順濠坊 (已結業)

返工日子最爽就係放工去食好西嘅時刻，想爽爽佢所以就約左媽咪去食一間小菜，佢就慳返啲力水可以唔洗煮啦！間唔中都要咁樣調劑享受下人地煮埋嚟就食嘅感覺㗎嘛！呢間順濠坊可以打邊爐又可以食小菜，兩樣都想就兩樣都嚟啲啦，我想食酸菜魚又想食九肚魚！兩樣嗌晒就夠滿足啦！酸菜魚勁大煲，啲魚嫩滑魚湯奶白色好清甜有家嘅感覺！兩個人食真係覺得啲魚食極都食唔完咁仲有唔同嘅菇作配料，好豐富！仲點左椒鹽九肚魚，外面勁酥脆內裡好軟滑！連埋蒜片一齊食仲香口！仲有好驚艷係佢地嘅醉豬手，本身仲驚係凍上嘅，但原來係熱騰騰藥膳豬手再帶點酒香啫！豬手舊舊都好大舊，最正係豬皮充滿膠質嘅部分，筋位都好爽口！最後再食埋炒萵筍就剛剛好啦，唔油仲keep到爽脆嘅萵筍就知呢度炒野好掂！

黃金尖椒皮蛋 $48皮蛋我就食得多，呢隻黃金皮蛋我都係第一次食！本身好似啫哩個part蛋白變左透明黃金色，食落更加彈牙，加上帶點微辣，惹味又開胃嘅一道前菜～無味精老火燉湯 $68老闆推介叫我地試下今日個松茸燉湯，嗌咗之後覺得果然冇介紹錯～入面好足料，豬肉同松茸都係可以食返嘅，至於啖湯就非常香淳，有屋企啖湯嘅感覺呀！招牌黃金脆皮九肚魚 $88九肚魚係呢度嘅招牌，當然要試下佢有咩過人之處，雖然我本身覺得九肚魚點都好食，但呢碟九肚魚就畀到我不一樣的感覺。以往見到嘅係一條條，而佢係一片片，外皮望落十分之鬆脆，食落都係一樣，入面嘅魚肉帶點可以食埋嘅骨所以口感幾豐富，魚肉都好好味！豉椒炒大花甲聖子 $188想食炒海鮮但人又少嘅時候，仲可以兩溝食多啲款，花甲同聖子都好鮮甜，炒香嘅聖子啖啖肉勁正。不過收費就當然跟貴價海鮮個價，抵唔抵就睇個人啦。欖菜肉鬆四季豆 $88鹹香帶點辣味嘅炒四季豆係超好送飯。整體黎講小菜嘅款式同味道都令人有驚喜，而且份量都好岩兩個人食到。老闆亦好好客，落單時有講有笑，睇黎我地會bookmark呢間做飯堂啦～

友人推介這裡的小菜很有特色，今晚便來一試。這裡離佐敦地鐡不遠，靠近官涌體育館，地方不算很大，不過都坐得舒適的。椒鹽九肚魚88，以蒜片和紅椒碎爆炒，已經炸得很香脆的九肚魚，九肚魚外脆內軟，不會太鹹和油膩，怪不得是小店的招牌菜色。青島啤酒大支裝$24，用來吃美食就最適合。🦐蝦干啫啫生菜煲108，店員將煲在我們面前打開，已經香噴噴，煲內還有吱吱聲，她再快炒幾下，大大隻的蝦乾撈勻肉碎後，便可以吃。生菜吸收了蝦乾和肉碎的味道，令人垂涎欲滴。水煮桂花魚鍋$238，點菜時以為是小菜，不知道原來是可以用來火鍋的，上枱時才知道。桂花魚沒有骨，啖啖肉，配上水煮方法很合適，鍋內還有萵筍、薯粉和芽菜，吃完已經飽了。最後看到餐牌，十点鐘後有串燒，下次可以嚟試試。

入冬凍冰冰梗係食返餐辣野😋同事話有好介紹，放工即去同女神試試😝水煮安格斯（小辣) $268安格斯牛肉味道有層次，先有水煮香辣味道，咬落再有香濃牛肉味，肉淋。小辣辣度適中👍🏻配菜多，有萵筍，芽菜，海帶，粗薯粉，西芹，全部都入味👍🏻好飽肚！豉椒炒聖子 $188有3條大聖子，新鮮彈牙！豉椒味出色！配菜皆甜！蒜蓉炒菜心 $68蒜蓉味濃，由生蒜炸蒜混炒！菜心入味，但偏淋！餐廳大約22個位，閒日七八點，入座七八成。建議訂枱，可以坐兩邊卡位，較舒適！

天氣開始凍，涼涼地最好大邊爐。今日同男朋友放工後去佐敦食晚餐，黎到這間多客人讚的本地特色店。我們7點幾8點左右到達，已經滿滿的客人坐滿店內，我們就試試以前的大排擋感覺的戶外飲食，正呀！好地道喔好搶眼的餐廳，有火鍋又有小菜10點後更有即點即燒香脆串燒！！！🍡🍡🍡下次有機會一定要試海鮮、羊腩、烤魚、雞煲等等凍冰冰的天氣，我地一直好想食羊腩煲，這裡剛剛好有古法羊腩煲！好好有招牌推介！招牌九肚魚好吸引！好想試呀，可惜怕怕羊腩煲太大煲，唔想浪費！終於這一年第一次食羊腩煲啦（古法羊腩煲）（大份）好大份！好足料又熱辣辣又香噴噴好多羊腩、枝竹、冬菇、馬蹄、香蔥等等，好香又入味！ 羊腩好大件，好軟腍好入味好香口！枝竹：好吸汁，我們超喜歡喔！好香豆味又有口感馬蹄：好爽口好清脆！好多粒冬菇：吸汁好好味、冬菇好厚身、口感彈牙配上醬汁（腐乳及香蔥），點上羊腩，咸咸香香，增加風味生菜：好新鮮好脆口！健康又是配羊腩最適合的白飯：男朋友是飯筒，所以點了一碗飯送羊腩，軟硬剛好！🍚🍚🍚坐戶外的有涼涼風吹著，服務姊姊好好的，不時就會出來睇下客人有沒有需要

今日與同事0T後经過佐敦順濠坊，被门口的火焰蟹海鮮鍋菜式吸引了，於是與同事決定試吓此间順濠坊。順濠坊主打川菜，火鍋小菜，重慶麻辣烤魚、酸菜魚、藥膳醉雞鍋、古法羊腩煲、惹味辣子蟹、柱候薑蔥炒蟹、蒜蓉粉絲蒸蟶子、黃金酥炸生蠔、椒鹽九肚魚、招牌口水雞...等等，非常多款式，餐廳還特别𤔡猫頭鷹一族於10點後增加海産及肉類串燒呢。蒜蓉炒菜心$68食菜心很多時都會有少少渣，但這個菜心比較嫩，炒得比較香口及夠鑊氣。黃金酥炸生蠔$108。黃金酥炸生蠔，食得出是港岛蠔，不是很大隻，入口外香脆，内軟多汁，很香口很正。最後還是覺得炒蟹夠鑊氣，所以要了一個柱侯薑蔥炒蟹$388。柱侯薑蔥炒蟹非常多薑蔥，獻汁濃度適宜地掛著蟹件，一大碟清清脆脆的蔥及橙紅色的蟹，見到已經令人垂涎欲滴。蟹件略為走油，蟹肉新鮮，入口肉質鮮甜，現在是食蟹季節，蟹非常多膏，入口细味感覺蟹膏香濃满口腔，濃郁的芡汁，充滿著蟹膏的香濃，包裹着鲜甜的蟹，非常好味，十分推薦。

移民到加拿大的老朋友上星期回來，相約吃晚飯一聚。於是特意帶他到佐敦吃風味小炒，嚐一嚐久違的香港味道。 順濠坊位於佐敦閩街，從地鐵站出發大約十分鐘便到，地點都算方便就腳。餐廳提供川菜為主，有酸辣魚，雞煲等等。除了餐牌的菜外，還有每天的廚師推介。我們一行人點了幾樣菜一起分享。 無味精老火燉湯 (⭐⭐⭐⭐💢) 真材實料的老火湯，飲起來便知龍與鳳。味道濃沃，而且喝完不會口乾。配料包括螺頭，老雞和松茸菇。松茸菇不但好吃，有嚼口，而且營養價值很高。有助降三高，保護肝腎，增強免疫力等等，真的是又好喝又健康。 紅酒燴牛尾骨 (⭐⭐⭐⭐⭐) 這個牛尾骨份量挺多，一共有六至七件。足夠二至三人分享。牛尾煮得十分淋，但不會失去肉質口感，吃起來有十分重的骨膠原。紅酒的味道也拿捏得十分好，有淡淡的酒香，但不會搶去肉質的鮮味。特別一讚的是蔬菜是最後才落，不會煮得太耐，能保持爽口。 招牌黃金脆皮九肚魚 (⭐⭐⭐⭐⭐) 招牌菜果然不同凡響。九肚魚炸得外表十分鬆脆，但不會覺得太油膩。裏面的魚肉質十分鮮滑。建議配合喼汁一起吃，更能提升九肚魚的鮮味。 黃金酥炸生蠔 (⭐⭐⭐⭐💢)生蠔是即叫即炸，上枱時還是熱辣辣，冒著煙。相比

食宵夜又到辣辣時段 openrice尋找到佐敦順濠川菜火鍋串燒到達時星期六晚 order的食物5成已經賣灑 真的不好彩 但勝在呢間老闆好風趣，不停講笑之餘到後尾上蛋糕關灑燈唱生日歌 好有包場感覺仲請左我地食左懷舊陳皮魚蛋 聽聞係未賣得醃螄蚶 $68 不會太咸 還有鮮味串燒等了個半鐘 2串雞翼2隻 $18 燒得比較入味 不會燒得乾灑豬頸肉 $ 18 價錢略高 一串得1件 收十八大元 得一件未免太小家椒鹽九肚魚 $88 老闆推薦必食 個人就覺得冇乜味也不香口 手拍青瓜 $48海鮮包 $58花蛤 螺 粉絲係底下 吸灑海鮮的鮮味川味雞煲 $138 雞嫩滑而又入味 直得推薦泡椒雞腳 $48 雞腳醃得入味而辣薯粉 $30比較淋身 不必煮太耐辣子雞軟骨肥腸 $168 又係漏單 等了個半鐘 但呢個餐牌上沒有 雞軟骨食落脆口 配酒聊天的好選擇 肥腸炸得比較淋身味道 賣相衞生服務抵食推介

最近友人晚晚ot，想約佢食飯唔容易，但朋友係一女見既，於是都係夜就夜啦都要照食~佢介紹公司附近既一間小店，每晚都好爆場，打開menu睇睇，有小食，小菜，小炒，火鍋，10pm後仲有串燒，食物選擇多元化~酸辣手拍青瓜 $48爽脆青瓜配酸辣醬汁，醒胃提神，岩哂長期ot無精神既友人~彩虹鮮果咕嚕肉 $108酸甜既醬汁唔多唔少剛剛好，每件肉都掛上醬汁，但外皮依然keep住非常香脆，肉質爽口位，咕嚕肉黎講佢非常高質~招牌黃金脆皮九肚魚 $88外層香口，魚肉軟嫩，面頭灑上炸蒜粒好惹味，送酒適合不過，獨自吞併一碟無難度吧~酸菜桂魚鍋 原條新鮮桂魚切件放入酸菜湯底慢滾，魚肉嫩滑，湯頭鮮甜帶酸菜既酸味同一點咸香，食下食下整個人都暖起來~安格斯牛，手切牛睇食評見有人可以叫到雙拼牛，就試下問下，真係可以啊~放落酸菜鍋度打邊爐咁食~我比較喜歡安格斯牛，比手切牛軟嫩，油脂較多，甘香，牛味亦濃，好食~最後仲點左支汽水，大滿足~

第一次黎食係星期一，當時入座率不高所以無出現問題，食物質素唔錯於是再訂位同屋企人去食生日飯。到今晚（星期四晚）再黎食，我地入座嘅時候係第二定第三枱，入去已經無乜人理。叫完餸上菜速度極慢，d餸好似食法國菜咁食完一碟先上另一碟（係七個人食完一碟再逐碟上⋯）食到最後兩樣個羊腩煲（主要係黎食個羊腩煲）都仲未黎，問完個阿姐佢走咗去同另一個男人（應該係老闆）講嘢，講完就無再黎話我地知係咪整緊。又等多10分鐘搵另一個阿姐，佢話因為太多人多單整緊（我地係第二、三枱黎，同我地一齊入座嘅幾枱人已經食完走埋！呢個藉口實在當我地係白痴）！於是又等多15分鐘無人理⋯ 呢刻真係火黎，一家老小食哂嘢響度唔知等乜😤 於是再問一次阿姐其實係咪漏單，佢仲想hea我！等咗2個鐘唔通羊腩煲真係即炆？！其實只要第一個阿姐老實話漏咗單，講聲唔好意思，話我地知要等幾耐左右就無嘢，呢d係基本服務同禮貌⋯ 全程已經叫俾水又要叫幾次（老人小孩不能飲其他飲料），拎支牙簽又要三催四請⋯ 連🥄都無支⋯ 最後個帶子蝦仁炒飯又咸到喊🤮 真心無下次！！呢餐生日飯食到好唔快樂

辣野從來都係我最愛，無辣不歡既我當令到朋友介紹一間係出色既川菜就當然要試一試係咪咁堅啦。餐廳係佐敦地鐵站附近，步行十分鐘就到，大大個招牌，有幾有氣勢喎。入到侍應就好熱情咁招呼，仲會推介唔同既菜色，一心想食辣野既我當然要試下水煮魚呢D名菜啦。除此之外，仲見到大大個banner 寫住黃金脆皮九肚魚，一於都試下啦。黃金脆皮九肚魚份量多，賣相靚，就係呢道菜一黎到我既感覺。急不及待影張相就拿拿聲食啦，九肚魚非常飽滿，外皮又鬆軟又乾身，而且一D油膩既感覺都冇，一咬落去即刻出晒煙，魚肉非常嫩滑。欖菜肉鬆四季豆四季豆炒得岩岩好，唔會太生令到太硬，亦都唔會太熟搞到淋晒，而且肉鬆加埋豆豉，非常惹味。川味辣子安格斯呢個係餐廳另一個招牌菜，而且辣到仲可以有小，中，大辣，任君選擇。鐘意食辣既我當然要試試大辣，牛肉非常嫩，而且十分香口，呢味菜另一個好食既地方就係腰果，腰果炒得非常香，鐘意食辣既朋友一定要試下。水煮嫩滑桂花魚份量非常多，原條桂花魚，而且賣相好吸引。都係有大，中，小辣既選擇，今次呢個水煮魚就揀左中辣。呢味菜唔係淨係得辣，當中既花椒八角都令到成道菜非常香，而且仲有唔少配料，例如粉皮，海帶，芽菜等，有唔同

在官涌打完波，就係附近食下野，想食香口炒餸，又想食水煮魚，咁啱嘅……順濠坊。店內店外都坐得，適合大班人聚會。菜式多樣，仲可以火煱。竹庶水($12)津路烏龍茶($12)招牌黃金脆皮九肚魚($88)椒鹽九肚魚，脆卜卜，好香口，唔油腻，肉質白滑細膩，豆腐咁滑，仲有炸蒜片食，附酸汁，又多種味道，不愧為招牌菜。豉油皇海蝦($108)，師傅已把蝦頭稍稍切開，連蝦殼、蝦頭都食得，好鬆脆，蝦肉新鮮彈牙，有鑊氣，火喉控制得好好，醬汁超惹味，唔駛剝殼好方便。水煮嫩滑桂花魚($238) 小辣可以挑辣度，辣椒不會很多，坊間都放超多的，但味道剛剛好，沒有減少。而且有成條魚咁多，經濟實惠，份量夠3-4人食。魚肉真的很嫩，加了芽菜、海帶、蒿笋，還有寬粉，不用外加。清炒鮮甜萵笋($68)是粗切，不是切絲，比較有口感，很爽口。

佐敦一帶都幾多特色菜館，呢間新開無耐嘅川菜館，唔係友人介紹，爭D都走漏眼以為全部食辣?  咁就錯啦，呢度有小菜，亦有火鍋天氣唔係太涼，今晚就改為叫小菜無意中聽到侍應向隔離枱推介每晚精選燉湯 ($68)，不加味精，今晚係松茸螺頭燉鷄湯，岩口味喎，唔執輸叫返盎飲下!原盎上熱辣辣，2人分享都可以，打開蓋已經見到大量湯料，好香呀啖湯飲落真係無咸味，懷疑佢連鹽都無落，但飲湯就係要飲到原味，飲完感覺舒服，有屋企嘅味道!椒鹽九肚魚 ($88)係呢到嘅招牌菜，目測每枱都必叫，炸蒜片灑落去金黃色九肚魚上，多一份香蒜味，呢個時候，點可以唔叫返支凍飲呀?!入口就知佢咁受歡迎嘅原因係咩啦，炸醬唔厚，夠鬆脆; 內裏軟滑九肚魚，一脆一軟，兩種口感!  不出15分鐘已經被我地KO晒!酸菜嫩滑桂花魚鍋 ($238)，可選辣/唔辣，當然要辣啦，最多小辣，酸配辣從來無得輸! 用電爐一路慶住食，保持熱感!  鍋料除左有酸菜， 桂花魚外，仲有金菇菜及鮮冬菇，材料都幾豐富!個人習慣喜歡飲頭啖湯，湯底比出面食開嘅厚身D，酸辣味道比例幾好，唔會有嗆喉感覺!桂花魚肉質超嫩滑，片成魚片，進食方便，但偶有小骨，小心!  有酸菜中和返，減

同friend食飯就通常都係雞煲邊爐，但係有時就心郁郁想食埋小菜，今次朋友就搵到間一次滿足曬我兩個願望晚餐廳，小店黎嫁，服務超好，店員會跟據你口味推薦唔同菜式，各款食物亦做得相當出色～聽講十點後仲有串燒，但今次冇試到～椒鹽九肚魚，一直都好怕食九肚魚，因為炸唔透既話d骨吞唔落肚，但呢到炸得超香脆，加上調當調味，趁熱食，正～川椒辣子蝦，睇到咁紅就知一定超麻辣超正，事實上都係，唔同辣椒炒出黎既麻辣味非常有層次，另外炸脆既蝦可以連殼食～雞煲，雞件好滑，醬汁既味道辣中帶小小甜，又係另一種玩法，但都係好食的～

鐘意食辣野既朋友有福喇！！今次要推薦呢間順濠坊價錢算抵食，尤其是打邊爐！同埋有小菜揀，選擇都唔算少。最最最推薦川味辣子安格斯（$168），辣子雞聽得多，辣子牛都係第一次試😂食得辣既唔好猶豫，起碼叫中辣！！辣得過癮之餘仲好香！個安格斯牛粒肉質好掂，一啲都唔韌，生熟程度啱啱好，同埋牛味好濃份量一啲都唔少，好抵食！川味香滑雞煲 （$138 小）因為有一個朋友食唔到太辣，所以雞煲就叫咗小辣，不過小辣簡直同唔辣一樣，係連佢都覺得唔辣😂所以食得辣嘅話可能要叫大辣先夠～啲雞煮得好滑，不過上枱嗰時未熟晒，所以大家記得等一陣先食。而個雞煲除咗辣椒之外，仲加咗好多芫茜、西芹嗰啲，所以味道都幾豐富，整體黎講水準唔錯。又係非常推薦嘅辣子系列——川椒辣子蝦（$168）！嗰啲辣味入晒落個下蝦殼度，所以除咗食入邊嘅蝦肉之餘，記得「選」埋個蝦殼啲蝦肉本身幾有彈性，質素唔錯！同埋我估呢一碟菜都係呢間店舖嘅招牌菜之一，因為我哋嗰晚七點半落單已經係最後一碟，成間鋪有一半嘅客人都有叫！！鐵板黑椒德國鹹豬手 $128上枱嗰時本身未加黑椒汁加完炸炸聲整體黎講中上，豬手肉質好腍值得一讚，鹹度適中，但黑椒汁再多啲就更好喇，因為洋蔥索