餃掂手工餃子雲吞專門店

呀姐掛住傾計，叫佢過黎落單，問少少menu 既野一開波已經態度極差，燥底鬧埋個客，問左一句menu 野， 就同個熟客單單打打話人，重點全間都係講普通話呀姐，食到一肚氣，永世不再幫襯。環境ok 係冇咩人，得普通話呀姐係到大聲傾計講番食物， 湯淡無味，餃子細，似係工埸包黎，唔新鮮一句講哂，態度唔好既鋪頭，幾好食都冇用

水餃控進場😎餃掂喺香港已經開咗6間分店，最出名嘅就係松茸餃同埋狀元九鼎湯，另外仲有其他fusion款式，例如大推嘅壽喜燒餃同軟心芝士餃，水餃全手工包製粒粒都超足料，包你食到飽哂出翻黎🤩1.至尊松茸豬肉餃 (12隻灼$108)餃子每隻都爆哂豬肉餡，另外配上濃郁松茸醬，菇味夠重，即刻昇華咗個水餃味。跟埋嘅狀元九鼎湯標榜冇味精，用咗好多養生材料煲，清甜健康。2.壽喜燒牛肉餃 （10隻煎$74)依款有驚喜😍雖然有灼餃選擇，但大推煎餃煎得好脆，真係還原壽喜燒味道，仲要一咬就爆汁，好似飲緊壽喜燒啲湯咁，用埋新鮮牛肉做餡，鮮味十足🤤3.蜂蜜檸檬薏米水 $204.山楂雪梨水 $20兩款都好好飲😍山楂水酸甜開胃，薏米水加埋蜂蜜飲落好舒服🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍餃掂手工餃子雲吞專門店 (銅鑼灣)銅鑼灣景隆街19號地舖分店：太子/灣仔/中環/西環

本人喜歡食餃子 尤其係鍾意皮薄 餡多的餃子以為有羊肉餃子 牛肉餃子 ＥD 特別餃子原來什麼都無 😅只係普通的白菜豬肉餃子 韭菜餃子 等 ….. 都好啦 試一試佢啦 似人手包的餃子 不過更像機器包的比灣仔碼頭好嘅 因為勝在食材新鮮D 不過其他就普通 皮係薄 不過內裡的餡唔夠多 唔夠野味 好普通 清淡D佢有辣菜脯比你自己加 不過菜脯切到好細粒 細到食都食唔到 唔夠辣 得辣油同豆豉， 菜脯大粒D會好好多終結：店內係乾淨嘅，有紙巾係檯比客人用食物🍜就真係普通 樣樣都差D D 咁 ，唔特色 唔會再去食了⋯⋯$53 （6隻餃子+ 麵）

在銅鑼灣逛街，就想起久違的「餃掂」，一於去回味先！夏天太早來到，天氣又熱又濕，就像7、8月般，一定要支凍檸檬薏米水 $28 去濕美白，不會太甜好健康。醃蘿蔔好好味，記得問店員取來試試。夏天不少得涼菜，今次點了清新的手拍青瓜 $25，青瓜爽口，酸辣夠開胃。蜜餞雞翼 $24 ：顏色好靚，大隻又吸引，入口甜甜的，雞肉嫩滑。至尊松茸豬肉餃 $73餃子好飽滿，有豬肉、松茸，超級足料，更附上松茸醬、海鮮醬點。配有老火湯，有粉葛、鯪魚、紅蘿蔔、扁豆、赤小豆，足料夠味，好甜，好適合現在天氣飲，有去濕功效。雲耳椰菜豬肉餃 $47即時品嚐外皮好香脆，就算放涼了也保持到香脆，看得出好有心機、耐性去煎。餡料比例適中，爽口雲耳椰菜不會覺得膩。

本身諗唔到食咩諗住入去試下食方便快捷既餃子，點知相當有驚喜！款式較特別，與平時出街食既不一樣，元貝同壽喜燒等餃子，當然普通款式的豬肉及韮菜同樣有，但我地就點左特別既元貝水餃同壽喜燒鍋貼！結果意外地元貝水餃湯汁較鮮甜，濃味既元貝味及較淡較健康既湯底係絕配，濃味者可加入佢地獨家調配既辣椒醬，入而仲有菜浦，急不及待秒速成碗食哂；而另一款壽喜燒鍋貼相當較普通，可能無配鮮甜蔬菜既關係，只有肉味又不夠牛肉味，較油膩。

🚩 香煎軟心芝士餃 10隻 $62呢個煎餃要等20分鐘 不過係值得嘅外皮煎到非常香脆一咬已經充滿晒芝士😍😍😍😍😍芝士味濃郁仲有粟米同埋豬肉十級推介🥰🥰🥰🚩大白菜豬肉餃 7隻 $43配狀元九鼎湯 清清地冇落味精㗎🙏🏻🤪超大隻超多餡料😋😋😋🚩四川涼麵 $30唔食得辣嘅我表示係完全唔辣嘅🤪真係做到凍嘅感覺因為出面好多舖頭寫住涼麵但係其實係暖嘅😊幾開胃😊份量適中😋總結時間🥰十級推介芝士煎餃🥰🥰🥰

心血來潮又好想食餃子，就同朋友去咗食坐擁”天下第一餃”之稱 - <餃掂> 到Lunch ，餃掂已經係數次光顧，每次都能保持水準！餃子日日新鮮製造，設湯餃及煎餃，而且款式多，除咗傳統餃子，仲有啲較新穎嘅餃子提供選擇。不得不提店舖的自製菜脯豆豉醬，辣辣地之餘仲有粒粒豆豉，伴餃子進食，令餃子加分到一個極點。惹味唐芹拌豆筋 (HK$32)一款涼菜小食，豆筋配上爽口唐芹，加上微辣的麻辣醬，好一個開胃菜。龍鳯松茸雙煎餃 (HK$86/8隻) 🥟 全港唯一創新黑白松露餃子店，外皮煎至金黃色，香脆可口。內裡松茸醬哂濃，而且黑松露味道較搶戲，重口味的朋友不能錯過。芫茜豬肉餃 (HK$59/10隻) 🥟 皮薄餡靚，外皮薄到透到肉餡。芫荽控必試，啖啖茜香撲鼻。而且湯底狀元九鼎湯，零味精，有淡淡的粉葛扁豆味道，清熱去濕健脾解毒，具有去骨火的作用。四川涼麵 (HK$32) 🌶 冰涼的涼麵配上四川辣醬，麻醬，青瓜絲，花生碎等，香辣惹味，令人開胃。自家製山楂雪梨水（HK$28)雪梨水不會太甜，有家的味道。食完煎餃，飲番杯雪梨水清熱潤喉。

餃子配搭款式多 而坐咗陣 發現比較多人叫松茸餃🔖 至尊松茸豬肉餃跟狀元九鼎湯皮薄但包到肉餡脹卜卜 睇得出非常足料咬落傳來陣陣松茸香 再配埋松茸醬 超級出色!! 九鼎魚湯鮮味十足 飲落似粉葛赤小豆老火湯感覺無加味精 有家的味道٩(｡˃ ᵕ ˂ )و❤️❤️🔖 壽喜燒牛肉餃子麵 好後悔叫咗灼餃子 煎的應該會好食好多(⑉･̆-･̆⑉)而麵底亦太淋 一夾就斷 小編就唔太喜歡了

壽喜燒牛肉煎餃（$74/10pc)一咬入口冷不防爆了滿口的牛肉湯汁，材料有新鮮牛肉、馬蹄、京蔥，材料簡單但調味頗重，加上餃子外皮煎得香脆，整體除了太重口味外，實在會令人忍不住一餃接一餃。至尊松茸灼餃 （$84/8pc)外表看到漲卜卜的餃子已食欲大增，一咬下去立即嘗到的是松茸味道，然後就是有稍為調味過、淡淡的豬肉味，配上特製的醬（套餐），整體味道很搭又有齒頰留香的感覺，比牛肉煎餃出色多了麻辣雪花皮蛋（$28）點這個只為解決「突然很想吃皮蛋」的欲望，餐牌上寫著「麻辣」但入口實在沒有很麻辣，甚至稱不上辣呢。這個價錢不太合理。下次還是多點客餃子好了餃掂手工餃子雲吞專門店 (銅鑼灣)銅鑼灣景隆街19號地舖

每次去銅鑼灣接阿女放工，如果天口熱冇咩胃口，都會諗起去餃掂食下煎餃同湯餃。餃掂都食過好幾次，比我印象好乾淨，每枱都預放有豉油、醋、辣椒油、辣菜脯等...尤其辣菜鋪，每次都ko 唔小先收手架🤣佢嘅店舖餃子🥟種類好多有煎餃、湯餃、蒸餃、前菜小食等等.....🥢上湯時菜、回味手帕青瓜🥒，青瓜爽脆嫩綠，我最鍾意夾埋辣菜脯一齊入口🤗⋯⋯增加辣度同口感😋。🥢煎韮菜豬肉餃🥟，每隻都肥嘟嘟，餡料非常飽滿，外層兩邊都煎到蕉蕉香香，中間餡料嘅半肥瘦肉碎，肥瘦交疊，入口鮮香，韮菜份量同豬肉配合得非常出色，一啖咬落去非常滿滿嘅豬肉汁係口腔爆發，真係做到皮薄餡靚🥟。🥢龍鳳松茸雙灼餃，跟埋碗絕無味精嘅狀元九鼎湯，碗湯其實係平時我哋喺屋企飲嘅粉葛鯪魚赤小豆扁豆湯，非常之去濕清熱，碗湯好濃郁，足見真材實料，材料十足👍🏻。🥟龍鳳松茸蒸餃，由於係蒸嘅關係，一眼就見到非常晶凝通透，真真正正做到皮薄餡靚，一啖咬落去，滿滿嘅黑松露香味衝入口腔，超級香，肉汁亦隨即係口腔衝入味蕾，非常好食嘅蒸餃🥟👍🏻。

驟眼睇覺得價錢唔貴，叫完之後發覺原來餃子Overpriced 涼皮$30幾蚊，味道唔錯，算係抵食。雖然沒有餸菜，不過單靠醬料，味道都出色😅雲吞上海麵， $49 ，唔錯，係好一般的上海麵，同埋好一般的迷你超級迷你雲吞，不出色，不過不失，算係吞到落肚😅雙拼煎餃子🥟$70/10隻質素好一般，唔係難食，只係一般味道，平均要$7/ 1隻，雖然唔係貴野，不過真係定價過高，如果呢個價錢，應該要提供更好質素！例如大隻少少，或者唔好比啲煎爛咗嘅餃子啊！🥴😖😰😰😰

有時候就係無啦啦想食餃子有十多款口味😨 普遍啲韮菜/白菜豬肉/粟米都有既然係餃子專門店 試特別啲款式Size分7隻或者10隻煮嘅方式有煎、灼、湯餃 三種我地都有試煎餃香口啲 灼比較乾身又快變凍我較喜歡湯餃 狀元九鼎湯 即係魚湯底 無味精👍🏻.壽喜燒牛肉餃 煎 $56元貝豬肉餃 湯 $49野生松茸素餃 灼 $48.壽喜燒牛肉餃用新鮮牛肉製作整隻餃子都係肉 有壽喜燒嘅甜味元貝豬肉餃好食😋 多份鮮味入面一絲絲元貝絲 餃子皮薄配菜脯係必須 但真係好辣呀🥵

餃掂手工餃子雲吞專門店 位於銅鑼灣景隆街19號地舖，由地鐵站步行約3分鐘地達，非常方便就腳。餐牌有十多款餃子選擇，有芫茜豬肉餃、香煎軟心芝士餃、壽喜燒牛肉餃、大滿貫素餃、野生松茸素餃、元貝餃等等，以幾款餃子都比較特別，除了餃子、亦都有湯麵、四川小食等。龍鳳松茸雙煎餃-我地叫左餐廳既招牌龍鳳松茸雙煎餃，分別有白松露和黑松露各4隻，餃子皮厚薄適中，每隻都脹卜卜，清晰見到黑松露餡料，黑松露、白松露味道天然，芬香撲鼻，不會完全蓋過豬肉味。粟米豬肉餃-我比較喜歡煎餃，所以都點了煎餃，煎餃煎得非常香口，每隻都好飽滿，豬肉和粟米比例剛好，餡料結實多汁。自家製山揸雪梨水-味道酸酸甜甜，既開胃又消脂，而且仲要大大杯。

最近學識包餃子，雖然手勢還未成熟，但對包餃子興趣大增，閑時會去餃子專門店，幫襯之餘，順便偷偷師。公司附近呢間餃子專門店知道有好多分店，質量好和價錢都非常親民。野生松茸素餃餃子皮好薄，隱約見到內餡。松茸那香氣四溢，混合素菜，好正！喜歡灼的煮法，原汁原味。龍鳯松茸雙灼餃黑，白松茸混合肉，粒粒飽滿，有口感。呢款跟狀元九鼎湯，湯味濃，火喉十足。食餃子建議蘸醋，會更加滋味！另有一款菜莆辣醬，辣度適中，惹味！

上次係灣仔經過已經好想食，今次比我無意中見到，即刻坐低入去食。12點到達不算太多人，之後1點左右愈來愈多人，9成滿座，而且不停聽到很多人來買外賣。餐廳裝潢有別於傳統的餃子店裝潢，餐廳簡潔明亮，環境乾淨整齊，全部卡位，坐位舒適寬敞。元貝豬肉煎餃（$53/7只）煎餃兩邊煎成焦糖色，外皮非常香脆，而且不硬身，食到一絲絲的元貝，元貝味非常想香，好鮮味。香煎軟心芝士餃（$62/10只）香煎軟心芝士餃要襯熱食，外皮煎得香脆，餃子入面有豬肉、香甜粟米，芝士還呈半流心狀態，而且還有拉絲效果，半溶芝士份量剛好，芝味濃郁，香而不膩。豆漿（$15）好大杯，豆味香濃