馬拉Go

营业中

休息中

在地嘅老死知小弟都幾鍾意食馬拉嘢，佢話晌附近偶然發現呢間「馬拉Go」小店，試過確喺高質。所以，是夜同朋友到訪，餐廳位處商場二樓，扶手電梯一上到去就見，好易搵。 「啟岸巷子」喺條營造出日系感嘅「食街」，原不過，暫時進駐嘅餐廳唔多，而「馬拉Go」確喺一間小店，左邊幾張高腳吧枱位，右邊就幾張2/4人枱，但就見外賣速遞單唔少。 最吸晴相信喺牆上花花碌碌、色彩繽紛嘅「磁磚」，睇真啲原來喺牆紙，不過，就幾有大馬風情，同埋擺晌四周，相信喺老細珍藏嘅手辦公仔同擺設，我仲發現有黃金戰士呀！ 食物方面，幾頁睇晒，分為輕食、惹味叻沙系列、馬搵拉撈麵系列、特色飯食系列及多種特色飲品，務求貴精不貴多。 此外，仲有一款滋味二人餐，包小食拼盤、任揀兩款主食、香蒜時菜、汽水兩罐，睇落確喺幾划算。 招牌蝦麵 $98老死就推介呢款主食，佢話個湯底保證唔會令人失望，的確個蝦湯唔單止濃郁，好強嘅蝦鮮味，，仲好掛汁，所以，最後一滴都無嘥。而餸料非常之多，麵內有魚蛋、魚片、烚蛋、豆卜、小棠菜同怡保芽菜，另外仲碟上烚蜆、炭燒大蝦同豬頸肉，非常豐富，魚蛋彈牙有魚味，豆卜索滿湯自然好食，怡保芽菜好爽脆，烚蜆鮮甜到不得了，大蝦同豬頸肉果

啟岸起好之後都有唔少餐廳進駐，當中不乏廣為人知嘅連繫店，亦都有小本經營嘅餐廳同外賣店😯呢間馬拉Go食字食得幾好，價錢方面中上、但可接受，所以就決定試一試🤣鋪面唔算大，可以坐5枱客左右，由一位應該係老闆(?)同一位廚師打理，人手唔多所以等待時間會長啲，但老闆都同我哋講返唔好意思，話因為有人請假、處理得有少少亂，不過又唔係趕住去邊，當然無咩所謂，最緊要好味😎我叫咗芽菜雞拼肉骨茶($98)，朋友就要椰香喇沙($98)，小食嗌咗班蘭椰絲卷($28)，想飲拉茶點知冇曬，所以轉咗柚子梳打🙈擺盤方面都有啲心思，個人覺得放醬汁個碟仔好得意😛唔知芽菜雞係一款雞定純粹芽菜加雞，因為見到餐牌有得淨叫芽葉🤔所以我就當佢海南雞咁食😙雞肉都幾嫩滑，雞皮亦都有好”飽滿”、彈彈地咁，不過真係冇咩味，芽菜都係，所以好靠個醬😉雖然明白整油飯要多好多功夫，但好似會同個雞夾好多、又有返啲油香😆至於肉骨茶真係超濃味，有啲似飲緊好味版嘅中藥😝不過可能太足料，我嗰晚有啲瞓唔著😂喇沙就正正常常，麵底係摻摻，但應該可以問吓轉唔轉得，餸就有豬頸肉、魚蛋、蝦仁、菇菇同菜🥬湯底嘅椰香味幾足，豬頸肉亦都夠彈牙，不過麵嘅份量唔算好多，可能男仔會

土瓜灣真係越來越多嘢食，今次嚟到啟岸巷子呢個商場入面，都有唔少餐廳，今次就試吓專門食馬來西亞菜式嘅小店。雙色雞翼黑醬油馬拉乾撈麵聽老闆嘅介紹叫咗兩款煮食，想食雞翼其實即係南乳雞翼同香茅雞翼，顏色上已經見到個分別，每款有兩隻，一食已經食得出好濃郁嘅香味，雞翼煎得好乾身，一啲雪藏味都冇。重點一定係黑醬油乾撈麵，非常入味，一啖接一啖好快就食晒！香茅豬扒椰香叻沙來食馬來西亞嘢又點可以唔試吓喇沙呢，喺各款喇沙入邊，就揀咗豬扒，豬扒切得好薄片，烤得好香口，而且肥瘦均勻，估唔到仲有隻灸燒嘅蝦，啖啖肉。而叻沙嘅湯底好濃郁嘅椰香味，而且帶有少少辣，而配料就有魚蛋、芽菜、豆卜等等，係一款出色嘅喇沙。話梅柚子梳打喺出面好少試到話梅同柚子嘅配搭，估唔到係咁夾，欣賞餐廳唔會落大量糖水，清新得來又健康。班蘭檸檬梳打呢款飲品好特別，斑蘭嘅香味充斥着每一啖梳打，加埋檸檬酸酸地， 十分解膩。

位於啟岸商場的馬拉菜小店。店面好細，座位只有十數個，而且有點迫。小店由兩人打理，一個煮嘢，一個侍客，客人多時反應會慢啲，但服務態度很好，有人情味。招牌檳城蝦麵 - 個湯底蝦味好濃，足料製作，入口似飲緊龍蝦湯，飲完都唔口渴。麵底係油麵米粉摻摻，配料豐富，有燒蝦、大蜆、豬頸肉、魚蛋、蛋、豆卜等。滋補肉骨茶 - 湯底濃，藥材味較重，食到底有點苦。豬肉唔嚡口但冇乜肉味。其他配料有冬菇和豆卜。脆炸南乳雞翼 - 跟餐小食，即炸起皮脆肉香冇得輸。麥脆咖央多士 - 多士烘得香脆，配上極邪惡的厚切牛油和椰香味濃的咖央，好好食。椰絲斑蘭卷 - 額外送嘅甜點，斑蘭味被椰絲蓋過，不過不失。

我自己好鍾意食喇沙，都試過好多唔同餐廳嘅喇沙，但係未有一碗喇沙，令我覺得係Number one，好值得推介嘅。但係呢間餐廳嘅食物，令我好驚喜！最近因為工作關係，我就喺呢間餐廳試吓。同事嗌咗蝦麵同埋海南雞飯，我試食咗少少蝦麵嘅湯，嘩！好好飲，好夠味，職員話佢哋冇落味精，我個同事最後成碗湯都清晒！另外一個同事嘅海南雞飯雖然賣相好似麻麻，個師傅介紹原來佢係用新鮮雞做，而且用咗啲特別嘅香料做，所以賣相就唔會好似出面咁靚仔，同事話啲雞連皮食都唔會好肥膩，而且好香雞味，醃料都食得出特別處理過，同出面嗰啲好唔同，佢話有機會過開嚟都可以再食！最後到我碗喇沙啦，湯底濃郁，而且味道好有層次，配料都好新鮮，糖心蛋好味，食得出師傅有心機煮！我都會特登再入土瓜灣食呢一碗喇沙！登登登⋯⋯最後驚喜：蒜蓉炒菜心！我冇諗過我會為咗一碟蒜蓉炒菜心打咁多字，但係呢一碟咁簡單嘅菜式實在太驚喜啦！俾錢嗰陣問職員點解個蒜蓉炒菜心咁好食，佢就話原來師傅背後做咗好多嘢，自製左一啲醬料係炒菜用，有香茅同其他材料，唔怪得表面看似簡單嘅炒菜，食落去咁好味！魔鬼在細節啊！總結就係，地點係有啲唔方便，而且上菜速度都有啲慢，但係如果你一心想食高

土瓜灣越嚟越多好嘢食，不過想百花齊放，就要多多支持小店，始終人流仍舊唔及其他地方，一場嚟到，冇理由仲食連鎖嘢啦？呢間比較新開嘅商場，有一間仍舊守業嘅誠意小店，佢地嘅馬拉菜好有一手食馬拉嘢都係食飯同喇沙多，撈麵就比較少食，用黑醬油撈嘅麵條，辣辣地好惹味，麵感彈牙十足香茅豬扒唔係以厚取勝，而係實力擔當，醃得十分香口，但竟然唔會過鹹，完美平衡。太陽蛋同魚蛋絲都好有心思，值得再食招牌蝦麵叫得招牌，當然要試。湯底香濃但唔會鹹，飲多十啖都唔口渴，太神奇了同老細講好飲，佢話：「呢個湯呀，煲死我喇！」可見湯底真係花好多工夫去熬製。麵底質感又彈又索味，雞蛋好綿又入晒味伴碟有蝦、魚同蜆肉，鮮味強勁，倒落麵食或者就咁食都正嘢飲方面，都沖得好唔錯，話梅梳打非常解辣解渴樽仔咖啡味道非常獨特，第一啖你唔會聯想到係咖啡定拉茶，烘焙味好突出，極具南洋風味

【馬拉Go|叻沙在家食】好多年未去馬來西亞喇！除了掛住馬拉嘅朋友都好掛住馬拉嘅叻沙。係啟岸見到有馬來西亞餐廳，買個外賣返屋企先！食咗咩🥥檳城什錦椰香叻沙蝦、蛋、豆腐卜、魚蛋、甘筍絲、菜、菇片、豬頸肉…好多餸😝湯底另上，淡淡椰香，少少惹味辣。麵底我揀咗最傳統嘅「摻摻」油麵+米粉兩溝嘅意思，食落有兩種層次。🥥香茅豬扒黑油馬打干撈麵我係黑油嘅Super Fans,平時食海南雞有黑油都會狂點，今次見到黑油干撈麵簡直勁興奮🥰味道無令我失望，黑油嘅甜甜味同油麵非常之夾！🥥馬拉奶茶咖啡樽仔扁扁幾得意，奶茶奶味濃，茶味唔算太強，但勝在夠滑。咖啡甚有炭燒風味，飲前要搖勻飲，味道更平均。🎊外賣自取9折🌴馬拉Go📍地址: 土瓜灣馬頭圍道63號啟岸巷子1樓8號舖#馬拉Go #紅磡美食 #土瓜環美食 #馬來西亞美食

已經係第二次嚟呢度，因為太念念不忘佢哋嘅肉骨茶同埋喇沙湯麵同出邊一般連鎖店唔同，佢哋肉骨茶係用好多料煲， 最鍾意係有原個蒜頭，煲到淋曬仲可以食埋，好補又養生😍飲完個喉嚨即刻舒服晒另外，佢嘅檳城喇沙湯麵，個湯係好濃，湯底啖啖都有蝦味，超正，我朋友都話好味之後再叫咗小食拼盤，咖央多士，甜品拼盤，同埋炒菜，全部都好食，咖央多士個醬係特別d 嘅，塊包外脆內軟，又夠熱雖然舖頭唔係好大，係要等一陣，不過值得等，因為全部都係心機，最搞笑係廚師哥哥，到我哋食晒嘅時候，出嚟問我哋d食物點，好有心，仲請我哋食生果😍人情味濃，值得再去🫶🏻

味道一般, 見36個好評一個ok/ 劣評都冇，抱有期望入去食。結果有啲失望。叻沙～湯底係靈魂。。但係佢唔夠椰子味，又唔夠鹹，豆腐卜完全唔入味，配料正正常常中規中矩,麵質還可以嘅👌🏻炒菜，我都炒得好食過佢🥲 一浸油味…仲要好似唔記得落鹽咁？？牛腩飯都還可以嘅但係我係為咗個叻沙嚟呢度🥲(不過個咖喱有啲辣,個飯太少,唔夠送飯) 最好飲係杯嘢飲…..話梅柚子梳打不會劣評，俾佢好食嘅叻沙都有好幾間，try一次ok既👌🏻

行開土瓜灣附近發現咗一個好有日本影子嘅商場🏮之前好似喺網上都見過🤭#扮去日本旅行 系列📍啟岸巷子 親身嚟到見到真係有幾分相似，呢度有兩層係以食肆餐廳為主，比較多日本餐廳，上到1樓估唔到有間馬拉菜😆睇menu吸引🤤於是變咗去到「日本」食馬拉菜🤭餐廳門口嘅招牌係霓虹燈設計好搶眼👀百葉窗、格仔瓷磚牆、大紅燈籠等等都好馬來西亞街頭風格，另外每一角落都擺放咗一啲模型公仔，可以一邊用餐一邊欣賞😆另一邊牆係色彩繽紛嘅圖案😍啱晒打卡📷我哋點咗一碗叻沙、一碗撈麵、一份咖央多士同埋兩杯飲品，每人平均$136，8成飽😋檳城雜錦椰香叻沙$88😋食後感：-一直食開嘅叻沙都係以濃味同埋辣為主，第1次品嚐到呢種甜而椰香味重嘅叻沙，一啲都唔辣，少少甜，味道都唔錯，叻沙裡面配料有火腿、菇、魚蛋、菜、豆腐卜同蛋，另上嘅有蝦同豬頸肉，好似咩都有🤭所以叫雜錦-雖然個人比較喜愛辣嘅叻沙😆，不過呢款甜同椰香味重嘅雜錦叻沙都幾好食😋啱晒唔食得辣嘅朋友香茅豬扒黑醬油馬拉干撈麵 $78😋食後感：-少少辣個醬幾好味😍豬扒煮得幾入味好食🤤👍🏻仲有火腿、菇、魚蛋、菜同煎蛋，豐富飽肚🤤✅必點班蘭麥脆咖央多士$48😋食後感：-賣相幾靚📷好似ca

土瓜灣出名多小店美食～今日突登黎呢邊試下星馬小店，期望同真實一樣，好高質✨呢間餐廳係啟岸個邊～係D出口行6分鐘左右就到，都好易搵路🤭餐廳既裝修好colourful ，而且佢地既設計都好用心，擺放左好多唔同類型既擺設，令人睇到都覺得好開心🤭1️⃣🍞班蘭麥脆咖央多士（$48）第一次試咖央多士係用麥包整既🤭都好香麥包既味道🫶🏻中間夾住滿滿既班蘭醬同牛油，但又唔會太甜，加埋脆卜卜既麵包，真係岩晒我口味🫶🏻值得一提既係佢仲有椰絲係面頭，比較特別一點❤️2️⃣🐷香茅豬扒黑醬油馬拉干撈麵（$78）豬扒非常嫩滑，而且肉質好juicy，真係好好味！！同埋雖然佢係香煎～但又唔會煎到好燶，好想知廚師係點樣做到🤣而佢撈麵係有少少微辣，麵質有少少似油麵個種，我個人鍾意撈埋啲配菜一齊食，無咁油膩❤️3️⃣🍜檳城什錦椰香叻沙（$88）黎到星馬餐廳一定要食叻沙🤣佢個湯底非常濃厚同惹味，都係有少少辣～入面除左有豆卜、白魚蛋外，仲有成隻流心蛋，好好味😋而呢款什錦就有豬頸肉同香煎大蝦🤭兩樣都係我鍾意既食材🫶🏻4️⃣🧋樽仔拉茶（$28）好鍾意佢個樽🤣好濃茶味，同埋唔會好甜🫶🏻5️⃣🧋班蘭奶茶（$32）呢個就係加左班蘭味～飲得出係有淡淡既班蘭味，同時

今日同同事去左土瓜灣做野。咁就當然要搵下附近有無特式小店啦 行到土瓜灣啟岸是一個兩層高的商場，佢地打做左一條食街（啟岸巷子） 呢條食街都有好多人黎打卡 ，以日系裝潢佈滿燈籠為主，當然都有兩對小情侶影相。 環境都幾靚。 有好多唔同類型的餐廳在此。 土瓜灣週邊都係舊樓， 配上呢條巷子都幾特別 。今次我地決定試下喺二樓嘅小店，＂馬拉ＧＯ＂料理餐廳；真係一間小店，只有１０個坐位， 但好企理整潔，仲擺設左不少店主珍藏嘅高達和幪面超人的figuer, 牆壁用上好多東南亞色彩磚丐砌成 有種熱帶風情嘅感覺. 坐低當然要搵好野食啦,我地點左1) 招牌檳城蝦麵 麵的配料有魚蛋、流心蛋、豆卜及粗芽菜，另外也有一隻燒蝦、大蜆及炸魚會另碟上, 好濃郁嘅蝦膏味湯底，鮮甜味美! 個湯底好有驚喜! 隻燒蝦同炸魚都好香脆. 讚 ! 賣相相當吸引 2)怡保芽菜雞椰香叻沙 個叻沙好香, 又掛麵, D隻雞肉煮得好嫩! 3)斑蘭麥脆咖央多士麥脆真係脆到好似薯片咁, 滿滿嘅醬料. 食唔停口. 4) 鬼馬香蕉春卷個春卷內有香蕉蓉, 外脆內軟. 最正係睇落口一D 都唔漏. 又唔油膩. 5) 班蘭奶茶好香嘅班蘭味, 仲要係幾滑

🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-土瓜灣啟岸樓下商場開咗好多小店，餐廳喺商場二樓係有少少隱蔽，但正宗嘅馬拉風味真係好值得去試吓🤩。香港好多食馬拉嘢嘅都係連鎖店同快餐質素，今次食到呢個蝦麵好難忘，同埋每樣食物都睇得出餐廳嘅用心製作🥰。🥢 招牌蝦麵 $98 🆙蝦湯底好濃，唔會得個鹹字，而係食得出用咗好多蝦殼煮出嘅鮮味。所有湯麵都會配摻摻(油麵配米粉)，口感好唔錯。配料除咗湯入面有烚蛋、魚蛋、豆卜、魚片同芽菜，仲有另外上嘅燒海鮮，分別有燒蝦、蜆同魔鬼魚，食得到燒烤嘅香味，蜆肉都好甜完全冇沙，重點係魔鬼魚！真係好少喺香港食到，魚油味燒到好香，入面嘅軟骨仲可以食埋，好特別😍。🥢 香茅豬扒椰香叻沙 $ 78 🆗豬扒好淋，香茅醃到好入味，而且每一啖都有沙嗲汁嘅味，超香濃！叻沙湯底好有咖哩香味但略嫌椰香味唔係好濃，不過食行出係真材實料自己熬製嘅湯底👍。🥢 斑蘭麥脆咖央多士 $42 🆙麥包真係好鬆脆，烘都好乾食，配埋比例啱啱好嘅牛油同咖央醬，口感好好😍。🥢 斑蘭西米椰汁冰 $ 48 🆙 除咗有平時飲珍多冰嘅長條狀啫喱，仲有埋斑蘭西米好有咬口，椰汁亦都加咗斑蘭糖漿，好香滑又夠特別，值得一試。🥢 話梅柚子

想去旅行有冇又冇假放，唯有搵啲正宗異地菜食下🤣🤣近近地就試吓呢間新加坡菜~ 所有嘢份量都好大 特別係個小食拼盤😂😂另外仲叫咗兩碗喇沙麵 湯底好好 完全唔係嗰啲味精味~~兩個奶茶亦都唔會太甜，可惜太飽，如果唔係一定會食埋斑斕咖央多士 上網見到啲相勁吸引。。🫠🫠💸💸馬拉go輕食 小食拼盤 $88招牌喇沙蝦麵 $98喇沙蝦面配燒豬頸肉 $88樽仔拉茶 $28斑斕奶茶 $32📍馬拉go紅磡馬頭圍道 63號啟岸巷子1樓8號舖

近年土瓜灣有好多重建項目所以依家除左街鋪之外仲多左商場行下!今日黎左啟岸巷子一樓食星馬菜😙.🌟招牌蝦麵　$98蝦麵係呢度嘅必點之選🍜蝦湯湯底濃郁 而且摻摻非常掛湯 鮮味十足而且仲好足料 除左魚蛋、豆卜之外 仲有碟烤海鮮分碟附上烤海鮮有原隻大蝦🦐、烤魚🐟同埋蜆 當中烤魚好有驚喜肉質軟腍又有豐富油脂 入口即溶好易食🤤.🌟檳城什錦椰香喇沙 $88另一款就揀左喇沙湯底湯底唔算辣 適合鐘意食少辣嘅朋友🌶️燒豬頸肉非常出色 肉質啱啱好 唔會乾水😎.🌟班蘭麥脆咖央多士 $48食完麵會想再食個甜品 呢個多士睇落好吸引香脆嘅多士中間夾左肥仔牛油🧈同咖央醬超吸邪惡但係實在太好食 所以減肥都係遲啲先算😝.🌟斑蘭奶茶 $32樽仔凍奶茶茶味香濃 唔會俾啲冰整淡晒仲有淡淡嘅斑蘭味🧋.🌟話梅柚子梳打 $30呢排咁熱都想飲下清涼嘅飲品話梅柚子酸酸甜甜好解渴☺️.店鋪的骰但係五臟俱全 仲有好多店主嘅珍藏所以特別有人情味😉