飯意主題餐廳 (已結業)

去長沙灣interview後, 揾間餐廳食個晏。openrice的評語中, 有間名叫 “RICE LOVE” 的小店評語不錯, 而且食物頗有特色, 行下行下好快揾到。筆者不太喜愛到連鎖集團的食肆, 反而喜愛到小食店去支持一下。如果不大力支持它們, 恐怕以後在商場街上只有連鎖集團。MENU雖然有些破爛, 但食物圖片印刷精美。這裡食物選擇豐富, 以飯及意粉作主打。任何食品可以用半價點飲品. 點了個 <台式珍珠奶茶> 平時不太喜歡珍珠奶茶, 原因太甜。這裡的珍珠奶茶不甜, 味道不錯。見到大部分食客都點蛋包飯或鐵板芝士飯, 鐵板似pepper lunch熱烘烘、蛋白飯似正宗日本蛋包飯, 正在豫疑不決之際見到牆上有有個新產品推介<招牌卡邦尼手作意粉件煙葱炒蛋 $45>。小店竟然自製意粉, 誠意可加, 不得不支持一下!即叫即做, 等了差不多十分鐘呈上。實物竟然同相片差不多, 實在難得。意粉的表面被金黄色的炒蛋覆蓋而且呈半流心的質感, 面上再灑上香草及芝士粉, 賣相非常吸引。手作意粉呈白色而且賣相似稻庭烏冬, 咬下去口感QQ彈牙, 意粉的波浪紋令醬汁更容易地掛上每條意

首先佢會放低一碗芝士 一碗蛋漿🧀🍳之後來一個鐵板上面有泡菜飯 飯入面有韓式辣醬既味😋首先將蛋漿倒係飯既中間，慢慢流落鐵板😋然後將蛋炒到半生熟咁，再放入芝士攪勻大約30秒，芝士溶左就食得啦！😍 分量好多 唔會覺得好漏 又抵食！$50蚊唔洗可以食到👍🏻👍🏻👍🏻不過今日排隊排左25分鐘先有位呀！

係instagram睇到飯意餐廳成日見到人地食芝士熔岩飯 好吸引見到呢間餐廳48蚊咁平 一於同男朋友黎試食抱住好興趣既心情黎到叫左一個芝士熔岩飯同小食拼盤芝士熔岩飯上枱有侍應幫手落芝士同蛋漿飯唔算好熱 即刻入到口 芝士拉絲效果的確好好 影相一流但係唔好食 冇咩芝士味 飯入面有泡菜成個飯整體好睇唔好食兩個人share食 最後都食唔哂呢個飯 好膩另一個小食拼盤亦麻麻 上枱已經凍左咁水牛雞翼好重口味 好甜薯格唔熱 好硬 kfc仲好食最期待既大磨菇上面都係得沙律醬溝吞拿魚成餐黎講 我地兩人都覺得係難食 好彩價錢平 一百蚊有找不過以後唔會再黎

一直坐車都有經過，每次見到rice love 都係排長龍，今日終於去試下，8：45到，等到9：30先入到座。叫左朱肋骨，芝士熔岩飯，漢堡扒朱肋骨真係堅抵食，68原條上，有成12舊，真係係街市買條生嘅都唔只呢個價。。個骨其實冇咩味，應該冇醃過，不過勝在個汁好得，酸酸甜甜。。所以一定要點汁食。不過啲配菜薯格就真係唔點，好似隔左幾日夜咁。。。芝士熔岩飯48，其實唔算好味，我有食過更好味，不過更好味的要過一百蚊，所以48蚊黎講，芝士都夠香，亦做到一絲絲嘅效果。。算係咁。。漢堡扒52，漢堡扒都好味，薄餅都可以。。都係個句，以52蚊質素黎講絕對合理。。+左8蚊叫杯紫米特飲，叫個就真係唔掂！！太甜。。得糖水味。。唔洗加一，而且食物味道都可以。。咁嘅價錢真係算係咁啦。。排隊都值嘅。。所以都會再黎！！！

到達之時尚未肚餓，但已經覺得幸運何解？因為排隊人數實在不少！當時是星期日18:30，前面已經有十多人排隊裏面已是滿座，可想而知到這間餐廳要有心理準備了兩個人，點了三款食物首先是新派芝士熔岩蛋漿飯，人客多所以就先上了芝士及蛋漿等了一段時間店員便端上熱騰騰的鐵板飯，再立即把芝士和蛋漿混起用羹𢳂起飯，芝士隨匙羹拉起久久不斷甚至到入口依然黏着一絲芝士這個飯是韓辣泡菜飯，加上蛋和芝士之後都不會蓋過本身的泡菜味而蛋經熱力考驗之後沒有過熟，嫩嫩的很香蛋味芝士味合格，當然若可以更濃便會更好味 芝士濃湯石鍋配辛辣麵這是友人吃的，不過卻令我欲跟我朋友交換芝士跟蛋漿飯是一樣的，但就要自行攪拌辛辣麵的辣味加上芝士的鹹香實在非常搭配裏頭的配菜非常豐富，亦很適合這個芝士石鍋因為味道較蛋漿飯的濃，所以我便更愛這個麵缺點就是，兩款食到尾段都會感到飽滯所以千萬不要再多點其他東西而且石鍋混上芝士再冷卻過後變得十份濃稠顯得更膩不過實在回味無窮最後就是小食拼盤，其實整體都不錯份量不少，味道不會很鹹尤其那個釀了餡的菇香而不膩另外我亦點了椰汁紫米冰椰汁味充足，喝起來就像椰汁紫米露，不錯這價錢這質素在這講究性價比的年代，贏晒

之前聽朋友講.呢到有我鐘意食既蛋加芝士飯..去到坐低都目到好多人食緊.甘說叫黎試下.食落口比我想像中差別好大..芝士味吾夠重.蛋味比芝士吸晒.創意很好.如果加番一啲調味料會更好.

約左好耐冇見既朋友食飯我地晚上十點先去到餐廳 估唔到仲要排隊！到十點仲好多人！ 全因為$48 好抵！ 滿滿既蛋醬同芝士！ 店員會自己幫你撈好個飯 個飯係泡菜炒飯 有少少午餐肉唔適合食肉獸 不過岩哂芝士迷！ 芝士勁多絲 我試過拉到一隻手臂咁長！好正 同女孩來說 份量都幾多我同朋友都食唔哂不過真係好好味

新派芝士熔岩蛋漿飯，上菜時店員會幫你加蛋漿同芝士撈埋一齊，食入口有泡菜叫有啲咬口芝士濃湯石鍋，我揀左飯 (另有通粉、辛辣麵)開頭食幾啖覺得幾好食, 芝士味淡淡地但食食下面頭啲芝士開始溶，令到個湯變到好杰所以我好快就飽到食唔落最後食剩咁多~我建議大家唔好將另上既芝士碎落晒

媽媽外遊的晚上，便是沒有廚師的晚上。貪吃的弟弟說要出街吃飯，吃慣住家飯的爸又說要試新派菜，於是便試試區內這陣大熱的芝士飯。只是晚上七點鐘，輪候隊伍已排過隔離兩間店，大多都是年青人。我們排了超過半小時。 我們當然不肯放過芝士飯的機會。下當過後店員送上蛋漿和芝士。-新派溶岩蛋漿芝士飯- 一開始只有一個鐵板加飯送上，店員熟練地淋上蛋漿，鋪上芝士，再用鐵匙快速搞拌，就像廚師表演一樣，不過其實我也很想親自嘗試「下廚」的滋味。芝士很足料，攪拌時有千絲萬縷的芝士絲出現，米飯是韓式泡菜飯底，微辣，會咬到粒粒泡菜粒。不過一個人吃會過份飽滯，幸好我有老爸弟弟分擔下罪惡感。 -鐵板西冷牛扒配白飯-老爸說一定要鋸扒，點了西冷牛扒配上照燒汁給他。可惜，牛扒略嫌太老，沒有肉汁可言，「無牙」的老爸好像在吃香口膠一樣。照燒汁很惹味，撈牛肉撈白飯也很好吃。 -芝士濃湯石鍋配手作意粉-除了意粉還可選配辛辣面/白飯/烏冬，我們選了好像較特別的手作意粉。上桌時有滾滾的芝士湯，我們倒入一早準備的大量芝士絲再搞動，發現入面有蟹柳，獅子狗，煎餃，年糕，甜椒，像芝士版的關東煮。每樣食物都被芝士湯包裹著，十分「芝」

已有一段時間沒有到深水埗覓食，故今晚不如走過來食番餐飯。深水埗區食店林立，不少類型集中在福榮街一帶，然而在下還是走到元州街的飯意主題餐廳落腳。打開餐牌，有小食蛋包飯丑意粉，亦有飲品供應。在飯意中，燒BBQ豬肋排骨(六十八個大洋)為小食，一客有六件，雖然份量不算大，但是仍可與兩三位朋友享用。當入口時，醬汁酸酸甜甜，肉質鬆化，食味不錯，也可以吐骨，而且骨與肉很容易切開。點來吉列豬扒蛋包飯（四十個大洋），配上白汁和蔬菜。炒蛋雖然不是流心，但是依然是有蛋汁在內，吃起來有種滑嫰的感覺，尤其與豬扒配合一起吃，就如有種日式滑蛋豬扒一樣。而吉列豬扒的炸粉完整無缺，亦不算厚，當沾上滑蛋，即有嫰滑中帶有微脆的口感，加上豬扒本身都有咬口，故有種勁嚼的感覺。再點來芝士薯條，四四方方的芝士上，鋪滿了香草，還有蕃茄醬在內。於是把芝士，蕃茄醬和薯條一併混合，使每條薯條都沾上蕃茄醬和芝士，吃起來除了有外脆內軟的感覺外，還添加了濃郁和酸酸甜甜的味覺，使口感層次都在口腔內散發。近排在不同地區喝過水果蘑，今晚也不例外。這杯有檸檬，菠蘿士多啤梨等好幾種水果混合而成，在飲用前先攪拌一下，再喝再把生果逐一吃掉。而整杯茶則略為較甜

"芝士"是近期飲食潮流的大熱，而深水埗的"飯意主題餐廳"更曾在網絡上瘋傳。很久沒聚的大學好友提出趁聖誕假期到此餐廳朝聖，品嚐芝士熔岩蛋漿飯，居於附近的我當然舉腳讚成！未夠十二時到達，人潮未見，不用等位就可以內進用餐。鍾愛芝士的我當然毫不猶豫點了"新派芝士熔岩蛋漿飯"，聞說起源於韓國濟洲的牛島。下單後，店員會先遞上一碗蛋漿及一碗灑上紫菜碎的芝士。大概十分鐘後，熱辣辣的鐵板上的韓式炒飯送到。店員會替客人炒飯，先在外圍倒入蛋漿，用鐵匙炒兩炒成蛋塊。 一會兒後再倒入芝士，芝士溶化後，跟蛋塊、炒飯混在一起。 飯混入了韓式辣醬、泡菜、蛋餐肉、香蔥，辣味適中，不會過辣，非常野味。而飯中加入泡菜，口感非常特別。最令人意想不到的是泡菜的味道跟芝士十分配合，溶化的芝士混合於酸辣味中，是新穎獨特的味覺享受。唯美中不足的是芝士味略嫌不夠香濃，但以不用五十元的價錢，絕對物有所值。

真心吾明大家既好評係從何而來？即使食物價錢吾貴，但係一d都吾值從未試過食完一間野係要買野飲漱口首先係萬眾其待既芝士熔岩蛋漿飯 無錯的確係好多芝士，但係好奇怪係毫無芝士味，蛋漿亦冇落任何調味得個'滯'字如果呢味菜係店舖賣點的話，係咪應該要嚴選芝士？第二道招牌卡邦尼手作意 何謂卡邦尼？一d同卡邦尼有關既味都冇得d蒜味同麵粉打出黎既超淡白汁味！其實該店知吾知咩叫卡邦尼？最後係又難食又凍既小食拼盤 全部都係凍包括雞翼！d薯格仲要似係擺左幾日！冇一樣係擺得落口

我知衰，平野唔好咁大要求。同埋我應該叫錯菜色先淪落到呢個地步。但我叫個個煙三文魚蜆肉香草醬意大利份真係好伏。先講蜆肉，真係多沙過淺水灣，同埋唔新鮮，不過五十蚊貨仔唔無得要求咁多喇。麵，其實主要係慕佢手打意粉嘅名而來，加三蚊轉，但..... 其實就係差唔多吉野家烏東咁。我係好鐘意食烏東，但當意粉煮就真係唔同講法。仲要加埋佢pet香草醬，佢嘅香草醬實在係推動我寫呢篇食評嘅最大原動力，「結」到好似幼稚園用嘅漿糊咁！味道偏向—無味。你想像一下，係漿糊撈烏東！點食呀大佬！另外仲叫左客香草雞翼，十七蚊四隻，又焗得幾好食播！令我覺得我係點錯野。服務方面—就無架喇！個姐姐秒速收野趕人囉，多人排嘛！但我地一行三個人，佢安排左一張二人枱比我地。張枱真心兩人都嫌細，仲要三條友。。。搞到個個都黑晒面。我都係認命食大家x肉醬意粉算啦。仲要排成半個鐘😹😹😹😹😹😹😹😹😹，無下次喇。

同班朋友晏就踩完單車諗住夜晚試下新野，結果排90分鐘先入到，加上我地8個人..店內地方唔算好大，大概30-40個座位，所以鋪面出現長長人龍一啲唔出奇，首先，新派芝士熔岩蛋漿飯只需$48，仲要冇加一， 店員會主動幫你撈哂所有材料，有芝士、蛋、紫菜，芝士份量都幾多，仲可以加$20轉餐：有野飲、一份沙津、一份蒜蓉包，飽肚抵食味道又好，一個人食都幾滯，細食GE朋友仔最好2份食，燒原條BBQ豬肋排骨 - 成條豬肋骨都只係$68, 而且厚肉又多汁。秋冬期間有呢個芝士濃湯石鍋，（第一張）材料包括：蟹柳、獅子狗、韓式年糕、煎餃子、大量芝士！湯底：濃滑芝士湯，可配珍珠米、辛辣麵、手作意、通粉（四選一），個人鐘意食辛辣麵，濃滑芝士湯配上少少辣味，好開胃，只需$56仲埋送野飲,價錢好相宜，高性價比之選！

深水埗食野不嬲比較平，不過平之中都要有新意，飯意選擇多之餘食物水準亦唔錯。 新派芝士溶岩蛋漿飯 ($48)平時食芝士蛋漿飯至少都要百幾蚊，但其實材料勁簡單。飯意價錢就非常合理。芝士蛋漿飯以鐵板上，先將蛋漿倒係飯周圍，再將芝士鋪上飯，之後店員不停將飯同芝士蛋攪匀就食得。飯撈上蛋同芝士好惹味，夾雜住鹹香既芝士同香濃既蛋味。泡菜微辣咁好惹味，午餐肉份量就少左啲。鐵板仲可以keep到熱度 熱辣辣先好食。整體真係性價比好高。 香煎漢堡蛋包飯 ($42)炒得勁嫩滑既炒蛋，仲有蛋汁係表面呢。食落好滑，但蛋味欠奉。飯以茄汁炒過，令味道無咁寡。漢堡排超級大份，食肉獸實滿足。牛肉味香濃，亦好鬆軟，拌上黑椒汁，濃郁惹味，同漢堡排好夾。咁既價錢好抵食呢。 小食拼盤 ($42)同大班朋友仔食野梗係要嗌小食拼盤share啦。呢個小食拼盤睇落豐富，有炸得脆口既薯格，同墨魚丸。炸得唔錯，唔會滿口臭油味。大大朵烤傘菇，表面以芝士同千島醬調味。菇烤得超級juicy，勁多汁 ，醬汁亦香口，但食落太油膩。水牛城雞翼辣汁惹味，但唔夠濃郁同杰身。腸仔同平時食既好唔同，帶住濃濃既香草味。味道一般，有少少奇怪。不