雲桂香米線專門店

营业中

休息中

在外奔波回來後，回憶起雲桂香的美味春卷，於是跟母親建議試新裝修後的雲桂香米線。幾年前我吃不光紅薯粉，今回應該能完整體驗它家的食物了。我們點了港式米線微辣和清湯小鍋紅薯粉，還有炸鮮龍蝦卷外賣帶走。然而回家後，我們得到的體驗說不上好。一、我們沒預料打開盒子後，芽菜和米線的分量一樣多……這點讓我母親十分不滿意，揚言永不再吃雲桂香的面類，只食小吃。二、付7元加的豆卜和腐竹一個均質量不佳，豆卜本身口感和品質都不佳，加上吸了湯汁後的奇怪口味，是吃過一口後寧願浪費食物也不想再吃的味道。腐竹超硬，浸在湯裏20分鐘後仍無軟化趨勢，不合口味。十分希望貴店選材能好一點。三、米線細而實，分量的話成年男生可能吃不飽；只有紅薯粉口感彈而滑，可以入口。四、炸鮮龍蝦卷好吃。以前寫作文寫太多總結了，這回不寫了。

如果要係屯門食紅薯粉 我會首選雲桂香每次都會必揀豬扒&豬軟骨🐷佢既豬扒係即炸之後另上 吾會因為沈係湯到淋唒 湯底揀左酸辣 小辣 配埋味菜 芫莤 超級惹味可惜紅薯粉無得揀闊粉 如果吾係一定晚晚必食🤪

There was no need to wait and food came very quickly. Spicy level can be adjusted. Variety of toppings are not bad - they range from $7 to $15. Noodles were cooked just right and soup had strong taste. It is a good place for a quick bite. Their side dishes looked good, but I was having the noodle as mid-day snack. Next time, will try some snacks too. If you don't like coriander, you need to tell them in advance. I still wanted green onion, so didn't say anything and just picked out corianders my

呢間野服務極度差，我由8點02分落單，直到8點19分都仲未上食物，重點係遲過我嚟嘅人都快過我上食物，我嬲到即時取消野食！其實我去過呢間好多次，每次都總會有野錯，我以後都唔會再幫襯。

由細食到大嘅米線，由舊舖食到新鋪，新鋪食到裝修之後。始終覺得以前好食d,但都無阻我對佢既愛😂😂今次叫咗中小辣腩肉米線，多酸（其實每次黎都一定會叫腩肉), 因為呢到既腩肉係薄身，食落好入味好淋，不過叫左多酸都唔酸就好失望，但辣味十足！

新墟的雲桂香我從小就吃到大，對我來說，都算是數一數二好吃的米線店。因為早排他們進行了裝修，所以有好一段時間都吃不到，今次是完成裝修後第一次吃。裝修完後店內都乾淨和明亮了，感覺很不錯。今次跟以往一樣，點了麻辣湯，豬紅和海帶做餸，但有點不同的是我沒有點米線，反而是點了水晶粉。因為發現原來不是每間米線店都有水晶粉供應，今天又突然很想吃。雲桂香的水晶粉都算幾煙韌，不會太淋，也不會一咬即斷，但又不會很難咬開，而且很滑。水晶粉吸收了麻辣湯的味，因叫了小辣，都不會很辣，但依然非常惹味。豬紅份量依然很多，我很怕吃一咬即散的豬紅，但雲桂香的豬紅是有點黏牙的那種，口感很好，而且又不會太腥，所以永遠是我必點之一。另一款我最常點的就是海帶，一來感覺上會健康點，而且會令整碗的味都多一份海帶味，而且也很爽口。雖然很久沒有吃，但味道水準依然保持，每次吃完都很滿足，期待下次再吃。

今日大概一點鐘泥到屯門分店 攞咗張一人飛 ，前面有一張十人飛加三人飛， 本身已經等咗參唔多十分鐘，終於入咗前面兩張飛， 諗住下一張枱係自己，點知佢嗌咗一張兩人飛，好，我睇多陣， 點知入咗一張遲過我攞飛都唔夠仲要嗌多一張， 我即刻走去問個職員， 點解佢哋遲過我攞飛 但係會係佢哋入先， 佢竟然答我因為得二人枱， 跟住我同佢講我睇住佢哋攞飛嘅 佢都仲要話人哋攞飛先， 我想問乜嘢叫得二人枱， 唔通二人枱坐唔到一個人？ 跟住個帶位阿姐 竟然同我講 ”你唔好講咁多”， 態度極之差劣， 我心諗 我唔係你哋公司嘅董事長嚟食野， 想做多啲生意， 盡量坐滿曬晒， 我淨係知呢度係香港 需要排隊先到先得， 嗰陣仲要係lunch hour 個個都趕住食完就返返公司， 我仲慘，食完要趕住搭車返工， 隔咗冇幾耐佢終於安排咗一張 大枱坐淨咗一個單丁位嘅位畀我， 跟住佢仲要好串嘴咁講依家咪有位畀你囉， 佢有其他同事過嚟叫我唔好嬲佢係咁嫁依家幫你落單， 跟住畀對面位嘅客聽到， 佢哋同我講 頭先同我一樣有同一遭遇， 點解同事知道帶位員嘅態度咁差 安排欠佳， 仲要畀佢企門口？ 跟住碗米線呢到冇走到青， 跟住我舉手諗住同職員講

叫左外賣，三個餸既米線，返到屋企打開發現得一樣餸！已經吾係第一次！錢就收足！話下次補返俾我！連叫我即刻返去補返俾我都吾肯！趕住收工！機會已經俾左幾次，吾會再幫襯。

門口有自動拎票機，等左不到5分鐘就入座，當時食客都算多，主要做街坊生意。.有食過尖沙咀雲桂香，覺得味道好好，唔會偏酸，但屯門分店就不論小食定係湯底都偏酸。小食點左麻辣雲耳，辣味冇乜，汁都酸味較重，$20黎講以呢個份量算多。麵就點了2款，一碗係小鍋米粉配芥蘭，一碗係小鍋水晶粉配豬紅同通菜。水晶粉軟硬適中，唔會太硬或冧，口感OK。豬紅似係用水煮好就放麵度，所以就係食落就係水煮味 配料有$6、$8同$13三個range既食物揀。.如果愛食酸辣既朋友可以一試，如果唔係既反而去尖沙嘴店較好，因為湯底可選多鹹定淡啲咁... .店內有洗手間，無去所以唔知衞生情況，另有自助裝水區，但見大家都以點飲品為主，跟餐飲品大概另加$6-10左右。

見近來屯門雲貴香新裝修完，即管試下裝修前後味道嘅分別有冇唔同呢?首先入到去發覺,範圍細左,位置多左,而且整左個洗手間方便食客使用!來得雲貴香緊係要食辣野啦!叫左一個重慶酸辣粉,小窩米線,香茅豬扒!先講重慶酸辣粉佢可以選有少少辣至到麻辣.任君選擇🤗好多花生，花生又脆又香，配埋芫茜，肉碎，口香超夾，而且個湯底又係酸酸辣辣，好正宗嘅重慶酸辣粉味~小窩米線,可以配搭唔同加餸，湯底係蕃茄湯底味有少少胡椒味,食起上嚟好開胃~最後係個香茅豬扒,豬扒醃得好入味,炸到又脆又香口~

以前成日都經過呢間餐廳，但係門面又黑又暗，成日覺得閒餐廳好污糟所以住咗咁多年都冇入過去。最近發現佢重新裝修光猛咗好多！喺門口見到佢有<蟲草花雞湯米線>於是中入去試下 坐低睇完餐牌其實同車仔麵嘅邏輯一樣，鍾意加什麼都可以。咁我一心諗住食蟲草花雞湯於是配搭了紅薯粉。碗粉嚟到嘅時候食咗兩啖紅薯粉，係韌到不得了！根本咬唔開然後我就同其中一位男店員投訴， 跟手男店員非常有禮貌話：我即刻幫你換咗佢！然後我就換咗碗米粉感覺上穩陣啲 🙄再加榨菜 先講個雞湯 ，本人誤會咗係有花雕酒，其實係純雞湯。蟲草花我覺得佢未浸透，所以有少少海味嗰種噏味 雞件就不過不失，雞胸 勉強可以接受啦！

同朋友求其搵野食，咁岩經過雲貴香好香，就入黎試下啦！我覺得個薯粉都幾彈牙，唔錯，不過啲大既酸菜好淋，唔爽口。而啲花生又好軟，雖然話花生浸過會變淋，但淋極都唔會變到咁軟😂😂其實個味唔錯既，就差左佢既配料姐。

呢間新墟既雲桂香係我既老飯堂，每個月總有幾日想食下重慶酸辣粉，呢度既重慶酸辣粉好岩我口味！呢度仲有小鍋米線/紅薯粉揀，我始終至愛食重慶酸辣粉！重慶酸辣粉 $27〔配有醋、花生、榨菜、咸菜、蔥&芫茜〕另加餸：豬頸肉 每款$12每碗粉既分量都十分多，呢度呢酸辣粉夠酸又夠辣，辣到個咀變孖潤腸，但係夠過癮，紅薯粉唔會好淋，彈牙，配湯食一流，不過好易彈到成身紅油！豬頸肉唔算出色，普普通通啦～另外仲叫左個蒜泥白肉 $37呢度既蒜泥白肉好特別，用腩肉包住的青瓜，上面仲有大堆蒜泥～原來咁食會好食的！因為青瓜好清爽可口，配埋腩肉加蒜泥可以解膩～食多多都唔會厭！仲可以令到無咁辣！正！飲品：凍檸蜜～無乜特別～

一直食開雲桂香，直到今日開戶口先寫下食評。食物水準一直能保持，價錢公道，選擇多，又開得夜，食米線嘅話附近冇乜邊間好食，覺得佢都算係好食同抵食。佢啲小食廿幾蚊係幾好味。完。

我不嬲都好鍾意食米線嘅，而雲桂香亦都係我成日食嘅一間米線，最鍾意食佢嘅豬腸同雞翼係必叫嘅，佢個湯底對於我來講好夠酸辣度啱啱好，最正係佢啲芽菜索晒味，同埋佢好多肉碎，味道真係好夠濃