風雲丸 (已結業)

今日又去灣仔上堂，上完堂經過w square見到呢間風雲丸， 已經晚上九點幾，都仲好滿座。於是我又入去食埋一份。由於太肚餓，叫咗一個小食同一個沾麵。 小食係沙拉唐揚炸雞。 熱辣辣新鮮炸出嚟，雞肉都算 juicy，好食。主菜係石鍋肉盛豚骨魚介沾麵。 由於我鍾意食熱嘢就叫咗溫面，冇叫冷麵。石鍋端上嚟嘅湯熱辣辣，滾咗都超過一分鐘。 將温麵再浸入熱騰騰的湯裏面，食落口滋味無窮。 由於係肉盛，有成四塊肉，肉嘅肥瘦分明，可以唔食肥，食落仲甜甜地。叫埋杯啤酒，咁就完美的一餐。另外，呢度嘅服務態度非常好，超讚。

2018年7月20日。灣仔。晴。呢日約咗朋友去書展夜場，所以放工極速衝到灣仔食嘢，然後即刻入去闖盪之前每次經過呢間沾麵店都見佢大排長龍今日就專程來試下為求簡單方便快捷，嗌咗兩份豚骨魚介味玉沾麵等食期間可以先睇下枱面嘅沾麵教學大約等咗10鐘，沾麵就送到啦～餐盤上有碗麵，麵入面有叉燒、筍同一隻蛋隔離有個石鍋，入面裝住個好滾動嘅湯教學指示將麵條擺落個沾湯都浸一浸，然後就可以夾起食得點餐時麵條可以揀冷麵或者溫麵，揀咗冷麵因為個麵質會比較煙韌彈牙，感覺更適合炎炎夏天麵條雖然只係浸湯幾秒，但係都可以吸收到魚介沾湯嘅鮮味沾湯濃稠，味道亦濃郁麵條吸收咗沾湯之後就濃淡適中，麵條依然保持煙韌口感另外叉燒嘅厚度十足，肥瘦分佈都唔錯，食完唔會油膩食晒啲麵之後可以加魚介清湯落個沾湯度，平衡返個鹹味同濃稠度然後就可以當湯咁飲啦～一個沾麵，多種食法，正啊～

沾麵汁用石鍋盛著, 滾燙燙的上枱, 賣相一百分。何惜麵質偏粉狀, 既不爽口也不彈牙, 入口頓時失望。-餃子賣相同樣一百分, 但完全不熱, 皮厚也沒有肉汁, 一點也不好吃。-看見食評都說炸雞出色, 點了一客辣炸雞嘗嘗, 肉汁很多, 脆皮剛好不太厚, 但味道欠奉, 不咸不香, 而且所謂的辣就只是很多的七味粉。-枱面上有貼紙建議食客吃完沾麵後加魚介湯入沾麵醬喝, 滿心期待魚介湯是熱的, 想不到竟然是涼的, 味道淡如清水, 這是令人最最失望的。-這質素不值接近一百元一碗拉麵啊!啊還有放在枱上的毛巾極臭, 一直飄來陣陣酸臭味, 都忍不住要叫侍應姐姐把它收下。

第二次黎食，今次叫左特別野，叫左特濃山椒魚干沾麵，一上台個湯滾熱辣，個沾麵可以揀溫或者冷，我叫左溫，個麵上有一塊厚切豬肉，豬肉上有山椒粉，將粉放落湯後有濃濃嘅山椒味，未落之前係濃郁嘅魚干味，建議你先食原味再落山椒，咁樣就2個味都試勻晒。件豬肉略厭多左d肥膏，不過整體係滑身同好味的。我另外叫左個唐揚炸雞，個雞一共有5件，而且大大件熱辣辣，外脆內嫩。我同朋友2個人一人一麵再叫埋個炸雞，飽得仔，實在太大份，岩晒大胃王。

原本有朋友帶路去灣仔一間餐廳午餐，但巧遇餐廳是日休息。經過「風雲丸」沾麵專門店，老實說，我對沾麵真的沒有好感，可能是在香港吃到的都是偏鹹的關係。在朋友鼓勵下，決定再給沾麵一個機會⋯⋯ 果然，有驚喜！店內裝修富有日式設計，既有吧枱可以看到煮麵程，也有梳發卡位可以坐得舒適。座位的擺設也參照了日本的拉麵店，令人忘記自己身處香港。這裡最有名的是豚骨魚介湯底以及自家製的麵條。可以選擇沾麵或者拉麵。大胃王如果擔心份量不夠的話，這裡還可以免費加麵底，200g/300g/400g。還是不夠？特盛加麵 800g 的話，另加$45。不像其他沾麵店的湯頭不夠鮮味，只有死鹹，「風雲丸」的豚骨魚介湯頭很鮮，很濃，鹹味適中。麵條是自家製，有咬口，而且非常掛湯，味道十分好！另外還點了羽根餃子，冰花的煎法，很脆，但餡料略嫌普通了一略，整體味道一般。總結：豚骨魚介湯有驚喜，麵條掛湯度很好，十分有驚喜，打破了以往對沾麵留下的不好印象，由這碗開始重新認識沾麵！

今日放工同朋友去左試一試呢間風雲丸，平時都有條短人龍，今日難得早放，又冇人龍，就去試一試。店鋪的設計風格貼近日本本土的理念，例如在外牆貼了不同的粗體日文標話，再加上一些卡通化的拉麵圖案，滲透出濃濃的日本風。此外，店鋪中的坐位的安排亦很好，枱與枱之間的距離足夠，不至於旁邊說什麼也能聽見。我們點了店員所推介的招牌沾麵-豚骨魚介味玉沾麵，據店員說，平均有一半的客人也是點這個麵，所以我對它信心不足。點菜後大約十分鐘便上菜，遠方已聽到石鍋內滾燙的湯汁的聲音，這個聲音令人口水直流，沾麵的麵是屬於粗身及長身的麵，是日式食法的標準用麵，這點不錯，咬下去，軟硬度是需要輕咬開的，口感不錯，再試一試豬肉，肉的外層用火燒過，增加香味，而且肉的口感也很鬆軟，明顯已經過長時間的烹調，肉是幾好的。我把湯汁再輕嚐一口，果然有很濃的豚骨，再加上一點點的魚味，鮮味培增，亦很濃，兩者加上後，正正是我的最愛，香港也吃到這種拉麵實屬難得

星期五喺灣仔上完日文堂，落咗堂都成10點，唔係好多餐廳仲開緊。行行吓見到呢一間日本沾麵餐廳，出面望入去裏面好有日本風味而且食客亦都唔少，應該ok ge。所以就嚟咗呢度食下。環境方面，除左卡位呢度仲有圍著廚房嘅bar 枱位同自修室式枱。光線充足，牆上就有佢自己名字嘅壁畫。睇完menu 揀好野食後，可以攞枱上面嘅點餐紙點餐。最出名嘅就係沾面，所以我同Mary就點左佢出名嘅豚骨魚介味玉沾面，同期間限定嘅特濃山椒魚干沾麵。佢呢到好特別又體貼嘅係麵嘅份量係可以自己決定。200/300/400 g，視乎自己嘅需要，由於太夜，都唔敢食咁多，我地揀左300g。我地一個叫冷麵，一個叫溫麵。冷麵個麵就會較有口感，溫麵就會有較香麥味。豚骨魚介味玉沾面呢個值得一食，個湯唔係好似芡咁濃，但味道都夠。味玉仲有少少凍，咬左一口，蛋黃嘅汁會流出黎，煮得好好。我最欣賞係佢塊豚肉！首先夠厚同大塊，脂肪層同肉層分怖得好好，每啖都好好食。佢表面個層仲有燒過，食個陣會嗅到好香嘅燒肉味。超讚！特濃山椒魚干沾麵呢個係見到期間限定，所以想試一試。呢個好視乎個人鐘唔鐘意山椒。佢山椒味好濃，食完一啖都會有麻左嘅感覺。仲叫左支信洲有氣白提

黎得風雲丸當然要食沾麵~星期四的下午似乎客人不多，外邊又有風，於是我點了個熱到滾的石窩湯沾麵。熱熱的湯讓人心都溫暖了~又怕自己細食，所以點了300g的麵。不騙你我是個沾麵控，總要想辦法來吃一回才心息。難得路過更不得不幫襯一下。坦白說，這個湯頭不是太合我的口味，濃得有點膩，加了檸檬汁好d不過麵條很彈牙，早知叫500g。义燒很好吃，肥瘦適中，甜甜的~玉子就唔算好食，沒有煙燻味……最後的剩湯，加了魚介湯飲完，飽足~

朋友在灣仔區番工，經常經過都排晒長龍一直都好想食，所以襯放假下午時間可以去品嚐一下入到餐廳內，充滿著日本的裝飾用木的用料做裝修，簡單舒適。坐下來睇睇餐牌，咁就食左季節性這兩款的沾麵😋山淑魚乾沾麵 $98好熱辣辣很濃郁的湯底，配上檸檬🍋咸咸酸酸的味道十分美味，麵條浸落湯底一同食很入味，麵質爽口彈牙👍🏻👍🏻牛油忌廉魚介沾麵 $98充滿忌廉的湯底相當邪惡，再配上牛油令湯底更香濃！點上麵更是滋味食到停唔到口！

前晚去會展睇show, 入場之前朋友帶咗我去食呢間拉麵🍜。一入到去見到已經要等位，間野應該坐得30個人左右。啲佈置啊裝飾啊都好有日本拉麵店嘅feel，環境睇落都幾好幾乾淨，但係好似坐得逼左小小。咁朋友就推介我食嗰個沾面，睇清楚啲原來有得揀面嘅份量，啱晒我呢啲大食嘅人一嚟到嗰陣佢個湯真係好夠熱，仲有個石頭鍋裝住啲湯，但係我嫌啲面稍為硬左少少，同埋啲湯嘅味道都係一般，冇咩特別驚喜，不過唔使加一同埋價錢都算唔貴，都值得一試嘅

係灣仔軒尼詩道既風雲丸，往往都係環排長龍既地方，但今日難得六點幾咁早就係灣仔見唔洗排隊，即刻衝左入去。基本上店內每個人都係食佢既豚骨魚介味玉沾麵，咁我都唔例外，再另外叫多一碟羽根餃子試下。佢地既招牌就係一路食一路熱住沾麵湯既石鍋，上台時一路滾住，都幾有gimmick。佢啲麵都幾掛湯，但就咸左少少，而啲麵食落口質地軟硬適中。佢隻蛋就正正常常，普遍質素。而佢既叉燒係幾大舊，亦都有肥有瘦，食落口少少油香，軟腍腍好好味。佢既羽根餃子就比較上冇乜特色，街外普遍質素，比較想試下佢個炸雞。

早幾個星期 我位都係拉麵控既朋友send左個msg比我話風雲丸開分店 話叫埋我一齊去試下既然佢咁盛意拳拳，我就同佢試下啦（雖然都係去左總店）個日7點鐘去到係唔洗排隊既我同朋友分別嗌左 豚骨魚介味玉沾麵 同 豚骨魚介拉麵（加蛋）豚骨魚介味玉沾麵麵條似烏冬 唔似食緊拉麵沾魚介湯 掛左麵唔算太咸，正常魚介味 無乜話特別大驚喜 又唔會話失望叉燒反而比我驚喜，大大件 半肥瘦不過一夾就散開哂，蛋就下面再講豚骨魚介拉麵 $88 讚下d配料先啦 放面既葱係幾正既，叉燒係沾麵介紹過啦。拉麵呢個魚介湯，唔知點解有一股酸味 令成碗麵既評價降低左 我唔清楚本身係有呢個酸味定係只係我呢碗先有 不過個人認為無左陣酸味係會好d既魚介味正常 麵都係無乜特別 不過不失啦拉麵係無蛋既，要加$12先有蛋黎到已經係下面張圖咁，蛋有陣酒味 味道還可以啦....可以唔加總結，唔知係咪上星期去過日本食完頭十既魚介拉麵，翻到黎唔多唔少會影響到呢篇食評 小弟盡量用翻香港食到既拉麵去評價 沾麵可以一戰；拉麵就可免啦！風雲丸中規中矩啦

前幾日同朋友一齊喺灣仔行街，行左一陣大家都又熱又攰又肚餓。灣仔出名多野食，朋友就話想食日本菜，我又咁岩想食拉麵之類，所以就出發去搵好味既日式料理 😋我地行到去W Square，見到呢到開左間風雲丸沾麵店，朋友話係經常排曬長龍既人氣麵店。沾麵雖然唔係第一次食，但呢間係專門店，我同朋友都諗會唔會有咩特色賣點？唔諗咁多喇，既然一場黎到，就一於排隊試下，我地今晚要同沾麵決戰 😜店內裝潢充滿日本風格，細小既木枱令我回憶起曾經到訪過既日本地道拉麵店。店舖佈置精美，除左普通餐桌，仲有溫馨既小包廂。桌上有教客人食沾麵既指引，每一個步驟都係圖文並茂，非常貼心 ☺️餐牌真心抵讚，囊括左各款特色經典沾麵、小食同飲品，仲有埋圖添。 呢張自選拉麵紙好清晰簡潔，先選麵既軟硬度、溫度、要唔要蔥花、筍等等，有得自由配搭真係好開心 🤤呢到有多款不同口味既沾麵，亦有汽水同埋充滿日本風味既特色飲料，仲有甜品～ 事不宜遲，我地好快就點好餐 ☺️豚骨魚介味玉沾麵 $93沾麵既湯頭濃郁，相比平時食開既沾麵湯汁，加左魚介既味道幾特別。沾麵既分量可以任選200-400g，我地兩個都揀左 300g，分量岩岩好 👍🏻 另外我地點左一碗冷面

放咗工去灣仔會議展覽中心睇2018視聽展。去到灣仔都差不多兩點喇，入場前要先搵嘢食。今天就試下呢間風雲丸，食沾麵。先點咗個燒汁羽根餃子。原本係五隻餃子，忍唔住食咗一隻先至影相。Okay啦！跟住叫咗個 “野菜豚角豚骨魚介沾麵(特盛)”，味道一般，下次要試拉麵。食沾麵加湯飲埋是常識吧。飲埋湯就去睇展覽。座位之間比較迫，一個沾麵加個碟餃子，枱面已經無乜空間。另外椅下面位置太細，放唔落我個背囊；我將背囊掛喺椅背，職員又話阻塞通道行唔到。當天有9成顧客，但得三個職員負責落單執枱，顯得好忙碌。

魚介湯唔只好味，更好好營養， 魚湯有膠質，對皮膚好好呢。呢度嘅魚介豬骨湯超濃，魚味很重又唔腥， 店長話佢地用好多日本靚魚干先煲到咁嘅味道！ 裝修真係好日本風呢，bar 枱掛滿大燈籠，仲有日本人發明嘅面壁席，無論一個人或兩個都唔會尷尬。 食日食健康d, 點了最簡單嘅石鍋魚介味玉沾麵 再加煎餃子及一份野菜，呢度係一人份上菜時湯仲係滾架，所以食沾麵都係用石鍋好，食到尾湯仲係熱嘅！ 湯因為濃味所以麵及叉燒淡一點都無所謂，因為加起湯一齊吃，剛剛好。而我最愛嘅味玉都係流心㗎，真係想encore 黎多隻。 下次要試山椒味湯底！！