馬六

营业中

休息中

今日（20-7-2024 Sat）同老公落荃灣回收物資後食個晏，去邊喥食？噚晚我喺湄南.河買咗外賣後，嚟過呢間睇menu，發現有其他好吸引嘅嘢食，於是提議嚟呢間。我哋嚟到喺門口睇menu，距離lunch重有幾分鐘，職員問我係咪外賣？我答唔係，係堂食食，可以叫lunch未？佢答可以，叫我哋坐卡位。我哋坐低後睇完menu，就要一個套餐加啲小食：1. 套餐加$8.00嘅椰子班蘭冰呢個兩種味道都飲到又唔太甜，好舒服，好好味。5分2. 跟餐加$26.00嘅街頭雞肉串燒2串呢個食落，都熱嘅，醬料味道好濃都幾鹹，醬汁都有少少辣，而雞肉都有啲啲嚡。田2.5分3.$32.00嘅娘惹蘿蔔餅2件呢個如果跟餐追加$18.00一件，咁小食正價呢間價錢就變相平啲，食落都熱嘅，但....令我記起香港地道街邊小食嘅蘿蔔絲餅。呢個味道清淡，成個係空空地心，有少少油饐。睇返上次喺2020年12月20日刊登嘅呢篇食評https://www.openrice.com/zh/hongkong/review/%E8%B1%90%E5%AF%8C%E9%A6%AC%E4%BE%86%E5%8D%88%E9%A4%90-e38972

今日好友約我去荃灣行山，落山後剛好去食下午茶餐，我地去左位於荃灣眾安街68號荃灣千色匯1期 1樓1023A號舖的馬六食海南雞飯，環境舒適，座位濶落，坐得舒服。我點左個 馬六無骨海南雞飯 $65，好友點左個 海南雞清湯米粉 $48，另外點左個 斑蘭咖吔多士 $28，2個餐飲都係熱桔仔話梅水（跟餐）。馬六無骨海南雞飯賣相吸引，海南雞的雞肉嫩滑，雞味濃郁，配著油飯好味又好食；海南雞清湯米粉好味，湯底濃郁好味；斑蘭咖吔多士好香口又好味；桔仔話梅水清涼潤喉好飲。

馬六的下午茶餐非常抵食，價錢$2x-$6x, 就可以食到班蘭咖吔多士，茶燻鴨/無骨海南雞飯套餐/喇沙摻摻/檳城蝦麵等。茶燻鴨飯套餐，配有湯、油飯/白飯，3款調味醬汁（醬油、辣醬、薑蓉）等。燻鴨份量都幾多，一半係連皮燻鴨，入口味道帶煙燻香味，連皮部分，較有嚼勁，咬落陣陣鴨油滋味，另一半係全瘦鴨肉，肉質較軟腍。五香雞卷雞皮外層，炸至金黃香脆，中間雞肉仍然多汁，肉質嫩滑，香脆而不油膩。古仔路芒果冰以芒果汁打成的沙冰，芒果味濃郁，冰冰凍凍，非常涼快。

猶記得第一次光顧馬六的時候，是在疫情期間。我和另一半叫外賣到家，發現餐廳對外賣擺盤也非常講究，這個好印象一直留在我們心裏面，所以疫情之後我們偶爾都會直接到餐廳用餐。. 🐓烤雞扒喇沙摻摻（$70） 🟡🟡🟡🟡🟡(5/5)喇沙我最愛吃摻摻，即油麵與米粉兩溝👍麵上有半隻糖心蛋、豆卜與芽菜等等。烤雞扒有整隻手掌大，份量超級足🥹只係我太細食，對唔住啊食物🙏💧.🫖熱桂圓紅棗茶（跟餐價*$6） 🟡🟡🟡🟡🟡(5/5)侍應一遞上的時候已聞到陣陣撲鼻的玫瑰花香味，再仔細一看，原來內裏還混有胎菊～所以大家不用怕太過燥熱♥️味道清甜，所以大家不用擔心會攝取過多的糖分，是健康、養生之選🫶💕這幾天天氣開始轉冷，大家不妨也來一杯熱桂圓紅棗茶暖一暖身子吧☃️💕/店舖名稱 Restaurant Name馬六 (荃灣)Malacca Cuisine (Tsuen Wan).店舖地址 Restaurant Address：荃灣眾安街68號荃灣千色匯I 1樓1023A號舖.營業時間 Opening Hours：⊿星期一至日 Mon to Sun 11:00-22:00

我當這里是飯堂，因為特別喜歡馬六的海南雞，雞肉嫩又正宗，喜歡它的醬料，沾上雞肉一起吃很是美味，很喜歡特飲棷子班蘭冰（餐另加8元）特別是由暑假開始這間馬六比之前感覺更加乾淨舒服，由外至內都非常唔錯，排隊等候時間亦快了很多，服務更加好了，今晚和朋友一起過來千色𣾀行街吃飯，我建議朋友一齊食馬六，我朋友比較愛乾淨，所以來到這間餐廳，他都說很滿意，服務不錯乾淨，去吃飯環境和食物都係非常重要，這家值得推介給大家

我地係常客，經常幫襯荃灣哩間馬六，感覺已經和之前唔同曬，好似我地11月2日星期六，下午茶都等左一段時間，其實想坐你地卡座，一向感覺舒適，點知你地餐廳經理,就話卡座搭枱，2個人就坐2人細枱，語氣已經非常差，入黎幫襯仲受你地氣，攪到一向舒適既餐廳變左一間茶餐廳，咁我去茶記食啦，洗幫襯你地，我去你地第2間馬六食都唔係咁，真係莫名其妙。越做越差，感覺已變成茶餐廳！11月9日星期六，我地一家人，帶埋小朋友坐卡位，又再次幫襯你們，我跟你們員工落單，我其實要大蝦喇沙，點知你地員工落錯單，上左另一樣食物，其實好少事，我找你們經理換過正確就ok,點知你地餐廳果個經理，講一輪廢話，又擾攘我，好似唔想換咁，最重要係佢不可一世既態度，好似想同我地閙咬，又語無倫次，完全唔明白我地感受，自己又唔去換，叫其他員工去做，擾攘10分鐘先換，落錯單，我地做客人都會體諒，但個經理對我地客人既態度，真係好反感，最離譜就係當著我地客指責其下屬！攪到錯好似係我地，令到其他員工受責備，我地食都食得唔安樂，其實你地食物都唔錯，改變一下你地既服務啦，趕客走，想食碗喇沙姐，審犯咁！最後，我第一次見員工雙手爬低，同客人討論或落單，馬六經理

[✨荃灣馬六•⭐級星馬菜]#馬六 #荃灣千色匯🥢馬來黑醬油叉燒撈粗 $75叉燒肥瘦適中好幼嫩，入味之餘唔會太咸；撈粗無鹼水味，味道幾好，分量亦好多，正🤩🥢馬來椰香咖喱烤雞扒配米飯 $75咖喱微辣，有好重嘅椰香味，用左啖啖肉雞扒代替雞件，好惹味🤤再配埋白飯，好食到一貶眼就食哂👍🥢五香雞卷x4 (跟餐加配) $22外層香脆，雞肉亦好滑，油膩感適中💯🥢馬拉盞通菜 (跟餐加配) $22炒得好香，而且跟餐都不過係加$22，質素同份量都係超值之選😍☕️凍手工拉茶 +$3茶味濃郁🥳☕️凍香茅橙茶 +$3淡淡嘅橙味幾好喝👍————————♡♡♡♡♡♡————————✨總結嚟左幾次，唔同分店都試過，餐廳上菜速度好快，但食物水準都KEEP得到，卡位多坐得亦舒服，係一間CP值好高嘅新馬菜餐廳，值得推薦🤩💗📍馬六 (荃灣)🏠荃灣眾安街68號荃灣千色匯I 1樓1023A號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie

我今日約同好友去位於荃灣眾安街68號荃灣千色匯1樓1023A號舖的馬六食下午茶餐，環境舒適，坐得舒服。我點左個 無骨海南雞飯（油香飯）$65，好友點左個 海南雞清湯米粉 $48，另外點左：斑蘭咖吔多士 $28，馬來黑醬油义燒 $36，娘惹五香雞卷 $22；餐飲係熱柑仔話梅水，熱桂圓紅棗茶。海南雞的雞肉嫩滑好味，配油飯或米粉都好食；斑蘭咖吔多士好香口，馬來黑醬油义燒好味又好食，娘惹五香雞卷好香脆及雞味濃郁，兩款熱飲好潤喉。

星馬菜，之前就同大家介紹過獅叔今次黎到荃灣，同大家介紹一間連鎖星馬菜 一 馬六 🌟馬六無骨海南雞飯 $75雞肉嫩滑之餘雞味濃雞油飯充滿油香，搭配經典三色醬，作為連鎖店水準亦吾錯🤤👍🏻🌟街頭雞肉串燒 $22串燒雞肉醃得入味之餘，亦燒得幾香口(搭配沙嗲醬)🤤👍🏻📍馬六地址：荃灣眾安街68號荃灣千色匯I 1樓1023A號舖

海南雞飯（白飯）海南雞香滑無骨，小朋友和老人家也能放心吃，配上秘製醬汁，簡直是滿足海南雞清湯米粉，湯底比較清淡，海南雞香滑無骨，流心蛋好吃，還有豆卜，青豆加蔥花凍香茅橙茶 新鮮橙兩片，加上濃郁的紅茶葉，喝出清新感熱柑仔話梅水，潤喉一流食評環境 9/10味道 7/10服務 8/10衛生 9/10性價比 8/10人均消費$50-$100店名:馬六地址: 荃灣眾安街1號68號匯樓千色1023A號舖電話：26548989

之前有叫過外賣食依間既滲滲同海南飯，覺得都唔錯🌟所以今晚收工決定嚟堂食🤣套餐類型都好全面，由一人餐到四人餐都有。點了一個巴東牛肉配香油飯～不想吃香油飯也可以揀白飯🌟還加配了小食和升級了餐飲🤣牛肉用的是肋肉的位置，夠軟淋，醬汁惹味👍🏻香油飯是淡淡的香氣，不油膩♥️單吃都好吃🤣還有小魚干和花生，口感更豐富👍🏻糖心蛋也不錯👍🏻一份加配的鳳爪，看着像是小小一碟，份量卻不少，一份大概有7-8隻🌟一個人吃也很夠了🌟口感爽口，味道酸爽🌟搭配重口味的主食和飲品剛好可以去膩♥️最喜歡啲美綠～脆脆好吃，味道夠濃👍🏻坐位都很寛闊，也有兩人的卡位，一個人來也不會覺得尷尬♥️

馬六就係屋企附近商場，夠晒方便而且食物質素唔錯，今次點左娘惹大蝦海鮮摻摻同海南雞湯米粉喇沙湯底十分濃郁，而且香氣十足，口味豐富，味道絕不單一，既有椰香，又有獨有香辣味道。至於麵底摻摻，有油麵同米粉混合，米粉吸左湯汁，油麵又有另一咬口，口感十足。配料方面都有好幾樣，溏心蛋，魚蛋，豆卜，魚蛋片同埋大蝦等等，啖啖不同配搭，好食又滋味。海南雞湯米粉，湯底清香，海南雞好香，雞皮滑溜溜，滿滿雞油脂香味，雞肉夠晒嫩，米粉份量好多，同樣有豆卜同糖心蛋，兩款粉麵各有特色，同樣好食。另外點左2客小食，分吃係沙嗲雞串同咸蛋黃魚皮。沙嗲雞串，味道香濃，啖啖肉，燒到熱辣辣，食落又唔會鞋口。咸蛋黃魚皮簡直係邪惡代表，但又非常好食，咸蛋黃超香，加上魚皮香脆，咬到脆卜卜，香氣係口腔漫延，正！揀左杯咸柑桔仔同話梅冰，風味獨特，咸咸甜甜，清新香甜，今餐真係好滿意！

睇戲之前食個飯，諗起呢間馬來西亞餐廳。晚市有套餐，不過我哋想食其他野就散叫，都算抵食。👉🏻海南雞飯配肉骨茶有雞髀肉+雞胸，份量足夠，雞肉滑嫩，配油飯樂夾。估唔到肉骨茶都幾大碗，材料有豆卜、炸腐竹、一條肉排，幾豐富，如果藥材味道多啲就更好。👉🏻咖喱豬扒飯惹味之選，豬扒切成一條條用煲仔上，幾有誠意，咖哩汁同豬扒份量都多。👉🏻斑蘭咖央多士綠色多士夾住薄薄牛油，成口都好香牛油味，咖央醬份量端中。

我都明而家生意難做，70幾蚊一個餐，我都唔望你俾啲好靚嘅嘢我，但我叫個茶薰鴨，你比個煙鴨胸我會唔會有啲過份呢？跟餐個紫菜湯，上菜嘅時候有隻好細嘅蚊滋仔，我都由佢，可能咁啱上菜嗰下飛咗落去，但個煙鴨胸實在太過分另外叫咗一碗喇沙，都費事影，啲湯係暖唔係熱，我相信應該係餐廳嘅職員細心驚客人會淥親，另外睇得出侍應好鍾意整潔，只要你一擺喺筷子唔夠五秒鐘就會埋嚟問你啲嘢係唔係收得，如果出面有人等緊位我絕對理解，問題係我坐喺門口出面冇人排緊隊，呢間嘢不論食物同埋服務質素都令我感覺到，冇生意係抵死嘅，絕對冇下次，我唔明佢啲笑哈哈點嚟，你話唔係買返黎我真係唔係好信

我今日約同好友去位於荃灣眾安街68號荃灣千色匯1樓1023A號舖的馬六食美味下午茶，環境舒適，坐得舒服。我點左個馬六娘惹茶燻鴨飯$62，好友點左個馬六無骨海南雞飯$65，另外點左個 馬六海南雞清雞湯米粉$48，及斑蘭咖吔多士$28；餐飲係熱桂圓紅棗茶（跟餐），和熱桔仔話梅水（跟餐）。鴨肉燻得嫩滑好味，海南雞的雞肉鮮嫩，配黃油飯好食；配米粉幼滑美味，斑蘭咖吔多士香脆，熱桂圓紅棗茶補血，熱桔仔話梅水清熱潤喉。