髀魔-雞髀第一店 (福民路) (已結業)

黃金髀(鹹蛋黃醬)$37今日咁啱去咗西貢，即刻上網睇吓有咩好嘢食。結果搵到嚟間響西貢稍有名氣嘅小店。即叫即整，熱辣辣，真係好邪惡。雞髀都算大隻，味道都幾好，可以一試。髀魔-雞髀第一店 (西貢)西貢福民路58號高富樓18號地舖

間舖頭叫得髀魔，當然要試下個雞髀🍗🤤🤤平時炸雞髀就食得多啦，所以今次就試吓佢哋嘅黃金炸雞髀。嘩⋯⋯真係有好多鹹蛋黃金沙！前後都有！雞髀炸完之後無縮水，仲大大隻，juicy!! 唯一差啲嘅係，未夠乾身，有少少油膩😆

去到西貢，去食咩人都話要食嘢大雞髀，其實呢隻雞髀接近$50，我覺得真係有少少貴，但係份量都大隻，有手掌咁大，佢炸得好香脆但唔乾身，肉質嫩滑雞皮脆身，味精唔會太重，調得幾好味😋因為我行完山去食更好食😋佢有一款係細粒少少，$37的雞比，我覺得如果細食女仔就可以食呢一隻，質感同埋味道冇咩分別，細隻嗰個叫咗鹹蛋黃醬。比較唔滿意係鹹蛋黃醬雖然好食，但唔係成隻雞髀都查均，只係中間放咗少少咁樣，我個人覺得就唔太細心，唔會話啖啖都有鹹蛋黃味。另外有少少唔高興嘅事，叫咗兩份鹹蛋黃魷魚酥，竟然只有一小盒嘅份量（睇圖片），同店員講佢竟然話係兩份加埋就係呢個份量！（我覺得係比少左但又唔想再整😒）$37一份，呢度加埋70幾蚊！😷😷😷小食來講咁少真係唔OK，佢係外賣又唔係堂食都咁貴咁少分量難以接受！但係食物來講其實係非常好食，大條多汁彈牙，純粹係份量同價錢真係唔OK，食物質素來講唔錯！

已經有很久一段時間沒有去西貢，難得有時間，打算與朋友一同前往，一邊尋找美食一邊享受大自然的風景在橫街小巷之中發現了這一間店，由於有三四人在店面排隊，所以我們也決定一看這間店的小食種類非常之多，除咗有雞髀、魷魚、豆腐以外，更有秋葵和涼瓜製作的小食，相當特別今次我們點了三款小食分別是甘梅富士蘋果$30、火焰金粒豆腐$30和黃金魷魚鬚$43三款當中我最先是的是火焰金粒豆腐，豆腐皮很薄，經過油炸之後很香脆加上椒鹽粉鋪在豆腐上，口感先脆內軟，而且很嫩滑，剛炸起的時候很熱，不過完全唔影響豆腐的味道，加分第二款我試的是黃金魷魚鬚，黃金的意思是鹹蛋黃醬料，所以這款魷魚是鹹的，經過油炸後，再加上鹹蛋黃，外在香脆而內在魷魚非常彈口，很爽最後以甘梅富士蘋果作結尾，蘋果酸酸甜甜經過油炸後很熱很脆，不過味道上因為是酸甜的所以不是所有人都很喜歡，不過這小食很特別，而且很罕見，所以都值得一試

超級大隻 真係大過塊面 並不是咸蛋黃粉 而係真材實料咸蛋黃🐣味道岩岩好 唔會太咸 唔會太膩 絕對唔係虛有其表熱喇喇 即叫即整炸皮唔會過厚 肉質唔鞋口 完全唔會炸得過火 唔會有乾既感覺 仲有啲滑超級邪惡 但間唔中食下都真係幾🥰心心眼仲要坐係海旁食 風景加美食真係一流貼心加分位 俾濕紙巾+手套美食唔怕等 但都只係等大約10分鐘配埋自家制清熱飲 羅漢果茶(+$15)就唔怕熱氣啦如果可以 咸蛋黃加埋啲辣味真係💯喇👼🏻 髀魔定魔髀 😈

西貢玩完2日1夜，勁餓，行過嗅到好香，就決定買黎試下，一試就知。。。我叫左隻經典雞髀，咬落去，有汁，又脆而且價錢正理，所以正。另外會提供紙巾，俾你用，完全值得再幫襯

掃街經過見到好多報道貼喺店外，感覺上好出名，就忍唔住試吓。本身想叫下佢嘅招牌巨雞髀，唯有叫佢嘅普通雞髀，相對上size比較細，不過啱晒我嘅食量。對於我來講炸雞髀既flavour未必係最重要，反而係佢嘅炸粉炸成點。呢款黃金髀 (鹹蛋黃醬) ($37) 既炸皮甜甜地薄薄地，感覺上冇咁熱氣，鹹蛋黃醬用咗真蛋黃，但唔會太膩，正！另外都叫咗經典魷魚鬚(自家製椒鹽) ($38)，分量比想像中多，魷魚鬚好足料，感覺上都幾新鮮！由於即叫即炸，再加上嗰時仲接緊其他外賣單，所以都等左好耐先有得食。小店仲好貼心送埋濕紙巾同手套套裝，啱晒我呢啲鍾意攞住雞髀食嘅人！

繼續在西貢蹓躂，決意買掃街物，要即場吃的。走著走著，乍見一間炸髀店，於是一試。雞髀的味道分別有麻辣味、椒鹽味、鹹蛋味等等，小人選取了鹹蛋味的。炸髀分有大與小，以小人的食力當然要了大髀。大髀勁級巨型，看起來差不多比一塊面的面積還要大！一打開盒子，滿有驚喜，萬料不到在原隻炸脾上竟見到有粒粒半溶的鹹蛋黃，算是落重料。新鮮炸起的雞髀熱辣辣，一口大咬下去，外皮是極度的脆，連同鹹蛋黃的鹹香，那會不好吃？中間的雞肉豐厚多汁，食完一隻已是過份的足夠。雖說好食，但油多脂多乃必然之事，絕頂邪惡。

今日去西貢經過見到諗住試下買左經典魔髀，經典魷魚鬚同埋炸日本南瓜等候時間極耐，等左超過20分鐘(我買左3樣野，我睇住佢一樣一樣咁炸，超慢， 炸左雞脾先，再炸魷魚同南瓜 😕)而且食物味道冇特別🤷🏻‍♀️ 雞脾炸過龍，好乾 😒椒鹽味既魷魚鬚味道正常，合格炸日本南瓜唔好食 而且塊塊南瓜厚薄不一😞成口炸粉🍗🦑南瓜再加羅漢果茶要$123 蚊，一啲都唔平呢個價錢再加呢個質素可一不可再 🙅🏻‍♀️唔會再試😑

好正呀🤤🤤🍗髀魔最出名就係佢有成大半塊面嘅炸雞髀🤩呢個係佢地【招牌巨魔髀—椒鹽味】佢地有普通size嘅但係差幾蚊緊係食隻大啦😂佢係西貢食泰國嘅嗰條街嘅中間 通常都有人排隊 order完要等10分鐘左右可以行下先翻黎拎 味道我真係俾10分 雞髀炸得好香脆 椒鹽勁香 仲要咁大隻髀都仲會炸得岩岩好 唔會老好滑🤤🤤食到中間仲有好多肉汁 熱辣辣好正！😻仲有鹹蛋同麻辣味架🥰但係真係好大隻 一定要兩個人share先食得曬😂😂除左西貢 太子都有分店 唔知個味一唔一樣呢 試完話我知😋😝😝

今日行到西貢，見有啲肚餓，便去到福民路搵嘢食。見到呢間自稱髀魔嘅小店，便試下他們的炸雞比。佢哋嘅炸雞髀有分大雞髀同埋特大雞髀，普通炸雞髀為$32 ，特大雞髀為$40。因為我好肚餓，所以點了大的雞髀，而我選的是招牌椒鹽味。想講即使沒有大排長龍，但由落單到真係攞到隻炸雞比，我足足等了50分鐘。時間實在是太久了，就算雞髀係好大，但都唔使用咁耐時間咋嘛。雖然我見到佢有個牌寫住要俾啲耐性，但覺得真的是太久了，建議你們要吃的要俾個心理準備。味道方面，我覺得佢炸的成隻雞髀都係幾脆嘅，亦都有椒鹽味。而且雞髀又真係好大隻。但都係果句，要等50分鐘先食到嘅雞髀，我就情願去旁邊食泰式串燒了....

今日去西貢嘅時候見到呢間髀魔，我就同朋友share叫左個黃金魔翼$35，佢全部雞中翼都切開左做單邊雞翼，非常方便食用。佢總共有八件，都算多。而且佢嘅鹹蛋黃醬真係好香同好惹味，同雞肉亦好夾，下次黎西貢一定要再食。

係西貢行到咁上下又有d口痕想食下野, 見到好吸引加極邪惡嘅咸蛋黃炸物當然要試下😋😋 我地叫左咸蛋黃秋葵同炸花枝丸😋😋 又係即叫即炸, 等左差唔多15分鐘就有得食啦😆😆即叫即炸所以一拎上手都勁熱, 出哂煙, 但實在太香, 都係忍唔住快d試!! 咸蛋黃秋葵除左秋葵多, 一粒粒金黃色嘅咸蛋黃更多。d咸蛋黃唔單止痴住哂係d秋葵到, 仲鋪滿哂係面🙈🙈🙈 味道非常好。由於秋葵e種食材嘅質感已經好特別, 加上佢本身都無咩味道, 所以絕對唔會同咸蛋黃醬搶!風!頭! 秋葵嘅質感加埋一啖啖嘅咸蛋黃醬, 完全可以同時間食出兩個層次😋😋 簡直係好幸福同肥呀😂😂炸花枝丸同樣出色, 大大粒, 皮薄而且花枝丸非常彈牙, 味道又唔會太咸, 岩岩好!! 兩個小食都十分推介!😋😋

依間野以前都食過冇驚喜，諗住比多一次機會佢返屋企試真D. 結論係唔會再食！1. 雞脾冇味, 得個大隻. 麻辣一D都冇麻辣味. 依個價錢去番茶餐廳叫炸脾好食過佢多多聲.2. 炸豆腐真失望！個炸粉太厚! 完全無味, 我未食曬巳經掉左!唯一係支羅漢果茶算係咁! 我絕對冇下一次.

「今天雞髀今天吃 明天減肥明天算」😈邪惡嘅金句印左係佢提供嘅手套+紙巾度😈引誘大家盡情食佢嘅雞髀🤤 大過我塊面嘅雞髀實在太吸引😍雖然佢最出名係黃金魔髀$45（鹹蛋黃醬）但係我麻麻地食鹹蛋黃隻味，所以最後揀左火焰魔髀$40（麻辣）🤤我隻火焰魔髀集「香、脆、辣」於一身🤤真係好想食先過相機😂不過咁大隻髀點都影下相留念啦😃仲同朋友分享埋經典魷魚鬚$38（椒鹽）😍 夠脆夠咸香‼️好想一個人食哂成兜‼️全部都新鮮滾熱辣炸起😍下次再去實試埋雞軟骨😍仲可以先whatsapp下單，唔洗排咁耐門口一張檯，夠兩個人撐檯腳