雲南風味過橋小鍋米綫

营业中

休息中

好耐無食過集團式米線. 今日突登過黎深水埗食米線.一坐低就有一壺茶, 我揀咗食雞肉+豬潤 (2味$38), 價錢相宜.豬潤不會腥，清湯底夠味, 雞肉入曬湯味，大碗配料份量十足.食完飲返杯荼, 非常好!!下次搵埋d朋友一齊試下個氣鍋雞, 見隔離食到好滋味!!

呢間雲南米綫平時座無虛席，入面一張小圓枱要坐5-6個人，不過因應疫情好多人改為買外賣，所以店內人流唔算多。今日我自己單拖一個嚟，就選擇咗堂食，坐低快快趣食碗風味米綫。見佢餐牌選擇以為相當之豐富，但其實就係有唔夠10樣餸俾你揀，包括咗炸醬、雞肉、腩肉、豬膶、魚蛋、火腿，然後有酸辣同甜湯，仲有就係呢度比較出名嘅黃鱔，同埋汽鍋雞。因為得我自己一個，所以都係簡單點個炸醬魚蛋米綫。餸嘅份量頗多，魚蛋有4粒，炸醬起碼有2大湯匙。味道方面，米綫係爽口嘅，魚蛋嘅質感好特別，唔係彈牙但又唔係淋，唔識形容，粒魚蛋好輕身好似食緊空氣咁至於佢嘅炸醬，我就覺得偏鹹，最後我都冇食哂啲炸醬，因為實在太鹹。今次呢碗米線我就覺得一般般啦，但佢受歡迎一定有原因，下次要試吓佢嘅黃鱔米綫先！

晚上6點幾的時候，店內已經坐滿人，等左一陣姐姐好熱情咁叫我地去，我一開頭有d 嚇親，姐姐的熱情招待令我覺得不自在😅見到枱枱都食氣鍋雞，咁我地都唔執輸叫埋一份，再加炸豬扒氣鍋雞，雞同埋雲耳都超級多，2個人都食唔晒，佢將d雞放入鍋入面，隔水蒸，所以d雞汁係晒個鍋入面，雞表面佢放左好多胡椒粉，可能係避開d 雪味，味道唔錯，只係唔夠滑（我覺得）另外叫左個雲南米線，包一碗米線，生菜，腩肉，豬潤，火腿，湯有小小辣味，不過不失叫了一份豬排，佢一份分左3小份，即叫即炸，好脆口，肉有彈性唔霉肉，我自己覺得多左小小酒味，但都好食

呢日經過深水埗，想食啲濃味野，決定咗去食雲南米線。.我揀咗食雞肉同埋炸醬，啲雞肉配上清甜嘅湯底，出乎意料地好味。.而炸醬就好香濃，而且份量都幾多，夠我食晒成大碗米線。.可惜韭菜、芽菜都唔叫好多，如果多啲嘅話會更加健康。

我十幾年前住附近，都會經常食，都ok ，自從搬咗屋後就無再食，相隔十幾年，最近剛經過買兩碗外賣返屋企食，因路途遙遠，米缐同湯分開，自己係屋企煮番熱D米線。一碗豬潤酸辣小窩米線，完全無酸又無辣，D酸菜又係無味，成碗米線係完全無味👎🏻👎🏻👎🏻。另一碗炸醬黃蟮米線，大部分係豬皮（本人唔鍾意食豬皮）有大約4至5舊黃蟮，呢碗同樣無味👎🏻👎🏻👎🏻。簡直係垃圾。我從未食過咁難食嘅雲南米線。

今日同男朋友經過 見到甘多人排隊梗係唔輸蝕，排隊入去試下見佢價錢都唔係貴 又傳統老字號feel坐低甘似飲茶feel叫左個炸豬扒，都ok好味然後呢個三味麵...食完完全唔明點解甘多人排隊。。。不過平平地，米試下，埋單都係$100

不嬲都好中意食米線，亦都好中意周圍試未食過既米線，好食就梗係會回頭再食啦！------------------------------------------------------------今次黎到深水埗呢間米線……因為上網SEARCH到有人話好正所以黎試下，結果係勁失望------------------------------------------------------------其實D送同米線都冇問題，佢仲有茶任飲，唔怕熬既話連飲品都可以唔駛叫……….但好可惜既係出事係佢個湯底，我叫左酸辣（同埋估唔到酸辣都當係一個送），一黎就梗係試下個湯先。。。點知一飲已經覺得好咸。。。成碗野都唔想食。。。。唔知係咁岩我去個日係咁定佢平時都係咁既味，如果平時都係咁我真係唔會再食下次。。。。。不過呢次食完之後我都唔會再下次。。。。

今晚到這間雲南米線吃晚餐。米線店我們至愛這間，一向水準唔錯，來吃晚餐嘅時候，已經係晚上九時半， 仍然有好多街坊幫襯， 差不多坐滿晒人 。座位有d逼， 但算企理，有特色。點咗~ 豬潤雞肉米線二味 $38咁多年來味道依舊， 清湯底夠味，米線爽滑，豬潤軟腍爽口，配料份量十足， 夠曬大碗。~ 雞肉米線 $33雞肉肉質好滑， 配料有腐皮、 韭菜、芽菜， 是一碗好好食的米線。灼芥蘭$17店內有提供普洱茶， 飲杯熱熱哋有香氣嘅普洱茶，非常好。價錢大眾化

講起米線好多香港人心中都有一個排行榜。雖然每個人嘅口味、要求都有唔同，但我今日介紹依間米線係令到我個排行榜要重新檢討下。依間嘅餸菜選擇都有好大，又有好多人都會去食嘅汔鍋雞。所以如果平時午餐都有好多人去食。而我今次就係晚上食，都可以唔洗等位。今次就叫咗小窩米線同黃鱔腩肉米線。佢哋嘅小窩米線係會分開另上，非常特別，可能係怕啲湯好快就浸淋米線。佢地嘅湯好好飲，米線又好彈牙。成件事都好配合。如果鐘意食鱔同米線嘅，我諗依間都應該無介紹錯啦！

自己對這家米線情有獨鍾，基本上每次來到都會吃它的黃鱔米線，雖然這幾年已經加價不少，但還是挺喜歡吃的。 這天與另外2個大學同學聚會，來到這裏吃米線。我叫了黃鱔米線，另外兩位同學也跟著我叫了。我還叫了一份炸雞翼。不消一會雞翼就上來了。我先吃雞翼，這家的炸法很特別，外皮脆而且跟裏面的肉是分開的，裏面當然也很嫩，而且非常夠味。黃鱔米線也來了，雖然貴了，質素仍然很好，香，夠味，整個湯微辣剛剛好。 不過黃鱔略顯少了點，豬皮反而占挺多的。

今日經過深水埗，試一試這間米線。這間米線真的很耐歴史了。黃鱔米線又真係吾係度度吃到。 雞肉好滑，配辣椒醬感覺很清新。滿滿豬皮，好入味。吃完，很飽， 很抵食呢。 茶水不收費， 是街坊良心店。 有機會會再來試吾同既組合。

同一般米線好唔同既係，一坐低就有一壺茶，同丫姐會問你食唔食汽鍋雞個汽鍋雞收費絕不便宜，要95元，不過我地都叫左個嚟食，估佢唔到，個雞勁嫩滑，好入味，係胡椒豬肚個味既杰身版，下面好多雲耳，吸哂d味，好小食到咁入味又唔鞋既雞，好食！好多料，個人認為絕對值95元雲耳索哂d日月精華，好食炸雞翼14元2隻，熱辣辣，同樣好夠味，個雞醃到d肉都有味，相反，炸豬扒感覺好像吉列豬扒咁，同樣地14元，不過我認為可以不用嘗試😂黃鱔米線，個汁係酸辣汁，唔知點解有埋豬皮，個豬皮索哂d汁，都幾辣，不過30幾元咁足料，仲想點😂😂個人推薦，汽鍋雞同雞翼！

今日要去西九龍中心個邊 又唔想係深水埗個頭食 就搵下長沙灣站附近有咩食啦 由地鐵站行過去都好近 好易搵 鋪頭一點都唔似雲南米線店 反而有點似茶居仔入到去呀姐唔會即刻問你食咩(我覺得好好因為我有嚴重的選擇困難症鋪頭嘅餐牌係大大塊貼牆的我好鐘情於鱔同米線 所以叫左黃鱔魚蛋米線一嚟見到啲餸都幾多，魚蛋都有四五粒(開心 好多鋪頭丸得三粒 黃鱔同豬皮一齊煮的辣辣的 所以我無落辣個米線都夠味 豬皮唔係煮到淋曬個啲爽得嚟唔硬 而且都乾淨無咩毛 不過我嘛嘛地豬皮食唔曬 好講重點-黃鱔 都唔錯 我成碗啲鱔都切得幾粗幾大條 係值得一試 但就未去到話會因為佢再返轉頭食囉佢每碗都有啲韭菜同蔥 但對我呢啲重口味嚟講的話有芫荽就更好了因爲成日覺得米線一定要有芫荽先夠味另一個特別位 佢有茶飲我超鐘意飲茶 佢一壺壺放枱面自己嚟 無得頂呀！

雲南風味過橋小鍋米線係米線界，都算有點名氣由於餐廳地點頗不友善一直都没有去今天路過，一探虛實一進店，看見每人面前都有一碟豬排明顯的，是要叫一碟豬扒試試看咬一口，是鬆肉粉豬扒，炸粉薄感覺還可以吧⋯⋯魚蛋，正常發揮炸醬，可以濃味一點直到食完，埋單⋯⋯我想了很久，很久⋯⋯撇除左塊豬扒，我點了炸醬魚蛋酸辣米線⋯⋯炸醬、魚蛋、酸辣米線⋯⋯為什麼是三味小鍋米線價錢呢？如果我叫炸醬、魚蛋、酸辣、大辣、少米、爽米、走蔥、走韮、走芽、米線，是否十味小鍋米線呢？

第一次幫襯此食店已經是23年前了，咁多年仍能屹立不倒，始終如一也只有這些老店了。以前這裡的生意真的是多到做唔切，隨著時代變遷，各式各樣的米線店洶湧而至，此食店的人流也相應少了，但味道依舊，老闆娘依然在店內打躉，員工的臉孔也絕不會陌生。至愛這裡的酸辣湯底，獨門秘方，去到邊都食唔到相似的味道。酸味與辣味混合得適中，米線煙韌，今次點了豬潤及腐皮，豬潤切薄片，比較易熟，但相對就熟過龍，腐皮則新鮮，份量多。湯頭是全碗米線的精髓，熱辣辣，一邊食一邊飲湯，好惹味😋