔好 有骨既 蒜蓉唔夠多 呢個飯加窩蛋牛肉應該好好食.3️⃣豬潤牛肉粥 HKD$383塊豬潤5舊牛肉粥底好綿好綿好綿平時食粥應該會出水 愈食愈稀 但佢唔係佢應該落左生粉 所以一凍左就有固體既感覺所以只可以熱食 牛肉有少少韌 但牛味勁濃豬潤勁好食 勁爽勁滑 有口感.————————————唔洗突登過去食 去開可以食下 但7點幾等位有d耐

Foodie adventures in the dark dark side. 腸粉 is a difficult dish to perfect 👌🏼 but this restaurant was able to wrap both 叉燒 and shrimp variants in a very thin layer of rice flour, which speaks volumes of the chef’s ability. Sadly he was also a bit careless as we found a piece of shrimp shell stuck inside 🙈😢🦐

聽左呢間餐廳好耐，終於來到了。玻璃腸粉其實粉皮真係好薄，但可能大薄無咩質感。炸魚皮都好脆，好新鮮咁。牛腩河湯底好香，粉都彈牙，幾好味。環境衛生不錯。但如要好遠入去大埔就不用專登。

前晚女友去左自己happy 。一個人無聊駕車遊車河。走了一轉科學園。回程時感覺有些肚空空。先記起自己未食過晚餐。剛巧見到大埔墟路牌。心想好耐未去過大埔宵夜。行過陳漢記竟然無人排隊。就停車入去回味當年味道。好多人認為陳漢記出名係煲仔飯。更係叫煲仔飯。其實以前成名好食係粥底同魚皮。今晚叫了田雞魚腩粥加魚皮。先講粥..田雞俾足一隻魚腩並非求其雪藏魚。雪過既魚絕對食得出雪味。兩舊腩骨新鮮足料。祇是料底占了成碗粥一半。老舖一定有自己既強項。魚皮就是陳漢記必須食的一項..同以前一樣魚皮剪到不大不細。剛好用筷子一夾剛剛好。記住食魚皮必要夾葱薑絲加花生先為「正統」食法..精要所在係個豉油。因為他們加了小小生油同辣椒🌶️不會太咸帶小小甜。本人比較傳統。有些老舖食法要保留.創新係須要但有些要保留

女朋友病左要戒口😷無計啦 本身諗住打邊爐既計劃要取消😭女朋友果然病緊都仲係咁閹尖，死都要食陳漢記既粥🥢首先，叫左碗雞粥，d雞肉既份量都好足，每一啖粥都好有鮮雞味，真係好好食👍🏻玻璃腸粉就唔洗多講啦，睇佢塊皮就知咩事，薄到可以透晒入面d餡🤤真係名副其實既玻璃腸粉。鮮蝦都好彈牙好鮮味，一個字 — 無得頂！煲仔飯稍為令我有啲失望，飯的確做到粒粒分明，但成個組合來講好似有啲唔太夾，啲味道都係分開晒，如果陳漢記自稱係煲仔飯專家，就似乎有d浪得虛名。

山長水遠入大埔，因為朋友話d腸粉好正，即管嚟朝聖。週末有隊排，不過只係稍後片刻。坐低發現夜晚先有煲仔飯，不過今日志不在此～叫左一個炸兩，一個豬潤併叉燒腸粉，同埋炸魚皮。呢間野係贏在腸粉皮。手工好，皮薄但係唔易爛又唔會黏住對筷子。本身我麻麻地腸粉都暗歎其手工和味道出眾。豬潤併叉燒係出奇地好味，有少少金錢雞果種味道。炸魚皮下次可以唔叫。不過呢度服務係，有特色的。真係就咁喺你面前講粗口，唔係鬧客，係日常吹水咁員工之間互吐真言，毫不修飾，有性格，夠地道嘅。3個字：食腸粉。

星期日晚上六點多來到, 發現大排長龍, 沒什麼其他想吃之下, 也就排吧, 大約排了半小時才入座, 發現等這麼久原來因為煲仔飯製作需時, 而我們不是吃煲仔飯的, 不知其實是否可以優先入座?通菜$19: 菜目測不算靚, 碟底太多油, 但味道可以, 份量也不少, 叫店員分開醬汁, 她沒回應但都有做。鮮蝦腸$27: 成品比想像中細小很多, 所以算是頗貴的, 但又真的好吃, 腸粉滑而有米香, 鮮蝦亦有點鮮味。叉燒豬潤腸$31: 雙拼一律$31, 呢個配搭幾夾, 叉燒同豬潤都細細粒, 味道好。花蟹粥$47: 呢個價錢既蟹粥, 都無咩特別期望, 有一隻半蟹, 蟹出奇的鮮味, 粥底似有少許味精, 算綿滑。

平時夜晚都係留響屋企食飯既我，見呢排d天氣開始涼涼地，就同男朋友👫入黎陳漢記食煲仔飯🤤！有黎開既朋友都知道晚飯時間都一定要排隊，八點零鐘黎到仲見到有十幾個人排緊，好彩侍應哥哥會響有位前就幫大家落定單，唔洗等完位又再等個飯黎！等左大約30分鐘🕧就有位，今次我地叫左個排骨煲仔飯/牛腩麵/叉燒腸。個煲仔飯唔太乾岩岩好，排骨又唔韌，牛腩麵🐂夠爽口，正！腸粉都好食就皮薄，但個人覺得如果可以厚返dd就一流。正！整體而言，下次會再黎，不過如果可以排隊快d就好😬👍🏻

老實講 自開account以黎我都從未打過劣評 本身開呢個account嘅宗旨係希望介紹多d好食嘅餐廳 （特別係小店）俾大家去發掘 不過今次真係要開齋喇呢日女朋友仔突登係大埔接我放工 咁就梗係諗住帶佢喺大埔食野啦 大埔出名多野食嘛天氣又開始轉涼 咁咪一於試下我地兩個都冇食過嘅陳漢記煲仔飯 講到咁出名加上煲仔飯係一樣好考功夫嘅野食黎 一於去試下 六點去到其實已經要等位都真係幾誇張 不過既然黎到同埋果陣都係等四張枱 咁都可以等下嘅好似等左唔夠半個鐘 都有位咁其實間鋪都唔算細嘅 但我覺得佢想加快運轉速度應該喺排隊果陣問定食咩 咁可以開始整個煲仔飯 始終煲仔飯都要時間 但諗諗下可能佢真係想達到即叫即煮 真係確保煮得啱啱好果陣可以上枱俾客人掛所以都冇咩理到呢個問題 咁叫左份腸粉同一個煲仔飯（女朋友仔飽飽地所以唔叫太多）咁好快佢就上左份豉油 都估到應該係等陣淋落煲仔飯到嘅豉油 所以即刻攞筷子點下試味點知中伏嘅節奏就開始奏起個豉油得個咸字 冇煲仔飯豉油應有嘅甜味 都開始feel到奶奶到野 都算啦 可能係呢到嘅特別配方 同個飯好match呢 咁咪繼續期待下先囉一開始好快就黎左腸粉 賣相都幾好 呢個係鮮

周日中午經過10多人排隊, 參觀綠滙學苑2:30PM, 見無人排隊就吃他吧!  想試出名的煲仔飯, 原來午市是沒供應的。 點了牛腩面, 牛腩不錯吃；另夾底粥,  粥底一般；及蝦腸, 腸粉夠滑, 但份量少

🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🏫餐廳評分🏫 。最高5個。✨=0.5環境 ：🏝🏝🏝服務態度：💃🏻💃🏻💃🏻💃🏻食物質素：😋😋😋😋😋總評：⭐⭐⭐⭐✨🗣所有野都好好食呀😍😍大埔既居民好幸福呀🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🏫：大埔運頭街91B地下🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻薑蔥田雞煲仔飯+腊味滑雞飯💰：$61+61-2個煲仔飯都係好食既， 但係滑雞方面比較出色無講大話 d雞真係好滑🐔D飯撈埋煲仔飯豉油 即時提升返出色既煲仔飯 飯焦係好重要🍚飯焦係無燶過 係金黃色既焦 證明佢火喉控制得唔錯💃🏻侍應哥哥 超好人 一開聲就幫你挖飯焦#lamlam脷 指數：👅👅👅👅〰〰〰〰〰〰〰〰〰〰〰〰〰〰〰〰〰白灼鵝腸💰：$80-依家好小地方有得食鵝腸喇！呢到有得食 無得唔叫啦😙鵝腸超爽仲要有膏架 配埋佢地個豉油 真係超好食呢個真係要order #lamlam脷 指數：👅👅👅👅✨〰〰〰〰〰〰〰〰〰〰〰〰〰〰〰〰〰原汁牛腩（牛坑腩）💰：$95+10 （牛坑腩要加錢）呢個真係不得了 ✨食過好多間既牛坑腩都唔係差 但呢間我認為係世界級🏅呢間d腩既肉同油脂好分明 而且好鬆軟 好腍同埋分量都好多🉐🉐🉐🉐#lam

一早到大埔踩單車，友人推薦陳漢記，等了大概五分鐘便入座，店內客人眾多，位置坐得較密。粥餐皮蛋瘦肉粥加配蝦米腸，皮蛋瘦實在一般，偏咸，但算足料，皮蛋瘦肉均不缺少，反而是蝦米腸，蝦米足，而且很香，腸粉滑，晶瑩通透。令人很想再試試其他腸粉。泥鯭粥：35元，但粥底清甜，有少許陳皮香，而且有三條小泥鯭，魚肉嫩滑鮮甜，十分推薦另外叫了一個腐皮卷，份量是從價錢中猜不出來的多，而且即炸，十分香脆，卷內是普通素菜，抵吃！總結：原本打算試煲仔飯，怎料原來六點後才提供，推介泥鯭粥，蝦米腸。不過不知是否客人太多，看到店員對其他客人態度不太好，希望可以改善。

The rice rolls here are amazing!!! the rice rolls are soft and almost melt in your mouth! would recommend just ordering multiple types of rice rolls because they're so good! soup noodle is pretty average but this place is definitely worth it if ur a rice roll fanatic.tasted a lot of different rice rolls before but this place is definitely the best in HK!!! also it's not very expensive so would 100% recommend coming here!