雲南風味過橋小鍋米綫

营业中

休息中

雲南風味屹立深水埗廿三十年，那怕是疫情禁堂食門外都大排長龍等外賣，目測估計每日至少賣千碗？究竟乜嘢驅使雲南風味一直排喺米線龍虎榜No.1，係好味定便？🎖黃鱔、雞肉及豬膶小窩米線🍜🤩🤩🤩🤩🤩黃鱔唔食你走寶，什少有米線店會有黃鱔，一處理失當隨時影響口感及味道會一陣泥味。反而雲南風味的黃鱔相當好，黃鱔加上豬皮一齊烹調，吸晒濃濃醬汁認真重口味，口感更相當爽口彈牙，撈埋米線食，非常惹味。個人認為食米線一定要點肉，令烹調湯時加添點肉鮮味（大家可以試一試真係好味啲），所以今次加了雞肉及豬潤，份量相當多認真大碗氣窩雞🐓用氣鍋作器皿蒸雞，用氣鍋整雞的確原汁原味，雞超級大份，除時有一只雞的份量，下面更舖了滿滿的木耳，索了雞的精華，一絕👍👍👍腐乳通菜🥬別看少那普通的腐乳通菜，那濃味辣口腐乳醬相對其他店的稀流流惹味，醬平平無奇的白烚通菜變得更加豐富。呢一間米線屬於重口味之選，鍾意龍尾嘅朋友就啱晒，只係個黃鱔都已經明白長期排行榜首既原因🏆🏆🏆值得推🏆🏆🏆

看到有食評說呢間米線舖係 20  年老店.我心諗, 應該吾止吖嘛,   30 年或以上,  都可能有.嗰時, 依家7.11 個舖位仲係已結業的"智多星" 快餐店賣雜扒飯 (後來先搬去呢間舖對面) ,   斜對面街角嗰時都仲未係教會,  係電影院嚟,  但競爭力跟吾上,  試過一輪" 一張戲票全日任睇愛情動作片"  , 結果, 就算係播其他戲了, 咩台灣文青片 愛爾蘭咖啡 輕舞飛揚,  我都吾敢入去睇,  心理上總形住張櫈有嗰啲野.講遠左,  總之成條街,   歷史悠久程度,  有得同呢間米線舖相提並論,  就係得隔離間粥舖.很久沒來,  要了碗過橋米線,  和一碟炸雞翼.和幾廿年嚟一樣,   都係先上米線和配料 ,  然後再上碗湯,  然後DIY 把所有野倒落碗湯到食.雞肉到現在都係好食,  吾"鞋口" ,  腩肉都係,   不過湯頭好似同以前有少少分別,  啲色好似濃左啲, 味道都有啲吾同左.至於炸雞翼,  就真係以前好食啲,  以前個皮係炸到甘黃, 同埋啲漿冇咁厚身, 但裡面啲雞肉到依家仲係同以前一樣咁juicy .如果下次再嚟,  會食黃鱔米線,   呢個真係似乎係香港咁多間米線

慕名而來呢間歷史悠久既米線舖，但有啲失望網上好多人推薦黃鱔米線，第一次食當然要試啲出名既野先啦入到去每位會有一壺茶，食米線配茶呢個配搭都幾得意。米線係淋身個種，個汁略嫌唔夠辣，花生味較重，另外仲帶啲酸酸地。黃鱔份量好少，成碗大約得3-4舊，仲要好薄，肉質都好鞋，冇魚味；其他都係碎濕濕既豬皮嚟。由於實在太dry冇肉食，另外叫多左塊生炸豬扒，反而有驚喜，豬扒好厚肉，肥瘦適中，炸皮唔會好厚，肉質嫩滑有汁。總括嚟講試一次就夠了～

你而家米線譜永遠都係我嘅最愛由中學就已經食多帶出嚟做嘢再做埋人哋媽媽以前都住深水埗由細食到大搬走咗都要返去食吓懷舊一下米線爽滑黃鱔米線必點的其他地方絕對食唔到黃鱔同豬皮一起一齊煮微辣配米線一流然後加招牌雲南汽鍋雞雞肉非常嫩滑用了鐘底部鋪滿木耳 汽鍋雞汁使木耳非常入味仲有必要油菜芥蘭 好多舖頭嘅芥蘭有季節性唔係時常都有呢個舖頭芥蘭佢時時都有而且佢特別林甜另外招牌菜有酥炸雞翼同豬扒我哋今日叫豬扒非常酥脆肉汁juicy店鋪細細有時係要等位

📍 📍 雲南風味過橋小鍋米綫 (深水埗)深水埗營盤街134號元安大廈地下經常係長沙灣長沒既我成日聽到呢間黃鱔地道米線舖，有成20年歷史，今日終於黎一試佢既風采，每一台都會有壺熱茶，真係別具特色。👉 黃鱔小窩米線 💰40😋😋😋.5/5我就係為左呢個黃鱔小窩米線，米線口感偏淋，原來唔係淨係得黃鱔仲豬皮，兩者索曬d辣汁，黃鱔數量唔多，反而好多豬皮。黃鱔都新鮮既，切成細絲彈牙富口感，份量亦都好大碗。👉炸豬扒💰15😋😋😋/5炸豬扒即炸熱，但有啲油，可以唔叫都得回頭:maybe ，未食過可以試下，但未到會想再食#kermit食在長沙灣

今次order左：雲南汽鍋雞$100黑胡椒味重，d雞都滑，但食多幾舊會覺得有小小鹹。個底有大量的黑木耳，多到食唔晒。價錢可以接受。黃鱔小鍋米線 $40有黃鱔同埋豬皮，小小辣味，今次新試，覺得都係豬膶炸醬好食啲。

深水埗好多地道米線舖，其中有間仲係某網站測評排第一，有成20年歷史🤔係咪真係值得排榜首就要試過先知啦🤡去到係滿座的，不過等左一陣已經入得去。👉🏻最得意係每一台都會有壺茶，飲住茶嘆米線，呢度係加分位🫖-黃鱔小窩米線 $36呢個見到差唔多每台都會叫。米線口感滑溜，唔錯唔錯👍🏻黃鱔同豬皮索曬d辣汁好香濃好鬼正，不過食完成日好口渴🤡黃鱔質感較鞋。另外嗌左其他配料，腩肉一層肥一層瘦，ok嘅！豬潤就薄同硬身，唔建議嗌。雞肉ok嫩，而且份量好多，幾正！🖊️整體味道夠而且抵食又大份，不過心目中嘅no.1暫時唔係佢🤡

之前堂食過 幾好食但宜家疫情都係買返屋企食安全d就買咗個雞肉魚蛋米線同黃鱔米線外賣點知攞得時發現個底全部都係湯以為倒瀉 叫阿姐整好佢整好咗之後就攞返屋企準備好開餐 一打開 真係呆咗係發泡膠粒米線d發泡膠已經浸曬入湯同米線根本分唔走 思前想後食落肚嘅嘢唔好博成碗要掉 唔係嘅話d發泡膠留在身體出唔到嚟仲衰所以一開始個膠兜應該已經係融咗阿姐求其倒咗d湯就算完全唔理d膠融曬 完全無誠意如果無錢送外賣盒就加收$1外賣盒嚟補貼唔好咁樣食死人 買款好d嘅洗死？以後都唔會再幫襯 嬲到震

依間老店由我細細個食到今日霎眼你我已廿幾歲⋯( ･᷄‎ࡇ･᷅ )不過上網見到比其他餐廳比例高好多嘅負評，寫依篇feed之前決定認真睇睇大家點講，發現原來好多人食過都覺得太鹹，酸辣湯底得酸無辣，炸雞翼層皮出奇地厚⋯但我就係鍾意佢夠鹹，湯底夠酸唔辣，炸雞翼層皮咁厚！！不過佢啲豬潤都幾薄身下，想比多啲錢食厚切豬潤呀！！總結，依間老店真係唔係人人啱食，唔啱口味嘅應該會覺得好難頂，啱口味嘅就一試愛上間唔時想翻兜～

好多朋友推介我地嚟食。呢度嘅熱門菜式係汽鍋雞同米綫。🤤雲南(出名)汽鍋雞眼見好多人叫汽鍋雞食，我地食到中途聽到汽鍋雞售罄，我地心諗好彩早一步嚟食到。用一個汽鍋裝住好多雞肉同木耳，雞肉好滑，木耳好爽，份量好多，雞汁仲可以倒出嚟當雞湯飲，不過雞肉越食越濃味。唔鐘意咁濃味嘅要快快手食哂。雲南過橋米綫 (全套) 有好多材料，例如火腿、生菜、雞肉、腩肉等等，份量好多，足夠2個人食。香脆炸豬扒炸得脆卜卜，好大塊。一向自認大食嘅我地😜竟然食唔晒，要打包1塊豬扒攞走。我地後來見好多人都叫黃鱔米綫🧐，睇嚟都係熱門菜式，下次可以再嚟試試。🤩

🍴黃鱔小鍋米綫 38 蚊🐟🍜佢既米綫偏爽口 個湯底酸味勁 帶有少少後勁 後面有輕微辣 🌶️ 黃鱔好足料 長幼身爽彈 唔會腥 黃鱔肉入味 入有 d juicy爽口既豬皮十分 match 🐷🍴雲南氣鍋雞98 蚊🐥用大大個氣鍋裝住 底層超級多木耳 好爽口 雞肉好多 分分鐘有一隻細雞 計番98 蚊又 ok, 雞肉 有 d似雲耳蒸雞甘 雞油味香 雞肉比較煙韌 幾有大陸雲南風味🐥 🍴豬潤腩肉米線39 蚊🐷🍜佢湯底比較酸同微辣 豬潤切得比較幼身最緊要夠熟 同有咬口🐷 腩肉係有一半肥膏 但凝固左 所以食爽夠爽彈 肉質夠豬肉香味 唔錯#酸辣米線 #米線 #雲南米線 #黃鱔 #豬腩肉 #豬潤 #豬皮Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#雲南風味過橋小鍋米綫深水埗營盤街134 號元安大廈地下~~~~~~~~~~~~

超隱米線專門店 呢間歷史都幾耐了 最近興起食麵線熱潮 好多小店比人介紹左我都專誠去試下佢既招牌米線 同氣鍋雞肉腩肉魚蛋肉醬米線 魚蛋大大粒加上酸辣湯底加肉醬撈埋麵線一齊食味道又香又濃!魚蛋彈牙 腩肉肥美皮爽 份量超大碗湯底好飲另一款係豬皮加肉醬 香辣肉醬加小辣酸湯底 米線吸曬汁之後非常好味 麵條又滑又香 氣鍋雞一上菜既味道已經非常香 芝麻雞肉薄肉嫩2個人份量剛好! 雞肉嫩滑食到酒香同胡椒味,底層係木耳吸曬湯汁精華好美味雲南風味過橋小鍋米綫深水埗營盤街134號元安大廈地下消費$200評分7/10

去到深水埗見到尼間米線，應該二十年前食過，一於再試試因為已經唔記得係咩味道。因為係星期日、等位都等咗二十分鐘。叫咗黃鱔鷄肉小窩米線、豬膶腩肉小窩米線、一份炸豬扒，由於係等位期間已經落單，所以好快有食物上枱。黃鱔應該其他地方好少有，所以要試吓，佢係黃鱔夾住豬皮一齊，黃鱔都爽口。不過整體感覺係味道普普通通，可能習慣米線可以有辣度揀，而尼度冇，所以湯底偏酸，辣椒油又有啲益味，唔係好啱我口味，試過就算。

長沙灣同深水埗中間有一間人氣十足嘅米線店名氣一定唔夠老x娘同葵涌果間但佢係當地嘅街坊嘅飯堂,也是我一個外區人會去食嘅飯堂一個星期起碼食2~3次，佢味道唔特出，就好似米線咁，間間都有自己嘅味道炸醬雞肉腩肉米線，份量十足，唔似最出名嘅連鎖米線店咁，佢d 食材係新鮮嘅，唔係工場運過黎炸醬真係有肉，同冇連鎖台果d 膠味雞肉，唔會比小小，係比好多腩肉，係大大塊，我叫開瘦嘅，因為會多d 肉，小d 肥膏墨丸腩肉雞肉米線全部都係正常，係份量取勝湯係唔辣，唔洗加錢我會自己再加辛辣油，咁就perfect其實佢仲有出名嘅汽鍋雞，一個人嘅我食唔到咁多兩位黎食可以share,都係好出名，好多人叫的。同好快賣哂。

小時候在長沙灣長大, 附近的食店都轉變了不少, 很多以往的老店都受不住這二十年來一切的變化。這次到來, 一再品嚐這碗黃鱔小鍋米線的老味道。餐廳內的一切都與小時候的記憶相約, 像茶樓般的擺設, 每枱有壺熱茶與茶杯, 座位不多, 與陌生人搭基本上是必然會有的。每次到來也只會點一款食物, 黃鱔小鍋米線, 可說是二十年來自己一成不變的固執。他們所泡製的黃鱔配估豬皮醃在他們的秘製醬汁內, 放在米線上份量很滿足。米線湯底很淡, 幾乎沒有什麼味道, 唯有把醃製的黃鱔醬混在熱湯內, 令其味道散佈在整碗米線。 醃黃鱔本身味道非常濃, 也突顯出其特色, 記得以前黃鱔與豬皮比例各佔一半, 可惜餐廳成本卻是美食的最大敵人, 隱約只找到4~5條黃鱔在碗內。另外點了汽鍋雞, 這也是我第一次破例點的。不但是米線份量本身已經很足夠, 售價也差得很遠, $98的一鍋蒸雞與$38的米線相比下, 沒太大誘因去選。上枱時用香爐似的器皿盛上, 中間有煙囪, 似乎是要令蒸汽在食物內更均衡的覆蓋。鍋內的食物外觀與味道上跟雲耳蒸雞相似, 雞件上的胡椒味最為明顯, 口感算滑, 不會有乾巴巴的感覺, 整個份量很多, 足夠2~3人分享。這