影片
港铁天后站 A2 出口, 步行约4分钟
继续阅读
电话号码
26868887
营业时间
今日营业
11:00 - 22:00
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
以上资料只供参考，请与餐厅确认详情
唔知點解上海菜硬係令我垂涎三尺，你諗下，鹹食有小籠包，甜食又有豆沙窩餅，想鮮味？亦有有砂窩雲吞雞啵，全部睇落好似做法簡單，但其實極考功夫，呢D咪就係引人入勝囉！👇🏻📌人 氣 推 介 - ▪️ 招 牌 小 籠 包 - $42/隻▫️ 先黎必食既「招牌小籠包」，一咬開裡面包住滿滿既湯汁，新鮮滾熱辣，鮮味十足，豬肉夠嫩滑，正宗皮薄餡靚。▪️ 砂 窩 雲 吞 雞 - $178/半隻▫️ 另一道招牌「砂窩雲吞雞」係上海最經典一環，湯底用新鮮三黃雞熬製，飲落味道濃郁，絕對係真材實料，雞肉肉質相當滑溜，完全唔會過老，雲吞外皮夠滑，加埋大量津白，夠哂飽肚！▪️ 招 牌 生 煎 鍋 貼 - $48/4隻▫️ 另外一款「招牌生煎鍋貼」外皮煎得金黃香脆，裡面餡料做到多汁又鮮味，呢個價錢幾抵食。▪️ 上 海 春 卷 - $42/3隻▫️ 另一道「上海春卷」炸得夠脆身，即使係油炸，但食落完全無油膩感，裡面係全素菜絲，夠哂健康，配搭醋一齊食，份外惹味。▪️ 火 腿 津 白 - $78▫️ 最後呢個「火腿津白」，津白姐係娃娃菜，煮得非常腍滑，面頭既金華火腿，帶住濃濃既鹹香，配搭一齊特別夾。▪️ 豆 沙 窩 餅 - $50▫️ 甜品方面試埋個「豆沙窩餅」，即叫即整，外層香脆，裡面豆沙餡料極多，食落甜度岩岩好，加上豆沙質感綿滑，呢個一定要試！
继续阅读
食物好味，但人情味温暖才讓人感動和回味。因為當晚心情不好，和朋友走到這裡吃了羊肉拉麵和小籠包, 很好吃，所以心情本已轉好。突然聽到店舖播放的歌，又觸動了神經，忍不住哭了出來，出了洋相。 情緒剛恢復過來，老闆娘卻温柔的拿著一碟高力豆沙，輕輕拍拍我：「請妳食甜品，唔好唔開心～」 哇！立即又再感動得再哭起來。謝謝你們！ 讓我知道，無論如何，愛仍然包圍著我。
继续阅读
之前食過佢個 lunch，覺得 $60 有個麵有個小食仲有杯飲品幾抵, 個量又足，加上之前餐廳送左張食滿 $300 送一客豆沙窩餅嘅券俾我地，所以決定會一會佢個晚餐!我地7點到餐廳, 入座率已經超過一半。一坐低，店員就奉上3杯熱蕎麥茶俾我地。我地先叫左花雕醉雞、小籠包、麻醬腐皮卷同水煮牛肉，試下個份量先。花雕醉雞 (半隻) 好香花雕味，食落都好重酒味，雞肉夠滑小籠包 一籠有4隻，皮薄多汁，食得出係用新鮮豬肉做餡麻醬腐皮卷 一碟有6件，用鮮腐竹包住d木耳絲、芽菜同紅蘿蔔絲，由於本人中意食鮮腐竹，基本上佢用鮮腐竹而唔係用炸腐皮黎包住d料已經加左分，但由於全部都係原材料本身鮮味，唔係好需要其他調味或火候，不過見佢包得幾實，唔會一夾就散開，就俾返4分佢啦(p.s. 中意食濃味嘅人可以skip呢道菜)水煮牛肉 食第一啖覺得偏辣，但因為本身肉類唔掛汁，所以食落又唔會真係覺得好辣 (起碼d辣咪唔會累積太多喺口腔內)。牛肉無用梳打粉死乸爛乸食到牛肉應該有嘅質感呢個要加分! 牛肉份量都幾多，但以配料黎講，除左芽菜同菇，其他雲耳、水晶粉皮嘅量就略嫌偏少。(如果佢可以俾人加少少錢加水晶粉皮就無得彈啦!)食完第一轉，未夠喉，繼續叫左炸饅頭、鍋貼同沙鍋雲吞雞炸饅頭 外脆內軟，炸到金黃色，無論賣相同內涵都有齊! 美中不足嘅係: 煉奶太漿，唔係好點到落個饅頭度，如果加返少少水開稀一點點就100分!鍋貼 一碟有4隻，都係食得出係用新鮮豬肉做餡，個底煎得夠脆但咬落去又唔會成口油 (其中一個朋友覺得個皮厚左少少，但我覺得皮嘅厚度適中，太薄會做唔到餅乾果種鬆脆度)沙鍋雲吞雞 隻雞好嫩滑，唔會話淆到老晒；雲吞皮薄，餡夠鮮甜；菜膽份量夠多；雞湯略嫌唔夠濃，估計因為要保持隻雞嘅嫩滑度而犧牲少少湯嘅濃郁度 (始終唔係個個都會飲晒d湯)。食完呢堆野，我地3條友已經飽晒，但仲有個送嘅甜品要上，就惟有食埋佢豆沙鍋餅 略嫌唔夠脆同輕微甜左D，但都係好食嘅，夠脆、食落口唔會成陣油益味!食飽飽本來想坐多陣傾下計，但餐廳D人流真係駱驛不絕，我地只好叫埋單。埋單果刻，店長問我地做乜唔坐下先? 我地同佢講出面有人等緊，唔好阻你做生意 (都真係估唔到D人入極都有，仲要係星期一晚)總括黎講，小店黎講︰食物質素高，服務好，有人情味，價錢唔貴之餘份量仲好足 (人均消費 $220)，CP值真係好高! 建議大家可以定期去幫襯一下，等D小店可以長存。
继续阅读
今日嚟試吓呢間舖頭地方乾淨企理格局就有啲混亂🤪上海式嘢食職員講潮州話播英文歌不過冇所謂最緊要嘢食OK 呢個地方感覺似外國啲埠仔小店全部嘢價錢都幾相宜小籠包幾出色始終價錢比較平不要有太高要求但求飽肚可以嚟呢度👍
继续阅读
放工過嚟同朋友食飯，每日都食西式日式嘢，經過見到呢間小籠包好似好吸引就入咗去，入到去叫咗個小籠包同鍋貼，大概10分鐘左右，謝謝同埋佢會配埋蕎麥茶，忍唔住即刻食，其實一上菜嘅時候幾驚艷，因為佢啲小籠包好大隻，但強烈建議要攤凍少少先食，如果唔係好容易焫親個口，因為我第一隻就已經落到，佢背陳醋同埋薑絲，食落更加開胃，其實仲有叫到糖醋魚同雞雞肉燴面，但係冇影到出嚟，會面嘅質地好特別，一開始聽到個名唔係好想食，但係我個朋友叫到就一齊試吓，以為好似我阿媽整咗啲上海麵咁嘅質地，但係食落去勁香口，好腍身，但係又唔會吸晒啲湯，所以我覺得都可以叫下。
继续阅读