馬六

营业中

休息中

肉骨茶配米粉多數肉骨茶都會配油飯 但係呢度可以揀配米粉肉骨茶撈落啲米粉度 超級入味 好濃郁 另外啲排骨都好腍🤤巴東牛肉乾拌油麵我好鍾意食乾拌麵 所以就叫咗呢一個乾拌油麵 啲醬同巴東牛肉都好惹味 仲有啲花生粒同魚乾仔 口感更加豐富😋娘惹焗釀蟹蓋$22就有兩個蟹蓋仔真係好抵 佢仲有雜菜撈埋啲蟹肉好好味參峇一口脆魚另外仲叫左一個跟餐小食 一口脆魚 啱啱新鮮炸起 熱辣辣脆卜卜 仲有魚味添🤣最後嘢飲方面 我哋就叫咗凍馬來手工拉茶同凍香茅橙茶 呢度啲嘢飲都幾特別 幾有馬拉嘅特色 第一次飲香茅橙茶感覺都幾Fresh 好推薦大家試吓👍🏻

落雨天都係喺屋企樓下商場食嘢最方便，馬六我哋耐唔耐都會嚟幫襯娘惹大蝦海鮮摻摻個湯底好香濃，各樣嘅味道都好平均，小辣有椰香，麵底摻摻份量好多，吸晒湯汁一流，配料都唔少，有溏心蛋，魚蛋，豆卜，魚蛋片同埋大蝦等等，好味又飽肚，啖啖唔同口感，真係大滿足。馬六什錦班蘭椰漿飯，唔係咁多地方可以食到，所以我哋每次嚟基本上都會點。佢有巴東牛肉，班蘭包雞，脆魚同埋雞蛋。巴牛肉東，香濃又夠嫩，唔會鞋口，班蘭包雞又夠香嫩，每樣食料少少，好好味！我哋另外加咗兩客小食就係脆魚同埋芝士條，脆魚係因為食咗什錦飯之後覺得好食，唔夠後就決定追加，食落非常脆口，入面嘅魚肉嫩嫩好味道。芝士條就當然更加邪惡啦，外脆再加埋裏面嘅香濃軟芝士，小食追加，過下口癮就岩岩好。飲品方面仲加咗個芒果冰真係非常之香濃，冰涼又清新香甜，正！

馬六 (荃灣)今日心血來潮想食間新加坡菜！成日行荃灣都經過千色匯一樓見到有間叫馬六既餐廳今日一於去試吓😍一上扶手電梯右轉就見到！餐廳外表好優雅，營造出一種高雅、精緻氛圍😍🫶咁坐底就叫左咖喱豬扒配米飯、海南雞飯、凍手工拉茶、凍香茅橙茶、脆炸芝士（2件）、雞肉串燒（2串）跟餐凍飲都係加3蚊好抵呀☺️前後夾埋都唔洗$200🫶🤣又可以叫咁多款小食！咖喱豬扒配米飯豬扒外層酥脆，內部則嫩滑多汁。豬扒口感豐富，有咀嚼韌勁同埋肉質好柔軟☺️再配上適中辣度既濃烈咖喱汁！仲想食多碗🤣海南雞飯雞肉嫩滑再配上三色醬，可以隨心情去點自己想食既味道👅雞肉皮薄肉靚！仲有紫菜湯好清甜，可以作為前菜飲下開開胃😍凍手工拉茶甜度適中，奶同茶相撞出黎既味道都好平均～同平時飲開既茶餐廳奶茶唔同～ 茶底都好泰式感覺！超獨特超好飲凍香茅橙茶外表似足凍檸茶🤣只係換左兩大塊橙皮！但似落就好新鮮😍估唔到都咁好飲咁開胃脆炸芝士估唔到咁抵可以食到2大條烤芝士！入面好耐芝士呀😍外皮都好脆雞肉串燒雞肉🍗超級入味，燒得岩岩好唔會太熟，好嫩好多水☺️值得再試呀🫶地址：荃灣眾安街68號荃灣千色匯I 1樓1023A號舖

琴日經過荃灣千色，突然想食喇沙，諗起之前食過馬六，就再次幫襯！可能千色一期店舖少，人流不多，所以7：30pm 都只係半滿直入有位！兩個人點左兩個主食及一個小食，最緊要唔使加一，即刻覺得抵左，人均都只係$80幾蚊！本來想食喇沙，但見檳城蝦湯麵有豬頸肉😌，有蝦有豆腐卜就點左，個湯夠熱幾好飲，諗住係麵點知粉絲仲多過麵，但油麵得兩啖少左d，多d 油麵會更好！再點左熱桔仔話梅水，幾潤喉解渴！👍再點馬來咖哩厚切豬扒飯，豬扒煎香夠大件，不軟不硬口感適中，個咖哩汁幾香口少少辣，汁係少d, 但啱啱好餸飯！再配杯熱手工拉茶，都好有馬拉風味！😌小食點左娘惹焗釀蟹蓋，本身個人鍾意食蟹，好香好好味！☺️全程上菜都好快，馬拉快餐呢個價錢算好唔錯！👍

荃灣抵食下午茶，4人$200有找唔使加一。tea time黎到都full曬，不過staff都好有禮貌。豬頸肉喇沙摻摻 $48濃郁嘅湯底微微辣，豆卜索曬湯好惹味，摻摻即係油麵同米粉mix埋一齊，豬頸肉肉質都爽口彈牙。飲品：凍桔仔話梅水 凍飲+$3豬扒喇沙摻摻 $58豬扒煎得非常香口又入味，而喇沙湯底同摻摻都好出色，呢個推薦呀！飲品：熱桔仔紅茶（唔使加錢）牛肉椰漿飯 $62巴東汁牛肉同班蘭椰漿飯的牛肉分量都算多，岩曬食肉獸。飲品：熱桔仔話梅水（唔使加錢）班蘭咖也多士 $28咖央醬與港式西多士製成嘅香口小吃，比起花生醬，咖央醬帶有椰香及蛋味，令西多士的味道更上一層。飲品：熱飲桂圓紅棗茶 （唔使加錢）馬六（荃灣千色匯）

今晚放肆一下，食好耐冇食既班蘭咖央多士～呢啲邪惡野平時真係唔敢多食，儲夠quota黎食就啱了🫢👉🏻班蘭咖央多士舊鮮牛油🧈超級吸引🤩其實得半塊，但好厚身，一啖咬落去滿滿牛油香味，簡直想一個人啪晒成碟。👉🏻招牌海南雞飯招牌黎講都係乜甩拖，一大碗薑黃飯，仲有碗紫菜湯。有齊雞髀同雞胸位，好食。👉🏻咖喱豬頸肉飯咖哩汁好好味，比左好多汁，豬頸肉都幾大塊，軟滑香口，如果飯份量多小小就perfect。

今天中午睇OpenRice 點評，同埋同事一齊去食lunch,十二點半左右入座，晤使等位。環境舒適，但等咗二十分鐘未上咖喱蟹肉餐，初頭以為店員漏單，中間催促2次，點知上嚟嘅出品係凍嘅，極之難食嘅咖喱，凍咖喱汁+凍蟹肉，食到腥味和苦味，中伏。跟住講返海南雞，雖然上菜速度十分之快，但係食落口其實冇乜雞味，啲肉係有少少滑身，油飯十分之普通同埋唔熱？應該唔會再幫襯同事話佢煮得仲好食。質素不似預期，希望餐廳有所改善。

[✨荃灣馬六•抵食滋味星馬菜🥢]#馬六 #荃灣千色匯 🥢肉骨茶配白飯 $78淡淡嘅藥膳味健康又好飲，排骨入味唔鞋口，配埋個飯真係好正，必試之選🤩🥢巴東牛肉乾拌油麵配紫菜湯 $72巴東牛肉香料味十足，食完都唔會覺得滯膩，乾拌油麵配搭巴東醬汁味道香濃，水準唔錯，岩哂鍾意食乾拌麵嘅朋友🤤🥢蝦多士x2 (跟餐加配) $18表面布滿芝麻，炸得香脆，蝦肉足料彈牙，好滿足嘅一份小食💯🍢雞肉串燒x2 (跟餐加配) $26雞肉嫩滑多汁，烤得好香口惹味，點上沙爹醬真係一流🤩☕️凍手工拉茶 +$3大大杯手工拉茶，茶味濃郁👍👍☕️凍香茅橙茶 +$3淡淡嘅橙味挺好喝的👍————————♡♡♡♡♡♡————————✨總結作為連鎖餐廳，呢度嘅食物水準一啲都唔馬虎，CP值亦好高，加上餐廳環境舒適，鐘意食馬來西亞菜嘅朋友不妨一試🤩💗📍馬六 (荃灣)🏠荃灣眾安街68號荃灣千色匯I 1樓1023A號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongko

下午茶餐：巴東牛肉 配 斑蘭椰香飯（$62）份量不少，巴東牛肉有七至八件，煮得入味兼且夠腍，辣辣哋十分惹味。醬汁都夠撈哂成碟飯。斑蘭椰香飯唔算好濃椰香味，味道普普通通。仲有幾款小食配菜，大片蝦片夠脆、花生、青瓜粒、車厘茄、炸豬皮。追加小食：娘惹五香雞卷（$22）炸得過咗少少火，味道夠濃味。熱馬來手工拉茶（$0）香滑，但茶味唔濃，算OK啦。

我今日約同好友行城門水塘，返落荃灣後，順道去位於荃灣眾安街68號荃灣千色匯1樓1023A號舖的馬六食好味下午茶，環境舒適開揚，坐得舒服。我點左馬六魚三寶蝦麵$52，追加蝦多士（2件）$18，餐飲係凍椰子班蘭冰$8；好友點左馬六娘惹茶燻鴨飯$62，追加怡保芽菜$26，餐飲係老街椰汁冰$8；另加班蘭咖吔多士$28。魚三寶係魚皮、魚蛋和魚條，另有豆卜和溏心蛋，魚皮好香脆，入口即碎；蝦多士好味；燻鴨的肉質嫩滑，有咬囗又好食；芽菜爽口，咖吔多士好味，班蘭冰和椰汁冰好清涼好飲。

今日同媽媽響千色買完野，見到呢間馬六，就是是但但感撞左入去，我媽媽叫左豬排摻摻，加飲品叫左青檸話梅，呢到熱飲唔洗加錢， 所以72蚊就一個Set,另外加多26蚊有2串串燒。我就叫左雜錦班蘭飯82蚊，加8蚊有班蘭椰汁冰，另外加22蚊有蝦多士。當d野食一上齊晒抬，我地0咀，嘩！好豐盛呀！味道仲好好食添呀！喇沙唔夠湯都畀湯我哋加， 員工又好nice, 令我位處女座媽媽都話可以再encore, 十分滿意。所有野，份量，用料，服務都好有誠意，會再黎食。

同朋友行完山後雙腳疲倦，即去搵下附近有咩食，見到呢間餐廳嘅餐牌唔錯，又有舒服嘅座位，二話不說就入去坐低係餐牌上見到有晚市套餐，價錢由60幾至80蚊不等，決定就揀兩個款試下😆我地揀咗肉骨茶同海南雞飯，加咗一個焗釀蟹蓋，飲品試吓熱拉茶同埋熱桔仔話梅水。食物賣相不錯，海南雞已去骨，肉質十分軟滑，雞味都算濃，而且沒有太多肥膏👍👍肉骨茶味道好，排骨唔會黏牙，兩款食物都選擇配油飯，味道香，又不會太膩。見到隔離枱肉骨茶配米粉感覺更吸引，下次一定要試試，另外都好欣賞飲品用心，桔仔話梅加了少少柚子蜜，令味道更出之餘又不太甜。😋下次要試吓桂圓紅棗茶，見到佢上枱嘅原來加入玫瑰花及菊花💕賣相立即加分。🤗最後附上相片分享一下

又嚟馬六食飯，次次食都有質素保證🫶🏻！今次見到有新嘅菜色就試下啦💕，而且tea time超抵食！.🐔馬來燒雞配油飯($52)呢個燒雞勁香😍，煎到外皮非常香脆🔥，而入面雞肉又keep到好juicy好嫩，真係唔錯，呢個價錢💰跟埋嘢飲，真係好高cp值💕.斑蘭咖吔多士28牛油加埋斑蘭醬一齊食，夠曬邪惡😈！但又抗拒唔到，真係好正😋.tea time仲跟兩杯嘢飲，揀咗桂圓紅棗茶、桔仔水，都幾好！😜

突然之間好想食新加坡菜，所以就同細妹喺屋企附近搵咗一間餐廳試吓🤣不得不讚餐廳上菜速度😂，點餐後兩分鐘姐姐已經上菜😂，真係好符合香港節奏😂- 正宗巴生肉骨茶配油香飯🍚 $78肉骨茶湯底帶有淡淡藥膳甘甜香，雖然湯底色澤偏深🤔，但味道不算太濃郁🤣，排骨肉質軟淋入味，輕輕一咬，已經骨肉分離☺️，另加上豆卜及腐皮增加口感😆，更可以將油炸鬼放入湯內😗，吸收湯底精華更有風味，油飯粒粒分明，帶有少量雞油香🐔- 馬六什錦斑蘭椰漿飯🥥 $82飯粒充滿椰漿香味，但斑蘭味道不足😳，配料豐富，分別有雞蛋🍳、濃郁巴東牛肉🐮、香脆炸蝦餅、嫩滑雞肉件🐓、焦脆炸魚乾🐟及花生粒🥜，整體味道正常🤣- 街頭雞肉串燒🍢 $26雞肉嫩滑軟腍，包滿濃郁惹味醬汁，味道辛辣得來帶有少量花生香味😎- 古仔路芒果冰🍹 (另+$8)芒果冰🥭質地濃稠，可惜甜度太高😂- 熱桂圓紅棗茶🥤 (送的)充滿大量桂圓紅棗片，味道清新，更值一讚是砂糖可自己控制😎整體餐廳食物質素還好，但勝在上菜速度極快‼️，如果冇時間想食個快餐，可以考慮吓呢間餐廳🤣📍 馬六 – 荃灣荃灣眾安街68號荃灣千色匯I 1樓1023A號舖@malacca_cuisine另有分店：元朗

放工經過千色滙，咁岩係下午茶時間，就去左試吓佢個下午茶餐，有好多款馬來西亞特色食物，而且每款嘅價錢都非常親民，下午茶時段至到六點，當食埋個晚飯都得！茶薰鴨飯鴨嘅份量好多，而且煙薰既烤味做得好出色，一入口已經食到好濃嘅煙熏味，好香好惹叶！另外，鴨本身都好多肉，味，連埋皮食，油膏味非常香！巴東牛肉椰漿飯牛肉好淋身，好入味，個汁好香椰汁味，另外，個椰漿飯有淡淡既椰香味，但又唔會太濃味，加埋伴碟嘅炸花生同魚乾仔，撈埋一齊食，更加有口感👍🏼