髀魔-雞髀第一店 (福民路) (已結業)

行完山專登過嚟西貢食下嘢買埋海鮮。呢間小食店炸髀想試好耐，今次見唔多人排卡就三個人買左2大1細原味😃真係好巨型🤭.拎試手就勁香，個皮炸到好脆好香。雞肉keep到juice👍🏻👍🏻👍🏻經過真係可以一試，只係價錢頗貴。

雖然雞脾感觀覺得貴左少少，但買過黎食斬覺得吾錯除左雞脾夠大件，小店係即叫即炸，夠晒脆同熱趕時間就要預麻落單後，等雞髀🍗炸好既時間吾係繁忙時段預10-15分鐘小店雞脾水準開張到依家一直保持水準，就算外賣紙盒有透氣位，雞脾吾會焗淋值得一試外賣仲跟一包獨立手套，好方便另推薦必點小食👉🏻椒鹽豆腐小袋好多款，但依款絕對有驚喜除咗即叫即炸外，豆腐皮薄夠脆、夠滑🤤食過下次一定會下次再點好多時椒鹽豆腐皮好厚，但小店豆腐皮夠薄薄得黎脆口，口感吾錯

今日去西貢行下，聽講呢間雞脾好好食就黎左試下～選擇好多，有炸苦瓜、雞翼、雞粒、雞軟骨、花枝丸etc 最後揀左最出名嘅雞脾雞脾有3隻味揀，今次就揀左火焰脾，即係麻辣味個人認為唔算真係好辣，唔食得辣嘅朋友都應該可以handle到，不過我就想佢再辣啲喇雞脾係幾juicy，但唔好expect會流汁咁樣啦，始終係炸物炸漿都唔厚，薄薄一層幾脆口但麻辣味其實無落到雞入面，唔知係咪醃得唔夠時間/無醃，但雞皮就幾好食喇

作為由小到大，長期住在西貢墟裡面的人，我每天都不乏機會，光顧位於西貢食街裡面的「髀魔-雞髀第一店」。不過上次光顧西貢分店「髀魔-雞髀第一店」，還是上手「開飯喇」戶口仍在的時候。當時我對「髀魔-雞髀第一店」廚房製作的招牌巨大鹹蛋黃醬雞髀實際味道，其實不算很滿意，因為店舖廚房只將鹹蛋黃塗抹在巨髀表面上，卻忘記把鹹蛋黃醃進雞髀肉裡面，結果導致「黃金魔髀」只有外層食到鹹蛋黃的鹹味。相反地，「黃金魔髀」裡面的雞肉實際味道，就因為雞肉接觸不到鹹蛋黃裡面的鹹味，所以雞肉實際味道變得很淡而無味，亦浪費整隻巨大的雞髀肉。後來我在光顧太子分店「髀魔-雞髀第一店」的時候，發現原來點體積相對比較細小，但是內裡仍有不少鹹味，口感不硬的「黃金雞粒」，才是最適合享用的「髀魔-雞髀第一店」炸雞產品。因為「黃金雞粒」裡面的雞肉體積相對比較細小，即使「髀魔-雞髀第一店」廚房沒有預先把雞肉醃漬味道，單靠之後混入大量有濃厚鹹味的鹹蛋黃，然後完全攪拌撈勻，鹹蛋黃裡面的鹹味自然逐漸透過炸皮滲透進入雞肉裡面。而且「髀魔-雞髀第一店」的鹹蛋炸雞食品，售價在港幣三十至四十五元左右，所以每次都製作一大堆炸雞，然後或許曾經預算銷售份數，所

非常邪惡嘅炸雞髀，即叫即炸，所以需時等侯。好貼心有手套提供，見到明天減肥明天算，罪惡感減低。經典髀係椒鹽味，個人覺得椒鹽味可以再濃一點🙈。黃金髀非常邪惡，鹹蛋黃醬非常香，啖啖都有鹹蛋味🤤。火焰粟米仔麻辣味不算勁，個人唔覺得辣。第一次咁食粟米仔，都幾得意。經典魷魚鬚係椒鹽味，大大條鬚，好香脆。

難得閒日放假就決定入西貢Hea下，食完一個唔係好飽嘅lunch之後，就梗係掃下街啦。聽說呢間炸雞髀唔錯，就決定去試吓。地點一啲都唔難搵就係巴士站對住巷仔。店內只有外賣，清一色都係炸嘢。嚟到就梗係食最出名嘅黃金魔髀（有兩個size分：巨形和普通），由於啱啱食完lunch嘅關係，我哋兩個都係揀普通size(好彩，因為普通size都好大隻）。雞髀揸得好脆口，上面全部都係鹹蛋黃醬，口感好特別。而且非常多汁，十分好食。不過由於雞髀同鹹蛋黃都係好heavy。最後食唔晒，所以建議如果兩個人嘅話最好要一隻巨型原來share。

係西貢行完山返到碼頭搵到呢間朋友介紹嘅魔髀，即刻二話不說order招牌巨髀，仲嗌左個黃金雞粒。隻雞髀大到估唔到行完山咁肚餓但一個人都食唔晒😱啖啖肉又香又滑，雞粒都好香蛋黃味，要趁熱食如果唔係會有少少油揀兩款嘢食仲送一支涼茶下火，超級推介！

次次嚟西貢食都係食海南雞飯，今次終於冇食到，入嚟梗係要試吓啲地道小食呢間充滿着炸嘢香味嘅舖頭，一直都好吸引我，今次買咗佢哋大大隻嘅炸雞髀，外層好趣卜卜，又唔會太乾身，唔會戒咀，裏面嘅肉汁鮮嫩，食完一隻雞髀其實已經飽左，下次都係多多幾個人入嚟再食小食。recommend: 買完隻炸雞脾，出返海邊嘆住海景咁食就最正啦

嘩嘩嘩髀魔 真係好邪惡已經唔係第一次食食左幾次都仍然保持到個水準個髀依然係咁大隻 仲大塊過我塊面呀次次去親西貢都必食呀呢個髀都係唔講咁多喇個個都係介紹佢個髀今次想講下比較少人講既 黃金花枝丸就係因為多左黃金 所以貴成十蚊雞一開盒 就聞到一陣陣蛋黃味蛋黃分佈都好平均 分量唔算少咬落好軟 有口感 都幾彈牙架唔會淨係一團粉咁 另外都想講下佢地既服務態度由開店再而家 佢地服務態度都好好好友善 會提提你雞髀要等幾耐 人多果時 會同你講聲唔好意思 會等耐少少

得閒同老公搭下巴士遊下車河～入左西貢行下食下野～行過啲橫街，聞到好香炸雞味，就跟住啲香味走過去～原來係髀魔！睇見人地雞髀好大隻好吸引，不過本身諗住去cafe hea下，所以點左份黃金雞翼同椒鹽魷魚鬚～因爲食物即叫即炸，所以都要等10-15分鐘.黃金魔翼$35充滿香濃鹹蛋黃醬既單骨雞翼～食落方便，脆卜卜，正.經典魷魚鬚🦑$38即係椒鹽鮮魷🤣🤣魷魚鬚夠爽夠彈，如果份量再蛋啲就一流.入開西貢口痕可以嚟試下～

呢個可能係小妹食過最好食嘅雞髀🍗。大家都叫西貢做香港嘅後花園，又chill又多野食，小妹耐不耐都會同男友人由沙田搭巴士黎，今個星期日咁好天都唔例外😆之前係西貢食過唔少好西，菠蘿包，又去左cafe, 今天來點不一樣。係門口經過呢間舖頭，十級香，知佢嘅賣點係特大雞髀，就決定一試。佢嘅signature 係黃金魔髀，姐係鹹蛋黃特大雞髀，超級邪惡。我地今天食左椒鹽雞翼，佢即叫即炸，都等左15分鐘到。所以話要食好西，要有耐性。雞髀到手非常熱，根本食唔到，但對於追求温度嘅小妹而言，係炸物不是本應如此？雞翼本人已醃左，調左味，好惹味。椒鹽係錦上添花。肉質好嫩，雞皮炸到唔肥，好脆！小店仲有貼心，附上一對膠手套同紙巾👍🏼總括而言，小妹覺得好正，係完勝嘅雞髀，決定下次黎一定要翻啅！

今日同男朋友去左西貢拍拖，順便搵下有咩好食😝行過啲橫街，聞到好香嘅炸雞味，沿着香氣終於搵到佢-髀魔，佢竟然自稱自己係雞脾第一店😱所以我決定試下佢！我地叫左店既招牌巨脾，姐係最大size既椒鹽味炸雞脾($45)，由於佢係即叫即炸，所以都等左差唔多十分鐘先有得攞~隻雞脾真係好大隻，好似基因突變咁，大過塊面😂真係好誇張😂一打開個盒，就聞到好香既椒鹽同炸物嘅味道，雞髀炸到好金黃鬆脆，咬落去塊皮脆卜卜，肉質滑嫩，肉汁多到爆😋小店仲會付送張好特別既紙巾😬

朋友介紹話入西貢一定要食⋯我係咸蛋黃愛好者⋯所以一定要試吓佢個黃金雞翼⋯佢仲要將一分二⋯咁又易啲食⋯而且沾到咸蛋黃既面積又多左😋😋⋯⋯一盒有6隻單骨雞翼⋯⋯都夠食！佢另外仲有一個招牌雞髀⋯不過太大我無試⋯但聽講都好正🤩🤩我地仲叫左火焰豆腐⋯⋯落左麻辣🔥⋯⋯好香同好辣⋯不過好野味⋯⋯🤤🤤西貢小食之選☝🏼下次入西貢可以再買！！下次要試吓雞軟骨！我以為佢會有黃金南瓜⋯如果有就好啦⋯我一定食！！

早排假日同女朋友去西貢遊山玩水，順便梗係搵下有咩好野食啦～經女朋友資料搜集後就話呢間好出名，咁就試一試佢😂黃金魔脾（咸蛋黃醬）$45 x 1呢間雞脾係收到order新鮮即制,食個時熱辣辣好好味～魔脾真係魔脾，第一次食成隻手掌咁大的雞脾😆外面的皮炸得好香脆，咸蛋黃味配落去好夾，雞肉都好嫩口，肉質都唔會太寶，雞精岩哂👍👍👍店主好細心，隨盒仲會附送手套，方便客人外出食用👏

Weekend想少人啲就去咗西貢行原來橫街小巷都好多嘢食今次就去咗脾魔見佢有隻黃金雞髀嗌咗一份上到手熱辣辣好足料用紙盒裝住另外會俾多對手套可以自己拎返去附近啲長凳坐低食😛