餃掂手工餃子雲吞專門店

同朋友行完街已經到夜晚拎住好多嘢，又唔想麻煩就入咗呢一間平民飯堂都食晚餐。糖心龍鳳蛋其實即係糖心蛋但係面頭在點上一小撮黑松露同埋白松露醬。糖心蛋唔算太流心，但係食落去好香蛋黃味。松露醬就係點綴返。韮菜餃配狀元湯呢個就比較清淡一啲，食韮菜既原味，但係每一個餡料都好飽滿。狀元湯就好清，完全冇落味精，得閒食下啲比較清淡嘅嘢清清腸胃都唔錯。四川涼皮我叫咗微辣，涼皮爽口，醬汁酸酸甜甜，好開胃。芝士豬肉餃我嘅至愛，芝士味好濃，外皮煎到非常香脆。蜜汁雞翼甜甜地，雞翼外皮亦都煎得微脆，唔錯。

而家過咗6點之後冇堂食，唔想煮最好就係買外賣，今日就去咗呢間係景隆街嘅「餃掂手工餃子雲吞專門店」買外賣餐廳有好多款餃子提供，可以揀灼嘅或者煎嘅，因為夜晚想食得清淡啲，我哋就全部叫晒灼嘅，我哋叫咗以下幾款餃子：至尊松茸豬肉餃（中碗）（$75）：呢個係店員推介，話係佢哋嘅招牌餃子，連埋個叫「狀元九鼎湯」嘅湯一齊，個湯好清甜，同餃子幾夾野生松茸素餃（中碗）（$49）：呢款餃子係素餃，冇跟湯，咬落口感爽脆壽喜燒牛肉餃子麵（$63）：呢個麵叫外賣可以分湯，餃子入面嘅牛肉係用新鮮牛肉整嘅，所以食落好有牛味除咗餃子雲吞，呢間餐廳仲有其他小食，我哋就叫咗「上湯松茸時蔬」（$33）同「黃金原味皮蛋」（$29），啲菜好青綠，而且外賣盒上有窿俾佢疏氣，非常貼心！

凍冰冰唔想食咁飽一於買餃子🥟食～～限聚令下要買返屋企食喇見好多人買生餃返屋企我咁懶緊係買整好可以即刻食啦樣樣都想食一於樣樣都點下上湯松茸時蔬有埋幾粒杞子好養生黃金原味皮蛋，個溏心做得好出色撈埋d蔥食好惹味元貝豬肉煎餃個皮煎得好香脆～～就算搭左30分鐘車返屋企都冇韌到元貝味都好出～落足料野生松茸素餃其實唔太知裡面係咪落左霽菜，但就好香椰菜雲爾豬肉餃配狀元湯店員介紹個湯可以下火下唔下到我就唔知，不過應該係野葛湯飲落就好濃好好味山楂雪梨水同埋蜂蜜檸檬薏米水兩樽都唔太甜好清潤

抗疫第一步除左乖乖留係屋企外，就真係無野好做，想出街食好野，忍下先啦。有得比你嗌外賣，咪叫好囉，唔洗日日淥麵都偷笑。今次三訪「餃掂」為既就一係一碗最純潔最簡單既餃子，來換取寒冬下滿滿的愛。👇📌中 西 · 合 壁 -▪ 龍 鳳 松 茸 雙 煎 餃 - $86/8只▫ 將中西混合為一家果然係餃掂既招牌之一，而龍鳳煎餃分別用左黑白松露做餡料，外皮唔會太厚，煎得金黃結實，紋理清晰，夠哂靚仔；食既時侯裡面肉質煙韌，菌味香濃，無得輸！📌鎮 店 極 品 · 山 珍 之 皇 -▪ 至 尊 松 茸 豬 肉 灼 餃 - $107/大碗12只▫ 另一款豬肉灼餃，同之前食過一樣保持到餃皮夠哂薄身，每粒餃子份量十足；一咬開裡面既肉汁瞬間爆發，加上松茸味係相當濃郁，就算食哂12隻都唔覺得好油膩，好食！📌手 工 · 雲 吞 -▪ 重 慶 鮮 肉 雲 吞 - $40/12粒▫ 食得夠尖一定要試埋佢個雲吞，水準依然唔錯，就咁叫左小辣，岩哂我呢d想食辣但又怕食唔到既小弟。食落香口之餘，仲要岩岩好一啖一隻，外皮又夠薄，認真過癮。

疫情之下多左係屋企煮飯，有時想出去食下。想食餃子嘅時候上網搵到間叫"餃掂＂，好啦！是日晚餐一於係度餃掂，就買左D四川風味外賣返屋企食。"餃掂＂除左主打賣餃子之外，仲有四川涼皮、粉皮、涼麵擔擔麵同酸辣粉，價廉物美。四川涼皮$32 x 2可以選唔同辣度，花生味好重，四川式的調味。涼皮透明煙靭，麵身偏硬同埋彈牙 ，花生加上麻辣汁 ，令每口涼皮都回味無窮。四川涼麵$30唔會真係太辣，可以選唔同辣度，好啱我呢啲怕辣嘅人，感覺清新，涼麵，青瓜絲 ，花生粒，加上少少麻醬，口感唔錯。蜜餞雞翼$32個雞翼好唔錯，甜甜地好入味。食落有足夠水份，唔太乾柴，作為小食冇得彈。龍鳳松茸雙煎餃$86即叫即製，外表煎得好脆，皮薄，加上裡面皮餡料好足，外脆內軟，有點像日式餃子。。加入黑松露和白松露醬，個味又唔會太濃，加埋D豬肉又香又滑，油香滿溢，估唔到松露同餃子幾夾，不愧為招牌菜！重慶鮮肉雲吞$50/18隻鮮肉雲吞鮮得黎又咸咸地，松茸粒份外鮮味，餃子入邊滿滿是肉。隨餃附上的狀元九鼎湯認真不得了，味道相當獨特，湯底清清地 點帶鮮甜。

餃掂手工餃子專門店號稱"天下第一餃"，自己也很喜歡食北方餃子，有時叫上一碟當作主食，得知餃掂以餃子作主打，亦有不少特色餃子，當然要一試其真功夫。黃金原味皮蛋先來了兩款前菜。黃金原味皮蛋顏色金黃色的，略帶鹼味，件件溏心，獨特的口感味道很開胃。蜜餞雞翼蜜餞雞翼上枱有驚喜，鹵水食物一般不會很熱，此蜜餞雞翼再經加熱，鹵得很入味，蜜味亦很重，肉質腍滑。壽喜燒牛肉餃壽喜燒牛肉餃用上新鮮牛肉製成，餃子皮薄餡足，隻隻脹卜卜，份量比例剛好，新鮮牛肉味道鮮甜鬆軟，煎餃不會煎得過火，外皮脆而不硬。龍鳳松茸雙灼餃 龍鳳餃分別釀有黑松露及白松露，每款有四隻，黑松露的幽香不會太過強烈，蓋過豬肉及松茸香氣，白松露相對較柔和一點，菌香依然突出。龍鳳餃附送一碗狀元九鼎湯，散發著陣陣粉葛的清香味，清甜甘香，飲上猶如粉葛鯪魚老火湯的味道。山楂雪梨水山楂雪梨水甜中帶酸，煲得味道濃稠，熱飲感覺十分滋潤。蜂蜜檸檬薏米水熱飲蜂蜜檸檬薏米水酸中微甜，味道討好，冬日飲用感覺滋陰。

服務態度非常惡劣，服務員冇禮貌，落單果時淨係掛住傾偈，要三催四請先過來落單，甘我就點左兩個下午茶餐，一個拌麵，d芝麻醬少到爆炸，拌麵冇芝麻醬，我就吾會叫啦，甘我就好有禮貌甘叫呀姐可唔可以幫手加醬，點知呀姐三個字回應，加5蚊，我即刻話吾洗喇，丁屎甘大兜醬都要5蚊？好過去搶😂另外甘下午茶餐可以加8蚊轉湯，張圖呢就全部都係渣，但上枱，一粒湯渣都冇，茶餐廳既例湯都好過佢，而且吾洗加錢添，真係吾會有下次，d野又吾好食，服務又差，祝早日結業

疫情期間好多食肆都少咗好多人，呢間都唔例外，下午時間到餐廳都唔算太多人。必食嘅酸蘿蔔，呢度醃得好好食，以前可以自己添，但而家要問職員攞先有一碟。韭菜豬肉煎餃，味道較濃嘅一款煎餃，好香口，外皮唔硬，煎得香脆，面頭都唔會覺得太油。芫荽豬肉餃拼大白菜豬肉餃。芫荽豬肉餃，雖然豬肉比例比芫荽多，但食落都有好重嘅芫荽味！大白菜豬肉餃，相對上味道較清，可以中和返味蕾。龍鳳松茸雙灼餃，餡料加入黑松露同白松露，可以因應自己需要點全部黑松露或白松露。個人偏愛黑松露味，食落香味更重，不過白松露就貴少少。蜂蜜檸檬薏米水。

對我嚟講食飯有上限，食麵有上限，但食餃子就冇上限，因為我好多時食餃子食下食下就食咗好幾十粒，所以餃子對我嚟講都係其中一個最愛嘅食物。呢間餃子店叫得「餃掂」應該有番咁上下斤両，所以都入去品嚐，入到去見到個大招牌寫住「天下第一餃」更加要食真啲。大滿貫素餃餡料有姑菌、菜苗、瓜類，食落去唔會好齋反而好有口感，成個口腔都食到好多材料，味道亦唔會太濃郁，想提高味道可以點一些醬料。大白菜豬肉餃，口感較單調，無大滿貫咁多層次，不過煎的音口平衡了單調感，再加上點些辣醬亦都不錯。龍鳳蛋，是指黑和白松露醬，個人鍾意黑松露醬，較重味，搭上半糖沁蛋是特別組合。四川辣椒醬菜甫辣椒醬竹昇麵，麵身唔會太硬亦唔會太軟，煙韌適中。餃子食清光証明本人對餃子的鍾愛程度，亦反映食店的餃子出色。希望食店繼續整更多新口味，提高新意思。

銅鑼灣這條街有很多食肆卧虎藏龍，而且種類也很多選擇，豐儉由人，是夜到這附近行街便走來看看有什麼可吃，沒有特定想食什麼。路過見到這間食餃子店引起了我的興趣，所以二話不說便走入去，食店果然真是主力賣餃子，分為水烚或煎，餡料大致上有粟米、白菜、椰菜、芫茜之外，還引起我注意的是這款壽喜燒牛肉餃，因為記憶中未曾食過這種口味。壽喜燒牛肉餃(煎)$74 10隻外表上同一般煎餃冇乜分別，不過食落去就見到真章，第一口咬落去餃子嘅熱力迫咗出嚟，還食到濃香嘅牛肉香氣同肉汁，我覺得幾正。有兩種醬料選擇，菜脯辣椒醬好食。青瓜同皮蛋唔係突出，ok。粟米豬肉餃(湯)$54 10隻食完煎另外食過湯的，湯是狀元九鼎湯，見到佢哋介紹用好多材料，用粉葛、鯪魚、鰂魚、紅蘿蔔、赤小豆、蜜棗、陳皮、排骨等煲成，如果獨立叫就要20蚊一碗，如果湯餃的湯就不用另外畀錢。粟米豬肉餃的口感清新，粟米同肉嘅比例算係唔錯，粟米一粒一粒幾爽口，同壽喜燒牛肉餃是兩種口味，各有特色。整體嚟講餃子出色，價錢不平但不太貴，間唔中食下滿足口癮係不錯之選。

收工同朋友想食水餃, 於是係CWB搵左間餃子既專門店   之前食過太子店, 第一次入CWB店食  麻辣皮蛋        我本身幾中意食皮蛋, 但呢度既皮蛋就係”O”晒咀       一啖落去個皮係散晒既, 蛋部份就好”實的的”咁       總之俾人好hea既感覺……   手拍青瓜        呢碟比皮蛋好食, 較正常   雙拼水餃 - 雲耳椰菜 & 豬肉粟米        水餃2隻味, 雲耳椰菜一般, 豬肉粟米較好味       個湯底好淡, 朋友話係冇味精可以飲既, 但實在真係好淡呢…..    壽喜燒牛肉煎餃        最後呢個壽喜燒牛肉煎餃係令我有返少少驚喜既       個皮煎得幾香口, 脆脆既, 唔會淋晒       啲牛肉煎完都唔會好乾, 幾好味       整體黎講, 我會中意食太子店多啲   

喺星期五放工發現本身想食嘅餐廳CLOSE左, 所以要快快手搵另一間餐廳食飯。餃掂其實我喺灣仔分店食過, 水準穩定~所以今日我就帶我勁鍾意食餃子嘅老公去試下！黃金原味皮蛋-幾好味,但唔知點解食落有陣蟹味,同埋都有一兩舊重阿摩尼亞味。芫茜豬肉湯餃 配狀元九鼎湯 - 湯好好味, 係粉葛湯~ 芫茜餃芫茜味好濃, 茜人可以試~韮菜豬肉餃 (煎餃)- 超多韮菜, 超好食。 煎得好好, 勁香口~ 可以無限食!!另外我地仲叫咗一杯薏米水, 偏甜~ 不過都算好飲~雖然阿姐係咁大聲傾計, 但淨係計食餃黎講, 絕對值得再嚟食~

呢間餃子店-餃掂, 最吸引我嘅係佢地嘅至尊松茸豬肉餃，餃子每粒都好飽滿，餃子皮柔軟得嚟有口感，猪肉餡料唔會太肥，咬開充滿松茸獨特香氣，令人一試愛上，每次都食到停唔到口。 餃子跟嘅狀元九鼎湯，有健脾去濕作用，湯頭味道自然，很清甜。今日仲試左新出嘅壽喜燒牛肉餃，餃子兩邊都煎得金黃香脆，入口牛肉汁馬上溢出，肉味香濃。唐芹拌豆筋，唐芹爽甜，豆筋味道簡樸，拌上麻辣醬料惹味非常。龍鳳蛋，溏心雞蛋加上黑白松茸醬，呢個食法別有一番風味。上湯松茸時菜，蔬菜翠綠爽口，加入上湯提味不少。山楂雪梨水清甜滋潤，甜中帶點山楂酸味，很醒胃 。

🥟 Any dumplings lovers?—————🥟Dumplings w/ Matsuke Mushrooms & Pork 至尊松茸豬肉餃 (12 pcs) HKD 107The matsuke mushrooms were so fragrant! These are very meaty dumplings and definitely on the more satiating side. A little pricey but delicious regardless! 雖然定價較貴，真係有別於一般的香菇，松茸的味道好香，滿滿的肉餡，比較飽肚但係真係好滿足！🥟 Dumplings w/ Black Fungus, Cabbage & Pork 雲耳野菜豬肉餃 (10 pcs) HKD 54We get these every time we visit, a good balance of veggies and meat. A very basic type of dumpling, but definitely a classic and very reason

中午時段想吃餃掂，經常要等位，今天改為晚上來，果然不用等。雙拼湯餃選了粟米豬肉和莞茜豬肉，我喜歡點湯餃，因為餃掂的湯底是狀元九鼎湯。狀元九鼎湯以順德活鯪魚、粉葛、香山活鰂魚等熬煮，具温腎益氣、提升免疫力和滋潤腸道功效，入口温潤，每次必喝光。餃子飽滿足料，而且豬肉新鮮，不會夾雜一堆肥膏或筋。龍鳳松茸雙灼餃以黑松茸和白松茸入饀，香氣濃郁，餃皮不厚，配搭出色。黃金原味皮蛋賣相晶瑩剔透，蛋黃呈流心狀，兩三人點一份剛好。