高麗韓國餐廳 (已結業)

同中學6位朋友gathering,想食韓燒,又想東區,終於找到呢一間~set lunch去到3pm的~一上到去~見到很美的環境,又有夠大,1:30pm的星期一,人不多,還有背景音樂聽~感覺好舒服很適合情侶/朋友來聚餐~$40的set lunch有白飯,湯,飲品,甜品同choose一種食材~我地有2個人叫其他不用燒的韓國set lunch,而4人就叫了豬,雞,牛,魚分來食~還有6種韓國泡菜之類的浸菜的東西(有6種不同的)白飯應該係珍珠米,湯係白紅蘿蔔的韓國湯(好飲),雖然其實想try下人參湯個set lunch但個個就會貴d肉都好好味~飲品叫了酸酶湯(很甜雖然有冰)都有茶飲的我覺得很抵食的set lunch~不過甜品係啫哩( 很甜,我不喜歡,如果係ice cream就好la~ )環境很優美,一d韓式的木窗,有safa的卡位,有些小型昏黃的燈光,2個似酒吧的櫃台要找這個地方少少困難,要問人,經過顯理中學就見到~經理希望我地寫食評XD說真的,就佢環境同野食好味同抵食,韓燒wo,$40~(再加一)佢唔講,我都會寫可惜冇bring相機影相

心血來潮想食韓國燒烤又唔想過海見到呢間係香港區最多好評一於黎試下見好多食家都話黎之前最好訂位~6點打去訂7點半~已經訂唔到卡位去到見到真係幾爆一坐底都feel到佢d抽風好正~怕熱既朋友應該好開心生既o野食都算幾多~起碼有牛肉金菇~鯖魚呢d唔係間間都既野食先味道算唔錯添~不過個人覺得咸左少少同埋佢d野真係醃得幾好~我地兩個人燒燒到尾都唔洗換盤同埋我最鐘意食野醃菜同泡菜佢都整得好好味啊~韓國粉絲都好味~yummy^^原來佢係無任飲的~不過加茶都加得幾密waiter態度都好好有機會再黎

一直住在北角，都無來過依間食，在網上看到很好的評價，所以今晚就決定來試下。我在９號果日已經book咗位，所以一去到坐好快被帶入座，去到時都７點多，見到好多人，今日唔係假期，又唔係星期五，都咁多人，咁肯定食物質量都唔會太差。入到去，都幾有韓國式既感覺，幾warm，最好既就係唔會好勁煙味，而且環境都幾乾淨，服務員都好有禮貌，有笑容，真係唔錯。最好既就係無限時間，唔知係唔係weekday既關係，就算兩個人都唔會有限時間，希望店主一直keep住咁就好啦。至於食物方面，如果話要跟銅鑼灣漢和韓國料理相比的話，我會覺得，供應食物的種類就少咗好多壽司、甜品跟熱食，同埋無魚生供應，不過我覺得反而無咗依ｄ仲好，因為係食韓燒，所以應該集中在燒烤既食物，如果真係要食魚生、壽司依類既，咁不如去食日本餐。食物太多了，不能詳細盡錄，韓國前菜、海鮮、豬、牛、羊、雞、粟米、鮮菇．．．都有，跟本就試唔晒所有，我覺得食物都醃得好夠味，唔會太鹹，剛剛好，不過墨魚仔就偏鹹咗少少。個人覺得，靖魚、雞軟骨、雞翼、腎好好食，其實好多都好好食架，只不過以上講既幾種，係encore 再encore。其實佢既人蔘雞湯都唔錯，幾濃架。我會介

男朋友在網上看了這間店於是今天去了一次!!去到店的留下真的有點舊但是上到去真的眼前一亮架 入面的裝修也很整潔 有d卡位也不錯.因為我地冇訂位 就冇卡位坐了.原來大部分table都被人訂0西了~~~哈哈____一坐低 男朋友就立即去拎高麗人參雞湯好香人參味 我足足飲了3碗之後就開始拎野食bbq*野食都ok多0既但相比出面有熟食同生食就冇得比啦~不過都好多樣選擇..d肉整得都好入味.而d蝦好好新鮮____不過在燒的時候 要先放d有油份高的肉在中間避免"痴"獲~ 跟住就可以用好耐了!!而且一d油都唔駛落 出面0個d 有d油比你狂落 油到傻左~而男朋友叫了一支韓國的酒.我就叫左杯柚子蜜 都幾大杯 好味度!!服務都好好..d阿姐 好好人~教你點食 點食~哈哈***********************任食 又唔吹你走good!!!!

韓式自助烤肉(料理不算)一年都食唔到幾次!一是怕了那種吃完後回家,就算由頭洗到落腳,總是整晚像聞到陰魂不散的油煙味!二是無論是豬牛羊雞肉也好,都是同一個味道的那些乜乜苑物物苑!這夜和同事晚飯,有人提議食韓燒,於是一行12人來到這裡.地點不太好找!在炮台山及北角的中間,還要是在舊式商場的一樓.地方比想像中乾淨,侍應態度友善.(唔記得3定4位以上是不限時)食物方面應該有的都齊全,調味比其它食肆來得輕手!起碼分得開豬牛羊.其中的牛柳粒及金菇牛肉卷不錯!蝦亦都新鮮.(喺隻碟度都仲郁緊!)飲品中的酸梅湯及銀菊露仲濃過涼茶舖!好味!雖然回到家裡依然感覺好"韓國"!但這裡的食物及服務質素已比一般韓燒高班!笑臉是值得的.

之前成日同成班朋友一齊去~d台算大,地方好坐...最緊要價錢唔貴`d野新鮮又好食.習慣性`每一次去都會先打電話.如果話無位要等,我寧願揀其他日子再去^^呢度每樣野食都係我既喜愛~去親都覺得佢地d野好好味,好新鮮好整潔.忘記了 128 or 138 一位.星期6 同 星期日 就 148 定 158 .周圍都係甘上下價錢啦.但去過去多間都無一間令我覺得可以同高麗比較.^^ 高麗d飲品..我飲過五花茶,酸梅湯,西瓜汁,橙汁... 每一次都係落足料. 100% 無+水架`我其他朋友就飲佢d啤酒多因為我本身~好喜歡飲野..所以一間食物店除左食物要好,我仲會要求飲品都好先可以.^^無記得` 2-3人以上既就無限時間.我地去親都 6-8人up~所以次次都...7pm 食到 11pm幾先走.好多次係人地要關舖...添.但老細無趕人架~very nice^ d 服務員又好有禮貌~ 呢樣都幾緊要架~ccc最最最緊要~ 一定要試佢個 人參雞湯 @0@ 我去親都飲 3幾碗ccc 同埋佢d 冷盤 ~ 韓國粉絲 同 凍瓜瓜菜菜 都好好食架.我唔食chili~but我d朋友喜歡佢d泡菜so so much ^^

閒日晚上來吃, 本身想食銅鑼灣漢和韓燒, 北角這間老站也不錯, 本人乃常客呢, 間中都要過口隱. 未來過的朋友, 請不要寄望有魚生, 很多熟食, (那是港式韓燒), 及打邊爐, (以前是有龜背燒烤連打邊爐, 不過裝修後老闆說不合消防規格所以取消了... 很可惜. ) 但有很多前菜, 就像吃韓式料理一樣的小食, 約十多二十款, 個人最愛無骨鳳爪和酸青瓜, 還有很多~~ 燒物方便推介是雞冀及魚柳, 當然他們調味很好, 不肥膩, 怎樣知道? 在漢和/漢陽燒烤時, 烤一會鐵板很快會焦, 因太多味精和鹽等結精聚在一起了, 在這裡吃, 一塊板可以用到尾. 因為調味方法好, 烤時煙不多, 通風亦很好, 永遠不會有BBQ 味在身, 這個在什麼苑永遠也做不到. 服務好, 親切, 最無禮貌的已經不見了. 不要看樓下的廣告陳陳舊舊, 裡面是挺整潔的, 而且好幾次食到差不多十一時打烊, 他們不會做小動作趕客走, 反而可看到他們清潔認真, 每台都用一盤很熱的熟水徹底袜淨, 整間舖沒有肥膩及跣的感覺, 太好了. 閒日都會客滿的, 想坐卡位就早點BOOK, 不過數閒日見他們只做一輪晚市, 不會有強迫客人6時半至八時

星期六晚預訂座位,要八時後才有位.由於餐廳位於一間商場一樓,來回走了兩次才找到.起初見到商場裝修殘舊,不禁暗自心驚,擔心會否食完肚痛.但上到餐廳,發覺裝修不差,四周環境也很整潔,才放心下來.這裏的食物實在令我覺得喜出望外,食物醃製得很好,熟食同樣也很美味.再加上服務態度很好,這餐實在令我很滿意.每人用了$150,覺得物有所值,可以再來.

今晚同朋友去呢度食飯慶祝牛一，由於有四個人同預先訂座關係，$128可以唔限時間任燒，响韓燒嚟講算係難得，唔駛大家趕頭趕命係咁攞、係咁燒同係咁食。有好多款不同的肉食，大大話話都有成四十幾種生肉，牛仔骨有兩款，連牛肝、豬頸肉、雞軟骨同蝦都有，開頭以為蝦會淡味同埋會好霉身，但估唔到燒完肉嘅版用嚟燒蝦好爽同好入味，雞軟骨居然唔係得啲骨同埋佢哋啲調味好好，前菜同熟食都有成十幾廿種，連我最鍾意食嘅魚仔都有，見其他網友話人參雞湯好好味，試過後真係唔錯，好有人參味，所以我飲咗四、五碗，生果就有西瓜同橙任食。侍應服務都算幾好，係hardsell咗啲飲品少少，$38一jar酸梅湯或菊花茶，因為韓燒始終係熱氣同口渴，同埋我哋坐個位都幾熱，所以都叫咗一jar酸梅湯，超濃味，如果自己有帶水，真係加水分兩jar飲都得。整體嚟講呢度真係算幾好，如果飲品可以任飲，塊版唔係免費換一次的話，呢度可以話係真係好好嘅選擇。

Lunch Time 和同事去北角吃飯，大家很久沒吃韓燒，便來這吃中午套餐。價錢很實，40元便可吃燒肉，還有配菜，湯，飯，飲品同甜品。我們每人點了不同肉share 來吃，很滿足。每款肉都好入味，又大碟。不過lunch time 時間短，要自己燒又要吃飯，有D趕！Waiters 好有禮貌，餐廳又整潔，我一定會再來。

琴日同男朋友去左呢度食自助韓燒, $128/head, 感覺好好啊~其實係無意之中發現lee個地方o既, 話說上次去同事北角屋企玩, 於是上openrice o向附近搵啖食, 於是發現左呢度有好多笑臉得幾個扁咀wor, 心諗一定要o黎試下!!!呢度比起其他大集團性經營o既自助韓燒多左一份專業同整潔, 雖然熟食欠缺, 只有幾款, 不過個蔘雞湯就好出色 =) 但韓燒o既食材好多元化同好新鮮, 就連雞軟骨, 肥牛卷都有啊~ 我覺得好意外, 而且款款都好入味, 完全燒完唔洗加任何醬汁就可以入口!!! 而且仲有生蝦tim……..正!!! 一餐好簡潔同好豐富o既肉食晚餐, 我覺得值得再到o既!!! 特別適合鍾意食肉o既男士門tim!!!不過都有少少彈o既地方: 1) 飲品太貴啦~ 汽水成 $15罐, 果汁更貴… .>.< 2)另外換o個塊鐵板只係免費換一次, 之後再換就$10一塊…………..wow…如果多人燒, 密密燒的話都幾貴啊~~~

昨天終於約到人, 去試這個任食韓燒.很久沒食這樣的自助餐. 去到看到很多肉, 很多前菜.平日覺得叫一個午餐, 食沒多少片就40, 若能食3個餐就可以回本啦.今回因母親大人同, 一坐下, 我跟弟妹就出動, 回來交母親大人燒, 所以食很快, 所一小時己飽了九成. 之前還在想, 限時2小時, 能不能吃飽呢... 其實應該會吧. 但不能否缺沒有一個專對在燒的, 一定不能吃得那麼快..哈. 其實他可以幫我們換一次那個燒板的, 但見肚子差不多, 所以沒, 可是我在尾聲時才吃燒玉米, 那就慘啦, 原來它吸了所有的油丫, 炭丫..吃不到. 吃滿口都是燶味. 那個雞湯不錯, 我喝了兩大碗, 而媽呢也喝了4碗呢..那兒的待應, 在入坐時很敫勤地推飲品, 但我們都沒叫, 因為菊花茶要38, 西瓜都要98/渣, 我們精打細算, 喝東西使胃變小, 而且還要付錢, 當然不要啦. 我最後還跑了幾轉西瓜, 那個免費的. 食西瓜跟西瓜汁一樣呢. ..好似賺了98元..它還好, 當吃完 會再加 , 牛肋骨,,弟投了一票雞肉, 雞翼我也投一票雞湯..母親大人投一票而前菜.. 全家都投一票結帳 為570.00 偶然一餐

一間非常唔顯眼，但出奇地又平又靚嘅餐廳。話佢唔顯眼，係因為我朋友住響樓上都唔知呢間餐廳嘅存在。而我，響樓我經過幾次，根本就冇注意到呢間餐廳有招牌。就算有，憑嗰個響三樓，又霉又黑嘅招牌，相信好少人會入去。簡直係滄海遺珠，宣傳上嘅悲劇！呢間餐廳嘅裝修好好，暗暗哋好似中式西餐廳嗰隻，啲位夠闊，卡位有皮座位，重有好多六至八人嘅枱，應該會好適合大班人去。午餐燒烤，$38一位，鍾意可以自己燒，驚燒得差就可以叫廚房煮，一樣價錢。一人一碟肉，以價錢黎講，算好大碟，起碼去food court都唔會俾咁多你。重有幾碟配菜，湯、飯、飲嘢同甜品，真係好鬼正。配菜除咗平時嗰啲泡菜之類之外，居然會有韓式炒年糕！呢啲係平時要俾錢嘅特式小菜，呢度就當配菜請你食。而碗湯，其他餐廳俾嘅係清湯，頂多有片白蘿蔔同蔥，但係呢度嘅湯係有湯渣嘅（最正嗰忽），重居然有隻蜆響裡面，簡直係驚喜！飲嘢有菊花茶同酸梅湯揀。好細杯，但係起碼個菊花茶唔係過甜。而甜品係青檸啫哩。唯一唔好係，隻甜品匙羹洗唔乾淨，有啲上手嘅嘢癡咗響度。咁多嘢先至$38加一，去邊度搵？夜晚任燒都只係$128，搵日一定會去。

highly recommend this Korean restaurant to all of you cos the food is delish, service is good and price is very very reasonable!My hubby and I had 3 set lunch today!! (BEEF, PORK and TONGUES).BEEF -- ok good; (could be a bit dry after 'BBQ-ed')PORK -- very good, recommend. (Juicy and tender)TONGUES -- not bad but it's a bit too much for 2 ppl to share a whole plate.... (I know we r too greedy... *____*)$38 per each set lunch. (v cheap, isn't it?) The sets incl. a free drink, a big bowl of rice

今晚約埋幾個舊同事去食韓燒,本來諗住去銅鑼灣漢陽苑,點知打電話去就話香港呢邊全部摺晒,要過海喎!! 更係唔採佢呢 !! 上open rice睇吓邊度好,終於睇中高麗韓國餐廳,因食評多數都話唔錯.上到去第一個感覺就係裝修比起其他自助韓燒要好,如果遊客係度影相,個效果幾好,我唔知點解個度都好多外國人,可能近酒店或者其他呢!!我地係坐窗口卡位,窗口打開晒好通風,但今晚反風轉凍唔係咁好受,終於都係關窗大吉至於食物方面,對我都無咩特別驚喜,味道係比較淡d.金菇牛肉卷,西冷牛肉,牛利係我最喜歡的,其他都係不過不失.熟食方面都好多款,大部分都係菜,我就喜歡炒粉絲同炒年榚,年榚口感好好,Sushi得一款又麻麻地,沙律無試過,想試時無晒又未加.甜品就把鬼,得啫喱糖,附近得良粉同橙....不過個炸萬頭熱騰騰唔錯.總括講吓 : 裝修過得去,燒烤食物都係咁無特別,比起我食過的韓燒就感覺上整齊衛生.我喜歡的泡菜就覺得淡左,不夠地道.甜品等如無得一款,生果無咩選擇,得橙同沙糖吉.最衰就係無得任飲酸梅湯,要比38元一渣.漢陽苑任飲架麻!!本來都有諗過利舞台間新羅寶韓國餐廳,因以前係韓國公司做過,個韓國女人都帶過我同