魚蛋佬

营业中

休息中

魚蛋佬這麼多年來在太安樓都係堅好味的平民小食! 魚蛋佬未入鋪之前是由一位道友開的小販魚蛋車仔檔, 不過由於佢的食物煮得好好食, 很多人光顧, 賺到錢後便入鋪! 小弟很喜歡食佢的魚蛋和牛丸！除了醬汁好味外, 佢的魚蛋亦夠彈牙, 牛丸亦不會死死實實!所以佢由廿世紀走到廿一世紀仍然屹立於太安樓, 沒有被時代淘汰!不過, 食依D平民小食, 千萬不要問環境和講衛生!太安樓是什麼地方我估許多人都知! 平民地帶, 收6元一串魚蛋! 要衛生和舒適, 這裡就一定無!

係西灣河返工返左幾年 見證住太泰樓既食店又執粒又轉營咁 唯有魚蛋佬做左咁耐都仲有咁多人食!!! 本人放工有肚餓感覺都會黎食返串魚蛋佬🍡魚蛋佬只賣幾樣產品 食過魚蛋 腸仔同齋最後都係魚蛋最好味好重點都係佢既汁好好味呀我譚仔只可以食5小麻辣 都可以接受到6蚊串好抵食 好味過旺角任何一間食店😂同埋依間店舖衛生情況算唔錯 都叫係企理暫時食過左咁多次都冇肚痛溫馨提示 最好即場食最好味 唔知點解外賣冇咁好味 我諗係d汁係晒個袋度仲有佢起碼成4點先開門架 唔好摸門釘嘞

依檔魚蛋，由細食到大，由魚蛋佬做到交比魚蛋仔，係出色既...而且主要食佢個汁魚蛋用中小型魚蛋，唔係細細粒實啲果隻...唔洗諗有無魚味，都話咗，食個汁嘅！其他野都係平時街市買到既貨，而好味小小嘅我諗就係牛丸囉個汁係唔係咖哩...係沙嗲汁，以前魚蛋佬時代個汁係濃味小小，無咁辣，依家魚蛋仔時代就輕微地辣多咗，個味就無以前咗香濃以前依檔野係車仔檔，無定向開檔架，一賣晒就收檔，通常七點左右就收檔，依家入咗鋪，位置不變，但係就開長左時間佢好算多喺雜誌介紹架，但係有機會嚟太安樓，記得要試下，真係好正，想試多啲個汁，可以食齋但係最緊要一樣野，千萬唔好take away ！！要即食，因為入咗膠袋之後果d丸/腸/齋會出返水，會溝淡左個汁，個味差好遠架，而且係唔會額外比汁你

太安樓入面好多好正既美食￣﹃￣，魚蛋ed小食雖然簡單製作，但個沙嗲汁絕對係精髓，一串魚蛋好唔好食，絕對係靠個汁泥昇華(σ°∀°)σ..:*☆，$6 5粒魚蛋雖然唔算平，但如果你有試過，真係會覺得值，而且一試難忘，魚蛋如果淨食會好普通，自己屋企都整到，但個汁(*๓´╰╯`๓)♡，如果你食埋齋，幾舊齋吸曬d汁要埋魚蛋魷魚拎走，個膠袋入面全部都係沙嗲汁，如果冇食過，就要去試下la。每次經過都係好多人排緊隊，但因為員工手腳快，我最耐都只係排5分鐘咋(*˘︶˘*).。.:*♡

是日路過西灣河太安樓，之前早已聽講呢度有間叫魚蛋佬嘅食店，賣啲魚蛋又好食又平，於是趁今日幫襯左鋪頭嘅裝修極之簡陋，我晏晝三點幾埋去嘅時候，已經有人喺度排隊等緊買魚蛋，我前面仲有兩三個人，不過個哥哥仔好快手，唔駛1分鐘就輪到我我買咗兩串魚蛋,同埋一串據聞係必食嘅齋，同我朋友share。魚蛋一串＄6，齋就一串＄5加埋都只係＄17姐。魚蛋同齋沾嗰個咖喱汁係一樣嘅，有少少甜甜地，但唔係太辣。都幾好味，不過可能係希望太大，失望太大，冇我想像中咁好味，但都值得一試。

太安樓呢間魚蛋，由細食到大，超好味! 10多年嚟加過價嘅...$5 加到 ..... $6 xD $6 有5粒，ok 啦! 開響一個唔起眼嘅角落，舖位有啲細，所以未去過嘅可能要揾一搵，同埋晏晝3：00後先開檔，所以唔好咁早去到! 魚蛋汁超多，一定會滴，係一。定。會。所以真係要小心! 我試過兩次滴咗咖喱汁落對新鞋到 ... 勁低能 =_= 其他嘢我都少食，不過全部$10樓下 : ) 地下會貼心地有個箱俾你擺食完嘅竹籤，唔好隨地拋垃圾喇!

太安樓嘅野食，出名平靚正，一場嚟到又點可以唔食埋呢間出名抵食嘅魚蛋佬呢，雖然佢細細間，唔多顯眼，不過都幾多人排隊架。我地就揀咗魚蛋同埋魷魚。一串五粒魚蛋賣6蚊，而魷魚就賣8蚊，市區嚟講，呢個價錢都算唔錯架喇。佢嘅醬汁都幾多，一層厚厚咁包住粒魚蛋，一拎上手就係咁滴。唔食得辣嘅我表示，好蠢咁樣一大啖咬咗落粒魚蛋到，點知辣到hihi⋯⋯ 魚蛋唔算彈牙，但醬汁好惹味、甜中帶辣，最正一定係魷魚，口感爽滑，幾蚊就有一串，抵食！

魚蛋哥🗣你真係好難搵呀！行左三個圈終於搵到啦！位於西灣河太安樓一角不起眼嘅小店，好多人推介話必食去到唔洗排隊，可以即買即食！買左4串魚蛋同3串齋。雖然只得一個醬汁選擇，但個醬汁超好味，係老闆秘製嘅咖喱汁，味香帶少少辣，質地濃厚，怪不得可以一汁走天下。魚蛋爽身彈牙，好有口感。齋老味吸哂醬汁嘅味道，食果時入口充滿香濃咖喱汁，真係令人齒頰留香，回味無窮。街頭小吃都咁有水準睇黎香港人對食物嘅要求越來越高啦！

I always feel hungry after work. Therefore, I went to 魚蛋佬 to taste their m fish balls. I made an order and paid while I was taking on phone. I put one dollar coin and five dollar coin on the plastic table or shell. The male staff accidentally pushed the one dollar coin into the rubbish bin. I picked up the coin from the rubbish bin immediately. However, the staff condemned me and said rudely "you treat me like a beggar." It was because I put the money on the table instead of his hand. I could no

今日約左朋友到西灣河打波，開波前先食小食醫醫肚，於是就相約去太安樓掃街覓食。我地點咗四款小食:魚蛋: 口感比較淋，無彈牙感覺牛丸: 街上買到的大眾丸類，口感都是和平時的一樣魷魚/牛栢葉: 本身無味，吸了咖哩汁便惹味其實個咖哩汁是靈魂，很香濃帶少少微辣，為平平無奇嘅食材加添了獨特性。

經過太安樓香港而加她少有呢d甘集中特色架食物一條街仲要系以台灣小食為主馳名鷄蛋，蛋撻，車仔面經過呢間，見甘多人排隊，加入埋六元五粒沙嗲味好濃，同印呢果d有差別不過好吃，魚味農缺點就系汁會滳，容易整度衫

好鍾意太安樓呢個地方，雲集咗多間小店式食肆，食物都係外賣嘅小食為主，咁就可以一口氣掃幾間，感覺就似香港版嘅士林夜市咁。聽過人哋話魚蛋佬嘅醬汁唔錯，甚至比食物本身仲出色。不過之前唔知係唔係因為太夜嚟定其他原因，每次都係閂咗門嘅，呢日早咗少少嚟，咁就買咗一串魚蛋食下，六蚊有五粒都算係平。魚蛋中等身形，食落比較軟綿，冇彈牙口感，但質感唔錯。醬汁濃稠同埋均勻咁沾晌表面，微辣惹味，食完都冇太重嘅口渴感，唔算非常出眾，但過一過口癮都唔錯。

每次去西灣河都一定一定要去太安樓掃街，嗰度簡直就係港式夜市，小食飯甜品應有盡有，總之你諗到想食嘅都可能搵到…去咁多年，有一家老店係大口必食嘅店舖---就係魚蛋佬嘅牛丸香腸同齋喇! 佢嘅秘制醬汁(我唔覺得係咖哩，反而味道近似沙嗲多啲!實在係無得輸，呢個時候你一定要點一份齋，點解?因為齋可以將所有嘅醬汁吸盡，一咬下去，所有醬汁湧入大口口中太爽喇!!!! 除咗醬汁，不得不提佢地嘅牛丸。佢地嘅牛丸好有咬口，咬下去會覺得好juicy唔係平時嗰啲低質空心牛丸，再配埋秘制醬汁，簡直一絕。真係諗起都好想再食….

太安樓係港島美食既寶庫，淨係小食店已經有五，六間以上，但係由細到大，只有呢間係我不離不棄 ，仲要係我心裡面三大小食店之一，食足十幾年！先講門面同環境，真係唔好有任何期待買完仲要企係垃圾堆到食！而店員就串串烘咁但係就係呢種亂糟糟既感覺，小食店先至有親切感仲記得以前仲係用小販車擺賣，宜家已經進化到有招牌重點推介我個人最鍾意食牛丸～牛丸本身大大粒, 爽口彈牙！而佢個特製醬先係呢間店既鎮店之寶，沙嗲醬既狂野加上咖哩既瘋而不癲！滲透牛丸每一部分！堪稱美味的暴力！齋串，吸收左120%既特製醬，美味程度亦隨之急速上升！可惜係牛柏葉面對二大鎮店皇者，無奈往往令人失望，牛柏葉堅持拒絕吸收特製醬汁，味道淡而失色埋單20蚊

一直都想黎呢邊掃下街，但我係新界人，真係覺得有多少遠，上月底襯咁啱要過海，就決定點都要過黎太安樓掃下。因為當日都落幾大雨，所以基本上唔係好多人，想食嘅檔都唔洗排隊。因為午餐唔係食左好多野，所以即刻整幾串小食食下。魚蛋佬喺正門口位，就呢度啦。中大伏啦，魚蛋佬係咪都起碼要唔難食先對得住魚蛋佬嘅名(?)魚蛋 $5/串都唔知幾耐冇見過得5粒為一串嘅魚蛋，貴就唔係想話貴，但真係好一般。魚蛋質感唔好，鬆拋拋(唔等如彈牙)，唔爽口。唔知係咪落大雨唔算多人買，浸脹、浸淋哂。仲有，明明點左咖哩味，咩事係完全冇味？喊出黎…牛栢葉 $8/串冇乜特別，冇魚蛋咁伏。腸仔 $3/串，叫左兩串都冇心機影了，都係冇乜特別，最主要係冇味。