雲壽司 (聯成商業中心)

营业中

休息中

銅鑼灣物價一向都高啦，估不到竟然有間食OMAKASE的小店價錢不貴、合理又質素還要好新鮮！有時自己一個食晚餐都好開心的呀～今次自己點來吃OMAKASE！OMAKASE分了三款，小編點了中間的一款，有4款刺身、7款壽司以及1款手卷，以及包了1碗麵豉湯～比較特別的是OMAKASE是一整碟上，不是逐件上。XD刺身來講，小編一定要為大家介紹大大隻生蠔！好肥美，帶少少海水咸味，感覺都好新鮮～另外是鮮帶子，超鮮甜呀，好好食。正因為好鮮甜，所以要食就不要點醬油啦！不過吞拿魚來講，看看油脂就知較油膩，所以點一點WASHABI可以幫忙解點膩喔。壽司最最最喜歡是海膽壽司，真是超級香甜！入口即融，有種幸福的感覺！XD 而白蝦壽司都好好食，夠晒鮮呀！壽司7件再加手卷其實都好夠飽！超滿足的一餐。

銅鑼灣其實都幾多食廚師發板嘅餐廳，但係我真係食唔起，因為真係太貴啦🤣就係呢一間餐廳二三百左右，而且位置都幾方便，喺銅鑼灣地鐵附近，所以都想自己一個嚟試吓。除咗廚師發板之外，亦都可以嗌壽司或者刺身，咁樣食嘅話都唔會好貴。我自己嗌左呢一個壽司拼盤，壽司拼盤大概有十舊咁多，包括在海膽、赤蝦、吞拿魚茸、三文魚子、拖羅、油甘魚等等。呢個海膽真係正到喊，除咗夠鮮甜之外，仲要好大份，真係食完一舊好想再嗌。佢啲紫菜都幾脆身，壽司嘅飯粒都幾結實，而且軟硬適中。赤蝦都幾甜，食得出幾新鮮。

銅鑼灣原來有咁平嘅廚師發板，二三百蚊就食到幾高質素嘅壽司，好平都幾抵食。壽司拼盤啲料一啲都唔馬虎，有拖羅、海膽、吞拿魚茸等等，尤其是佢嘅海膽食落去都幾鮮甜，份量亦都好多。佢嘅飯粒都幾結實，份量唔係好大，但係咁樣先食得到刺身嘅味道！而我朋友就嗌左個刺身丼飯，如果驚唔夠飽嘅話呢個一定夠飽！牡丹蝦好大隻，佢個頭有好多蝦膏，三文魚子粒粒都好飽滿好大粒，而且都唔係好腥。服務環境都幾好，上菜速度幾快，價錢都合理！

今日我哋去咗雲壽司食午餐，食咗一個廚師發辦餐，翔Sho $380 ，有10件壽司、手卷一條同埋麵豉湯呢間餐廳嘅座位係圍住吧枱，可以望到師傅握壽司，係一間有日式風格嘅小店壽司有10件，都係師傅即握即做，根據每一日最新鮮嘅食材提供，最特別嘅係一款叫做剝皮魚嘅壽司，魚味夠濃，而且壽司飯軟硬適中，呢款魚類要比較少見手卷係拖羅溶手卷，包住嘅紫菜亦都夠脆！另外其中一款壽司係海膽塔，海膽非常鮮甜，真係忍唔住想encore！最後飲埋碗麵豉湯，完結了今餐午餐！

最近除左壽司郎之外 都好少機會食壽司😫大半年前已經想食 但一直夾唔到平日lunch黎食🥺因為抵好多呀🤓終於食到啦😋店面好細 平日lunchtime都等左大半個鐘🙈壽司的確好新鮮😍高質呀🤤💕🍣特上壽司拼盤 $250吞拿魚腩我expect係粉紅色而唔係紅色 入口有驚喜 有油脂感仲會微微融化✨魴鮄第一次食 好中意個口感 爽口帶點筋 清清地既魚味唔腥✨三文魚子 火炙左口魚邊 蔥吞拿魚壽司都好食😋深海池魚我一向麻麻地 我覺得會有少少腥 但呢度配埋薑蓉同蔥 都ok😆🍣自選壽司12件 $188試左火炙三文魚腩, 火炙金線鯛, 真鯛, 帆立貝, 赤蝦~ 覺得三文魚腩可以再肥美d同重魚油香d🙈但整體上全部都好食好新鮮☺️💕

如果喺香港食開壽司都知道能夠拎到米芝蓮嘅為數不多，黃埔翔太壽司就係其中一間，之前食過真係好回味，但係位置有啲遠，對於住喺港島嘅我特登去都有啲唔方便。適逢近排限聚令終於放寬，又竟然比我搵到佢喺銅鑼灣開咗間新分店，二話不說搵到日放工去食，水準依然保持得好好😛——————🐽 特上壽司拼盤 $250（吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鮄、蔥吞拿魚腩壽司）壽司拼盤一上枱說知道個新鮮程度已經為之一絕，一次過可以試到咁多款至愛，真係好幸福😍師傅將刺身切到厚薄啱啱好，值得一讚嘅係壽司飯嘅大小，絕對唔會蓋過魚肉嘅風頭🤣吞拿魚腩真係好令人回味，食落口一啲都唔腥，滿口魚油真係有滿滿既幸福感🥰而牡丹蝦同赤貝質素都好高，同一般連鎖壽司店食到嘅貨色好大分別，一啲都唔會有腥味而且新鮮度十足，海膽亦都係另一個亮點，食落口好creamy而且絕對係香港少有可以食到嘅質素😎

二人行 。今日好想食壽司 。行黎行去搵食...行到銅鑼灣 ，見到呢間新開壽司店。呢間壽司店由年輕師傅主理 。睇一睇門外餐牌 就決定試吓！點左一個自選12合同埋一個北海丼 。午飯時間送味噌湯同沙律。 北海丼魚生新鮮...款式都多 由服務員遞上檯 哇 好靚呀吞拿魚腩好多油花 油甘魚又好厚 樣樣野都好好味！自選12件壽司 都好新鮮 手握壽司 啲飯仲係暖的總括嚟講 材料新鮮 價錢合理 銅鑼灣地段 優質小店！ 埋單計埋加10%服務費 $414 .....

用餐時間：普通星期一 1415我地三位總共叫左2個$450 set，1個$380 set。我今日主要食$450set既，所以就會介紹翻呢個套餐。大拖羅(評分:4/5) : 新鮮，入口即溶，好似食緊和牛，不過size偏細。鮑魚(4/5)赤貝(3/5): 爽口，不過少少腥味。鰤魚(2/5) : 比平時食開既鰤魚猩。用火燒過既金目鯛更加香口。魚上既醬都幾特別幾好食，不過唔記得係乜。海膽份量超多，而且質素好高，好鮮甜，入口即溶，而且一啲苦味都無。第二件經過火燒既魚，睇黎餐廳比較引以為傲既壽司有部分都係炙燒壽司。呢舊都係炙燒既，個人幾鍾意呢度既炙燒壽司。第一次試呢個魚肝，食落無乜味道，不過都可以接受既。吞拿魚蓉好肥美，紫菜都好脆。好少飲到咁保到熱度既面鼓湯。師傅每舊壽司都會主動介紹翻，有時我聽唔清楚佢都好樂意再介紹多次，態度幾好！呢個套餐最後埋單連加一就係$495。食物整體上都唔錯既，不過感覺食物質素同其他omakase有少少距離。

好多人推介雲壽司性價比高，終於搵到機會嚟試下！特上壽司拼盤嘅組合好豐富，午市定食奉送沙律同麵豉湯；依度嘅壽司醋飯帶黏性唔易散，醋嘅調味剛好唔會搶咗魚生嘅鮮味。三款軍艦壽司都好滿意－海膽味道甘甜，份量多到就快跌出嚟；葱呑拿魚腩夠肥美；三文魚籽好飽滿，同普遍鹹香嘅魚子唔同，食落更鮮甜。另外印象較深嘅有油脂豐富嘅呑拿魚腩，冇筋位食得更滿足；左口魚裙邊火炙過後入口即溶；赤貝肉質爽厚鮮味十足；鯖魚冇腥味仲充滿魚油香。食住壽司聽住經典嘅悠長假期《La La La Love Song》，幻想緊自己喺日本☺️

好耐冇食壽司啦🤤 呢間成日見到bloggers share，想食好耐啦🤩咁啱呢日去到銅鑼灣，決定對自己好啲，試左餐廳嘅壽司拼盤😋真係一試難忘！小編遲啲應該會再去！特上壽司拼盤（$250）呢個拼盤好豐富，總共有十款壽司🍣，款款都好新鮮🤤 吞拿魚好重油香味🤩海膽好鮮甜，一啲都唔會腥🥰左口魚邊係小編最愛❤️入口即溶😋 三文魚籽晶凝通透，一咬啲鹹香味即刻充滿口腔🥳 牡丹蝦大大隻，肉質爽彈鮮甜👍 其他都唔錯，都幾新鮮！☺️

上次嚟呢間銅鑼灣高質壽司店食過佢哋嘅魚生飯🍚，由於實在性價比太高，所以阿叔又忍唔住要再嚟encore😅！有咗上次對佢哋嘅信心，今次決定再食好啲，一於幫襯吓佢哋嘅廚師發辦先👨🏼‍🍳！呢度嘅廚師發辦有3款，價錢分別係$380、$450同$680，下晝嚟食晏，當然叫個平少少試吓先啦！😛.翔 ($380) 包括1碗麵豉湯🥣、1款手卷同10款壽司🍣。壽司當中有北海道牡丹蝦、赤貝、針魚、池魚、吞拿魚腩、銀雪魚、左口魚、呑拿魚面頰肉、帶子同北海道海膽。.店員特別推介呑拿魚面頰肉，的而且確好少喺其他壽司店聽到有得食。切成片嘅面頰肉，因帶有筋位，所以都會輕輕面頭炙燒🔥，炙燒完嘅面頰肉油花香口，入口即溶。另外，呢度嘅赤貝同海膽都係阿叔嘅心水推介💁🏻‍♂️，前者非常爽口，後者顏色呈橙黃色，味道濃厚甘甜。不過10件當中，拖羅繼續係我嘅至愛，粉紅色嘅魚腩，油脂分佈平均，非常肥美。🤤🤤🤤

聽聞呢間小店成日都好多人排隊🙈見佢係米芝蓮師傅即叫即握，今次經過呢度見人少少就排一陣啦😆真係好耐好耐冇食過壽司啦🤤🍣 特上壽司拼盤 $250總共有10件，每件壽司都握得啱啱好，唔會一夾就散，而且壽司飯都好香，深海池魚肉質比較爽勁厚切又勁鮮美，牡丹蝦識落有一種膠質嘅感覺有少少黏口，鮮味十足😋赤貝爽口鮮甜，而且師傅仲好有心機係上邊𠝹花😆海膽，係我超鍾意食嘅海膽，一啖咬落去海膽同飯溶埋左一齊，海膽嘅份量多到我以為自己淨係食緊海膽😆三文魚子，每粒都係大大粒，係有鮮味唔係淨係得個咸字😎鯖魚 我係第一次食，個感覺又幾好，唔會好腥，肉質幾彈牙🙂今次純粹係路過口痕好想食壽司，試過超高質，下次要試吓omaskse先😁.

間唔中離開銅鑼灣呢，都會幫襯下雲壽司嘅，因為覺得佢嘅魚生真係好新鮮啦食物質素高啦，而且價錢呢，性價比非常之咁高嘅😍由於疫情關係，我哋預約咗五點，比較早少少嘅晚飯🥰🤗😬特上壽司拼盤🍣😍🥰🤩🙌🏼必食推介😻其實真係好掋食㗎，咁嘅級數喎👍🏼👍🏼👍🏼有我人生最愛嘅海膽😽勁鮮甜，吞拿魚腩都係一百分💯，深海池魚keep到咁好食😋，赤貝好爽口，好好味😋，蔥吞拿魚腩，份量好多👏🏼魚腩好正，讚👍🏼，火灸左口魚邊，都幾好，但未去到the best☺️，算係中間嘅位置，鯖魚同魴鮄，食完無留下深刻印象🧐三文魚籽，粒粒都咁新鮮，好甜，我無食到牡丹蝦，友人話幾好食，爽口新鮮。賣相方便呢係值100分嘅，IG-able ，佢嘅排位都有心思🥰睇到張相又開始肚餓啦🤣😂由於呢我哋係諗住提前食晚飯嘅關係啦😎我哋除咗個壽司拼盤之外😋仲叫咗個北海道丼飯😍非常之咁吸引🤩重點呢，點解要叫，係因為佢有好多海膽🥰🥰🥰我最愛嘅海膽🥳三文魚，呑拿魚好厚切😬😬當然其他刺身都一樣咁新鮮🤤呢個係想食得有飽肚感嘅推介😆✌🏼️

疫情之下去日本旅行實在遙遙無期，朋友介紹留港都可以搵到高質日本野，今日試既係壽司]，一去到見到個門口已經覺得好有日本Feel !!叫左壽司拼盤]，有幾種平時唔係咁常見既魚，鯖魚平時多數係熟食，刺身就無咩味，口感偏爽口、依種魚我真係未聽過，口感比鯖魚更爽口，有少少渣，唔係我鍾意既味道、深海池魚就成日食，係我最鍾意既刺身之一，深海池魚好有鮮味，口感唔會太爽，我覺得岩岩好!仲有其他就係較常見既魚同壽司，有牡丹蝦、三文魚籽、吞拿魚腩、蔥吞拿魚腩壽司、赤貝同海膽都好新鮮又好味，但火炙左口魚邊有少少韌，整體水平好高質，HK$250真係幾抵食!賣相超惦，HK$188黎講，真係比得好足料，三文魚肥美，海膽同三文魚籽比得都好多，要黎撈壽司飯真係一流，赤貝極爽口，食落似象拔蚌，油甘魚有好香魚油味，材料上乘，牡丹蝦都好大隻，壽司飯都份量多，唔會唔夠食，依餐食得好滿足!值得一讚既係壽司師傅既態度友善，有耐心解答我問清楚邊種魚係邊舊壽司，令我可以長知識!

🎏屬於自己一個人嘅時間, 坐喺壽司吧檯前, 食啖新鮮刺身飯, 飲啖熱抹茶, 就當係瞬間轉移, 快走了日本一轉⛩️▶️北海道丼 HK$188吞拿魚腩, 海膽, 牡丹蝦, 油甘魚, 三文魚, 三文魚子～おいしい🤤 いただきます🙏魚肉厚切兼肥美, 赤貝爽甜, 三文魚籽粒粒飽滿～ 附送沙律及麵豉湯～🍵抹茶粉茶味香濃 (最怕有啲餐廳嘅抹茶粉只係有色, 但完全冇茶香味)💬店內播嘅music有廣東話歌嘅純音樂, 同埋日文歌🎶如果可以全播日文歌嘅話咁就更加日feel啦‼️🙋🏻‍♀️好耐之前都食過呢一間嘅自選壽司, 覺得質素唔錯, 今次再嚟幫襯, 佢啲質素依然keep到, nice meal!