香港大學校友會

营业中

休息中

朋友生日揀左去「香港大學校友會」食飯慶祝，餐廳行會員制，閒日都差唔多full house，不過呢度相對易book，無某d 舊友會咁串同難book前菜三色熏素鵝以3款素菜作餡料再包上腐皮，每一啖口腔都充斥住煙熏既香味麻香鳳尾蝦多士以圓形呈獻細細舊既蝦多士，無平時個d大大件咁膩，蘸埋個他他醬更加好食湯金銀杏汁燉白肺湯奶白色既豬肺湯，杏汁濃度恰到好處，如果有多幾舊豬肺食下就更好了主菜冰梅京燒骨味道酸酸甜甜，仲有火龍果粒同橙皮作點綴金沙麥皮黃金蝦啖啖肉既黃金蝦，蛋黃本身惹味得黎都較膩，加埋麥皮感覺更加膩椒鹽鮮魷鮮魷新鮮彈牙，脆漿唔厚又鬆脆，香口惹味蒜片燒汁安格斯封門柳粒牛柳粒嫩腍，仲有杏鮑菇條，配埋蒜片，不錯脆皮炸子雞（半隻）個皮真係又薄又脆，雞肉嫩滑，味道亦都岩岩好蔬菜薑汁芥蘭啫啫唐生菜麵桂花炒新竹米粉米粉炒得好乾身，桂花其實係蛋碎，仲食到咸蛋黃味，上面仲有d金華火腿絲甜品壽桃薑汁棗皇糕薑汁味好濃，口感非常煙韌，甜度亦都岩岩好環境舒適，冷氣好夠，食物亦都有質素，服務亦都唔錯，價錢我覺得好抵食，最重要係呢度book位唔洗受氣，食得開心☺️

環境頗舒適，有private room for 大班人聚會。先講個人覺得最出色嘅菜式：拔絲鳳梨咕嚕肉唔係特別鍾意食咕嚕肉，但係呢度嘅味道做得好出色。第一啖食落去個皮好脆好有咬口，個汁酸酸甜甜得來亦都好溫和唔會好霸道。外脆內軟嘅口感，絕對令我就算唔特別鍾意食咕嚕肉，都夾完又再夾來食。杏汁燉白肺湯係呢度嘅名物，飲落有淡淡嘅杏汁味唔腥，好療癒。符合預期嘅味道。南瓜盅炒素：南瓜外殼係純粹for 賣相，入邊d 菇炒得好乾身又好香口，又mix 埋唔同嘅菇類有唔同口感，好食。比較失望嘅，係：🤔古法鹽焗雞上到枱嚟個樣唔似鹽焗雞，問侍應係咪來錯？佢話係鹽焗雞呀。但係食落，點都係脆皮炸子雞嘅口感同味道。完全唔係鹽焗雞。如果以脆皮炸子雞來衡量，咁佢個皮係整得好脆，肉嫩，味道偏淡。以一個脆皮炸子雞係唔錯嘅，但係絕對唔係鹽焗雞囉。🤔糖脆柚皮   柚子皮嘅賣相咁似咕嚕肉嘅？食落都係咕嚕肉嘅feel，外皮酸酸甜甜，內裡係淋淋地嘅柚子皮。似係一個素菜咕嚕肉，但係唔係想食到傳統柚子皮嘅味道同嘅口感。我本來最鍾意食有新鮮感嘅菜式，但覺得咁樣整柚子皮有嘥咗，因為食唔到柚子皮嗰種索晒汁嘅特色同好味。至於其他餸就正正常常，係符

因為裝修後很久沒來了，又掛念這裏懷舊中菜的味道，尤其蝦多士，所以訂了枱。但很失望，這裏的蝦多士，蝦變小了，也完全沒有鮮味。椒鹽鮮魷的炸漿太厚，而且魷魚很細小。脆皮牛腩的炸漿太厚粉。預訂了鹽焗脆皮雞，但這只是一隻普通炸子雞，完全吃不到鹽焗雞的味道。整個晚飯最正常是這一味啫啫唐生菜。濃海鮮脆米泡飯裏面只有蝦，完全沒有其他海鮮，而且湯底好像是加了鮮奶做出的湯。

@HONG KONG UNIVERSITY ALUMNI ASSOCIATION香港大學校友會🏫星期日。中環。原來真係冇人🤪（竟然有種隱秘的愉悅感🩶）飲飲食食傾吓偈🥂香港大學校友會無論是點心還是傳統小菜，水準都相當不錯，選擇亦多樣化！特別推介太極☯️鴛鴦羹，色香味全😋🌟食評指數：8/10💁🏻‍♀️人均消費～HKD280 (lunch)🗺️ 地址：香港大學校友會 (中環)中環德己立街2號業豐大廈101室

朋友是校友會會藉，平日晚上已經坐滿人了。我們三人order了 兩個前菜，三個主菜，三份甜點。最後很飽的離開餐廳。前菜1）糖脆柚皮都幾特別 但食後有點苦澀味道也值得推介 因為製造過程都唔係容易2）三色腐皮卷呢個食落好 好清新 很夾主菜1）脆皮麻香牛腩看照片 吸引 但食食下有D 漏2）竹筒焗滑鱔超級推介 好爽口 好味3） 南瓜時蔬味道出色甜品果凍 最出色 唔太甜 口感好好味呀蛋白杏仁茶 好甜 我覺得可以不用食至於服務方面D staff cool cool地 但好專業

新裝修後第一次嚟，聽講大廚係由香格里拉嘅香宮加盟，難怪食物有水準。當晚我哋包房由經理發辦菜單，炸柚皮、焗響螺、咕嚕肉、尖椒魚塊、蒸牛肉餅等，需不是名貴材料，但全部出品都在水準以上。我哋帶咗八支酒，職員主動幫我哋換酒杯，專業地連威士忌杯加冰都有，又幫我哋分生日蛋糕影，非常主動提供服務兩星期之後我再book位，可惜晚飯滿座。香港食肆成日嗌艱難，其實市場一直係汰弱留強，呢間用心出品，服務殷勤，我會再嚟幫襯！

同事吹雞去中環香港大學校友會晚飯😘原想試佢地出名嘅八寶鴨、脆皮百花雞😘好可惜忘記預定！下次要早兩日訂咗先😅餐前小食👍煙燻素鵝一上㭘用玻璃煙燻蓋著，所以素鵝有煙燻味！羊肚菌蔬菜炒南瓜清新素菜👍黄金蝦球蝦球爽口👍燻魚啖啖魚肉👍糖脆柚皮賣相吸引！可惜柚皮帶苦澀😳紅燒五花腩魚湯海鮮脆米泡飯濃郁魚香味👍👍經典鴛鴦飯好懷舊菜之一👍蛋黃蓮蓉壽包

多得朋友係會員可以訂枱一行十人食晚餐有得坐入獨立房，雖然入左房，但職員都好細心服務👍🏼人多最好就係試到好多唔同菜式專登提早預留既 蝦多士薰魚，甜甜地 外皮脆脆的食落口似銀雪魚咁既味道😋😋白肺湯糖醋柚皮，外脆內軟 不過我自己就覺得有少少苦，可能食唔慣紅燒五花腩，肥而不膩，個底仲墊左咸菜 送飯一流😝😝鹽焗脆皮雞另外呢個牛肉配左沙嗲汁都幾有驚喜，無諗過係中菜廳食到呢個味道自己好中意個炆飯太極芝麻糕都一定要試，心機之選

部門請來了summer interns剛好是港大學生。二話不說帶隊去HKUAA welcome lunch。大廳滿座了, 我們一行六人被安排去Bar咁一於食express lunch。白肺湯確實已不如從前, 好像欠缺了什麼... 主食我揀了乾抄牛河, 竟然喜出望外：用封門柳抄而且夠鑊氣！食炒河又怎能無辣椒醬, 經理介紹原來是本地品牌生產余均益辣醬好玩又好味的一餐！

新裝修後，成間餐廳感覺升格咗，餐牌嘅菜式都玩新派風。來忘掉過去，整體菜式係幾好的。杏汁燉白肺湯（位上）記憶要跑出黎，阻都阻唔到，一啖喚醒，揮之不去，忘不了忘不了。有比較有失落，肉粒多過豬肺，僅有的兩粒豬肺沒有滑溜溜，卻成為湯渣的一份子。杏汁是香濃的，卻有微苦餘韻，不是不好，只是回憶太美好蝦多士配黑松露沙律醬精緻美味，唔會一口油，睇得出造型上嘅工夫鯧魚（黃立䱽）魚骨恐懼症嘅朋友唔使驚，師傅已起晒魚肉，安心食用。魚骨炸得香脆，吞得落肚招牌松露脆皮雞半隻脆皮雞幾好食，肉質嫩滑，皮薄香脆。碟邊嘅黑松露醬似乎有點畫蛇添足，不加也罷。紅燒豆腐煲正常地好味炸芒果牛奶卷呢個有啲似炸鮮奶，換上芒果牛奶，創意度滿分。

以前在中環返工的時候，不在員工飯堂吃時這裏便是我的飯堂，因為中環很難找到一個地方可以坐低慢慢傾偈，而且食物品質高😋😋今次再度重臨，香港大學校友會已經換了餐廳班底。新菜式令人驚喜，服務也比以前細心，可是沒有以前常點的蜆蚧鯪魚球，有點可惜。首先，叫了白肺湯，好飲，但感覺上沒有以前那麼濃味。由於當天天氣很熱，點了糖醋柚皮及煙燻素鵝，其中糖醋柚皮味道清新😋😃而煙燻素鵝上菜的時候也令人驚喜☺️最後叫了欖菜四季豆，有鑊氣👍🏼希望可以很快再次來品嚐其他菜式。

說起港大校友會，已有最少6年沒來過；心目中它就是陸羽的親民版，名物也是相似：白肺湯、糯米雞、雲腿鴿片、鹽焗雞、咕嚕肉….。說回正題，是次朋友寫菜，我靜靜的吃，也不錯。兩小碟糖脆柚皮＆煙燻素鵝-柚皮清新、素鵝也及格蝦多士-新版的加上芝麻等等，但我還是想念舊版…焗釀響螺 真心推，葡汁加上內涵，香滑綿密翡翠骨香鯧也是推介，鯧魚是晚沒選鷹鯧，但黃𩶘鯧才收不到$300，連骨頭也是炸得香酥，糖豆也是清爽甜美鹽水鵝吃得出淡淡鵝味，點上沙薑豉油也不錯羊肚菌蔬菜炒南瓜一點不像素菜，但香味非常，推薦魚湯脆米泡飯魚湯本來味道濃厚，但太多飯粒，脆米無立身之地…可惜，但我不加脆米，一道魚粥無得輸香芒奶卷太極布甸 甜品布甸不錯，有芝麻香

係香港都唔少會員制餐廳，其中一間就係香港大學校友會，地點位於中環核心地段，印象中幾年前曾跟友人來飯局，幾年後再訪與友人慶生，依然印象深刻～前菜有三款— 「糖脆柚皮」、「煙燻素鵝」、 「麻香鳳尾蝦多士」，「糖脆柚皮」既處理相當考功夫，還做出了拔絲既口感，喜歡！必試既一定麻香鳳尾蝦多士，鳳尾蝦既香氣與炸得酥脆既多士完美融合「杏汁白肺湯」滋補潤肺，特別天氣時冷時熱，相當順喉翡翠骨香鯧所用既係黃立鯧，火喉剛好~ 當晚最令大家心動既係鹽水鵝，原隻鹽水鵝陣容令人嘩然，鵝肉乃是嫰粉色，肉質嫩滑，令人相當回味都已經忘了多久沒吃過「經典鴛鴦飯」，紅白兩色似是太極般相融，各有特色甜品既部分亦很有誠意，是偏向新派既甜品，3款皆有印象點，包括「太極布甸」、「抹茶奶凍」、「脆奶卷」，個人最推薦既係「抹茶奶凍」，奶香十足的。

人生有幾個十年？ 假如是十八年又如何？終於往陳舊相簿裡翻，原來上回在香港大校友會用餐已是十八年之久 。地點依舊，卻換上新裝與新面孔，腳步帶出一幕幕昔日的畫面，舊物舊情與新景象交錯重疊。腦海中香港大校友會廚風低調，真沒想過會出現如斯 Fancy 菜式，或許這才算符合時代巨輪的運轉吧，當晚還轉變出三大驚喜！之所以選址為友人慶生，背後是有道理的！除了精緻，帶有濃厚煙燻香氣的煙燻素鵝作頭盤，特別的糖脆柚皮也是其一！糖脆柚皮結合了素材、粵菜考工夫的柚皮處理，還添上拔絲的喜感，個人挺喜歡這新鮮又不失傳統的賣點！再來麻香鳯尾蝦多士，前菜是好事成三。將上白下紅的鳯尾蝦變為蝦多士，還是第一回嘗試！儘管沒有太大分別，但蝦多士的香氣和乾爽香脆的口感仍是吸引的！新年前後，煎炸食物吃得多，加上天氣忽冷忽熱，容易喉痛感冒，膶肺的杏汁白肺湯，正是合意的首選湯品！久違了的焗釀響螺，兒時飲宴的隆重感返來了！焗釀響螺是粵菜傳統宴客菜式，大抵每家酒樓做出來的效果並不一樣！今次可以重溫到沒有膩意，層次感豐富與淡淡葡汁香的焗釀響螺，有著飛越時空的喜悅！喜歡吃魚，選用黃立鯧製作的翡翠骨香鯧，伴以彩椒與蜜糖豆，來得柔和與健康！外脆

適逢農曆新年 經常要想不同的中菜廳與家人朋友聚會於是便想到一 直想試的HKUAA會所中菜廳加上知道中菜廳剛有新師傅加盟推出全新菜單 將創新概念加入傳統菜式 於是便立即訂座一試究竟【三色素燻鵝 $98】煙燻味極濃 每咬一口都可以嚐到煙燻味腐皮脆身 加上爽脆的紅蘿蔔絲冬菇絲萵筍絲無論味道還是口感都很不錯【太極鴛鴦羹 $288】賣相已經相當吸引 湯羹綿滑【麻香鳳尾蝦多士（6件）$158】鳳尾蝦多士是香港大學校友會的招牌菜手打蝦膠加原隻鳳尾蝦 爽口彈牙 多士非常香脆 口感豐富【焗釀響螺 $78】【焗釀鮮蟹蓋 $128】蟹蓋 響螺都非常足料 有滿滿餡料價錢亦相當合理 十分推介【麻香脆皮牛腩 $218】一層香脆外皮包裹軟腍牛腩沒想到醬汁才是畫龍點睛之處【金牌校友脆皮雞 半隻 $178】又一招牌菜之一 果然皮脆肉嫩農曆新年菜式【瑤柱扒豆苗 (例) $268】當造必食的豆苗 處理得一般 炒得不夠爽身【太極布甸 $68】【香芒脆奶卷 $68】甜品頗為出色 太極布甸層次豐富香芒脆奶卷 外脆內軟 香芒味濃