高木炭火鳥燒 (已結業)

早前吃過高木炭火鳥燒的晚餐，覺得整體不錯，於是專程再訪一次，試試它的午餐。高木炭火鳥燒午市設有套餐，選擇有十多款。串燒午餐定食、龍蝦午餐定食、烏冬等，今次吃的是滑蛋豬扒定食和燒鰻魚定食。兩款定食都包一碗麵豉湯和一個凍茄子，麵豉湯倒是麵豉湯的味道，沒有什麼特別，而凍茄子質感軟腍，味道清新開胃，可惜的是只有一件，份量不夠。至於主菜滑蛋豬扒定食，豬扒炸得香口，淋上蛋醬亦無損香脆；燒鰻魚定食的鰻魚既大又不腥，味道不錯。與晚餐比較，水準是一致的。

本來想約齊一家人去燒烤，但時間好難夾，到現在還未約到，女兒就話帶我去食串燒先，有時間才去燒烤，她說位於尖沙咀的高木炭火鳥燒，食物的質素不錯，她和朋友常常去食，那我就去試試。露筍豬肉卷：露筍幼嫩爽口，豬肉薄切，卷住露筍一起燒，十分惹味又有口感！白鱔：厚肉，燒至金黃色，外層香口，肉質鮮味。帶子：大大粒的帶子燒至面層帶少許金黃色，中間有少少生，味道鮮甜。雞翼：燒至金黃色，外脆内嫩又入味，已開邊方便進食。羊架：肉質鮮嫩，沒有羶味，香草味濃，點些芥茉可以提升味道。蒲燒鰻魚：塗上燒汁的鰻魚，味道濃，沒有骨，好味！烏冬：烏冬有口感又滑溜，湯底鮮味。

終於捱到星期五，決定要對自己好一點，於是放工後去了尖沙咀棉登徑，找一間好一點的餐廳吃一頓豐富的晚餐。誤打誤撞之下，入了高木炭火鳥燒，它是一間日本燒烤小店，環境雖狹小，但富小店人情味。餐廳的食物種類都算多，有海鮮、肉和野菜，價錢幾十元一款，是一間不錯的日本燒烤店之選。值得留意的是，如果大家有匯豐信用卡，可享九折的折扣優惠。燒茄子、蘆筍豬肉卷、鵪春蛋安格斯牛帶子鵝肝燒芝士大茵、日本芝士年糕明太子雞翼雞軟骨牛舌菠蘿鹽燒豚肉

星期四放工後，朋友陪我去尖沙咀拎早前預定左既order, 再去揾餐廳食晚餐；最後我地揀左間專門食串燒既日式小店 - “高木炭火鳥燒”進食。店鋪同日本小店差不多，所以入面座位比較逼；如果有其他食客出入，大家需要注意一下啊！帶子：一串共有兩舊，帶子比正常size大粒；師傅將帶子燒成半生熟既狀態，食落外面香口，而入面保持住生帶子既鮮甜味；口感帶點特別！白鱔：一串共有兩舊，可見白鱔燒得香口，而肉質十分嫩滑和林林的。雞腎：一串共有四粒，雞腎比想像中好食；雞腎不會全熟，所以口感爽口！香蔥牛肉卷：一串共有兩舊，餐廳利用牛肉將大量既蔥一同包起；食落香蔥吸入左牛肉既汁，令整個串燒十分juicy和香口~鵪春旦：鵪春旦既外面燒過之後，口感煙煙unun；而入面系林林的，十分qq.烏冬：湯底爲醬油湯底，味道相對較重；而烏冬十分滑，二人分享的話，份量剛好。可以令我地更飽肚呢！

今晩黎到尖沙咀食串燒，一齊串串貢啦。串燒係我幾中意食既食物，一串又一串，摸住酒杯食就perfect啦。大蔥雞肉$32串燒必叫大蔥雞肉！日本既大蔥同香港既幼蔥完全唔同，大蔥甜度高啲啲，味道淡啲啲，一件雞一片蔥，口感仲好好。雞翼$38正所謂燒雞翼，我鐘意食。原味燒雞開邊，食落更加方便。雞翼肉夠結實，都算唔錯。雞軟骨$22雞軟骨就係我至愛，夠晒咬口，其實食一串又點會夠，最尾食幾串先夠。烏冬$68食串燒，想食飽肚食物，除左煙飯團，就係烏冬啦。滑溜溜既烏冬，係大人小朋友都鐘意。食完感覺成餐都唔油膩啦。年糕$32

位於尖沙咀的高木炭火鳥燒，是一間日式串燒餐廳。今天相約媽媽來吃串燒，但因為被炒的麻煩上司搞事，令我遲了吃飯，辛苦媽媽等侯啦。燒饅魚$68吃日本串燒，有兩種食物是必點的，就是明太子雞翼和饅魚。饅魚燒起香得吸引，看到濃濃稠稠的饅魚醬，令人忍不住即時吃一口啦。饅魚肉軟腍，魚皮煙靭可口，去骨乾淨，配飯更好啦。明太子雞翼$68/2隻脹卜卜的雞翼，內裡塞滿美味可口的明太子，熟的明太子變成一團，口感軟爛，令雞翼的鹹香味道更有層次。香蔥牛肉卷$38超多蔥的香蔥牛肉卷，說他是韮菜肥牛卷，也有人相信阿。香蔥吸收大量油粉，燒後較油，肥牛富嚼勁，味道不錯。露荀豬肉卷$32豬肉片非常薄片，燒後溶化，只看到露荀上有層薄膜，露荀爽脆，也不錯呢。汁燒豆腐$22燒豆腐燒後水份流失，口感較扎實，加上燒汁，不會太乾。菠蘿$32好大件的菠蘿阿，廚師加蜜糖後燒，變成焦糖菠蘿增加甜度。菠蘿大份多汁，但不算很甜。

新年後第一日返工，要食返餐好野先得之前有同事推介過呢間日本餐廳，今日慶幸無需要排隊午市套餐的選擇都不少的蒲燒鰻魚定食塊鰻魚好大件呀，肉質好滑而鰻魚汁亦很濃郁，原來個鰻魚汁係自家調製的，真係製作用心怪不得會特別濃郁，撈飯食簡直一流日式吉列豬扒烏冬烏冬是扁身的，份量亦不少。吉列豬扒是新鮮炸製的，外層炸得很鬆脆，而且富有肉汁，不會炸到好乾原來呢個吉列豬扒好受歡迎的，眼見附近幾張檯都叫呢個豬扒烏冬侍應亦服務很週到，會keep住為我地添茶

棉登徑少少隱蔽，但勝在多好西！Lunch Set前菜有牛蒡、味噌湯，味噌湯有大大嚿豆卜！第一個set係鰻魚飯，不得不賺，燒得真係好靚，見到即刻食指大動！味道都非常好食，微微焦香味既燒汁，加上鰻魚香，忍唔住大啖大啖咁撈飯食！朋友叫既係滑蛋豬扒飯，有別於其他飯，佢個滑蛋淋係豬扒周圍，蛋汁比例較多，飯則另上並唔係撈埋一齊，咁樣塊豬扒就唔會好快就淋哂，keep得住香脆既表皮。高木串燒岀名，所以都叫左幾串串燒試下，雞翼燒到香噴噴，味道鹹香。茄子更加香濃，索哂燒汁，所以好食。燒冬菇都好味，表面燒得很好，亦都好入味。可惜最期待既帶子就麻麻地，燒得過熟，咬好耐先咬得到。

說到龍蝦呢種食物，給我的感覺係幸福！龍蝦唔係日日都會食嘅嘢，通常都會係節日或者慶祝食飯會食到，所以會讓我聯想到慶祝的氣氛。本來過開來棉登徑，諗住食個拉麵做午餐，但係過到嚟呢頭，見到咁多餐廳，又心動想試吓新野，看到呢一間表面低調嘅日本菜，於是入內試下。店員好殷勤咁招待我哋，裏面嘅座位唔算太多，但係整體都舒適雅致，高枱着仲有陽光透進去，於是我哋決定坐過去暖一暖身。 百幾蚊真係算係一個好抵嘅價錢，咁我又冇詳細問佢係用咩龍蝦，不過食落啲肉好爽，起碼證明好新鮮，而且味道又幾甜，證明食材的質素都不差吧！龍蝦加上左少少黑椒做調味，讓味蕾有少少刺激嘅感覺，不錯。 個餐仲連埋兩款串燒，我揀咗茄子同埋淮山，茄子比我想像中好味，一來佢切得幾厚身，咬落去口感不錯，用咗甜甜地嘅醬汁去燒過，所以都幾惹味。淮山嘅質地少少爽得來又粉粉地，我幾鍾意食。網燒安格斯肉眼扒定食我同事食咗個牛扒定食，啲牛扒超大份！可以請我食少少，調味令到牛的味道好出，而且個汁好惹味，送飯一流。呢餐午餐幾開心，食到龍蝦做午餐，感覺又幸福又驚喜。之後會再來幫襯。

隨著年紀漸長, 比較著重養生, 較少吃煎炸或燒烤食物, 可是因為饞嘴, 總是戒不掉, 因為配額有限, 要吃當然是吃高質素的, 這樣才覺得比較值得, 今晚精心挑選了一間風評不錯的日式串燒小店「高木炭火鳥焼」來滿足一下口腹之慾。明太子飯團飯團食出來有烤出飯焦味道，令我想起我們本土的煲仔飯, 有異曲同工之妙, 這個日式特大飯團本身已均勻地沾明太子，味道少少甜, 加上紫菜，咬下去外脆又煙靭, 吃飯頓時變得好有趣。鹽燒豚肉豚肉有鹽的拍擋，引出鮮味，肉質鮮嫩，店員燒得外脆內軟，我不由自主一口接一口，太美味。七味豬頸肉七味燒豬腩肉，我已經看見豬頸肉上面的油香，這裡的燒得沒有乾身，當然，豬頸肉本身也是半肥瘦，本身是，平平無奇的豬頸肉配合味粉焼，變得香口和味美，調味見佳處，非常有特色。燒冬菇冬菇肉質厚實，食落口感嫩滑，沒有乾身，菇味濃郁。燒牛舌牛舌脂肪適中肉質較有嚼勁, 有油潤之餘，牛味濃郁。這裡的燒得賣相也好，看上去油令立的有光澤，熱辣辣的香味四溢，燒得幾好，真是厚切，吃起來幾件也是爽口和豐腴口感，牛舌的品質質素佳，水準非常高。燒雞皮雞皮燒得香脆,油脂都逼了出來;雞肉的腌製入味,且夠嫩滑,辣椒粉與孜然

這晚與好友同是收夜兼第二天是放假日子,難得的機會自是來個美酒佳餚宵夜聚;事前與好友商議後,均認為位處油尖沙咀-「高木鳥炭火燒」是佳選;一來其食物出品能保持穩定的高質素,二來其地理位置的便利,就算宵夜到凌晨也有公共交通工具回家。看到是一間外表看來幾別緻的日本料理店，已經留意這裡。這是間串燒店。有事相討，吃飯不夠輕鬆，那吃串燒就最好，我們也乘機試試這裡，試一試這裡的美食。飯團燒飯團一向是非常熱門的項目，這裡燒得外層焦脆而內裡仍鬆軟，飯團搓得夠實淨，似日本風味。鹽燒豚肉油脂豐富的豚肉在以天然的鹽烤下，口感是軟稔而帶點爽脆。七味豬頸肉看了餐牌，想試的項目相當多唯有要友人跟我，多吃一點了。先來的是七味豬頸肉雞頸肉是用七味粉去烤，吃起來有咬口，帶點爽勁，配上風味十分的惹味七味粉，十分討好。燒冬菇店員把菇烤得較乾身, 口感出奇地更好咬口, 味道亦較濃郁. 不錯.  燒牛舌燒牛舌差不多是逢吃串燒切點的食物，但，不知何解，或者是我的偏見也未定，燒得好吃的地方，好像越來越少了。這裡的燒得出奇美味，吃起來沒有硬身，富豐腴的效果。今時今日，或許只會在你這店才有好吃的燒牛舌了。燒雞翼雞翼燒㐷很不錯。雞肉吃起來肉

冬日 BBQ 好玩又好吃，但係自己要動手，太忙沒時間，食日式串燒可以很梳乎，安座等有得食，開放廚房，見到師傅燒自己點的食物，未食已流口水。高木串燒技巧非常好，全部食物都嫩，今晚食咗12款野，我最喜歡牛，牛舌超級厚，嘩啦，咁大件，應該好難燒得好，但完全難不到師傅，香嫩多汁，一啲都唔會靱。安格斯牛肉粒，好似內心粉紅，完美的效果，嫩到出汁，並保持牛肉嘅咬口。我好鍾意食魚，燒鱔、油金魚餃必食，皮脆肉滑，好香好好吃。呢道細細間，勝在氣氛好，兩個人，每人三百食到飽，合理。

平日到尖沙咀行街比較集中於海港城一帶少到 K11，今晚個女約我，就來開下眼界，2000年後的年輕人商場！晚餐行出去附近橫街，棉登徑有好多酒吧及特色食肆，女仔最鍾意試新野，我地兩母女搵咗間日式串燒店，個名叫高木，見到過木字都諗起燒物。價錢公道，廿多元起一串，最貴唔過一百，我們食魚又食肉，感覺豐富又開心。見到三位師傅燒得好有心機，慢慢來、調調味，好食等都唔係問題。車厘茄煙肉卷及日本番薯車厘茄煙肉卷，鍾意佢係在鹹的煙肉裏面有浸酸味就出來，日本番薯超甜，燒過寧捨香。鹽燒豚肉肉質有彈性，肥瘦肉比例適中。油金魚鮫肥美，仲好好肉地，魚皮燒都有些焦，非常之脆。免治雞肉必須加一只生蛋，份外滑，感覺矜貴。鵝肝細細件好可愛，夾個迷你飯團，仲以為是食壽司，魔鬼誘惑。其他如燒鱔、牛舌、安格斯牛都出色。芝士年糕女仔冇甜點唔完美，最後一人一件芝士年糕，香軟兼備。

今日同朋友去完K11，佢帶左我去附近呢條街，原來都有好多餐廳。今次揀左呢間日本串燒店，平時日本串燒通常都唔平，但呢度既lunch set $98就可以自選4款串燒，仲有前菜同湯，又真係幾抵食。雖然午市串燒選擇唔算多，但蔬菜，肉類，海鮮都有。仲見到師傅係即叫即燒，而唔係燒定哂拎比你，有誠意！今次分別揀咗茄子，冬菇，帶子，牛舌。茄子好重牛油味，加埋小小鹽，好好食！冬菇完全唔乾。帶子好大隻，係刺身級，燒到半熟。牛舌好好食，充滿肉汁，又爽口，仲要厚切，有口感！除左串燒餐，仲有其他飯，我地揀左個鰻魚飯。鰻魚好軟滑，無骨，d汁亦調教得好入味。店舖雖然小小，但就係咁更加有日式小店感覺，而且店員服務都好好，第一次已經有想再幫襯既感覺。

高木既串燒係幾出名，但原來都有出set lunch, 今次行過見到就試一試！首先值得一讚係地點真係好方便，係尖沙咀棉登桱，係K11 shopping 完行過去食野超方便呢❤️今次同朋友叫左兩個set lunchLee 個鰻魚定食，又多汁，燒得又香，價錢合理！另一款就係串燒午餐定食，一樣係$98, 可以自選4款串燒，lunch set 串燒選擇不算多，但勝在串燒既味道不錯，lunch 都可以食到甘多款串燒，多重享受呢！仲有set lunch 係跟埋湯同前菜添😋