香辣風

营业中

休息中

嗰日收工搭緊西鐵期間，去到荃灣西時中學同學打電話黎約食飯，咁啱得閒冇嘢做係朗屏落車後，就話去食雞煲，我就醒起係水邊圍對面間香辣風，店面唔大其貌不揚，感覺環境唔算好好但必須講呢間係元朗最正雞煲！我地兩個人Order左一個細既奇味雞煲（小辣），過左十分鐘冇耐就雞煲就上左，份量唔算好多，細Size大概就係半隻雞咁，於是又嗌咗d配菜---響鈴，細薯粉，生菜...滾左冇耐食得，雞件入曬味，啖啖肉。但我最要推介並唔係d雞，而係煲入面d洋蔥，d洋蔥煮到好軟，食落口有股甜味，好好食；其次好食就係d冬菇仔，細細粒一口一隻，冬菇索曬個雞煲既汁，咬落去好Juicy！正！忍唔住又追加一份生冬菇黎煲！兩個人食下吹下水都食左成個半鐘，個煲好惹味，煲到最後加d薯粉落去煮，煮到變軟後食得，索曬d味又滑一滑，好鬼好食，飲埋啤酒真係一流！最後兩個買單都係人均125蚊，唔算貴！

幫襯左幾年味道不錯價錢合理,但一直都有個問題係心裡面,中午在這店食牛肉麵一碗牛肉麵4,5塊牛肉有D軟有D硬如牛肉干更有一D單面濃的牛肉,就好似夜晚叫牛肉煲癡左底既牛肉一樣,一值不解但最覺得佢唔會咁做既,值至早2日中午再到此店食牛肉麵一樣有同樣情況出現(單面濃及硬如牛肉干既牛肉)同時再見到廚房有人帶上單隻手套攞住一支貼住辣椒精既物體,所有之前既問題立即解開(仲有一支無招紙白色不知名調味料).大家幫襯不防同老闆交換下用辣椒精及番倒牛肉既心得!

間餐廳在屋企附近，時常經過但從未試過。今次第一次，一試難忘！店面細細，但都坐得舒服。5點鐘去幫襯得老闆娘一個，見佢做到踢曬腳。生意非常好~叫了淨酸辣粉及淨涼麵各$23、鑵裝可樂$7酸辣粉好好味，但略嫌唔夠酸。因為價錢平，配料例如花生亦比較少 。涼麵夏天食一流，愈食愈麻，愈食愈辣！好爽。如果有加埋青瓜絲就完美啦~啲麵都大件夾抵食！相比起那間「傷心酸辣粉」，呢間真係好抵食，支持香港小店！

又嚟食我至愛嘅酸菜魚味道冇變,依然好好味,值得推介!!!其次手拍青瓜都唔錯.另外叫左口水雞,不過今次d雞肉梅左,我地同老闆娘講,佢好好人冇收我地錢(已經食左大約半碟),亦都點左雞煲,辣度適中,都好香口下,不過都係唔及來來雞煲好味.鍾意嚟呢度原因,架車泊街可以睇到,同埋有出面坐, 適合煲煙人士.

第一次吃味道這麼一般般的雞煲，平時吃的雞煲都是炒得很有鍋氣味，但這次真的用水煮，而且味道超濃的，但一點都不鹹，都是那些蔥蒜姜洋蔥。。。點得那個青瓜也是一樣，不酸也不是狠辣，而且也是不鹹的。這次是本人吃過最一般的雞煲，但這間店鋪的服務質素是不錯的，值得讚揚

6月7日約左人嚟元朗,佢地話食酸菜魚,就嚟左呢度食啦,我第一次嚟呢度,我地四個人叫左一個酸菜魚(唔辣的),一個涼麵,炒酸辣土豆絲,雙色皮蛋,夫妻肺片.酸辣土豆絲都幾開胃,唔算好辣,薯仔切到好細條,入味呀,爽口. 涼麵我以為係好粗白色果隻,原來係油麵嚟架,加埋D醬汁一齊食,都幾好味喎,好香,都彈牙的.酸菜魚係好大盤的,可以加熱佢當火鍋,我們只係食酸菜魚所以不用加熱,湯底真係幾酸喎,叫左唔辣但係都辣辣地,因佢既酸料都有些辣椒,魚肉好大片,滑身入味,好味呀,份量都唔少呀.有些酸菜好大塊的,好味.還有一些芽菜,好味.皮蛋有兩款,一款係普通的皮蛋,另一款係黃色的皮蛋,我都未見過,其實味道好似差唔多,賣相特別D,味道都OK. 還有夫妻肺片,都幾辣呀,有牛肚,牛既內臟.

最近有朋友講起成日有人撩人食辣野(e.g. 雞煲) ，但原來撩人者係唔食得辣既! 今次就到我遇到喇! >.<第一次去水邊邨附近食野! 街邊檔，聽講有時會走鬼tim! 等左陣終於開張新枱俾我地。好彩可以叫半隻奇味雞煲，半隻小辣雞煲，分兩個爐俾我地四個人，真係太好喇! 至少我都有得食辣，雖然係小辣!唔知係唔係因為小辣，所以都唔多覺有辣椒。辣&奇味雞煲內除左有半隻雞，仲有青椒，洋蔥，蒜頭，冬菇。雞略嫌太老，亦唔算入味，食到有少少辣味，幾香既...(但根據唔食得辣既人士，係話好辣，仲話呃左佢食架! ....根本無人同佢講過係無辣味個喎!)再三催促下，後加既薯粉到埋，呢個先係精華所在! 佢既薯粉係傷心酸辣粉果類，有少少粗身的，煮完後索哂d 汁，吸收哂d 精華! 正! (亦很掛念滿江紅小甜甜的手拉麵呀!)掛住食薯粉都唔記得再影相喇!總而言之，唔食辣真係食少好多好野呀! (食唔到辣既朋友講架!) 我會再約人來食，我要食中辣以上!

本來去呢間係諗住食佢嘅雞煲嘅,但係因為太夜,已經冇晒唯有下次再試la...)今次叫左:麻辣火鍋粉(可加$6配其他餸)-原來係薯粉黎ga, 仲要係寬嗰隻...有d"un"我叫左中辣,辣味足夠,有很多香料,但香味略嫌不足,對我黎講太鹹蒜泥白肉-係唔辣嘅,所以冇咩感想,好鹹,好多蒜頭,d肉係唔錯嘅,肥瘦適中, 凍d會好d囉青椒皮蛋-最好味,食到唔停口.d青椒切得好幼,d辣椒醬好好味(我叫左中辣)裏面有D瑤柱,好似xo醬咁d皮蛋晶瑩剔透,完全冇臭味,個黃係黃色,唔似平時食開嗰d...總之就好味la,下次會再叫!!

相公提議不如去香辣風, 我當然讚成, 但相公想吃酸菜魚, 份量像洗面盆似的, 我怕兩口子要吃到反胃. 所以都是決定吃其他.上次亦有吃青瓜因為味道很香, 而份量亦都不少, 青瓜很清新. 來吃川辣菜食一點點青瓜感覺上沒有那麼熱氣.聽朋友說這裏的薯粉味道特別跟其他舖頭的不一樣. 我就當要來試一試, 沒有加其他配料只是一碗正宗重慶薯粉, 這裏的特點是因為落左孜然粉, 味道很香, 但孜然粉多是在串燒類才會出現, 薯粉有那麼重孜然粉味真是少見, 但配在薯粉上味道確實是不錯. 感覺是上癮的~~~~~~~~~~~半隻雞兩口子剛剛好, 除了雞外還有其他配菜, 有冬菇、洋蔥、蒜頭、芹菜、青椒, 配菜吸收了湯底的精華真是無得頂, 雞亦算嫩滑, 辣味一般因我們點了少辣, 但都令我雙唇紅起來了....雖然我們所有食物都點了少辣但其實亦有辣度存在, 可能我又不太吃得辣, 因會胃痛的. 但這程度我又覺得剛剛好因除了辣味外還有食物本身的味道, 如果太辣的話連食物本身食味道都蓋過了, 那麼就沒有意思~~~

除o左印度菜之外, 川菜亦係我o既至愛. 近年o係元朗區出現o左好多川菜館, 對於鍾意食辣o既我, 從此無須北上又有好多好選擇.第一次食元朗o既川菜係o係「一品紅」, 覺得佢地o的雞煲唔錯, 但之後幾次叫(食送)食飯, 覺得佢地o的水準唔夠穩定, 於是決定搵多幾間試o下, 「香辣風」就係其中之一.呢度都好近港鐵o既朗屏站, 離「一品紅」亦只係大約兩個街口左右, 十分方便. 對面就係水邊圍村, 所以平時都有好多附近o既街坊o黎幫襯, 一到晚上 7:30pm - 8:00pm 就座無虛席.點菜方面完全冇難度, 除o左傳統o既一張過文字餐單 (分小菜同粉麵兩種, 見上圖) 之外, 舖頭o既兩邊牆都掛上推介食品圖片o既banner, 方便顧客選擇, 十分體貼週到. o黎之前我睇o左呢度食評o既推介, 早已有心水選擇. 一坐低, 即刻嗌o左: "麻辣牛肉" (HK$42) - 係凍小食, 嗌o左要最辣(應該比餐牌上o既 「大辣」更辣). 一上檯見到紅紅o既麻辣醬料鋪滿肉面, 已令我相當興奮. 一路食落去, 就知道 "牛肉" 原來係牛輾, 所以一o的都唔韌, 又有芽菜鋪底. 麻辣醬麻香味足, 又

尋晚同男朋友去左呢度食麻辣雞煲我就第一次食 , 男朋友之前已經食過話好好味要再食去到已經22:30不過都仍然好多人食呀...叫左個麻辣雞煲(小辣)...我平日唔係食得好辣不過都覺得唔係好辣...下次可以叫中辣因為得2個人食食得唔多...所以只係試左雞煲同酸辣粉酸辣粉叫左中辣就夠辣不過唔夠酸...我覺得譚X的酸辣粉岩口味D...會再去食...好味...下次試試其他

經朋友介紹, 得知這間川菜質素一流~~尤其是酸辣粉. 今日一行三日大約七時半到達, 幸好室內還有位, 而室外是提供給一些煙民人士. 看看餐牌很多款食物都想試但人數有限, 只好叫兩個小食兩個主菜, 反而最想試的醉辣粉今次冇緣品嘗了. 因不知辣的程度如何所以今次只試了少辣, 青瓜份量不少, 青瓜很爽脆, 而少辣程度我覺得不太辣下試可試中辣, 還有不少蒜頭碎與青瓜一起食一流~~~~~€皮蛋本身不太喜愛, 我只吃皮蛋的外層, 這個都是少辣, 如果只配上辣汁其實一點都不辣, 但如果連中間的青椒一起進食呢...就另有一番風味了~~~~~~~~嘩................洗面盤那麼大的酸菜魚...真的有點被嚇倒了~~~再看看內裏的材料真是很足料, 有酸菜有蘿蔔片有其他配料等等...而鯇魚份量亦十分驚人...似整條鯇魚都在盤內的~~我們三人很努力終於都沒有清了這盤酸菜魚........酸菜不會太鹹真是不錯, 鯇魚很滑很滑, 但進食時要小心點因有少許細魚骨. 這個份量足以四至五人食用.醬汁很多撈飯一流~~我們都是只叫了少辣, 不過下次會試中辣, 雞的份量我估有半隻, 雞肉很嫩滑只可惜沒有雞味..幸

瑞午節一家人敘餐,老婆建議食四川菜,附近有好多重慶雞煲,好多都試過,都差唔多味,行到去水邊圍附近,見到門面有住家feel的一家小店,嘩,門面好多人,好,就呢度-----香辣風 八個人八個菜1/青椒皮旦-----不過不失,調味有些單調,沒有其他地方多油2/夫妻肺片-----牛肚牛蜊鹵得夠香.呢個就好味夠辣,讚3/紅燒牛腩-----呢味牛腩,好香,咬落去唔奀,汁夠濃,撈飯就真係一流,超讚4/辣子雞--------呢個好香好辣,雞切得細,炸得香酥,越食越辣,但係又停唔到口,同出便其他所謂四川正宗炸到干的辣子雞唔同,佢地個雞外脆但唔干,食起上來真係好惹味,超讚5/酸才魚--------呢個食完辣子雞才上菜,有心思,呷囗湯,醒胃又惹味,又勾起食欲,試一下魚片,滑到無倫,鯇魚片,讚6/水煮魚--------味道真係幾好,廚師有心做,味道好,份量都足,無得刁剔7/香辣雞煲-----雞好滑,香料味好夠,有鑊氣,細店仔算有水準咯8/清炒土豆絲--夠鑊氣,廚師有火候,味度好店仔冷氣不足,出面坐大排檔仲涼快,伙記都好友善,我見到都好多客,但個個伙記都好笑容,做生意呢樣就最抵譖,整體上係好食,好招呼,這種小店

呢晚又係朋友仔小聚, 一齊去試 "香‧辣‧風"望望餐牌, 選擇唔多...今次我地先試 << 辣雞煲 >>呢餐試左:拍青瓜 (中辣)辣雞煲 (中辣 - 半隻)火鍋料 (肥牛 x2 / 蘿蔔片 / 午餐肉 / 金菇 / 芝士腸 / 白薯粉 x2)因為火鍋配料太少選擇, 所以之後追加左:辣子雞 x1至於食味呢...拍青瓜 (中辣) - 青瓜爽脆, 不過辣度感覺只屬小辣 辣雞煲 (中辣 - 半隻) - 雞件大小適中, 湯底濃郁野味, 愈食愈辣.不過一提係, 雖然佢地真係加湯唔係加水, 但係加左 2 次湯之後, 湯底已經變得好淡...火鍋料 - 一般, 算幾新鮮, 份量亦可以要一提既係 <白薯粉> 雖然幼身, 但係質地彈牙又吸湯, 真係好好味 辣子雞 - wow, 真係好辣, 勁野味, 用黎佐酒真係一流!! 雞炸得好透徹鬆化, 麻麻又香口...呢間舖仔細細, 老闆娘個人好 nice, 讚!野食的確唔錯, 一定會再黎...下次要試好多人都叫既....水煮魚!!! =v=+

吃完泰苑，再次返到教會又玩又食。轉瞬來到夜晚，其實肚中的魔鬼蛋糕仍飽著，但老去卻對午間行經的新開香辣風念念不忘；好啦好啦，又陪他去試菜罷!元朗最近真的開了很多川菜館，而且很多都由四川／重慶人所主理，這一間也不例外。撇開火紅矚目的門面，其實小店裡面是很簡樸的，然而週五練詩前經過見前來幫襯的食客不少，故也有信心來一吃。當日來到不過六點多，所以不用等位，還趁機與老闆聊了一會。不過也是因為時間太早，之前的食物又未落格，當晚只牛刀小試了兩個菜，包括：辣椒皮蛋($18)-我最喜歡的涼菜，這裡以舊式花碟上檯，感覺很有風味。由賣相可見皮蛋頗為軟滑，本身質素不俗，然而調味只得單調的醋酸味，與一品紅浸滿辣油、中間加了不少其他調味（包括白砂糖!），香辣度與口味豐富度當然有一段距離。但這裡的收費也低了$10，可謂以平取勝。水煮魚($68)-這個不用說啦，就是老公最愛的川菜項目，也是今晚來的主要目的。點菜前大家都很醒目，除水煮魚外只點了涼菜，但此魚來到仍然令二人震驚了；不是通貨膨脹、物價飛昇嗎? 怎麼想到$68竟可煮出如此大兜魚? 比一般正常臉盤還要大啊! 不是講笑，紅湯中的魚片（此店用的是鯇魚）份量很多，至