雲桂香米線專門店

营业中

休息中

下午時段一個人做完gym，應該食個清淡下午茶就算，但途經'雲桂香'就忍唔住入去坐底左😝，4、5點食野就最好，一定唔洗等位👍🏻。本想叫個清湯，但聞到陣陣麻辣味就.......都係要咗個腩肉、菜心、木耳少麻辣米線+杯凍檬茶走甜。腩肉果然係招牌野，少少辣薄薄一片又痴住少少軟骨😋，菜心同木耳就基本野啦，芫荽又夠多，仲有個麻辣湯底都好出色，我要既只係少辣（中辣都驚頂唔順）都已經覺得幾麻吓但又唔算辣，好岩我胃口。

太來没有去食米線，跟往去左屋起留下雲桂香食米線，跟往我叫左侍應幫我寫單樂左小鍋米線小小小辣和一碟豬頸肉小食，進話小線米線小小小辣走芽菜，打單有打走芽才出來廚房師傅设有同我走芽，跟往在叫女侍應幫拿返去比廚房師傅在煮過比我，但他沒有在煮過比我跳來芽才，在比我發現有芽才，我在叫侍應拿返去在煮過比我啊！同她講我真不可以食芽才因身體問題唔可以食吧？我後都唔會在去我屋起留下雲桂香食米線吧！一

周日中午去這裡午餐，久沒吃過雲南過橋米線，於是叫了一碗。食物端來，計有清湯及米線各一碗，另有生的鵪鶉蛋3只（已打好在小白碟中），一小碟芽菜，一碟已雪得僵硬的3片肉片，火腿，還粘有冰塊。還有表面紅得似塗了一層顏料的蟹柳3粒，及數片花枝。由於肉類須值熱湯燙熟，我先下肉類，再下其他。靜待5分鐘後開動。先呷湯一口，是濃縮鹽水嗎？完全沒有雞湯的清鮮。再者湯不是熱的，只屬微温。醒起剛才的帶冰肉片，那麼就算湯端來時是滾燙，充其量只是為肉片解凍，碗中的蛋白亦未轉白。要求店員翻熱，對方竟說過橋米線是這樣的了！OK, 勉強吃了半碗鹽水米線後埋單走人。無下次！

次次外賣返到屋企打開都錯！木耳變豬耳，麻辣上湯同小鍋湯底、味道全部一樣！走韮走芽變左咩都無！是但俾D野你就收你唔同貨錢... 一次以為唔小心，次次係咁實真係太難忍！

雲貴香係我食過咁多間最鍾意食嘅一間米線，可能係轉咗師父，近呢半年完全唔掂，開始好小去食，但係仲好掛住之前嘅味道，依家去屯門食，好難食，冇味嘅個麵，配料又唔足，叫個麻辣青瓜，點可以撈得咁難食，酸到嘔，真係好唔開心，希望以前個師父會調返嚟，一係轉個啦，離譜

情人節諗住過黎食個米線，點知就食到谷鬼氣落單嘅時候已經逐樣慢慢咁講比個侍應聽，點知佢都可以係咁聽錯，仲要落緊嘅時候係到發夢，都唔知係米唔想做呢份工我同女朋友叫左個豬耳，諗住40蚊都叫ok嘅價錢啦，點知出到黎就得4片薄到離譜嘅豬耳，諗住問佢地係米轉左做法而我唔知，點知佢就反問一句“你第一次黎食丫?”。就算點都好，我都諗唔到有咩理由可以咁樣同個客人講野囉。最後，一個係到做左4，5年嘅侍應（我女朋友由細係呢間食到大，應得佢）都可以話不嬲都係咁出比客，咁我都無話可說。如果唔係我女朋友中意，我點都唔會再幫襯呢間鋪

每次窮L旅遊回港，最掛住嘅都係食米線，自己比較鍾意食雲貴香，因為鍾意個湯底夠濃。尤其是小辣多酸，感覺味道係最夾嘅，因為當消夜食就唔叫咁多餸啦，滷水雞翼夠晒淋又入味我隔離gor 位因為怕熱，所以佢鍾意食涼拌米線，雲吞就麻麻哋啦！皮厚但啲餡少。其實佢唔應該叫雲吞啦我覺得@@ 又唔似水餃不過我見佢啲花生同榨菜都幾好味。仲有有少少好香嘅麻油味。米線都幾彈牙嘅凍奶茶就唔夠奶，入口覺得比較鞋口，唔夠滑溜，不過茶味就幾特別

本身冇打算呢間打食評，但見到令人失望的墨丸令我好想打！粒墨丸細到呢⋯⋯得3粒仔，而且唔爽口唔彈牙，好食的墨丸係會食到墨魚仔，所以呢間墨丸真心唔好食酸辣米線就唔錯，亦都大碗足料，所以大家黎呢間唔好食墨丸，其餘的，都還可以。

個個都話好食 咁咪試下囉。叫左碗豬頸肉小鍋米線個湯底真係好正，酸酸辣辣。飲到我好口渴🙈 豬頸肉係煎過的👍🏿好食啵熱撈米線+豬耳唔好食。米線jam到一個點。好重麻油味，咸菜好咸！豬耳好多毛！食完個湯米線再食呢個簡直天堂與地獄。Never 熱撈again

LUNCH 時段的雲貴香真係好多人等位因為雲貴香真係幾好味我自己一個人食飯，WHATSAPP 問朋友嗰頭食咩好佢哋都點名話去雲貴香孤獨精自己一個食，所以唔洗同人等位，其實一個人食飯，又有咩好怕喎食雲貴香，坐得一定唔舒服，因為佢環境仲劏過劏房條行有人出梗，就入唔到，個身多啲肉都唔得掂位就當然窄一個舖，盡可能擺盡多枱，盡入客但注意，入咗客，其實廚房唔一定跟得切，所以佢出菜係慢嘅明明啲伙記已經做得勁快，但見到真係踢晒腳所以佢同時都好香港，係香港好侷促，好SAD嗰一面我諗，史提芬周2016年食神，應該唔會整瀨尿牛丸，應該整酸辣麵啲位有咁窄得咁窄，啲湯有咁辣整咁辣，啲冰有咁大粒得咁大粒雲桂香成日食咖啦！酸辣好味嘛！但今日個腩肉真係好硬失咗手喎師傅舖頭好熱，有冷氣都覺得熱，一定要叫凍嘢杯凍檸茶唔記得叫少甜，但佢已經自動有少甜嘅效果！但酸辣麵有個特點好乞人憎，不論係邊間都係，一個唔留神唔記得做芽菜就大鑊喇！食到咁上下，會發覺好難分返開啲麵同芽菜梗係難分啦！咁多芽菜。都有麵嘅三分一。老一輩話芽菜唔好食咁多，好陰寒但呀姐好趕咁落單，我都好趕咁ORDER，大家都咁趕，我咪唔記得走芽努力分梗芽菜嘅時候，我深

我記得我人生第一次食雲南米線就係食呢間~果時都冇依加咁流行食米線，但因為近屋企<銅鑼灣分店>，所以就成日食而愛上左呢種酸香辣~今日放假去左男友度，所以就試下Tuen Mun分店呢間。回憶中的味道，中辣，依舊好味~豬軟骨，好大舊，好入味腩肉，每次必點，因為太太太好味!大腸，好淋好入味~佢d薯粉都煮得岩岩好，煙煙韌韌~

之前一個月總會光顧一至兩次，因為真心認為個紅薯粉好好食，但後來次數少了，因為帶住小朋友，要就住小朋友嘅口味，今日去接小朋友放學前，先一個人走去回味一下。呢次叫左個小鍋紅薯粉(小酸辣)+豬耳+豬軟骨。個紅薯粉原來依加係有得揀要粗或幼，幼就係嗰隻透明嘅扭紋薯粉，而粗嘅係原本嗰隻，小妹要左粗薯粉，條條都煮到淋晒，但又不失佢本身嘅煙韌小辣嘅湯底加入酸菜，以增加湯底的味道。豬耳大約有十塊，肉質軟滑，軟骨爽脆，可惜塊塊都係薄切，滿足唔到口感。豬軟骨就有三塊，厚闊度大約係成人三隻手指拍埋咁上下，廋肉部分好淋唔鞋口，軟骨部份同樣保持到爽脆

朋友說某大米線的湯底白得離奇。「為甚麼這麼辣，而沒有半絲辣椒的顏色？」疑心吃進肚的究竟是甚麼。所以他推介雲桂香，說顔色味道都較天然。吃罷又好像有同感。豬軟骨豬肚大辣小鍋米線 - 湯底較譚x厚身，辣度有勁，食下去跟眼見一樣咁辣。配料份量足。 涼拌雞絲小辣米線 - 雞絲太「鞋口」了，不太吸引。炸菜酸菜花生及醬汁混合起來味道不錯，米線有彈性。麻辣青瓜 - 瓜塊爽脆，雖帶醋酸，但麻辣調味不容小覷，不太吃辣的人未必喜歡。埋單只需$86。如此價錢實在不能有甚麼要求。當大家吃厭了大連鎖米線店時，雲桂香也不失為一個不錯的選擇。

個碗酸辣粉，啖啖都係油，啲油足足有成寸厚😫竟然係一間米線專門店，真係唔應該叫其他嘢食😓點知另一個米線都係唔掂，米線面質太硬，湯底太咸，咸味蓋過辣味(已叫中辣)個麻辣皮蛋原全唔入味，皮蛋口感差，似係一啲平價皮蛋雖然雲桂香分店多，但唔及其實米線專門店有實力😒

在2015年6月7日，當天到了吃午餐時間，我又找不到好吃的，於是便誤打誤撞選擇到我家附近一間「中華風味雲桂香米線專門店」，也是開張已久，我當天都是第一次去光顧。門外都有很多人排隊等候堂食，原來該店都很出名的，原因都是價錢較廉價，又好吃又飽肚，經濟實惠。這是我當天的午餐 ─ 「小鍋酸辣紅薯粉」。(材料包括：辣豬肉碎，芽菜，酸菜，韮菜，蔥，芫茜)，價錢較我家附近的其他的麵店廉價。在2015年7月4日，我便帶我的媽媽，再一次來到這裡，帶她吃好點，獎勵我的媽媽辛苦了1年。我推介給媽媽這個 「小鍋酸辣紅薯粉」，因為上一次我吃過覺得好吃，所以這一天再吃一次，作為這一天的午餐，另加$6，就有一枝冰震豆漿，當然要加啊！那麼廉價又好吃。這一天我早來到，人流不多，所以職員都自動給我們茶水。今天，我終於回到香港，便再一次來到我家附近的「中華風味雲桂香米線專門店」吃午餐，這次我點了「小鍋酸辣米線」(配料包括：芽菜、酸菜、韮菜、蔥、芫茜)，再配上一枝豆漿，真的很飽肚。