雲川 米線．紅薯粉 (富麗大廈)

营业中

休息中

食米線首選一定係雲川（唔知點解印象中係叫雲川燒🤣紅薯粉口感唔係我杯茶，米線就無得輸豬頸肉世界級好食，麻辣湯底好香，中辣岩岩好，遲啲可以挑戰下大辣🌶🌶🌶餐廳環境睇落都乾淨，之前等外賣嘅時候見到門口出面有超級大隻曱甴，不過唔喺舖頭入面，所以堂食都ok，不過等外賣就真係有啲驚🥶

朋友話要嚟哩間傳聞好好食嘅米線，屯門限定，因為5間分店全部都係屯門我哋嚟到嘅時候差唔多下午3點，估唔到閒日哩個時間都可以坐到爆滿，要搭檯先有位，地方比較細朋友叫咗個麻辣小窩米線加豬扒同腐皮蝦卷唔會好麻同好辣，適合唔係好食得辣又想食辣嘅人，如果嗜辣嘅朋友應該會覺得唔得，不過勝咗飲完唔會口渴我就叫咗鮮魚湯小窩米線加蘿蔔同豬頸肉鮮魚湯好味，好鮮，蘿蔔清甜，豬頸肉香脆惹味朋友原本仲想叫脆皮豬大腸，可惜我唔食內臟，佢一個人又食唔晒，佢話下次有機會再嚟會試吓

位於屯門既雲川有幾間分店，相信好多人都食過，我去開屯門都會試下唔同分店既水準～今次試左虹橋店，環境光猛夠冷氣，座位唔會逼！近排天氣酷熱推薦大家試 熱拌米線/紅薯粉😋鐘意食湯米線/紅薯粉亦有四款湯選擇，個人推薦豬骨湯/鮮魚湯，同樣出色✨必點燒豬頸肉🤭1️⃣熱拌紅薯粉 豬頸肉·豬大腸 $53💯推薦熱拌紅薯粉，配蔥、芽菜同埋辣肉碎，份量充裕，食落幾惹味！紅薯粉食落煙煙韌韌，粗幼適中吸晒啲辣肉碎汁，超正，如果揀三餸嘅朋友另外推薦加腐皮，掛湯一流🥰今次揀咗豬大腸同埋燒豬頸肉，豬大腸滷水好入味、淋身幾大舊，好味！燒豬頸肉份量幾多，燒得啱啱好唔乾，有微炭香味，切成一條條口感極佳。2️⃣家鄉銀針粉 $38見有新產品銀針粉就試左，揀左清湯，份量幾大碗，可配最多兩款餸，每款加$10。依款銀針粉配秘製辣菜莆，菜莆食落香辣脆口，銀針粉口感煙韌，幾夾幾特別，清湯都幾清甜，湯底有少少蝦米、肉碎、冬菇、蔥花同埋生菜，食落幾健康。3️⃣香茅豬扒 $32依款香茅豬扒都有兩大塊，黎到已切件，食落厚身唔會太淋同鬆，味道都唔錯唔會好油膩，香茅味都幾出🍜勁滿足🤣4️⃣炸墨魚餅 （3塊） $38平時食開脆皮花枝丸，今次試墨魚餅係另一種口感，感覺

住屯門嘅冇理由冇食過😤😤暫時係心目中no. 1嘅米線( ´▽` )ﾉ佢嘅米線唔會煮都到好軟，係啱啱好👍🏻佢嘅豬頸肉係一定要叫(⁎⁍̴̛ᴗ⁍̴̛⁎)勁入味，又抵食！雖然坐喺迫左少少，但最緊要係好食😋

相信於屯門出沒的朋友都認識被譽為「屯門名物」的——— 「雲川」！雲川共有兩間店分別位於盈豐商場及虹橋(總店)。餐牌跟一般米線店無異，湯底分豬骨、鮮魚、酸辣、麻辣及拌麵，不管吃不吃辣，都有選擇，可配米線或紅薯粉，配料超過20款，其中香茅豬扒、豬頸肉等為雲川招牌。湯底色澤偏淡，不會紅彤彤，亦未見大量油光，入口微辣帶酸，完全不麻不鹹，算是比較溫和。香茅豬扒切開共5件咬落去唔會乾之餘仲有濃郁的香茅味，果然係必試招牌之一。雲川的性價比確實挺高，難怪無論平日或者假日兩間分店都滿滿人龍。

未到店面已見長長的人龍，好彩二人枱翻桌速度快，唔算等好耐。一入到黎，發現個個都必點豬頸肉同香茅豬扒，真係冇人唔係食緊呢兩樣野。一場黎到，冇理由唔試。*豬頸肉熱拌薯粉*豬頸肉切成幼條，最初仲怕會太幼，冇口感，但原來好爽口入味，相當唔錯。薯粉好煙韌，甚至有啲難咬斷。唯一唔太喜歡的係好多油，食到最後個底全部都係油。*豬骨湯豬扒薯粉*豬骨湯底有豬肉碎同芽菜等等其他配菜，相對口感豐富啲，薯粉唔會因為浸左湯而變軟，仲係好有彈力。豬扒好香的香茅味，有啲甜，但配湯粉好好食。

這間米線非常出名，堪稱是屯門最好食的米線！湯底分別有豬骨、鮮魚、酸辣、麻辣及拌麵，不管吃不吃辣都有選擇，可配米線或紅薯粉。配料超過20款，其中香茅豬扒、豬頸肉、雞翼等較為受歡迎，另加餸每款$10，上限四款餸，套餐附送熱飲。湯底色澤濃郁，濃得見不到底，口感濃稠，酸甜及辣味平衡得宜，很推薦重口味的人去試試。米線大碗料足，配料的份量相對亦較多。香茅豬扒香辣腩肉酸辣湯紅薯粉花枝丸芝士腸麻辣湯米線脆皮豬大腸 $32皮脆肉香，煙煙韌韌，肥而不膩。麻辣牛柏葉 $28牛柏葉香辣爽口，開胃下飯一流。腐皮蝦卷 $26腐皮炸得酥脆，包裹著蝦仁豬肉，一點都不油膩。

中午入到屯門，覺得有少少肚餓，睇吓有乜嘢好食，發覺附近有間買米線的舖頭，裏面都有幾多客，於是再入去試吓。一行三個人，叫咗三碗套餐米線。酸辣豬頸肉紅薯粉，豬頸肉很多，切成幼條，口感不錯，至於紅薯粉，煙煙韌韌。麻辣湯底成一絕配。豬頸肉米線，豬頸肉差不多一樣，至於米線亦都好煙靭，配以韭菜，芽菜等等，亦都係一個好配搭。餃子米線，餃子皮滑肉嫩，個子亦不少， 配以米線㗎靚湯底，亦都係一個不錯的選擇。每個餐配以熱飲品，飲品的質量亦都不錯。四十零蚊一個餐，都不過不失，都算抵食。飲埋米線嗰啲湯底，都唔覺得有口渴的跡象。

作為一個米線控，今次到去到屯門，當然唔少得試一試被譽為「屯門名物」的雲川！睇住有唔少米線控都跨區前往大西北潮聖，究竟佢有咩魅力呢？今次叫咗3款唔同米線同2款小食試一試。酸辣小鍋紅薯粉 + 香茅豬扒 +凍檸茶據說食客逢到必點豬頸肉 /香茅豬扒，李daddy居然話豬頸肉肥 (一個唔肥唔食嘅人講出嚟真係令人意外!!)，於是就叫咗 #香茅豬扒。因為偏好口味，所以叫咗紅薯粉返屋企慢慢食。一開始當然試下湯底先啦，嘩！完全中晒我多酸少辣的酸辣偏好，嗰種酸係食得出醋味嘅酸，令人好開胃的湯底；紅薯粉就意料中的煙，要慢慢咀嚼；再到香茅豬扒，有成5件咁多，份量十分有誠意，咬落去唔會乾之餘仲有濃郁的香茅味，果然係必試之一。鮮魚湯小鍋米線 + 香菇貢丸 +凍華田因為妹妹唔食得辣，所以就叫咗呢個唔辣的鮮魚湯。魚湯無腥味，感覺都幾鮮味，不過雖然話唔辣，不過妹妹仍然食到有少少辣。香菇貢丸就純粹媽媽我鐘意食， 雖然貢丸都唔算細粒，不過相對豬扒份量嚟講就有啲失色了。豬骨湯小鍋紅薯粉 + 墨魚咀 + 咸檸七本來以為豬骨湯就係白色，點知原來係橙紅色！聞落去好香，不過食入口無咗嗰種香味，咸味為重，呢個湯底就略為失色了。墨魚咀彈

𝕋𝕦𝕖𝕟 𝕄𝕦𝕟 • 雲川米線．紅薯粉 🍜📍屯門青菱徑𝟞號富麗大廈地下𝔽號舖::::::::::::::::::::::::::::::終於一試屯門名物！必吃豬頸肉🥢外層燒至焦香，口感和味道有點像半肥瘦的叉燒，而且份量慷慨，不愧為招牌人氣配料！韭菜雲吞也是飽滿足料🥟！底分豬骨、鮮魚、酸辣及麻辣，小食點了脆皮豬大腸，外脆內軟，配泰式甜酸醬，毫無膩感～想再encore呢♡´･ᴗ･`♡

難得黎到屯門 緊係要去試下屯門名物—雲川📍雲川有好多款湯底可以揀🤤除左有酸辣湯🌶仲有豬骨湯🐷鮮魚湯🐟同麻辣湯選擇鐘意食酸辣米線嘅我 諗都唔洗諗緊係揀酸辣湯我仲嗌左呢度出名嘅豬頸肉🔥🍜豬頸肉酸辣米線（微辣）$43 🥤凍華田+$3❤️米線煙韌 硬度適中 唔會太過淋🐷豬頸肉煎得好香脆 每一條豬頸肉都爽口彈牙🌟湯底唔會太咸 本身都擔心嗌微辣會唔夠惹味 但湯底夠曬香濃 而且帶有酸酸甜甜嘅酸菜味 就算係嗌微辣都唔會影響個味道💕好味指數👅： 9/10推薦指數👍🏻： 10/10

相信今次介紹呢間位於屯門嘅米線店應該好多人都有食過，就係「雲川燒」啦。作為屯門名物，喺店舖出邊已經聞到好香。我同朋友各自叫咗一碗米線，再加左一份手撕雞。我叫咗燒豬頸肉豬骨湯紅薯粉。佢哋嘅豬頸肉係切絲，唔係一塊塊嘅，食起上嚟真係好方便，口感煙韌彈牙，而且醃得好夠味，真係一定要試。朋友叫嘅係香茅豬扒魚湯紅薯粉。同朋友交換咗啲豬扒嚟試，咬落去肉質鮮嫩，完全冇痴牙。魚湯夠曬清甜，如果唔鍾意太重口味嘅話可以試下呢度嘅魚湯。紅薯粉方面，佢哋煮得啱啱好，保留到紅薯粉嘅煙煙韌韌，但係又唔會好似咬極都唔斷嗰啲橡筋咁，食得太多米線嘅話真係要試吓食紅薯粉。手撕雞方面，份量以小食嚟講都幾足料，本身已經用少少麻油撈勻咗，灑埋黑白芝麻，已經好夠香，再點埋麻醬，就更加夠味。大家有機會去屯門一定要嚟呢間雲川燒，性價比極高，大推。

訓訓下教突然紮醒，個心突然好想食米線於事唔理三七二十一，沖左落去食米線！紅橋米線舖越開越多，數落都4，5間，在眾多米線舖中，決定選擇呢間！因為乜野時間都好，入面都係咁多人！入到去有卡位坐已經好幸運了！叫左酸中辣米線 羅白 腩肉！凍奶茶！羅白 煮得岩岩好，夠淋，好甜腩肉 比以前有改善，肥瘦七三比例好完美 仲要冇軟骨，肉夠淋，超好食米線 夠牙，爽口可惜份量太少最後到碗湯，湯先係呢碗野既靈魂夠酸夠辣，佢果種辣唔係辣到要飲野解辣既辣係一路飲，唔想停，直到飲完為止！當然 一路飲 個頭就一路出汗，好過癮！食食下途中，有一位學生妹搭枱食米線！感覺好似情侶般用餐，感覺好得意有左呢位學生妹，侍應就唔會叫我掉枱啦最後就係杯凍奶茶，其實可以唔叫，但加3蚊，冇理由唔飲既味道一般，夠奶味！下次會叫凍檸茶下午茶總數51蚊，滿足到我心癮就足夠唯一敗筆既地方就係食完都唔飽肚....返去繼續訓教了，下次心癮起會再食過

______________________________🦁🍵𝕄𝕚𝕤𝕤 𝕃𝕚𝕠𝕟𝕟 評分🍃：7.7/10豬頸肉麻辣米線🫶🏻🫶🏻🫶🏻麻辣湯底好夠味，仲有肉碎粒，同芽菜等等配料，豬頸肉好好味，又唔會話好肥好膩，切成薄條，份量勁多，性價比好高，又平又大碗👍🏻唔怪之得每個時段都坐滿哂人😱香茅豬扒酸辣紅薯粉🫶🏻🫶🏻🫶🏻🫶🏻酸辣湯底仲正，酸得黎又有辣，又唔會過酸，紅薯粉煮得啱啱好！豬扒都好厚又好味😋韮菜豬肉炸雲吞🫶🏻🫶🏻🫶🏻🫶🏻好味，熱辣辣放入口，仲有肉汁，不過皮就厚左少少，配埋甜辣醬，勁好味回頭率：80% 平民味食，又平又好食，大約$45有埋餐飲，唔使成日都食連鎖米線店，呢間勁好食！📍 屯門青菱徑6號富麗大廈地下F號舖______________________________

好多住喺屯門嘅朋友月都推介呢間屯門嘅名物米線🍜上次就試咗佢哋嘅腩肉魚腐酸辣米線！個湯底真係好正好濃郁 酸酸辣辣 再加埋少少炸醬 好惹味😋呢度嘅米線份量好多 配料都好多 腩肉超入味 而且唔會好肥！