馬拉盞星馬美食 (已結業)

星期六一大班friend去完睇戲本想去食素，其中一個friend 見素食隔離舖有間叫馬拉盞有好多明星幫襯過(門口有相)，所以大家轉去試下。餐紙好大張，好多食物，大家睇咗一輪都唔識叫，可能waiter見到我地唔識叫便主動介紹菜式比我們。終於叫咗肉骨茶、馬拉盞通菜、蒜蓉椰菜、墨丸貢丸蝦湯麵、海鮮叻沙、正宗蝦湯麵、墨魚汁雞絲冷麵、招牌雞半只、冰鎮黑木耳、麻辣拍青瓜、大併盆、肉碎豆腐、雞油飯及十杯飲品。埋單大約每人$100 都好低食。以下是大家比的意見1.肉骨茶 : 清香當歸味，豬肉鬆化但有一兩舊硬左D，點肉骨的醬油一流2.馬拉盞通菜 : 用煲仔上, 熱騰騰好香, 味道不錯3.蒜蓉椰菜 : 亦是用煲仔上, 沒怎麼特別4.墨丸貢丸蝦湯麵 : 蝦湯味好重, 相信用咗好多蝦煲,重要是感覺唔到有味精, 因我對味精好敏感, 所以我推薦這蝦湯麵5.海鮮叻沙 : 正, 味道跟新加坡一樣, 我地一班人比90分6.正宗蝦湯麵 : 跟墨丸貢丸蝦湯麵味道一樣(湯底一樣)只係配料唔同7.墨魚汁雞絲冷麵 : 味道一流不過唔識形容, 超好食囉8.招牌雞 : 雞肉超滑不妨一試有水準9.冰鎮黑木耳 : 木耳冇怎麼特別, 但用

朋友話好想再食喇沙~但我無試過唔知道係咪真係咁好食~之前諗住同朋友去食，點知摸左兩次門釘~第一次係新年期間，第二次係星期一無開門~~今次真係要真d 係唔係真係咁好食先得~同朋友叫左個二人叻沙套餐~朋友既係海鮮魚片叻沙加鰤魽~鰤魽我就覺得唔係咁好食~~怪怪地~我就叫左個墨丸叻沙~~墨丸真係好唔得~唔好食既~好似加左好多粉咁~馬拉盞通菜~我就唔覺得有d 咩咁特別啦~但味道都ok既~仲有2杯飲品~朋友: 酸梅湯，我: 菊花薑蜜~味道比較淡~~麻辣海蜇~份量超少~但都要成$32~一d 都唔覺得有麻辣既感覺~

首訪"馬拉盞",大概亦是最後一次.同媽媽經過，覺肚餓。時間大概12點45分左右。叫了一個咖喱雞套餐, 肉骨茶餐跟灼菜心。咖喱雞賣相差, 只有雞皮同骨, 冇肉。鍋底菜,冇味,最差的咖喱雞肉骨茶：--藥味輕清的肉骨茶以排骨,五花腩,芽菜,罐頭蘑菇,豆卜等入饌;,敬而遠之,肉好肥，好"鞋", d材料又少，只係豆卜多,但唔單止毫冇肉骨茶香，唔好飲囖，肉又少。唔飽肚。連味道都冇，唔夠味，淡嘅,完全淡茂茂！灼菜心冷的野食真系好難食。我一定唔會再去。不成氣候的中下馬拉菜...，唔好食女待應服務好差,冇客趕人走仲有冇冷氣極熱..見到好多明星相係出面....點知把鬼.都唔係好明點解會有咁多明星同佢影過相..?!比佢地呃哂....總之d野...好冇heart....早知去隔離果間食好過..........好失望....，d食物完全係無味道的，食完都唔知自己食咗d乜!!!

這天行經水務署附近，見這間店是旺角比較少見的星馬菜，便和女朋友來試試。 1) 原味肉骨茶(小)$39藥材味不太重，都幾好味。另外，我們那時不知要飲埋啲湯的，但個伙記(可能是老闆)教我們成碗肉骨茶最重要是碗湯，一定要飲埋，而因為啲湯已經凍咗的關係，所以佢還幫我們放入廚房整番熱佢。對於佢的服務態度，我覺得絕對抵讚。 2) 招牌雞(例牌)$42這個應該是豉油雞，味道都幾好，但份量不是太多。 3) 馬拉盞炒菜飯$39味道還可以，但份量都適中。總括而言，價錢不算貴，食物的味道不錯，份量都適中，值得推介。埋單連加一總計$132。

好多次經過呢間餐廳，每次都想試下。今日又經過，又覺肚餓。時間大概5點45分左右。過左佢地下午茶既時間。其實隔離下午茶都仲有，但系我貴啲都要食。叫咗個排骨茶餐，加油條，同薏米水。賣相雖然唔錯。但系一飲，覺得好麻麻地囖。唔好飲囖，肉又少。油條都好少。唔飽肚，結果再叫多個 咔yang 飽。野食真系麻麻地。但系唯獨個薏米水幾好飲。啲料好夠，又唔會煮得太林。星期二6蚊熱既，8蚊凍既。可能仲會俾多次機會佢，但系我一定唔會再叫排骨茶。可能我唔識欣賞啦，不過自己覺得排骨茶應該唔系咁樣架囖。

又是一個外出吃飯的日子，來到洗衣街，試試這間從來沒有幫襯過的星馬菜館子。雖然早知道這裡最多人稱讚的食品是「肉骨茶」，奈何自己不太喜歡濃濃的藥材味，加上之前在「開飯搶先試」的飯局中才嚐過肉骨茶湯底火鍋不久，所以這次來此，捨棄了「肉骨茶」而叫了其他的菜式，結果............這裡的環境其實是頗為特別的，紅色的椅子，黃色的桌子，滿是店中各款菜式圖片的桌面，肉骨茶起源的詳盡介紹，牆上掛著的辣椒、蒜頭裝飾，在在都令人覺得這館子的陳設頗為另類。叫了一個「招牌雞套餐」，一碟「炒蘿蔔糕（黑）」、一碟甜點「紫蘭黃金卷」，再加杯「熱馬來拉茶」，作為這夜的晚餐。1）「招牌雞套餐」中的招牌雞其實不過是豉油雞而已，但這雞豉油味不濃，雞件雖然正好是髀位，雞肉尚滑，但味道只是一般。套餐中附送的油飯（要加$2）與菜心也只無甚特別，例湯（清雞湯）更是鹹得可以，不及格。2）「炒蘿蔔糕」太粉，黑醬油的味道雖吃得出，但味道平平，比先前「沙嗲沙嗲」中所試的猶有遜色，不及格。3）「紫蘭黃金卷」其實即是炸紫心蕃薯卷。雖然上桌時這碟甜點的賣相與店中相片裡的靚樣相差甚遠，不過吃到口裡後又覺得甜甜的炸蕃薯味道倒也不錯，比炸蘿蔔糕

旺角兩年前開了間小店，主力區內少見的星馬菜，有幾分個性。墨黑的湯底用瓦煲保溫，香噴噴，熱得燙口，味道較開店時濃郁多了，有肉骨頭的甜，微微鮮味是下了雞的原故吧？更多分享＠http://foodxfile.blogspot.com/search?updated-max=2010-10-06T16%3A13%3A00%2B08%3A00&max-results=7

今午打電話來訂檯及訂胡椒蟹,晚上六點九到達,叫了以下菜式及飲品.胡椒蟹$168 --->>>我只欣賞個汁,好濃好味,但....我不太愛吃蟹,怕拆蟹,而$168食一隻一斤都冇既蟹,以我呢個煮慣飯既師奶來看,似乎唔多值~(原味)肉骨茶(大) $ 155--->>色水夠濃,味道就不太夠濃,入面既餸,我更不愛吃的,不過,這只是個人問題(我不愛吃有肥的豬肉),與他們用料無關,用料十足~~馬拉盞通菜 $39--->>>上檯時好香,味道都OK既~特色炒蘿蔔糕(黑) $ 39--->>味道偏甜,但...仍可以接受的~海皇卷 $ 39---->>>與食日式魚旦既質感,分別不大,但..味道都可以~藥材雞 $ 45---->>>打開鍚紙,食落有好重既藥材味,幾好食~(應是紅棗&杞子之類的湯汁整既)紫蘭黃金卷 原價$28 (星期四特價$ 20)--->>即係炸蕃薯卷是吧~甜甜地~四色卷 $39---->>>>又係日式魚旦咁既味,沒特

見食評有好多人讚馬拉盞D食物好「正」，剛好昨天同事咁橋去試過都話「正」由其係叻沙同肉骨茶，所以今日約了朋友一齊去試下。七點半去到竟然可以包場“鬼影都冇”，還考慮食唔食好，算啦竟然嚟到門口唯有照入去食啦。我們一共三人叫咗肉骨茶、海鮮叻沙、馬拉盞炒通菜、例牌雞、黑色蘿蔔榚、同黑糊椒炒蟹重有兩碗雞油飯。嘩！D菜未出樓面己經嗅到香味「正」但始終要試過先知，馬拉盞通菜上枱時是熱辣辣喳喳聲響、肉骨茶滾住上。好有睇頭。原來越夜越多人，七點半可以包埸，但到八點全院滿座還有人要等位，真係好彩早到。講番食物先，肉骨茶是巴生味道，巴生?邊鬼度嚟我都唔知，鬼知巴生味道係乜。但呢間老闆好細心，唔好講巴生係邊度，連肉骨茶起源都印係枱面犀利(有圖) 。 湯呈深色，聞起有清香藥材味道，喝起來味道濃郁，認真「正」。腩肉同肉排煲得稔稔地，肉剛離骨，火喉一流真係一流補湯。雞都唔錯，須是鹵水雞但勝在滑溜鮮甜。海鮮叻沙新加坡出名湯粉麵，呢間水準也好好，好多地方D啦沙都唔似呢一間有九乘似。因我們其中一人係”坡”女哈哈哈……。黑色蘿蔔榚味道甜甜地ok啦！至於黑糊椒炒蟹重點菜，原本冇得食因為要訂蟹，好彩我地早去冇人，老闆同我地走去隔

晚上六時十分去花墟買花前周圍逛逛, 見到鋪頭門前有很多明星幫襯的相片, 便去「潮」下。 當時沒有食客, 老闆娘禮貌招呼, 但另一貌似惡男的男人給我的感覺是「唔想做」(好似無端端走兩條友入來要他煮飯般), 但其實他是很有禮貌的拿食物给我們(因為老闆娘在水吧忙着調凍飲给我們,惡男廚師叮了一叮也沒有人拿餸出厨房便由他自已拿出來给我們)我們點了:原味肉骨茶(细)$39, 我覺得藥材味不夠重, 但肥肉配那蒜容辣椒豉油膏, 正！ 參巴香辣雞(例)$45, 雞應該是招牌雞再用參巴醬炒, 嫩滑, 酱汁有虾米, 好味但超细 碟因不多於10件雞。 叻沙/虾汤麵二人套餐$118, 任選兩碗麵(我們選了酱爆鯊鱼丸叻沙及酱爆豬肉丸虾汤麵), 馬拉盞通菜 及2杯菊花蜜, 我覺得叻沙不夠濃但虾汤麵的湯很鮮甜, 最驚喜是馬拉盞通菜, 它上枱時是原煲熱辣辣吱吱聲響, 我以為套餐的菜通常都是求其地灼熟再淋上汁。

服務ok既，應該係家庭式經營，個老闆娘幾有禮貌，但僅限於多謝同拜拜，仲有d overwhelming 。不過年紀大些少個位老人家就串串地咁，少少惡。都可接受既。食物，我同媽媽兩個人去食。佢食牛丸喇沙 （大概$40），我叫左一碗招牌蝦麵（$45），我確實…食完係唔夠飽既。不過我媽胃口細，食完岩岩好。我都知星馬食物份量偏小，而味道都係一般，唔突出：油麵底加2塊蝦2塊肉骨2塊豆卜左右。係太子區，at this price，加咁既質素，我就會expect多d囉。希望店主方面改善下啦，調低個價，或提昇質素，俾多d誠意自然吸引到客人問我，我就應該唔會番轉頭喇。總括而言：份量小，價錢略貴，唔太抵食，同區有更多選擇。如果想試星馬食物，都不妨一試，但唔好有太大expectation

睇完戲便來是到此處食DINNER幾好味我又不覺, 唔好味又不是,我點了喇沙, 老公點了招牌雞+油飯, 兩樣都是合格既味道, 唔會過咸, 唔會過SPICY, 所有野好, 叫了一碟通菜成了是一個煲來上, OK啦..我地等食期間發生了一個小插曲, 便是我老公那個飯是漏單同我FRIEND杯野錯了, 我FRIEND杯野明明是落錯了單變成了企在水吧那女人說的佢杯野飲是要跟下單次序來沖, 未有咁怏, BUT我杯是同我FRIEND一齊叫, 在喇沙未來前來了兩杯, 其中我FRIEND那一杯是錯,她要此說, 我懷疑也沒用, 怕她唔知俾咩我地飲, 唔COMPLAINT, 那我沒爭辯, 食完碗喇沙一半也未有呢, SPICY呢..真是狡辯, 原來錯唔好認, 反話番人地係呢間店既宗旨我老公便是以為也是要排隊等, SO我地食完, 佢D野未來, 一問之下, 原來真是漏了單, 今次肯認了, 且把頭先15分鍾前整錯了那杯野飲給我HUSBAND當是SAY SORRY WOR...

十月下旬‧晴 參加完廸茵湖半馬，跑了個不錯的成績，再破自己的場地紀錄。而作為廈門馬拉松的準備戰，以及今個跑季的第一個半馬拉松比賽，很滿意。約了食友吃午飯，還記得未試過這裡的，又來會一會這裡的油飯及肉骨茶。 這裡是茶餐廳格局，也有大LCD電視可看，環境不俗的。肉骨茶滾得熱燙的送上來，湯呈深色，聞起上來是醇香的藥材味道，都幾對辦。喝起來味道很濃郁，真的令人心頭一暖。腩排是煲得稔稔，肉剛離骨，足見是肉骨茶煲得有火侯的。 也試試這裡的雞油飯，飯粒顏色幾深的，該是雞汁飯而非雞油飯了。吃起來不算乾身，味道也不如其顏色般明顯。始終在香港要找出色的雞油飯，難。 也要了一碟黑醬油炒蘿蔔糕，炒出來色是夠了，但味道不如其色澤般濃。加上蘿蔔糕的蘿蔔成份很少，口感很「立」，吃了幾件也停手了，不值一試。 埋單每人60元，只有肉骨茶算是不錯，很難有再來試的動力。P.S. 是日沒帶相機，謝謝大惡男借相

朋友介紹這間馬拉盞的菜式好好味，所以約埋個friend嚟試下。座落waiter放下餐台紙及MENU，嘩！花多眼亂好多菜式，樣樣都好想試。最終簡選2人B優惠套餐，當中有肉骨茶中煲、馬拉盞通菜、例牌招牌雞、油炸鬼、白飯或米線、兩杯飲品及飯後甜品兩份。肉骨茶清香甘甜，果然正斗。老板話有十多種藥材煲成的，有行氣活血作用及補而不燥。補而不燥呢句我就最緊要。所以多飲也不怕。最正係老板比碟甜豉油加蒜茸及指天椒用嚟點肉骨茶D肉。馬拉盞通菜出場，嘩！居然用瓦煲上，熱騰騰，香味濃郁!食落好鬼死正，不過對我嚟講就辣咗D。雞係鹵水雞，雞肉奇滑好味! 叫咗两杯咖啡及奶茶它們的味道不同茶餐廳，咖啡可選擇香濃、超滑、無糖、小甜及人參味，我就叫了超滑咖啡。果真比一般港式茶餐廳滑，奶茶也好好飲，奶味好重好香。甜品是啫哩加花奶(小時最愛食)。總括我十分比85分。走時隔離叫了叻沙套餐，好似好正下次再去試下。

又考完一科, 帶embb去吃肉骨茶, 因為她之前沒吃過別看圖以為個鍋好大鍋, 可以share, 其實也不多, 一鍋只得2-3塊骨, 尚算腍, 豆卜數塊, 吸收了肉骨茶之精華, 而湯則勸各位趁熱多喝一點, 因冷了就不可口了而將肉骨茶$45加上油飯(加$2)都很不錯.肥肉應該挺好吃, 但唯一一舊被embb盜去, 並獨嚐, 所以本人不知是否很美味然而招牌雞($38)很不招牌, 其實沒甚麼特別, 只覺像豉油雞放冷了@@還是吃肉骨茶 or 試其他吧!