風雲丸 (已結業)

今次為左去睇聖誕燈飾而過海，咁岩又幾凍，就諗住搵間好食既拉麵試下佢，灣仔出名多美食，當然係搵頭幾位試啦，就咁就搵左 "風雲丸"。 平日夜晚7點幾左右去，已經好多人，好彩唔洗等位 我有呢個app!!本身見到已經想食，做會員又平左餃子我覺得一般，餃子汁唔夠好味*2個拉麵上完，已經冇位放餃子叫左個豚骨魚介味玉沾麵原來有得揀麵底 份量，我呢個已經係大盛，建議女士可以揀低一級，不過份量多少都一樣價錢。湯底濃味，大家可以一試。最後食完麵，我選擇加湯飲，味道都ok。

今日同朋友食晚飯，係我既錯。我求期搵咩都冇睇就點左呢間拉麵食，睇完又唔記得我之前已經睇過呢間食評...結果唉。炸雞正正常常，因為都已經好肚餓。今日計埋我3個人，有一朋友叫左呢個「豚骨魚介味玉沾麵」，因為之前係令外一間食過沾麵覺得咸所以都唔敢叫，我自己叫左個普通豚拉麵算，試左佢啖湯覺得不錯唔多咸感覺有點信心。諗住冇死錯人。還有朋友話熱鍋下面個舊木板有碗布味，呢樣野我係令一個食評見到。慘跟住我個「豚骨魚介拉麵」來左，試啖湯。#*+what the 咸到死亡！我想問下個湯同沾麵有乜分別先差不多濃結度？！下，唔係多左小小水就扮拉麵痳？跟住試豚肉，問心舊豚係ok既，但都係有點涼涼地唔多熱，湯你一眼曬冇乜水。如果你話比我聽上面舊筍係木筷子醃我都會信，堅難食！跟住食個麵，個麵係直頭生麵咁硬，我叫麵度適中wo，唔係硬麵更加唔係要生麵...令外個位朋友同我一樣食同一個麵但佢碗湯話淡，我話唔係痳...試完真係，結果3個人3碗麵湯其實係一樣味道，但咸味分3個 朋友A無味（豚拉），朋友B適中(沾麵），我（豚拉）勁咸。結論係「味精應該後加」你有冇試味呀師傅！666$100蚊碗拉麵做到「咁好食 」！抵我幫你寫食評

放假懶洋洋，在灣仔見到一間日式沾麵店，門面裝橫很有特色，眼球被吸引了。內裡風格如一，有著漫畫風的壁畫。店舖有沾麵，拉麵，小食等，更有酒精飲品😜魚介豚骨味玉沾麵十分出色。麵可以選擇200g/300g/400g，價錢一樣，適合細胃人士和餓底朋友。湯底以石鍋送上，濃郁可口，食到最後仍熱辣辣，十分欣賞。麵質有咬勁，味玉溏心效果不錯。而豚肉是厚切，肉和油脂比例剛好，加上灸燒，令味道層次更豐富。燒汁唐揚炸雞非常香脆，內裡仍有肉汁，沒有油膩感，一份有5件，與朋友開心share剛剛好。

We were walking through Wan Chai and walked past this familiar looking place.  It looks just like one of our favourite ramen places, 'Bari-Uma' .It could be from the same group, but the experience was a little different. They are quite rigid with their seating so for example, they won't let 2 groups of 2 sit in their 4 people area (despite it being made up of 2 tables pushed together), which perhaps was a bit pointless or they worked it out to be more efficient, but anyway, we ended up sitting a

這店在舊公司附近，一直想試剛巧今天在附近見工後很餓便毫不猶豫入店了過了午飯時間，基本上都沒什麼人入店已看到很多日式燈籠和長長吧枱內部以木的元素呈現出很日式感覺原隻龍蝦味玉沾麵 $148期間限定有種不可不試的魔力麵量揀了200G，節食女士剛好正常下300G較好，男士大概要400G沾麵汁沸騰著上枱，鹹度剛好，鮮味十足龍蝦手掌般大，貼心地已開邊起肉食時不算麻煩，啖啖肉很滋味流心蛋看圖不用說，過關建議食到最後擠檸檬汁，有煥然一新感覺完熟梅酒 $28酒精濃度9%，酒精味不濃，帶甜和微微梅香自己小酌一杯，不小心便ENCORE了總括而言，石鍋沾麵的確很適合冬天食食了大半小時，最後仍是暖的食完很暖胃，相當不錯難怪用餐時段經常大排長龍

依家香港啲拉麵店開到一間接一間，其實邊間最好食係真係好因個人口味。灣仔呢一間都開咗一段時間，我見成日都有好多人係入邊，隔咗咁耐終於有時間去試吓。一入到去嘅感覺就係好傳統嘅拉麵店裝修，光線充足，地方企理。呢度有拉麵同沾面，咁我哋兩個人就各叫一款。我揀咗肉盛石燒濃厚豚骨魚味沾面$128貴少少有多幾塊厚豚肉，加埋400g面。好抵呀！豚肉經過慢煮，咬落去好林，面頭燒香左，食落好香。湯底好濃郁的嘅豚肉味加上有少少魚味，味道層次多咗，比普通豚肉湯底更好味。豚肉嘅份量真係唔講得笑。結果食唔晒啲豚肉，剩返兩舊要拎走。另一個辣豚肉魚介拉麵$93湯底好辣，係日本辛辣果種，辣得來幾過癮。拉麵質感冇沾面嘅彈牙，但係各有特色。大食的人，如果俾我揀我會食沾面，面多d，飽肚啲。辛口沙拉燒餃子$38好好食呀！好好食呀！好好食呀！重要嘅事必須講三次。餃子煎得啱啱好，皮脆肉嫩，加上辣汁好滋味呀！

因為要到上環上課的關係 這天出來了港島區逛街 在銅鑼灣逛到6點多 離上課還有點時間就先找到地方吃晚飯 剛好路經這家拉麵店就進去了有拉麵 沾麵 飯和小食 選擇算多元化 麵類還可選擇麵的份量 很貼心 看到期間限定的龍蝦沾麵很吸引就點了濃郁的龍蝦湯以石鍋裝著 上枱時還熱騰騰冒著泡 原隻龍蝦已從中間切開 打開就看到飽滿的龍蝦肉 肉質厚實彈牙 連麵沾湯吃能吃到濃郁的鮮味和海鮮的咸香味 糖心蛋的糖心效果亦做得很好看到很多人都點燒餃子 所以也點了一份 外皮非常薄脆 內裡餡料充足

老公好鍾意食拉麵同沾麵，今次我哋去咗風雲丸 ，環境都係好日本風格，好有FEEL呀!! 但其實每次老公提議話係拉麵/沾麵，我都會有少少擔心。因為怕湯底太濃，驚阿女唔啱食。點知今次呢間拉麵店，仲有兒童餐提供。亦好窩心，同樣都有拉麵或沾麵兒童餐。一份兒童餐，有杯鮮榨橙汁，埋單嘅時候仲有玩具送。重點係，兒童餐嘅湯底味道會淡一啲，唔需要擔心小朋友食會太咸太濃味~麵底方面，仲有得揀並200g/大盛300g/特盛400g/富士山盛800g。我點咗豚骨魚介味玉沾麵，即係多隻蛋嘅麵。不過，我個湯唔係幾夠滾，呢方面有少少失色。而老公就點咗肉盛豚骨魚介沾麵，因為驚唔夠肉食，想嗌個勁嘅分享。不過，原來唔需要揀肉盛都好夠食，因為塊塊肉都好厚切，好似五花腩咁~呢到仲有唔少小食，都幾多嘢食揀。不過，我哋食咗200g沾麵，都已經好飽了!! 有機會下次再試其他嘢食，整體上湯底唔算油，味道到夠香濃。

經過附近就來試下呢間日式沾麵店 內部環境光猛 裝潢都幾吸睛 色彩繽紛 氣氛唔錯 帶位服務生好有朝氣 坐低左之後 發現無位置可以放袋 掛褸 因為椅背比較矮 櫈底又無竹籃 咁凍既天氣外套比較大件 又有頸巾之類既野 就真係幾唔方便來到當然係試下佢地既撚手之作啦叫左一個 石燒豚骨魚介味玉沾麵 & 辛辣豚骨魚介沾麵 加 味玉（用醬油醃製過既半生熟雞蛋）再叫多兩個小食 羽根餃子🥟 & 燒汁唐揚炸雞🍗燒汁唐揚炸雞 大概有五至六件 外皮炸得好脆 淋左燒汁都唔會話淋哂 肉質唔會好乾 但唔會係有肉汁 不過不失 兩個石煱湯底上枱時都好似溶岩咁跳動 熱騰騰的 枱上貼有一張建議食法既漫畫 石燒豚骨魚介味玉沾麵 溫麵 湯底濃郁 但味道真係都幾鹹 沾左麵就好少少辛辣豚骨魚介沾麵加味玉 溫麵湯底同樣味濃厚身 兩者都有濃郁豬骨魚介味 用匙羹潷底會有啲魚鬆同肉碎辛辣味對於鐘意食辣既人來講 唔會太辣 只會覺得辣味足夠並唔會掩蓋其他食材既味道 味道適中 唔會偏鹹但對於食開bb 辣既人就應該要勁飲水了湯汁能夠成功沾麵上沾麵本身麵身會比一般拉麵粗啲 但我略嫌佢粗得滯 麵沾上湯汁都唔太夠味 不過亦因爲佢咁粗 所以會食到麵本身既麥

小妹今日心血來潮去左銅鑼灣，經過見無乜人又唔使排隊，就入去試一試個沾麵。點知非常中伏，麵口感過軟，湯底肥膩過咸，啲鹽好似唔駛錢咁，絕對絕對係考驗你嘅腎功能。師傅做嘢求其拿西，沾面既一大禁忌⋯⋯水都未鯨乾就上枱，要求加湯點知原來沾面竟然係冇湯加。加埋成$100 一個沾麵，完全係差個屋企樓下$20碗嘅雲吞麵。仲有，阿姐抹枱嗰條枱布嗰浸鹹香味，好似我老竇三日冇洗嘅嗰對襪咁我奉勸各位朋友如果唔係會餓死嘅話都千祈唔好去食

是日下午經過灣仔風雲丸，好好好好 eye catching，而且好似日本d拉麵店，知佢係尖沙咀有分店，當晚就番尖沙咀k11對面分店食，一樣排晒隊，期望好高，不過入到去就中晒伏。首先聽倒附近食客舉手追問上菜未，上左菜嘅又話黎錯左。到我地，叫左一碗沾麵，一碗拉麵，一客餃子同一枝啤酒，最後等左半個鐘先有得食，仲要明明落單寫啤酒但最後打單無打到。濃湯沾麵先到，賣相好靚，但是湯死咸，食唔倒魚介味，麵身好林唔彈，而麵身唔掛湯，最好味係流心蛋。而拉麵就最後上，凍冰冰嘅天氣食一碗微溫嘅拉麵🍜，唔明點解係廚房拎出黎廿步內距離可以凍晒。其實一蘭就係隔離街，要競爭就應該好好管理好質素。

有見逢依家定咗星期一係🌪風雲日，沾麵買一碗的話，第二碗會半價，咁抵食當然要衝去食番兩碗❤️豚骨魚介味玉沾麵 $93咖喱魚介沾麵 $93🦈先講湯底，入口魚介味濃，有種木魚碎嘅香味，濃度適中，加上用石碗上，夠晒滾唔怕入口不冷不熱，更可以保持到個熱度耐一點～ 咖哩豚骨底嘅咖哩都好香濃，仲有陣黑椒味，食落更惹味，濃得嚟又唔係令人好口乾嗰隻～另外每份沾麵仲附上咗一細舊檸檬🍋，食到有啲膩時加幾滴檸檬汁，解膩得嚟更別有一番風味！食晒啲麵後可以加啲清湯再試真個湯底，可惜個清湯唔係好熱，撈勻湯底後入口一般，冇咩驚喜～麵嘅份量好flexible，唔使加錢嘅情況下已經有200g(並盛)/300g(大盛)/400g(特盛)可以揀，唔夠仲可以加$45要夠🗻800g(富士山盛)~ 另外麵仲有冷麵同溫麵可以選擇，冷麵聲稱會較彈牙有咬口，而溫麵聲稱會食到麥香，我地兩種麵都有叫，不過就真係唔太食得出分別😂 反正兩者都彈牙，麵條粗幼適中，足夠掛到湯汁入口~而且配料方面都同樣咁flexible，蔥量可以揀少蔥或走蔥，而荀就可以直接揀要定唔要~配麵嘅肉係🔥火炙燒肉，肥瘦分明，即使係瘦嘅部分，都唔會話鞋口或者痴牙。上枱時凍凍地，

之前係Facebook 見到風雲丸出左 '沾麵放題🍜' 咁一路都覺得自己係大胃王🤤既我當然都去挑戰一番😂 最後成功做左果晚最後一個客人😆 同成功左食夠1300g🤰🏻 可以參加佢地之後搞既大胃王比賽😂 雖然我唔會參加 因為都唔會贏到 但都係一個對自己能力既肯定☺️☺️ 其實食到1300g果時我仲可以食落去🤣 不過我見佢地已經就收工咁 咁我都做過waiter🤵🏻 知道阻人收工 係要比人燒袋袋🌝 所以就比錢走😂 btw近排都應該唔食麵架la😂-我去得遲 一入到間店已經冇晒蛋🥚 所以只係叫左個濃味豬🐽骨湯湯底🙂 一上菜已經同我之前介紹果間高下立見 佢既湯係個石頭鍋度上 而且上果時係滾既 唔會好似上次果間咁只係暖🤢 我食左成個鐘之後先慢慢冷落去🤤 咁就唔會有太咸既情況出現🙂 佢舊叉燒就正啦 夠肥夠淋🤤大大舊夠晒正🤤 麵就係唯一敗北 可能因為係任食 所以不停煮 未夠鐘就比你🌚 所以比較硬 難消化 😐 可能要完左活動再去試下先真😆-🎈灣仔軒尼詩道314-324號W Square地下B舖-平均傷害：$88好味值：6.5/10

第一次食沾麵🤓🤓呢間既沾麵有得比你揀要個麵底200g 300g 同400g 既份量🥳就算大碗d 都唔會收貴你😳😳😳 咁自己就要咗中間300g啦 點知原來都已經勁大碗🤣🤣-一上到枱嗰下個湯仲係滾既😳 之後塊肉勁大塊訓咗係個沾麵到 見到都流口水🤤🤤🤤 塊肉真係燒得唔錯😳 咬落去真係入口即溶 連唔太喜歡食豬肉嘅我都覺得佢好好食🥺🥺 可惜嘅係食到一半之後就會覺得有小小濟 因為啲沾麵唔吸湯嘅關係🥺 食到一半開始就慢慢減分☹️ 個人都係🥰🥰拉麵多d😳😳-

叫左個濃厚沾麵 唔夠味 只係夠熱 面唔掛湯 差..做會員加15蚊食餃子 大佬雖然唔係多錢 你唔洗比d好明顯係微波爐叮熱既餃子我食掛 皮極硬 焦邊唔脆反而𠝹口 一食就知係叮熱 極差!!!!!!!!沾麵舊豚肉好「un」 好有叮既感覺！再加上 我4點黎食 人唔多 但係個男waiter態度奇差 好似得罪左佢咁 以後唔會再黎食!!!!!!!本身見到其他分店好多人排隊 以為唔錯 但係真係好失望!!!!I hate chef mic!!!!!!!!!