香馥樓

营业中

休息中

銅鑼灣不嬲都好多唔通形式嘅美食，歸為香港美食之都之一、除咗選擇多籮籮之外中式菜仲保留左原有嘅風格同埋獨特！今次就一定要食呢一間咁有傳統風味嘅中國菜！呢一間有十大嘅名菜大家一定要食、包括有脆皮紅燒乳鴿、咕嚕鳳尾黑毛豬肉、蜜汁厚切西班牙黑毛豬、經典片皮鴨、紫砂功夫燉湯、同埋奶油蝦都係非常之出色如果今次就同朋友叫咗呢3樣：咕嚕鳳梨黑毛豬肉$198鳳梨真係值得一讚！因為好甜好香又多汁，超開胃口！紫砂功夫燉湯$88呢個湯我覺得超好飲、入面亦好足料！包括有女燉湯嘅豬肉、燉湯圓肉，加上佢仲有螺肉係入面變相好養生！味道又夠濃郁！椒鹽豆腐$88椒鹽豆腐本身已經好好食、佢可以做到入面係好滑嫩、出面個皮炸得啱啱好！仲要個皮食落去入口即溶！豆腐口感超吸引！當然唔少得叫2豌白飯！獨特特飲：紫色柚子特飲飲落去好清新清香、感覺唔會太甜好好飲、再加上打卡影相都好靚！香馥樓銅鑼灣駱克道463-483號銅鑼灣廣場二期6樓全層

呢間餐廳新開，環境清靜乾淨，座落又幾舒適。服務員都好有善咁介紹菜式。個場設計似係可以做小型活動，前面有好大LED。蜜汁厚切黑毛豬，黑毛豬叉燒厚切外，肉質肥瘦均勻無咩根又唔會過於油膩。外層甜香又有油香。而且份量都幾多有八大舊都係厚切既。一口豆腐脆卜卜，外層炸到金黃香脆，內層豆味香濃而且入面都仲係熱辣辣咁，做到外脆內暖。紫砂功夫燉湯，好足料入面燉湯都係所有材料既精華。好甜好香濃。我地2個人叫左紅燒乳鴿黎試下，乳鴿肉質嫩滑多肉，肉質又夠入味。椒麻安格斯牛柳，一鍋咁上菜好有穫氣，有麻辣香味仲有，牛柳淋滑。蝦籽京蔥明蝦球，大大粒蝦球夠晒爽彈，粒粒都咁大粒外上面仲有蝦子，特別香口，配有京蔥同菇一齊炒特別香口大穫氣。杞子桂花糕唔會太甜，有桂花香同椰香味。

銅鑼灣新開了一間粵菜酒家叫香馥樓，酒樓主打傳統新派中菜，酒樓佔地5500呎，設有多間vip房，環境寬敞亮麗、舒適整潔。酒樓不時安排著名歌手現場演唱，舞台上星光熠熠，為食客帶來更多歡樂。紫砂功夫燉湯：這壺湯很足料，用海底椰、螺肉、瑤柱、人蔘、瘦肉等熬製而成，味道鮮香醇郁，鮮甜美味。七味一口豆腐：豆腐色澤金黃有如小金磚，炸完後的豆腐表層香脆，內裡滑溜，配上七味粉，豆腐更加惹味。蝦籽京蔥明蝦球：上枱擺盆襯托精美，味濃香口，爽脆的京葱成功吊出蝦球的香味，加上蝦籽的鮮味，蝦球爽口又鮮美。紅燒乳鴿：乳鴿即叫即炸，生炸能保持肉味，食落皮脆、肉滑、骨嫩、多汁。杞子桂花糕：味道香濃，有桂花的香、杞子的甘，仲有椰汁的甜味，好足料。

二人套餐盛惠$1388，食物份量充足，三個人食到夠。蜜汁厚切黑毛豬：黑毛豬果然唔同啲，鬆軟得來又唔會太多肥膏，好juicy。醃得好入味，上面鋪滿蜜糖超級正！七味一口豆腐：炸粉漿酥脆薄身，外脆內軟，上面灑滿金黃嘅炸蒜好惹味，絕對係一道大人細路都難以抗拒嘅邪惡小食。紫砂功夫燉湯：望落細細壺，飲極都仲有！好足料好滋補，用功夫茶杯細細啖品嚐更顯滋味。紅燒乳鴿：乳鴿BB雖然細細隻，勝在肉質嫩滑，富滷水香。外皮香脆得黎唔算油膩。魚湯竹笙魚腐浸勝瓜：其他餸菜咁多肉，揀一個清清地攝取返纖維平衡下！魚湯鮮甜，勝瓜煮到超淋。蝦籽京蔥明蝦球：大大粒嘅蝦球好爽口。以乾冰裝飾伴碟顯心思。杞子桂花糕：估唔到下層嘅椰汁糕同上層嘅桂花糕又幾夾，一啲都唔違和。唔會太甜，兩溝又有新鮮感！蝶豆花柚子茶：臨走店員送上兩杯清新飲品，顏色夢幻又解膩！

坚持咗整一個月on diet，終於都俾我捱到今個月嘅treat day啦！！睡飽出街特登來呢間新開嘅餐廳飲個早茶獎勵自己一個月嘅辛苦。點咗潮汕蒸粉果，生滾安格斯牛肉粥仲有香煎櫻花蝦蘿蔔糕。點嘅每一個點心都在水準線上。蒸粉果皮厚度啱啱好，外皮煙韌，口感好正，裡麵包住曬豬肉碎，韭菜蝦米等豐富嘅餡料，好對我胃口，正！生滾粥有兩款，鮮魚片同安格斯牛肉，我揀咗牛肉嘅。生滾粥一個人食好大煲喔火候十足，米粒綿密但又唔會太過爛，牛肉嫩滑鮮甜，我飲咗兩大碗，好味!蘿蔔糕外皮煎得金燦燦，中間口感軟糯，櫻花蝦嘅鮮味同蘿蔔糕融和得非常之好，呢碟都食得好滿意。非常滿意嘅一餐treat meal!下個月要繼續俾心機work out，下一餐treat meal 或許仲要來多一次，叫埋朋友，可以點多幾個菜試下味！

剛過完中秋節，市面又平靜下來。嚟個時候最啱約好友晚飯傾計。搵到一間新酒樓位於銅鑼灣廣場2期。環境不錯，服務周到。蜜汁厚切黑毛豬必食之一。那蜜糖嘅香滲入肉內，略帶甜香又不失原有味道，肥瘦得當，熏香無比，肉汁早已鎖在肉內，超正。紅燒乳鴿色澤金黄，皮脆肉嫩，鲜香入味。紫砂功夫燉湯極力推介。火喉十足，清甜滋潤。七味一口豆腐外脆內軟，滑溜。蝦籽京蔥明蝦球十分惹味。香氣撲鼻而來。蝦球又爽又彈。大蔥爆香，入味又滋味。魚湯竹笙魚腐浸勝瓜似是平平無奇，卻又鮮甜無比。

最近Be沉迷緊食小菜🤤三日唔埋兩日就掛住中菜嘅鑊氣滋味～得知最近有新菜館開張🎊又第一時間衝去訂位！！入口處已見滿滿鮮花贈賀💐加上環境闊落雅緻～令到Be都沾染到啲好氣場～食都食得寧舍開心🤭🤭.✨前菜小食：涼拌雲耳青瓜 $28@碟.✨一口七味豆腐 $88香口又乾身～食落一啲油膩感都冇👍🏻👍🏻.✨蜜汁厚切西班牙黑毛豬 $388 (八件)好難得食到咁高質素嘅叉燒😃✌🏻有入口即溶嘅食感～烤得焦香嘅外皮卻咬到鬆化軟嫩嘅肉質🐽🐽.✨芝蔴鹽焗雞 $198附隨有甜辣醬令滋味加倍😚😚食落有啲似平時食嘅炸子雞～卻增添了芝蔴香！！.✨蝦籽京葱明蝦球 $198以彈牙爽口嘅明蝦球作為焦點🦐咸香蝦籽&爽脆京葱～整體豐富多元又好味道🤗.✨椒麻安格斯牛柳粒 $198牛柳粒份量頗多🐂肉厚且軟嫩！麻辣嘅椒香味道濃烈！勁惹味刺激😆😆.✨蝶豆花柚子梳打 經理仲送咗杯Welcome drink俾我哋添💜💜.✨楊枝金露 $58飽滿嘅西柚肉x甜度十足嘅芒果粒🥭🥭成就經典滋味甜品～甜美又冰涼透心～感覺好啱炎炎夏日食用!!.✨加一服務費

因為中秋節太忙，今晚同屋企人補食中秋節飯，搵佐呢間酒家，應該係新開嘅，光猛寬落。 帶位入去即刻見姐姐擺左青瓜雲耳作開胃小食，茶有熱座烘住保持溫度，又有毛巾抹手，幾好，宜家都好少呢d喇。酥脆炸秋葵 外表炸得香口，脆漿夠薄，秋葵有啲黏口，炸蒜粒好脆，味道好濃。片皮鴨二食 一食：片皮鴨好脆帶油分，用蛋皮取代薄餅包片皮鴨夠特別，蛋皮薄身香甜，唔好漏咗加爽脆青瓜絲、京蔥同甜醬。鴨崧生菜包 二食：生菜新鮮爽脆，包啲由鴨肉、蘿蔔粒、西芹粒、腰果碎炒香嘅鴨崧，美味可口。咕嚕鳳梨黑毛豬肉 外脆帶甜，裡面嘅肉軟腍，鳳梨甜滑無渣。欖仁鮮蟹肉粉絲煲 蟹肉幾滑，粉絲爽口，落少少花椒油，味道提升，帶麻香同微辣感。最後飲杯蝶豆花水幫手解下膩，屋企人都覺得呢間唔錯，以後當屋企“飯堂”

今晚帮朋友庆祝生日特登揀咗呢间新开嘅新派中菜。環境幽雅座位闊落，舒服又放鬆。我哋兩個人揀嘅係一個二人世界套餐：紅燒雞絲翅，烧味雙拼，鲍魚扒花膠，XO醬翡翠炒斑球，濃湯蝦乾浸菜苗，瑤柱樱花蝦炒飯。紅燒雞絲翅係第一次食，料好足喔，非常濃稠果然係享受燒味聽姊姊話係招牌特色，果然好正！叉烧好大件，燒得好靓，火候恰到好處，肥瘦適中，肉質軟嫩，又唔會太過甜膩燒乳鴿皮脆肉嫩好juicy，好味😋鮑魚扒花膠，滋補養生，花膠鮑魚好大件，膠質滿滿，軟糯鮮美，一d腥味都冇炒斑球亦都係另一道佳餚，魚肉鲜嫩弹牙，XO醬同食材融合得非常完美，火候恰到好處！瑤柱櫻花蝦炒飯好香喔，飯粒粒粒分明，不會太硬，每一啖食落都令口腔充斥滿滿嘅蝦乾同瑤柱嘅鮮味，碳水化合物果然係另一種享受。 今次呢餐生日餐朋友十分滿意

收工行過銅鑼灣，即刻上Openrice睇下有咩啱同fd食飯，見到呢間，餐廳好近地鐵站，唔知係咪新開張，裝修好新，座位又幾好坐，無乜壓廹感。睇左餐牌，可能新開張都幾抵，好多宜家少見噶懷舊粵菜。揀佐下面幾款試下［芥末墨魚仔］墨鱼仔都算飽滿同香脆，配埋芥末醬又幾夾［脆皮燒鵝皇(例牌)］雖然係例牌，但份量都幾多，肉厚有汁，個皮燒得都算脆口，夾埋個醬個鵝味出嗮。［咕嚕鳳梨黑毛豬肉］上菜哥陣，真係眼前一亮！大大粒咕嚕肉隔離有隻新鲜菠蘿！最犀利係刁埋朵花係度做裝飾，係有D心思。咕嚕肉甜酸適中，啖啖肉。［香馥小炒皇］好夠瓁氣，又帶子又鮮蝦，魷魚同蝦乾等和韮菜花，呢個最考師傅功夫。最後叫左個紅棗糕食得出唔係交貨黎D行野，完美句號。

休假結束返香港第一件事就是call我朋友一齊出來飲早茶方能解除我在英國為維持生命而進食d痛阿！（ps:真d唔系hater 本人香港胃）紅米腸系一如既往d好味，呢度嘅亦都好出色，腸皮軟糯，蝦肉彈牙，蘸醬汁味道更加豐富有滋味。龍蝦湯小籠包非常鮮美，皮薄餡多，一咬開鮮甜嘅龍蝦湯汁流晒出來香味十足，好滿意。鮮蝦餃夠大粒，水準線之上，蘿蔔糕都幾唔錯，煎得好靚，非常香口，我自己食咗兩大塊。魚片生滾粥好驚喜喔，超出我嘅期待值魚片食落非常新鮮嫩滑，粥嘅火候到位，養胃又好味。最後系馬拉糕，Q彈煙韌，口感好正，唔會太甜，正

來吃個巧手中菜吧～..銅鑼灣樓上新開左一間中菜廳🥢，當然要跟朋友來試試！餐廳裝橫以粉紫色為主調，帶點小清新既感覺💜。雖然新開但亦有不少捧場客，晚市亦設有推介套餐 $1,388 +10% 就來試試～🔸紫砂功夫燉湯先來一人一客功夫燉湯，香濃又香甜，味道十足很好喝呢。用以紫砂茶碗盛載，滿有意思。🔸蜜汁厚切黑毛豬（位）🔸七味一口豆腐（小食）🔸紅燒乳鴿（壹隻）再來3款小食：蜜汁厚切叉燒，蜜味香濃充滿肉汁，而厚切更有咬口肉質鬆軟可口。但一人一件份量太少！一口豆腐粒，外皮炸得香脆內嫩滑；乳鴿啖啖肉。🔸松子鮮拆蟹肉粉絲煲🔸椒麻安格斯牛柳粒來到主菜部分，粉絲煲舖滿蟹肉🦀，最後淋上既椒麻油更令整煲充滿麻香；安格斯牛柳粒帶粉嫩，配上椒麻味道更有層次。🔸杞子桂花糕最後甜品，杞子桂花糕味道清香亦帶有奶香。..×××××ש銅鑼灣駱克道463-483號銅鑼灣廣場二期6樓..

呢間中菜酒樓新開張,門口勁多鮮花。黎到呢度,感覺好舒服,侍應姐姐主動幫我洗餐具,好好服務。d碗碟又好精緻,有中國色彩。叫左個set,有原隻pigeon,炸到香脆可口,多肉又多汁。功夫湯好飲,好養生,清甜,裡面有好多材料煮成的。一口豆腐一d都唔油,份量非常之多,豆腐好嫩滑,外脆內軟。黑毛豬char siu好鬆化,入口輕輕咬幾口就化,好好食,同平時普通char siu既口感唔同。鮮蝦炒時蔬都好好食,蝦既份量唔少,時蔬中和到蝦,兩者好夾。食完仲有大大碗既楊支甘露,飲得出係自家製,好多芒果,仲有椰香。

今天大姨婆搵到這間中菜我們一家人做節，令我喜出望外,是新開的酒樓，而且是新裝修🤗「紫砂功夫燉湯」 香濃雞湯仲有羊肚菌，令湯味香甜，我仲飲了2碗🤗而且湯料另上，可見足料「片皮鴨二食」這款片皮鴨配上蛋皮，相當特別，也另有一番滋味😎「鴨崧生菜包」片皮鴨二食的好處，這款鴨崧配上生菜，令人十分好胃口呀☺️「欖仁鮮蟹肉粉絲煲」👍🏻👍🏻👍🏻這款令人回味呀，重點是要加上 花椒油😍 加上後口感同味覺都不同了，粉絲不再痴埋，味道有點花椒香「咕嚕鳳梨黑毛豬肉」 炸至粒粒外脆內裡肉滑，咕嚕鳳梨醬汁調教剛好，酸甜洽當❤️「豉蒜涼瓜炆素千層」素千層是一片片腐皮造成，好有口感😚備註：🔺店員細心為每位客人洗碗杯🔺抵食喎！每位不用$300🔺最後贈送了 「碟豆花功夫茶」 做個結尾

每次聚會都要珍惜,因不知道下次什麼時候再聚。片皮鴨,師傅的刀工不錯把皮片了出來不會有太多肉,味道酥香,配上蛋皮大蔥青瓜還有甜醬味道更佳。鴨鬆生菜包,鴨鬆炒得夠香,而且沒有油膩感,加入了松子仁增加脆口感覺,用生菜包著吃味道清爽。咕嚕鳳梨黑毛豬肉,這個的肉質爽彈,做到外脆內Q彈,還有拉絲效果又不會太甜,微微的酸味使味道層次增加了。欖仁鮮蟹肉粉絲煲,蟹肉鮮甜,粉絲炒得夠乾身還帶有少許的辣味來提味,花椒油是畫龍點晴的,落少許有麻麻辣辣的感覺非常過癮。豉蒜涼瓜炆素千層,苦瓜炒得爽,千層入味,這個菜的味道帶有很強的豆豉香味,還有回甘效果。味道: 值得一試環境: 寬敞衛生: 整潔服務: 殷勤價錢: 超值