魂 (已搬遷) 新店位置

今天是特別的假期，所以想食啲特別的拉麵。準時六點鐘去到店外排隊，人不算太多，等了15分鐘就有位。機會難得，梗係第一時間叫了碗青龍拉麵。香濃的菠菜味，配搭着豬骨湯底，口感不覺得油膩，麵的硬度選了中，整體感覺很完美。離開的時候，發現門外已經有一條長長的人龍，早到鳥兒有美食

一直聽朋友講銅鑼灣有間拉麵店很有名，以為是近月在各大媒體見到的名店，但原來是一間相比之下接近零宣傳的小店。其實魂在此區應該很有名氣，因為六點半已經見到店外有人龍排隊。其實我一向覺得美食隱於市，能在銅鑼灣不作大宣傳仍屹立不倒的肯定有過人之處。我也暗暗期待呢～今次選了較少見的青龍，聽名字很有氣勢，其實是菠菜豬骨湯底，麵硬度選了中，湯底選了正常。實在很欣賞日本菜的擺盤每碗都一樣精緻，先飲湯，好香濃的豬骨味，而且很有質感，不是水汪汪的湯底，麵也很彈牙，菠菜味雖然不算太出，但是見到有點點菠菜蓉，證明真材實料。好好味最後連湯都飲光，我會再光顧的！在香港連鎖食店林立既情況下，我更欣賞小店的堅持，希望可以發掘更多美食 ：)

This indie ramen store has a very authentic vibe, just like what you would find in the back alleys of Japan. Seats are a bit crowded at the Causaway Bay store and there are dividers between each seat. Their ramen is served with different kinds of toppings, thick noodles <3 and tonkotsu base. I ordered the Tamashii. With $89 you get a bowl of original tonkotsu flavored ramen with nori (seaweed sheet), black fungus, ajitama (seasoned soft-boiled egg), narutomaki (fish cake with a pink spiral p

聽講魂既拉麵唔錯，去完書展行完一大輪又行左一大個圈黎到，晚上八點多，前面大概有十個人排緊，但等左大概10分鐘左右就可以入座。店入面空間較為狹窄，無論坐四人枱或者吧枱，人與人之間都幾親密的。不同湯底都有非常特別既名字，青龍（$99）就最吸引我，所以好自然就揀左佢。依度既拉麵配料係我食過最豐富既，除左好多鋪頭都會有既叉燒、粟米之類，仲有蘆筍、荷蘭豆、蟹肉，蘆筍上面仲要一小匙魚子醬。飲左一啖湯已經好驚喜，有好濃郁既豬骨味但唔油膩，硬度中等既麵條開頭食有少許硬左d，但繼續食就冇問題。叉燒一夾開好易變成肉絲，非常鬆軟又唔會太鹹；飲左濃郁既湯底可以食返蘆筍同荷蘭豆平衡返，略嫌荷蘭豆生左少少；我最期待既玉子相對比較鹹，我個人都食得鹹既但依個玉子都係重味左少許。其實而家食拉麵普遍都要近一百蚊一碗，魂既青龍雖然索價99蚊但我覺得係值既，佢既湯底會令人有再黎試其他味道既魔力，下次一定會再幫襯試下太極。

有天與友人提及想食拉麵，友人便拉著我來到這一間拉麵店─「魂」可能用膳時間比較早，六時多便入座，不需要輪侯位置當我們用膳過後，才發現門外有不少人輪侯位置先談環境，環境略為擠逼，但香港食肆大多都是這樣租金貴，沒辦法，我認為食物才是重點再談食物，我點的是「太極」，友人點的是「青龍」可能我點的醬油是中味，故此湯底也沒十分濃另外認為墨魚汁的味道，有點淡，吃不出鮮味只可以說不過不失但是友人點的青龍，卻令我喜出望外，菠菜汁十分鮮甜，沒有被豚骨湯底蓋過值得一試的菜式後計價錢，不算昂貴在香港，吃一碗拉麵，動不動也差不多一百元故此價錢是可接受範圍總體來說，雖然說是不過不失，但是仍然是值得一試的拉麵味。

再試魂,今次試埋火魂同太極,首先講左火魂,火魂微辣又略帶酸,十分開胃!!!配上些少0既三文魚肉碎. 相當配合,不過三文魚肉碎就真係肉碎, 少得相當可憐,如果多D就PREFECT!!!太極反而相對地失色,只係係豬骨湯底上配上味道唔太突出0既"墨汁"加上可能老婆選擇最濃0既湯底,所以食0既時候相當"厚""同"膩"!!!如果大家有機會去食,建議可以選擇"中"濃度0既湯底,應該相當不錯.魂, 整體水準都好OK,服務又細心體貼(大緊肚0既老婆等位時,特意安排一張摺櫈比佢坐)又是一間五星級食店!!!強推!!!

放工約左Yan & Yin去銅鑼灣食飯,想去魂好耐了,平日的夜晚,唔多人,等左陣有位了。拉麵有五款選擇。等位時順便揀定食乜。是小小的店子。懷舊日本零食。青龍,$99。青龍,是秘制菠菜汁配豚骨湯底,好特別呀,湯底稠身,菠菜汁味道濃,配料有叉燒、玉子、蟹肉及魚子醬,要了軟身拉麵,好彈牙,糖心蛋好味,日本叉燒味道正常。食物正常水準。

魂！我慕名而來食既拉面。我叫左個魂拉面，上面得個一叉燒，心諗會唔會太少又唔係大塊，我上星期食豚王都2塊大大塊啦，中國人都講過要好事成雙啦，但我算！唔只叉燒，仲有紫菜，木耳同半隻糖心蛋。事關我上星期先食完豚王，記憶猶新，所以我會同豚王比較下，佢地邊個做得好D。我食左魂，姐係濃豬骨湯拉面啦，面身就㨂左硬，醬汁㨂左濃。先講個湯，會比較結，同平時既拉面鋪唔同，同埋真係夠濃，如果我係醬汁揀左濃，我相信應該會好咸。雖然個碗湯係好濃，但唔係味精湯個種味，所以湯我會俾好高分下，但面我就覺得佢俾豚王差左D，豚王我都係揀左硬同扁平面，佢真係比平時硬，同埋隻面係真係好好咬。可惜魂既面，我揀完硬都好似冇硬過咁，同埋隻面唔算話好食，俾我既感覺有D似辛辣面。叉燒就真係唔洗講，豚王多又多過佢，大塊又大塊過佢，好食又好食過佢，如果去多次我都會揀豚王。

紅魂的蕃茄湯底十分濃郁，拉麵的軟硬度適中且入味，湯汁的精華完全被麵所吸收，再加上三文魚碎的點綴，每一口麵都是那麼可口。溏心蛋也非常好吃，有很濃厚的蛋香。叉燒的肉質也十分嫩，最可惜只有一片而且很薄。愛吃叉燒的大家記得要追加叉燒喔。

今日去左食我其中一種喜愛食嘅食物--日式拉麵。 諗左好耐..... 係銅鑼灣附近咁多間 都係揀返呢間 雖然店內位子不足 但不論風味同環境 都係最好嘅 (等左大概15分鐘 因為準時去到食) 我order左最原汁原味嘅豬骨味 個湯濃到不得了 真係feel到係豬骨味咖! 又好膠 一個字 正! 另外, 面係彈牙既，佢同其他店一樣都有得揀面嘅軟硬度 強烈大家去try try

我自己唔算十分喜愛食拉麵既人, 不過簡唔中都會陪下友人去下不同店舖試下...但個人此終都係喜歡豚王, 不過來過魂之後, 我就變左心...認真覺得一碗拉麵要買成$100真係有點貴, 不過當食到個濃郁既湯底時又真係覺得物超所值...此店亦俾我一這個同感..第一次來平日晚上7點幾都要係門口小等我點左個太極(墨魚汁配豬骨湯底, 有少少既蟹膏)友人就點左個青龍(菠菜汁)我點既墨魚汁唔算好突出反而咁樣會有豬骨底既味道, 至於蟹膏都係得少少有點可有可無既感覺...而我最喜歡就係佢地D麵質軟硬真係做得剛好, 整碗麵最正唔係叉燒係唐心蛋, 蛋味十分濃郁..試左友人既湯底, 相比自己既湯底我更喜歡佢既湯底好香蔬菜味減少左豬骨既油膩感好清甜非常好味, 下次再來我都要點青龍來食.

一個下雨的周末，放假。。。憂鬱的感覺必須要以美食填補～很喜歡跟這位朋友吃飯，因為沒有「我不吃這，我不吃那。」的挑剔，也沒有「這太大份，這太多了。」的顧慮。友人讓我從銅鑼灣三間拉麵店中選擇，最後毫不猶豫地選擇了「魂」，這小店數年前已相約過朋友去吃，遺憾地最後不成事，今次的即興午餐，可謂填補了某一時期的空白。店子不大，但人滿滿的，裝修與街道的其他店家格格不入，但滲著淡淡的日本小店風情。。。由於午餐的關係，只有「魂」，「火魂」及「太極」可以選擇。。。我點了「太極」，而友人點了「火魂」，還有日本梅子雪碧。日本梅子雪碧 － 還以為是日本限定的特別版，原來是盛載著冰＋一粒梅子的杯及一罐雪碧。友人讓我試了一口，沒有啥特別，是我忘記了雪碧的味道？太極的墨魚汁很濃，味道很鮮而不油膩，麵我選了中，所以不太硬也不太軟, 不錯～這是友人的，試過那湯，也許只喝了一口的關係吧，感覺不太辣，至少比韓國麵的辣度輕很多。。。三文魚的味道也很好，沒有問過友人，但相信整體應該很好吧。。。友人說下次要試「魂」，而我則想試「青龍」，期待。。。只有說，如果要在銅鑼灣吃拉麵，最出名的兩間都不是我杯茶。

下午想起食一碗拉麵，於是就黎到銅鑼灣時代天橋底既”魂”拉麵。我地去到有6~7 人排緊隊，大約等左20分鐘就可以入坐。排緊隊既時候，就俾左張麵紙比我地畫我點左”太極”， 麵軟硬度要”中"，湯底都係要"中"坐左入去後，等多3~5分鐘就有得食一碗簡單既拉麵，師傅排得整整齊齊蔥花，木耳，嗚門卷，半隻糖心蛋，一大片紫菜配菜已經咁有心機拉麵既三”魂”湯底用左濃郁既豚骨湯，再加墨汁然後再將一少份既金箔和蟹膏混入湯底中甜而不腻，湯料各有各既出位因為有芝麻，湯入面仲散發出淡淡既芝麻香最後我將個湯飲哂！麵質方面，我選左”中"軟硬質煙靭爽口彈牙，唔會因熱湯而變得太無口感而且麵條都好掛湯最後就係不得不提既輪胎叉燒半肥廋，入口油香有濃肉味雖然係得一片叉燒，但係好味既野適量就夠啦，一片岩岩相比起其他拉麵魂既水準真係好高
個人覺得係香港暫時最好味既拉麵

星期六的中午，終於等到朋友下班了，因為時間不多，不想到茶餐廳，朋友推介了「魂」拉麵。食店感覺似縮細了，只有右邊的的鋪位。踏進店子，已聽到店員大聲以日語歡迎我們，很有日本地道風味。下午只有魂、火魂、太極選擇，晚上才有青龍、猛虎。食店地方雖小，但擠了十多個位，的確很擠迫，感受到其他人在我身後擦身而過。坐在這裡可以欣賞師傅準備拉麵的過程，一個煮麵放湯、一個就擺放材料，分工合作。朋友點的「魂 」$89: 濃豚骨湯、叉燒、玉子。我只呷一口湯底，湯底濃郁，而且感受到骨膠原的黏口，好正，下次我再來我可點這款。太極 $99: 覺得魂有點普通，於是點了黑漆漆的墨魚汁拉麵，叉燒上的蟹膏，有金箔點綴，感覺份外名貴。湯底濃厚，不過難以形容是什麼味道，雖然也有豚骨湯但沒有黏口度。叉燒瘦肉、脂肪分佈均勻，所以口感會嫩滑。拉麵跟米線一樣粗幼度，掛湯力強，十分有彈性。為尊重日本拉麵文化，我以「雪雪」大聲地吃著美味的拉麵。半熟透的溏心蛋，顏色呈橙黃色很吸引，令人齒頰留香。我前後品嚐過豚王、一蘭、神虎等出名食店，然而這間「魂」是暫時我認為最美味，適合我的口味，份量大小適中。

濃豚骨湯 ( 7.5/10 ) $89有叉燒，玉子，紫菜，木耳同蔥。拉麵嘅份量適中，唔算少。玉子好出色，蛋黃熟得黎唔會熟過頭散哂，蛋白有吸收到湯嘅味道。叉燒同樣出色，肥瘦比例剛剛好，唔太有肥膩感 個湯豬骨底好濃好滋味，唔覺有太多味精。整體黎講算唔錯，下次會試其他味！