雄記美食

营业中

休息中

🐾 雄記美食 (灣仔) 🐾-牛雜油麵$45香煎蝦米腸粉$18-牛雜油麵:個湯底超級入面，一定係用左勁多隻🐂去煲！😂牛雜好淋，冇怪味👍🏻推介😂😂-香煎蝦米腸粉:想食左好耐嘅煎腸粉，煎得好香口，蝦米味都好岀！都好好食👍🏻———————————————(非專業,完全跟據個人口味☺)食物:8/10環境:5/10服務:6/10人均消費:$50以下———————————————▪店舖名稱: 雄記美食 (灣仔)▪店舖地址:🔸 灣仔克街6號廣生行大廈B座地下B2號舖-----------------------

一個充滿香港人味道的地方💋店主店員好Nice夏天外面興烚烚 佢地會叫你入去涼冷氣❤️我今次選擇午餐時間進食先講講位置-灣仔A2/A4 Exit（英皇附近/華星隔離）標題提左「牛🐂」系最出名牛（粥麵飯都有） 必試不過今次我午餐食左①花生元貝皮蛋豬骨粥-粥底好滑 而且料多②香煎蝦米腸粉（加雞蛋）-加咗雞蛋嘅腸粉 出面應該好少見-好香 配合粥一齊食 「正」-可加甜醬&辣醬 （個人口味）最後 大家可以留意下店鋪的內容 香港加油💪

假期嘅灣仔的確係比較少人，佛誕假期黎到全場不多於三枱客. 由於疫情🦠，探熱同埋温馨提示入店要用搓手液消毒. 另外佢枱同枱中間係有隔板，感覺好安心，一人位，二人位， 三人位因為唔知佢地咩野出名，直接問店員，佢地都好有禮物同好客，熱情咁介紹1. 湯麵 2. 煎腸粉 我最後點左花生元貝皮旦豬骨粥首先佢啲米係煲到消失晒 完全係溶晒係粥水入面，而佢啲花生係放埋入粥入面煲到淋晒，元貝皮旦就唔係一大舊見到，我諗都係煲溶晒. 豬骨係有少少肉，都好淋嘅 唔係煲湯個啲咁乾. 味道係有嘅少少咸同鮮甜. 香煎蝦米腸粉 加蛋一上枱就好香芝麻味，個蛋味好突出，腸粉幾好 唔會話太熱變到溶溶地. 係可以好好咁督起黎食. 如果食開偏淡味嘅朋友，可以叫佢少啲豉油，食食下有少少偏咸，要一邊食粥先得. 食嘅時候好似其他都係熟客，佢地有叫啲枝裝凍飲. 所以下次再試下先店入面放左好多老闆的嘅收藏

呢間我想食好耐架啦 之前放工去佢次次都賣曬 我諗我去左3次都食唔到😂😂今次終於食到啦😍佢所有野都幾好味 怪唔之得咁早賣曬😏😏·香煎蝦米腸粉 加蛋 $23呢個好好味 完全就係我想像中個個味😍😍佢個雞蛋煎得超香口 而且好有蛋味 D腸粉又係勁滑 我食得超開心🥳不過我覺得佢好似無乜蝦米咁 但係因為我對佢敏感 所以呢件事完全唔影響我🤭🤭·#rbyeat#rby港式#rby小黃店#rby灣仔·📍灣仔克街6號廣生行大廈B座地下B2號舖

放工到灣仔買嘢，之前好尋覓美食！當然香港人小店必定支持！這間雄記美食一直好想去，可惜就唔到時間。今日終於可以品嘗一下下午茶有花生蠔豉豬骨粥配炒麵，愛粥的我必試！服務快手又有人情味，設計裝修靚又有心思，為香港人打氣，連音樂都大愛，真的深入我心花生蠔豉豬骨粥好綿好滑，足料又香滑，大大件豬骨好香軟，有蔥粒、有蠔豉、有軟腍花生粒，口感豐富炒麵入味、喜歡有好多粒粒芝麻及入味豆卜，麵口感好正不過，我喜歡淡返少少更健康！

話說同老婆去完電腦廣場買完野行下灣仔，就行到呢間黃店。非常好，好有我地香港人特色，我好中意，而且好乾淨，係一個好難得嘅車仔麵店。老婆就食渣喳，有大半碗係豆，好足料，唔算太甜。不過本身唔食渣喳，肯定佢足料抵食。蝦米煎腸粉。其實煎得好香，個皮都好脆口，啲醬就普通醬，撈落好好食，係香港人嘅味道。但有個問題，蝦米煎腸粉無蝦米係咪唔多好。戲玉到喇，車仔麵。豬腸有好多屎，好有屎香同油香味，食落啲屎好滑，個腸皮好爽，好好食。牛腩麵，係正宗車仔麵牛腩類，即係唔係清湯，又唔係儲侯牛腩。唔算係好差嘅腩碎，炆得都算淋，唔會痴牙。牛根就好林滑。味道唔算太濃太鹹，好好食。舊蘿蔔就超級甜，無根。

喳咋足料飽肚，雜豆軟綿爽口，糖水又香又濃 上枱前再加埋椰汁落糖水，奶香更突出 豬腸粉軟綿滑溜，透薄潤滑 煎香後外脆內軟，口感有層次 入口帶淡淡米香，可惜唔太食得到蝦米 豉油、甜醬、辣醬、麻醬大混戰後味道豐富，而且粗豪隨意嘅風格反映香港街頭小食嘅特色，叫人百吃不厭

#tastytommy良心食店 (大大聲播榮光 貼大量文宣 有參與罷工 支援手足 店員服務好親切 人情味滿瀉!💛)香菇什錦糯米飯 $50一大碗好足料 香噴噴 睇見已經流曬口水!!🤤 仲送左碟菜 呢個真係秋冬必食! 食完全身仲溫暖過握習爺爺隻手🥰香煎蝦米蛋腸粉 $23好掛住美味佳既蛋炒腸粉🥺 香口就一定唔夠美味佳咁香口咁肥膩咁邪惡 不過蛋同腸粉都煎到微微卜卜脆 有少少蝦米香 加埋混醬都好惹味😋牛什油麵 $50牛什麵係呢間既招牌菜! 試左兩啖個牛湯 個味好濃好複雜 感覺好堅料😳 友人話d牛什都唔錯~咖哩牛腩飯 $53咖哩幾濃幾辛 牛腩牛筋就比較碎濕濕 店員見我地咁大食 仲幫我地添飯😂糖水有渣咋同腐竹糖水 可惜渣咋賣曬 而當日大約4 5點已經賣曬所有野準備收舖 要食趁早😂btw原來呢間雄記係幾年前獨立出黎發展 而佢既兄弟店“強記美食”連續幾年獲得真米芝蓮小食推介架 同埋都係黃店 亦都係呢間附近!💛

今日lunch time 難得有空閒, 好有興致咁過去灣仔區搵啲從未試過嘅小店試吓😚灣仔區餐廳仔數量算多, lunch hour 都幾繁忙, 嚟到呢間雄記門口已經有人喺度等緊堂食, 自己一個人就打算買外賣。入到去成間餐廳都滿座, 播住音樂, 非常有人氣, 走到埋去收銀枱, 老闆娘叫我等一等, 眼見成間餐廳得老闆同老闆娘兩個, 做到踢晒腳😅 似乎餐廳都有好多熟客, 有啲自己落order, 熟手嘅有啲自己招呼自己😆 有趣! 由於人多, 落order 加埋等外賣都足足15-20分鐘, 但可以企喺店入邊吹住冷氣等, 還好😌人氣牛雜麵一碗, 個湯底好濃, 牛筋牛肚好入味軟硬度啱啱好食得出係用心煮嘅, 加上店內濃濃嘅人情味, 仲有親切嘅老闆老闆娘, 係一間值得支持嘅小店!

佢哋個牛筋麵湯底濃，但又唔會口乾。用料好正，啲牛筋軟硬剛剛好，雖然係好簡單的一餐，而且有香港的歌伴底。食得好舒服。裡面嘅員工服務態度非常好。有啲返屋企食飯嘅感覺。

今日lunch不想吃太飽比較想吃吃麵openrice找到這家小店車仔麵lunch時間大概1:20 分來到幸運地2 人檯剛好有位 不用等裝修很新而且很有心思有很多懷舊玩具在店內還有很有香港本土味道的裝飾店員服務很快而且有禮食物種類不算很多就和同事點了一人一個車仔麵 叫了加腩汁他的牛筋豬皮時菜他說牛筋很軟很好吃我點了牛肚魚蛋魚腐牛肚入味好吃魚蛋真的很普通魚腐只有1 件太很大 味道很好重點加了腩汁 令湯底味道變濃厚不知不覺喝了一大半價錢不貴 一定會再來

一入去就會見到好有氣勢嘅「牛什粥粉麵」老闆及老闆娘都很友善，健談有禮，時不時都會同客人互動，有講有笑，令到本來好趕，只有一個鐘頭食晏嘅時間，頓然放鬆左好多，多謝您哋！鴨腿已經炆到好腍，肉質嫩滑，味道清香又不帶羶味，配埋冬瓜＆冬菇，都幾開胃。牛腩軟綿腍滑，咖哩味濃，微辣，食食下先覺得辣，最後要加支樽裝可樂解辣，只係$5咋～成間舖都有好多收藏品，最鍾意就係呢個霓虹燈裝飾店內充斥着屬於香港人嘅文宣，無間斷播放屬於香港人嘅歌，真係要多謝老闆＆老闆娘預留左呢個位置幫手宣傳及支持！

要搵屬於香港人嘅餐廳，今日就試咗呢間車仔麵。睇咗網上食評之後，叫咗蘿蔔牛腩同埋雞翼，加咗咖喱汁。蘿蔔好冧冇渣牛腩好冧入味同埋唔難咬，個人覺得比九記更加好食。雞翼都好冧、好入味、好易食同好好味。湯底唔錯，食完唔會好口乾！兩個人埋單$100有找，好抵食！👍🏻

一個人的lunch，又係時候試下新野，最近食飯都有一個新指標，你懂的，今次去的良心小店，招牌懷舊牛什、豬裝骨粥及蝦米腸粉等地道小食，我地呢班打公仔，彈性食飯時間，一於去食下午茶，店子位於食肆林立的街道，綠色的門面都幾搶眼好易搵。 小小的店子，燈光明亮，有電視睇，牛什粥粉麵招牌及一些擺設，帶有懷舊之感，牆上兩層木架擺放了多款模型及玩具，十分觸目，但最令人關注的，當然是牆上的文宣張貼，播放著願榮光歸香港歌曲。 見到下午茶，都幾抵食，本身叫想要喳咋＋香煎蝦米腸粉，但腸粉太受歡迎賣晒了。 之後見到另一個餐牌﹐見咖喱牛腩幾吸引，一於叫呢個試下。 咖喱牛腩撈麵﹐＄45，牛腩份量適中，肉質軟腍鬆化，細細粒薯仔食得方便，而撈麵及咖喱份量頗多，麵條幼身爽彈，每啖撈麵都食到滿滿的咖喱好滿足，咖喱味道濃郁少許辣，味道不俗呢。食物味道幾好，老板娘好nice~ 下次一定要試香煎蝦米腸粉呢。

好鍾意食車仔麵嘅我又黎踩踩點🤟🏻點樣為之一碗好食嘅車仔麵呢❓🔎湯底：濃&食到最後唔會因為多味精得嚌而口渴🔎餸：e.g.蘿蔔冇渣係最基本今次係度食呢碗車仔麵完全滿足到我對湯底同餸嘅要求🤩叫左雞翼 蘿蔔 豆卜油麵湯底叫左牛湯&咖哩汁 所以係非常濃味~~🤤雞翼超級淋 吸住d湯 食到淨返d骨🦴蘿蔔冇渣😌有d後悔嘅係應該叫牛腩 會再去試埋用$狠狠懲罰佢嘅😂😤仲有自家製野飲😗叫左薏米水 重料到~~滑滑的帶有小小黏稠🤤Yum yum😋其實係喺黃店list見到👀💛小店有人情味☺️雖然好早11點幾去食 已經見到店員(?)定老板娘(?)同兩枱街坊傾計 有講有笑😇見到我想睇電視但個位睇唔到 好親切咁叫我過對面睇😝btw冇播cctvb抵讚對住外國客人同樣親切 對答自然 仲有特登播英文版嘅願榮光歸香港👍🏻香港人加油💪🏾🇭🇰🇭🇰