魔膳廚房 (已結業)

魔膳廚房係觀塘都開咗好一段日子，如果以前係觀塘食lunch要$60-70真係幾貴，但周圍都加晒價要$50-60又唔算好食，魔膳相對真係抵食鴨胸意粉，原條焗，好香，咁厚肉整到軟身又唔生真係厚切豬扒，第一次食好淋軟，一啲都唔鞋，個汁又好味，不過食完後，隻碟好多油，但真係食得是福，唔好理啲油啦！芝士豬肋骨份量好大，上枱時好香，BBQ source味好重，肉可完全離骨不過咁大塊芝士，但芝士味較淡。另外，點咗個黑松露雜菌意大利飯，外表比其他菜式較平凡，但，但，但原來係咁多樣之中最好味因爲覺得意外地好味，無補影相就食晒，味道好贊，但如果想食到意大利飯正中心硬，佢呢個唔係，不過都係食到粒粒口感，我個人較喜歡呢個熟飯嘅質感。主菜分星期一三五，同星期二四六兩set不同食物連飲品，加錢可選湯或湯連任食沙律吧，主菜咁大份都食唔落個沙律。可加錢轉飲玫瑰菠蘿soda，朋友飲咖啡，都幾香，另外凍檸茶都好清唔會苦澀，如果喜歡茶餐廳過種濃紅茶，呢到唔係，但我就是喜歡佢清香不苦澀味道，我習慣走甜飲。

近APM而唔洗搭𨋢、唔洗點等位、價錢合理又好味嘅餐廳，都無乜幾間。呢間嘢地方夠大，坐位寬鬆，招呼夠好，嘢食又唔差，所以連午餐都要嚟幫襯吓！每次嚟到，最鍾意佢個熱辣辣面包，鬆軟又夠香，加埋個成日轉嘅湯，餓到傻都即刻比佢征服。今日試咗個冬陰公海鮮意粉，冬陰公未夠泰式咁正宗，但都夠香、夠味，意粉軟硬度適中又唔乾，唔錯。另外叫咗個豬扒意粉，肉唔硬夠淋，保持水準。上菜速度都好快，唔會等到天荒地老至有得食。跟餐飲品同平時散叫一樣咁大杯同抵飲，咖啡仲係即磨，唔會因爲午餐變咗細杯或者將貨就價。埋單速度都好快，啱曬我哋食飽要返公司交人嘅打工仔。

工廈越嚟越多平靚正餐廳，今次就去咗觀塘工廈覓食😋地點好就腳，一落天橋行兩步就有樓梯上去。橋梯兩旁掛咗好多畫，可以感受到餐廳嘅心思。門口有一幅花牆，行入去又有另一番景像。餐廳好寬敞舒適，同出面熙來攘往嘅馬路形成好大對比。對於有選擇困難嘅人嚟講，嗌dinner set最好，唔洗煩😂餐湯有雜菜湯同野菌忌廉湯，味道好濃郁，餐包亦好鬆軟。每人加$18就可以任食salad bar🤓薯蓉好綿，田螺爽口，乾淨冇沙粒👍🏻意粉配露笋、車厘茄、龍蝦汁一齊煮，軟硬適中，但係龍蝦汁味略淡。大虎蝦有驚喜，兩邊煎香，肉質爽口鮮美🤤和牛漢堡扒勁厚，肉汁豐富，牛味好濃。薯角就熱辣辣香噴噴😌甜品好精緻，以乾花點綴，令人少女心大爆發😍Mousse滑而不膩，咖啡味恰到好處🙂最後餐飲叫咗熱檸蜜同熱玫瑰蜜花茶，心滿意足歸家去🥳

將近聖誕，和同事到魔膳食LUNCH。聖誕三色芝士焗豬肋骨配薯角三色芝士鋪滿成條豬肋骨，十分吸晴，如果係芝士愛好者，推薦一定要點這個。原本以為那麼多的芝士會好似韓國芝士排骨咁多吃會膩，但佢的醬汁應該有特別調配過，和平時食的醬燒豬肋骨不一樣，配搭三色芝本都無咁膩。而豬肋骨肉質剛剛好，不會太腍，肉味香濃。龍蝦汁帆立貝海鮮扁意粉海鮮好足料 ，餸同意粉嘅比例幾乎一比一，性價比高。扁意粉吸左d 醬汁味 ，唔會太乾身。安格斯牛仔骨配和風燒汁牛排係厚排黎 ，7成熟唔會上到檯就變左全熟，咬落去仲好多肉汁。

我哋一行三人相約食晚餐，到達後眼見座位寬敞，感覺整潔，燈光比較柔和，挺舒服。訂了三份主餐。滿平均每人180，每客都會附送自助素菜，可以到店中間自助吧自擇沙律及水果，種類並不少，只有一款水果沙律、普通沙律菜、青瓜、西瓜、番茄、罐頭菠蘿、啫喱等......主食賣相精美，味道正常，水準算好。特別要讚的是它的羊扒，烹調控制時間好，肉汁多，肉質嫩滑。不過，我們在享受晚餐的時候， 一班大約20人正在舉辦公司聚餐，佔了場的三份之一。 他們聲量比較高，有時突然興奮尖叫喧譁，更有位主持手持小型喇叭說話。我們的座位已經是比較遠，但他們主持的話我們 清清楚楚都聽到，玩什麼遊戲都聽到。在旁的食客跟我們說他們跟經理已經投訴，不過沒用，其他員工也冷眼旁觀，只是說不好意思，會跟他們說降低聲量。可是，真的沒有降低。超打擾我們和其他人用餐，有的要求轉位調枱，未下單的都趕快走。我覺得經理和員工有責任要處理這事，我們也是客人，預期舒適用餐，而不是在酒樓上嘈雜環境食飯，他們的處理手法上太差了。其實公司聚餐不是包場，為何要用小喇叭說話，我覺得他們很真的很自私，為何不去有包廂的地方，要在一個公眾場所迫人聽你們的喜悅，要知道突然尖

今日同朋友黎到呢到食野，一入到去就見到呢到都好大，如果一班朋友黎食都仲得。我地就叫左雨樣野仲加左個自助沙律吧，沙律吧外型好靚，用左唔同既彩燈。而且款式都唔少，沙律、水果、蔬菜各樣野都有齊哂，而且都好新鮮。特別係沙律，食物既配搭好好，用左好多生果，而且會不斷換新既，保持新鮮。 叫餐包左餐湯，而餐湯有兩款，我地就每款都各叫一個，兩款都煮得好好。雜菜湯辣度岩岩好，刺激味蕾又更加提升雜菜既新鮮味道。最正係忌廉野菌湯，唔單止煮得好稠好濃郁，而且飲落有粒粒野菌，加埋忌廉既味道，又幼滑又好飲。 第一個主菜一到我就已經雙眼發光，就係呢個德國烤原隻豬手配薯角跟黑椒汁，豬手應該係用左幼豬，肉質好嫰好滑，而且每一件都唔算大件，唔會多肉少皮。肉唔單止嫰滑，而且醃得好好，香得黎又唔會太鹹，加埋充滿膠質既皮，無論係點黑椒汁，定係連埋酸瓜一齊食都好正。而薯角亦都有特別既地方，就係外皮炸得特別脆，比一般既薯角更加好食。 另外香煎帶子黑松露意大利飯到埋，就流哂口水，意大利飯煮得好正宗，唔會好似一般既意大利飯咁煮到好似稀飯，而係硬中帶軟。黑松露既味道調得都唔錯，香味配埋意大利飯好夾。而香煎帶子亦唔錯，好大粒，而且煎到半生

昨日去完觀塘廣場買完電腦用品後見肚餓就搵下附近有咩餐廳醫肚。平時都知道觀塘嘅工廠大廈有好多樓上餐廳，經過開源道見到有棟工業大廈正門有個好光猛嘅入口就入去睇下，原來喺一間餐廳嘅入口嚟，心郁郁就上去睇下。門口有個好靚嘅花花background就試下啦。入到餐廳已見到一個沙律bar同少量甜品,  店員話跟餐加$38 就可以任食。先點了2個餐湯，德國烤豬手同店長推介自家製海膽汁海鮮意粉後就去夾沙律慢慢嘆。沙律食了一半意粉就來了，上菜嘅速度都好快。意粉個醬汁相當香濃，淡黃色嘅醬汁食落好重海膽嘅香味帶有少少甜味還有隻大大隻蝦同其他海鮮配料，味道不錯。到烤豬手來了，份糧都頗大件配黑椒汁同脆脆薯角。平時食開炸豬手個皮炸到脆脆地較硬身，今次呢個有dd特別，皮仲保留軟身QQ的好有口感。最後叫了杯玫瑰蜜花茶同咖啡，飽飽地抱腹回家。

觀塘一向都多工廈，越來越多餐廳走工廈樓上舖路線！我將會由呢個靚靚門口帶我到另一境地！室內裝修一啲都唔失禮，仲好有格調添！地方大，佈置裝飾亦很有心思！餐廳中間有個沙律及甜品吧！用冰keep住個溫度，非常企理！跟餐＋38就可以享用埋喇！白：黑松露忌廉湯～好滑而且黑松露味濃！紅：雜菜湯～足料，口味微辣，好開胃！餐包都唔係一般嘢！係微暖嘅提子包，搽埋香滑牛油！心都暖埋呀！香煎帶子黑松露意大利飯（HKD168）～意大利飯非常creamy, 主菜帶子亦同配菜雜菌、洋蔥好夾，加埋個黑松露立即矜貴多了！香煎三文魚柳配藜麥沙律（HKD178) ~雖然已經join咗個沙律吧，但平時食太多肉類，食多啲菜都係好嘅！何況呢個沙律有非常健康嘅藜麥，個沙律用咗黑醋汁調味，而個三文魚有配著另一個汁，係芒果加一些香料，伴著有果香地食，一流！！左：熱玫瑰蜜糖花茶（跟餐+3）右：熱檸檬蜜（跟餐+3）兩杯嘢飲都用一個好靚嘅杯裝住，size比平時嘅熱飲杯為大，味道清新怡人，可以慢慢飲慢慢傾！

觀塘有各式各樣的餐廳，中午時又再尋覓。看到一家人山人海的店，打算試一下。店內裝潢乾淨俐落，食物環境質素屬中高檔次但價錢平價，午市性價比極高。店內加20元可轉沙律吧，主要看個人食量再決定。龍蝦汁帆立貝海鮮扁意粉龍蝦汁跟意粉比例合適，意粉上吊掛的醬汁剛好，味道夠而不過稠。意粉粉質偏硬身帶爽，個人比較喜歡這種口感。帶子及海鮮用料足，餸可以伴住粉吃。香煎美國西冷8oz 配薯菜跟黑椒汁牛扒整件大塊厚身，七成熟牛扒帶肉汁，咬下油脂香滲出，肉味香濃。肉質鮮美結實有彈性，咬下肉香濃郁，惹味十足。薯條口感像薯格，形狀較粗身，外脆內軟。安格斯牛仔骨配和風燒汁牛仔骨份量有足足三大片，每件肉質幼嫩，咬下柔軟，醬汁滲透入牛仔骨，香濃惹味。套餐湯+10hkd 紅湯白湯不過不失餐飽溫熱微脆配上溶牛油，不錯。

偶然行過見到佢有lunch buffet就上左去喇~其中一個食buffet嘅原因系因為諗吾到/吾想諗食咩 😆去到見到乜食乜 不知幾爽 😂呢到有吾少甜品糕點竟然仲有棉花糖機 真系嘩左聲 ~waitress姐姐仲好有心機教我哋點用 😁salad bar系必須要先食的 ~吾只有不同嘅蔬菜生果仲有幾款醬料有兩款湯一於紅白雙煞 😋紅湯番茄味濃不過本人比較喜歡帶辣的羅宋湯白湯都幾creamy 飲完都覺得幾飽 😁基本上 咩都食下 比較中意瑞士雞亦 白汁薯容魚 紅酒燴牛面肉 肥牛烏冬😋甜甜的瑞士雞亦食落啖啖肉魚吾會煮得太淋 同埋加埋薯容一齊食都幾好味牛面肉炆得不錯 軟淋度剛好烏冬偏甜 都幾好~真系有吾少甜品 糕點連芒果糯米飯都有 😁另外冇影相仲有好多drinks 有芒味 荔枝特飲 吾系得個甜味嘅 "糖水"仲有幾款吾同嘅花茶 任你針 愛美容嘅女士最岩 ☺重點系做梗優惠一百大元都吾洗真系平靚正嘅選擇

官塘好味西餐推介～!前2日約左舊同事喺官塘食飯，佢話有好介紹。原來就係魔膳廚房，呢間我之前都有食過，記得佢個lunch buffet好抵食，性價比甚高！餐廳就喺觀塘地鐵站附近，行兩步就到。要經過一條長樓梯上去，d裝修感覺好有Harry Potter feel ~!Set Dinner 大概百零蚊一個，都有幾多選擇。我哋最後選咗煎三文魚扒配蔾麥沙律，同自家製海膽汁海鮮意粉share黎食。跟餐加$38仲有自助沙律吧，甜品,沙律,水果都係任拎，絕對加得過～!餐湯我哋分別叫咗一紅一白，紅湯係意大利雜菜湯，嗰白湯係勁香嘅黑松露野菌湯！依個就係誠意推介！香煎三文魚柳配蔾麥沙律 - 個三文魚柳勁大舊，前得好香，下邊個sauce落咗新鮮嘅芒果，酸酸甜甜，好開胃。配埋蔾麥沙律，夠晒健康。自家製海膽汁海鮮意粉 - 依個意粉朋友之前點過，佢話呢個係呢間餐廳嘅必點之一！個海膽汁好creamy, 亦好濃郁，應該係用海膽溝埋忌廉同芝士，所以味道好rich。醬汁配埋大蝦，青口同魷魚，簡直係perfect match!食埋甜品後，點買杯熱嘅茉莉花茶同冰凍嘅cappuccino 作為呢餐嘅總結，非常滿足～!

魔膳廚房假日午市自助餐 成人價$88 ..小童價$59 就可以2小時內任食任飲了！星期日的中午到達已經見到聖誕佈置，充滿聖誕氣氛呀！ 🎄🎄首先有沙津生果吧！仲有2款西式湯選擇！食物選擇都不小呀！有黑松露忌廉焗魚柳(內含薯蓉). 煙肉芝士焗西蘭花. 鮮茄豬扒.蒜蓉炒雜菜.日式照燒雞扒.瑞士雞翼.日式洋蔥金菇牛肉炒烏冬.煙鴨胸蜜桃炒意粉.菠蘿海鮮炒飯.炸魚餅...個人大推法式紅酒燴牛面脥肉 ！牛面脥肉入味又夠嫩...我不斷一食再食！推介！另外，雞翼同薯蓉都很得我心！我來來回回拿了好幾碟呀 🤣🤣飲料選擇超多又有特色！有芒果特飲同荔枝特飲，及多款茶包提供，總有一款合你心水！甜品都好多選擇的，女子吃甜品是另一個胃吧！🤫多款泰式甜品，仲有芒果糯米飯添！令人讚不絕口！友人的小朋友超級喜愛爆谷，小型朱古力火鍋，同埋卑小朋友自製棉花糖機提供，小朋友食同玩得都很開心呀！今次的午餐自助餐，簡直係抵食夾大件！性價比超高的！

約了觀塘返工的朋友仔食晏當然由她帶路 ... 去了 apm 隔離的工廈開餐午餐選擇頗多，午餐包了餐飲 ... 朋友仔 +HK$5 點了杯 青蘋果梳打另外仲有其它追加優惠餐湯和餐包 +HK$10Parma Ham 伴哈密瓜 +HK$22糯米釀香辣雞翼 2 隻 +HK$23... 我們 +HK$38 配了份白酒煮活藍青口朋友仔點了份推介的 ... 厚切豬扒配洋蔥汁跟意粉 HK$68豬扒超大塊，有大半隻碟的大小，肉質鬆軟好味配上蔬菜和意粉，大胃王都夠飽肚 !!!愛食牛的儍媽點了份 ... 香煎美國西冷 8OZ 配薯菜跟黑椒汁 HK$138煎香的西冷上面的網紋好吸引 !!!邊位帶點油筋，厚切的西冷肉質厚實有嚼頭，與油筋一起入口食超來香口又不會肥膩儍媽 +HK$5 配了杯 Caffe Latte** 以上分享是以我的口味、喜好和情況作出分享及感受，一試 / 合用與否請自行決定

今天晚上去了魔膳廚房吃晚餐自從他餐廳轉手了後食物比起以前有些進步今晚我哋兩個人帶咗兩個set dinner前菜有周打蜆湯同埋熱辣辣嘅餐包呢度嘅餐包一般嘅甜餐包裏便係有啲果仁同埋提子乾其中一個餐包田園沙律佢既柑咁好甜蒜辣忌廉汁聖子意粉味道好好食！ 意粉彈牙！入邊有好多海鮮 如八瓜魚 魷魚佢意粉個汁好香濃嘅蒜同忌廉味以佢嘅意粉掛汁掛得好足所以每一啖都食到好多醬汁兩個人永遠都食唔晒嘅德國鹹豬手配菜有薯角沙律菜同埋德國酸菜但係可惜今次啲酸菜有怪味餐飲叫左玫瑰花蜜岩岩上黎時以為啲色素咁勁點知只係杯既顏色原本一餐只可能會比一般嘅評分但係因為佢嗰日聖子意粉所以令到我比好評

因為朋友在官塘上班, 甘就約佢星期六放工後去食個 BRUNCH, 佢揀左呢間!我本身吾太熟官塘既路, 但其實好近地鐵站, 不過門口相當吾顥眼, 好容易 MISS 左!BUFFET 既選擇吾可以話好多, 但都足夠, 炒意粉出色, 乾身夠味, 軟硬度適中, 炒飯就只有色沒有味!豬扒有點鞋, 過火了, 但瑞士雞翼好入味, 好林!加30元可以配主菜一款!我叫了芝士龍蝦, 實在驚喜, 重芝士, 龍蝦又有膏!朋友要了豬助骨, 好 JUICY, 脂肪同肉既比例好好, 份量又大, 個肉亦滑伴碟薯條外脆內軟, 新鮮即炸, 好鬆化泰式甜品吾會太甜, 口感煙勒要大贊呢度既服務, 每位都好友善, 飲品選擇好多, 茶都有數款, 可自行入落茶包, 如果餐廳有蜜糖供應, 可加入茶內會更完美!