露台餐廳

营业中

休息中

Went for a breakfast. It’s very big with beef and chicken sausage, assorted bun including croissant, raisin bun, muffin and a choice of granola or all bran, together with coffee. The coffee is definitely not nice. Apparently those machine made ones with a stale bean flavor but they do provide oat or soy milk in case you would need it. The bread is really nice, fresher and crispy, croissant has a glaze to it too. Granola is also fresh and unsweetened. It’s comfy eating with good space between ta

2021年11月13日(六)今日同林太及瑪利來半島用膳我們仨相識20週年紀念享受Weekend Lunch Buffet 每位$648+10%=$712.80由中午12:00至下午2:30喺八月份來電預約，星期六最快都要11月先有位，但係今日眼見，都係坐一半，唔知道係專登唔做到Full，定係啲人甩底呢客人唔多，非常好，食客們傾偈都唔會覺得好嘈，出去攞嘢食都好順暢，唔使排隊，食物補給快，服務員人手充足，執碟、加水、服務禮貌都是一級的食物種類不算多，貴精不貴多，樣樣質素都好好，總有一兩樣真係唔掂嘅，相信佢會定期轉食物菜式，所以都唔使講佢有邊啲唔好食，整體來講都好好，只怪自己個胃裝唔到咁多由到達門口登記開始，你就會感受到佢地服務員嘅質素的確係好高，今餐賓至如歸。有下次！有下次！有下次！

訂了10位, 大家都很滿意,  我會說性價比十分高, 雖說食物款式不算多, 但無論食物的質素, 環境, 服務(不是個別, 而是由帶位至用完餐) 每個職員也很恩勤有禮, 環境優美, 清潔, 不會有擠迫的情況.很讚賞半島, 經歷漫長時間, 現在於疫情下, 仍看到每個細節位仍很講究同堅持, 所以不得不讚! 

今年媽咪生日，決定同佢食想食好耐嘅半島buffet😍聽講環境靚，服務好，食物質素亦都唔錯～當日6:15去到，估唔到都已經有八成full，帶位嘅女職員非常有禮貌，會幫客人拉櫈，同埋介紹返今次buffet主題～今次係東南亞主題，佢推介冬蔭公湯🤣我最鍾意嘅就梗係凍海鮮同刺身啦～凍海鮮方面有龍蝦、蟹腳、青口、帶子、蝦同螺～我個人覺得龍蝦同埋螺係最好食🤤龍蝦一睇都知好新鮮，啲肉好有彈性同埋一啲都唔乾，而螺就好飽滿，亦都好鮮甜呀！另外三樣我覺得係正常水平～仲有好signature嘅磯煮鮑魚，媽咪最鍾意呢個，肉質爽彈，我就覺得佢甜咗少少～不過book位時職員都已經講咗係冇生蠔架喇😆大家都可以留意～同主流其他buffet唔同，刺身係可以比客人自己夾嘅～佢擺盤擺得好靚，款式都好多，有三文魚、油甘魚、吞拿魚、帆立貝、甜蝦同象拔蚌，當中帆立貝同象拔蚌就比較出色😆佢亦會有啲壽司款式，不過我就冇食到😆冷盤都有唔少沙律，同埋有我鍾意嘅cold cut同芝士🧀去到熱葷，冬蔭公湯媽咪話一般，有啲鹹，東南亞嘢食例如咖哩、巴東牛肉等等我就麻麻地，都冇咩點食🤣最吸引我嘅當然係燒和牛啦🥩😍切出嚟個樣已經好靚仔，食落口牛味超濃

長假期weekend，同一班大學同學黎食自助餐半島酒店環境一流唔使講，門口有007，已經開始忍唔住影相。野食方面所有野都好新鮮，海鮮等等refill好快！火腿凍盤等選擇都幾多，最特別就每人一隻蔗蝦。好多酒店buffet的車仔麵等，呢度就有生牛肉湯河。是日carvery是牛同羊，湯有南瓜湯同埋冬蔭功要食選擇多，一定唔係呢度，但呢度有quality另外甜品方面非常，十級出色，好好味，拿破崙一定要試！味道剛剛好！

半島staycation既免費早餐咁早餐原本就安排係地下大堂既我見佢兩個package早餐係位置唔同四餐果個係露台餐廳食情人節呢個係大堂茶座食以為真係有精心安排過啦可以感受下大堂茶座既典雅啦首先我真係on居咁企係度等人帶但無人理我原來係有個好細個既reception仔係另外一邊但佢就話full左叫晒其他人上露台餐廳見到露台餐廳本數簿係有晒客人房同名咁即係根本就無話分開邊間打邊間啦露台餐廳係一樓係大堂上兩層樓梯就係餐檯唔算細一樣都有花裝飾同埋都係果款口罩套咁套呢樣野就瑞吉同美利做得最有心不過環境始終都係覺得同大堂比差少少始終呢度本身係用黎食自助餐既不過staycation期間佢都會做埋下午茶比唔夠位既客人之前如果有幸食到跟嘉麟樓果個package既話就會好大機會安排係呢個餐廳食晚餐兩間餐廳都叫做係相鄰既不過就完全唔係果隻feel呢度叫做有窗口位都係望太空館同中庭客房一樣咁啦餐牌其實就只得兩款一中一西係可以揀班尼迪蛋既不過就會無晒其他配菜我估大堂同露台早餐應該都係一樣掛麵包就有幾款有一款同尋日係gaddi's好好食果隻煙肉卷差唔多口感不過涵就唔同而飲品大家都有兩杯西式係果汁同咖啡或者西茶而

好味指數😋😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗🤗間唔中都要對自己好D，今日同朋友嚟半島酒店1樓嘅 The Verandah 食 lunch buffet （$548+10%），朋友早一個幾月就book，呢個 lunch buffet 係1200-1430，我哋坐到3點幾都冇問題～Service 係一流嘅，早一日會有職員打俾朋友，提醒衣著要注意嘅事項！去到因為未夠12點，同職員講到咗後，夠鐘後佢係會認得你，帶返你入座！因為我哋早book，安排咗所謂嘅室內露台窗口位（即係較遠嘅一邊），咁就唔會有咁多人行嚟行去，雖然要行多幾步去攞嘢食，但就坐得舒服D！出去睇下有咩食先～ 款式都幾多嘅…先嚟冷盤～有4款刺身、壽司、卷物、青口、帶子、蝦、螺… 所有海鮮都幾新鮮！我覺得最出色係慢煮飽魚，煮到好夠淋煙韌度剛剛好，個汁好好味😋湯～我試咗蕃茄濃湯，側邊仲有脆麵包粒、Bacon 粒、香蔥粒俾你自己落… 個湯非常濃厚！熱盤～佢嘅燒和牛臀肉好軟身，薄薄一片剛剛好，仲有法式同英式芥末任揀！牛脷雖然叫水浸，但鹹度剛剛好，好爽口！香芒蝦個汁好香濃，甜甜酸酸，蝦亦都好新鮮！至於比較失望嘅係燒豬里脊，比較嚡口！

相隔十幾年，再度光顧露台歺廳，環境光缐充足，地方寛敞，奢華但不拘束，服務態度非常好，每當每次進歺後，很快就把碟收走，值得欣賞。食物方面，種類不多，但食物質素高，最喜出望外是牛柳，肉質軟滑，沒有半點肥膏，但帶有很重的牛味，比起任何五星級酒店，半島牛柳應該是首選。刺身凍海鮮一般，刺身只有甜蝦，三文魚，及吞拿魚，蚌，沒有帶子刺身，不夠新鮮，螺有沙，蝦沒有鮮味鮑魚也是凍盤，醬油蓋了鮑魚的鮮味，但肉質爽口，不過一定要一試，只有半島buffet 有磯煮鮑魚亦只有半島blueberry 無限供應，與別不同甜品性價高，半島雪糕也價得一試

以往的年代，出入半島酒店非富則貴，今時今日都是一樣，褲袋冇咁多錢就真係唔好入去，但是人生總有一個目標，去一趟半島酒店的Buffet達成心願，繼續努力工作揾錢食好西。Buffet枱的食物種類不多，但每樣都非常了得👍，最欣賞海鮮冷盤，龍蝦和鮑魚吃多幾份，全部海蝦已經剝咗殼和挑了腸，非常細心，方便享用，各種熱葷也出色，推介印度咖哩，牛扒/羊扒隔離有即煑龍蝦湯💯，甜品除了有雪糕之外也有雪葩，還有服務員會向每枱人客送上意式手制雪糕Gelato，今餐四小時Buffet非常滿足。

服務: 6星每一區都有人負責，fill 水，執碟永遠唔需要你叫，佢哋係自動波去做！環境: 5星唔使多講啦，點會差得去邊！食物 : 4星Refill 得極快！種類唔多，亦無生蠔！但刺身質素極新鮮美味，帶子鮮味，池魚肥美！冷盤海鮮有龍蝦，蝦，螺，鮑魚等！當晚最出色係鮑魚， 唔韌兼好入味！但龍蝦肉質就有小小霉，麻麻哋！熱盤有湯，扒，意粉，焗龍蝦，焗帶子，咖喱同菜等等！無驚喜！當晚羊扒燒到 well done, 真係有小小失準！反而個湯同意粉比較做得出色好味！最欣賞係佢哋嘅麵包，要叫先有，因為係要 keep住送上檯時仲熱，而牛油係凍嘅！真係要讚一個！！甜品，真係平平無奇！試哂全部都無一款令我有再 encore 衝動！身為香港人，點都要去嚟到試一次，但會唔會再嚟？唔。。。。

環境唔錯，好優雅，坐得好舒服食物擺設都好靚 Pizza一般龍蝦全部已經一開二放晒喺盤上，但係龍蝦味不重，一般般⋯⋯麻麻哋呢個好食啲甜品賣相靚，但味道一般食過便算，叫做黎過、品嘗過

好耐以前曾經喺酒店自助餐嘅狂熱分子，雖然明知食量唔大一定回唔到本都好努力周圍試。但係近幾年實行進食貴精不貴多政策，已經好少再周圍試自助餐。撞岩快生日，見半島有出Staycation Package 包埋佢地好出名嘅露台餐廳雙人自助餐，仲要有早餐同埋The Lobby 出哂名既港女英式Tea set take away。如果唔係疫情嘅話，我估都真係冇咩機會用呢個價錢享受到咁多嘢。人一世物一世，試一次當係成就解鎖。.晚市自助餐 6pm - 10pm，當天全晚爆滿，見到有walk-in 食客被拒於門外。.整體：✅✅服務水平200分。可能大家會覺得，去食自助餐就梗係著眼於食物款式同質素上面，服務或者環境各樣野唔太重要。去之前唔多唔少我都係咁樣諗，但係當我見識到好多人讚賞嘅半島酒店服務水平，佢令我體驗到一個全新高度。酒店服務員就係有呢個能力留意到好微細嘅細節，例如當你拎住隻碟行返埋位，會有人留意到幫你拉座椅；當你四圍望嘅時候，好遠都會有人走埋嚟關心你係咪有咩需要？甚至foodie揸住手機影取餐區上面影下嘢食嘅時候，係某個位置原來會有人都會注意到你，然後好主動咁樣幫你整理餐碟上已經好混亂既食品、好

成日食「吃到飽」、「放題」係時候要昇華一下自己。難得可以出公數食飯，而且數目唔細，基於「小食多餐不如豪一次」嘅原則下，一致通過去半島酒店食自助餐。作為級又歷史悠久嘅酒店，佢嘅Buffet 一直被受追捧。究竟佢係咪真係傳聞中咁高質、咁神級、咁好食呢？🤔等我嚟探討吓。首先係環境方面絕對滿分！非常適合各大KOL 自拍/影相。餐椅好似單人梳化咁舒服，坐住都唔想郁。枱與枱之間有好大空間，傾計唔怕俾人聽到，又唔怕出入會撞到人。服務方面每個area 都有專屬嘅侍應負責，空碟收得快，方便去攞下一輪。勤快又貼心。重點嚟喇！自助餐食物區比想像中細，款式較少，主要係海鮮、甜品為主，肉食相對較少。刺身絕對新鮮，肉質鮮嫰，同高級日本料理店無異。三文魚、吞拿魚、甜蝦、帶子、油甘魚不停無限loop 。海鮮海鮮有熱葷/冷盤。冷盤有開邊藍龍蝦、磯煮鮑魚、原粒大帶子、長腳蟹。藍龍蝦肉質爽口鮮甜彈牙，蝦味濃郁啲。磯煮鮑魚用醬汁煮過，非常入味，口味微甜，肉質有彈性。原粒大帶子比刺身更鮮甜。唯一失敗係長腳蟹，肉質好霉味道偏鹹。熱葷海鮮有粉絲蒜蓉蒸扇貝、中式龍蝦、香芒汁大蝦、香煎魚柳。味道一般，口味偏鹹，龍蝦特別鹹，好明顯大廚唔

聽講星期六日好多日子都已經冇位所以weekday黎食本身唔係大食既人 所以都驚食得唔多野嚟到一開始食冷盤 見到蟹腳係拆左殼真係令人好興奮😂機燒鮑魚都好好食 好入味 冷盤算好多嘢食 其實食完2round 冷盤都飽飽地試咗啲刺身有少少覺得其實唔係太新鮮 不過都唔緊要 因為寧願食龍蝦都唔會食繼續食三文魚🤭熱盤方面選擇其實唔算多 每樣份量都係細細件想試多啲嘅都OK～好快就有人送疏乎厘上嚟 但係我哋個個都認為原味先係最好食唔落芒果汁係最好 芒果汁有種假嘅甜味浪費咗成個疏乎厘..同埋太濕 可惜左😌然後梗係食甜品🤣甜品真係好多選擇 樣樣都好好食服務方面都唔錯 試過有服務員收唔切碟 都黎say sorry整體 環境氣氛都好優雅 想安安靜靜食飯嘅話真係一個唔錯嘅地方 畢竟要一個安靜食自助餐嘅地方都唔多～

黎到半島酒店的露台餐廳每一個人都可以像淑女一樣優雅地吃個自助餐。香港半島酒店露台餐廳，一間於1933年就開始做自助餐的地方，裝修雅致保留了19世紀殖民地色彩。食物款式方面貴精不貴多，冷盤，生果，海鮮，肉類，甜品等等都有，而且擺放得10分優雅。推薦大家一定要食芝士焗帶子同忌廉湯，仲有半島酒店招牌英式鬆餅。係自助餐呢度可以無限食，每一次來都忍唔住食返兩三個先走。露台餐廳 (尖沙咀)尖沙咀梳士巴利道22號香港半島酒店1樓