雲桂川風味米線

营业中

休息中

叫個豬頸肉上湯米線餐,不過冇野飲ge, 個米線好大碗, 有好多芽菜,又有好似係魷魚鬚ge野, 而d 豬頸肉同我諗ge整法有d唔同, 有d似吉列豬扒feel, 不過都唔錯~不過就好多人,坐得好迫, 仲有好多人出面排隊. 呢次係我第一次去食ge...我一向食麵都食得比較慢.. 咁原本呢我地一共四人坐一張圓, 我地仲要坐最入, 有條好窄ge路側邊, 其實我地都就快食完(其實係差我一個), 但係佢仲要入多兩個人, 其實跟本坐唔落ge...結果, 我未食完就走喇.... 雖然伙記係叫我食完先都得, 但係...費事要我d同事行出行入俾人坐入去一陣就走啦~

琴日同朋友仔去灣仔睇展覽訓醒未食野朋友仔又鍾意食米線就帶佢黎試試叫左炸醬豬耳米線同豆苗餃墨魚鬚米線我既豆苗餃同墨魚鬚果然係得豆苗餃大大隻好多菜中間又夾左好似蝦一齊包好清新但又好有鮮味不過得兩隻就滿足唔到我墨魚鬚份量唔少彈牙唔韌朋友仔都讚米線唔算太淋但又係彈牙十足家庭風味湯底偏酸而且食完好口渴另外試左朋友仔既炸醬唔辣但食到有少少蕃茄味肥肉又太多仲要凍冰冰豬耳份量多但味道同街市買o個d差唔多無乜特別朋友仔仲話d湯唔夠熱味道亦無譚仔咁好味服務一般呢度勝在價錢平兩送米線都只係20蚊朋友仔話呢個可能係唯一閒日多人幫襯既原因

此店的豆苗餃確實有水準，因為豆苗本身是主力吃葉的，不過如果餃內全是豆苗葉，不但成本貴，最重要的是失去豆苗本身的香味，會變成菜葉餃(像一般酒樓那些，從味道上分不出究竟是菠菜餃、白菜餃還是豆苗餃)。不過若加入豆苗的莖部，豆苗香味增加但卻會令吃的時候出現有渣的感覺。此店的豆苗餃卻大多數(我吃了5次，只有1次失手)都能做到恰到好處，有香味時又不會出現有渣感覺，令人回味無窮，若不我也不去了5次都只吃豆苗餃米線啦﹗

好多人喜歡食小鍋米線。原因有幾個，一係配料款式多，可以挑選自己喜歡的配料，二係喜歡它的基本配料如酸菜，腐皮等，三可以選辣或唔辣。成日經過呢度，終於試了。店子係一般的粉麵店的佈置，較逼。它有套餐，$20, 有兩款配料，例如，豆苗餃配醬爆蟹子丸，可配麻辣，酸辣或清湯。另外可以自選配料，好多款式選擇，有些其他店地方少有的包括竹笙，黑柏頁，醬爆鯊魚丸，其本其他有的，它都有。我不是太餓點了豆苗餃配醬爆蟹子丸酸辣米線。豆苗餃好多菜，都幾好，醬爆蟹子丸，都幾特別，不過較油。小鍋米線迷，都可以黎試下。

睇完戲坐番車出市區，已經食左兩筒爆谷，但硬是想再吃，就來吃碗米線吧。這裡通宵營業，十點幾，都差不多全店滿座，幾犀利，可幸在店後都可以找張圓檯搭檯坐下。地方比較「立雜」，感覺是不太清潔似的。要了小窩米線及酸辣米線，一碗不辣，一碗大辣，另加油菜及飲品兩杯。我的酸辣米線，湯底幾油，一喝之下，好似唔太酸辣，跟阿姐反映，她拿來酸辣料一小碗說可以自己加，酸辣也可以後加的？加了，當然也是不夠酸辣的。加了鹵肉，一粒粒「碎濕濕」的，比較喜歡一片片的鹵肉，雖然肥肉爽脆，但廋肉很硬，水準以下。配料反而幾豐富，酸菜、芽菜及腐竹都不少，加埋米線底，吃了至少夠飽；太座的小窩米線加了魚腐及紫菜，魚腐不好吃，鬆泡泡又散散的，紫菜則不錯。但那個不辣的湯底就乏善可陳，絕對是「師傅」之作，似乎來都是要吃麻辣或酸辣比較穩陣。要了杯鹹檸七，鹹檸竟然是一片片的檸檬，真的是第一次見。埋單67蚊，唔貴，但找不到再來的理由。後記：此日之後就是四姐的麻辣大會，我身體的狀況，很多食友皆知，不再重覆，這個喊面，唔比唔得。

d 麵真係超大碗, 最愛加鹵水雞翼, 肥牛, 豬腸. 味道嘛.... 嗜辣如我者, 食佢既麻辣麵時, 都覺得幾一般, 唔算難食, 但稱唔上好食. 不過因為人客少, 地方算幾好坐. 零晨兩三點想食麵, 呢間真係唔錯.

I always like 雲南米線and I made a visit after reading all the critics. But the food was disappointing. I ordered 'little hot' but the soup was basically not hot, probably need to try 'medium hot' (if I go again!). The soup base was just not '濃' enough. But then must agree that 魚腐was quite good.

間吾中會黎呢度食晏,不過呢度一點lunch時間超逼. 佢有賣米線同拉面, 不過我黎得呢度一定會食米線. 我吾食得辣,通常叫酸辣走辣湯底,個湯本身無咩味,不過勝在配料多搭救,有好多芽菜,九菜,腐皮,酸菜,連埋米線食好有口感. 有時嫌吾夠酸咪自己落醋囉. 呢度好似車仔面咁自己揀,試過不同,有得有吾得,個人覺得值得一試包括:－魚腐：吾同魚米家，好似混入左豆腐，有魚味，口感吾錯．－冬菇：超勁大隻兼厚肉，有兩大隻－豬潤：當然吾算好滑，但都ok同好多－墨魚鬚：食得出有鮮味－鹵水豆腐：新鮮另外，試過呢度鹵水大腸同豬肚，覺得好硬，好似風干左咁，吾係好得，而墨丸又無味．不過無次係度食完，都會幾口渴，所以都只能間吾鍾黎．　

4月13日23:05北上夜歸，下車時感覺有點涼意。便在這裡加點能量，才回家。要了中麻辣米線，加黑百葉和墨魚鬚。湯底：辣而不算麻。米線：過淋，咬口不夠。標準配料： - 芽菜爽而夠份量 - 腐皮滑而有豆味 - 少許翠綠的菜 - 多多醒胃的酸菜自選配料：黑百葉：好爽，口感非常好。墨魚鬚：彈牙，細嚼下，鮮味一湧而出。在厚粉阿姐賣力招來下，夜宵時段，客人亦不少。

7/4(五) 12:30nn同同事行過黎食lunch,未到1點已人頭湧湧,環境極擠迫.要左魚旦,滷水豆腐豆苗餃小麻辣米線$27,同事要左豬腸蚧籽丸酸辣米線$24.魚旦滷水豆腐豆苗餃小麻辣米線---湯底得個咸字,麻辣吾夠香!魚旦2粒,吾彈牙且無魚味.滷水豆腐2片亦是淡而無味!豆苗餃2隻,似浸左好耐,一d鮮味都無!豬腸蚧籽丸酸辣米線---豬腸尚算ok!但湯底吾覺系酸辣,只系多酸菜,2粒蚧籽丸一般!米線好難煮得咁難食,今日終有機會一嘗,實屬"難得""難得"!!

上個月與同事試食lunch，點知個湯淡而無味，要食到最後碗米線先慢慢浸出一些味，雖然價錢平，但味道真的唔掂，我與同事一致決定唔會再去呀!環境仲好鬼迫! 真係好差!!

尋晚收工係零晨十二點幾,搵野宵夜食就去了食米線。坐底就問呀姐有咩好介紹, 佢都有講解下我地三個人,每人叫左個小鍋湯米線,再加送。要求d辣分開上既。d魚腐好食, 好鬆軟、墨魚鬚唔un, 魚蛋幾滑,係個豆苗餃實有d, 本身湯跟個d鮮腐竹幾滑！每人要左杯豆漿, 好有豆味架。雖然環境普通,但總括係幾抵食！

今日lunch 去試，我食酸辣豬大腸魚腐米線，好多料呀，好大碗。魚腐OK 啦，唔係太多粉，食得出魚肉味，大腸算乾淨，不過不失啦。我就鍾意佢d 配菜夠多，有芽菜、酸菜、腐竹，配d 酸辣湯，幾好味呀~~~不過呢，lunch hr 實在迫得緊要，食得唔多自在，而且食完之後好口渴呀~~~~

尋晚同老公仔放學後都吾知食咩好,就來這裡食米線.因我都幾鍾意食米線,我就叫魚腐菜肉雲吞酸辣米線(小辣),佢入面竟然有腐皮,因為我都幾好腐皮.而佢就叫大理過橋米線,餸就都好多下,有腐皮、芽菜、菜、酸菜、冬菇、腩肉、菜肉雲吞、豬大腸及蟹籽丸.不過我們一食之後就覺得好普通,喲湯底就吾係好得,因為除了酸辣之外,都無咩味道.因為我吾太食得辣,所以我只係覺得辣,吾太好食law.而佢就話吾好食,因為腩肉吾係佢想像中的一樣.而我覺得最好食就係豬大腸,不過都吾算貴,當食下就算law!

叫酸辣豬腸豆笛餃米線(小辣), 湯底味道幾好但辣味唔夠, 不過加一茶匙辣油之後就變得好好味, 就ok咁啦. 老公叫酸辣生牛肉菜肉雲吞墨丸米線(小辣),都係加一茶匙辣油之後就變得好好味, 我地飲哂d湯並無覺口渴, 雖然未及荃灣四彼坊好味, 但都唔錯啦!仲有,service都幾好.