魚蛋佬

营业中

休息中

鍾意掃街既你隨左葵廣，你一定有聽過太安樓，今次介紹既係太安樓我最鍾意既一間小食。每次去幫襯都係同一個姐姐開鋪，佢話有好多人係網上知道佢地間鋪特登黎幫襯，講緊既唔係香港人而係其他黎香港旅遊既人，最多人係台灣人，仲有其他咩國家既人都有。老細係早年西灣河碼頭擺車仔檔賣腸粉同糯米飯，之後搬到太安樓賣魚蛋，最初無店名，係第三代蔡先生接手之後先改名做魚蛋佬，呢家已經有40-50年歷史。呢度主打就係香港人最地道既小食魚蛋，配上佢既秘製醬汁，隨左魚蛋佢既牛丸、牛柏葉都係好好食，都係配同一種醬汁。-1️⃣ 魚蛋 💰6 （👅: 8.5/10）我係幾年前幫襯都係6蚊串，到呢家都係6蚊無加過價，呢家係香港要搵6蚊串既魚蛋已經好難，仲要係好食既就可能得呢間。秘製沙嗲醬汁，食落係好似沙嗲同咖哩之間，辣度係小小辣，唔食得辣既人可能會有小小吃力，出邊食到既汁多數係死辣，一係唔辣 ，我覺得呢個完全係恰到好處，除左辣味仲有小小甜味，食落似係花生帶出黎既甜味，會有小小炸蒜粒，非常惹味。老闆娘話係秘製所以無講個汁係用咩材料，淨係話係沙嗲汁加十幾種材料。魚蛋唔係陳皮個種，口感彈牙爽口，一D都唔粉，有魚味，食落個醬汁入味，大細適中，

又係太安樓買完去公園食晚餐系列再再講多次 太安樓真係好多嘢食！！！次次經過都總有5-6人排緊隊但次次都捧住緊個肚 食唔落襯有一次口痕 就一人篤一串魚蛋🍡果然 次次都有人排隊係有原因嘅雖然本人鍾意食陳皮魚蛋多啲 而佢唔係佢係用唔會越煮越脹果啲魚蛋細細粒 一啖一粒而且都算彈牙 口感唔錯再嚟就係醬汁方面佢嘅秘製沙嗲醬我覺得好好味😋好濃味 但又唔算辣直頭想問吓有無沙嗲醬賣🤣價錢又唔太貴 $6有5粒絕對可以翻兜！！！沙嗲魚蛋 (5粒) $6 🙆🏿‍♀️

小時家住西灣河，行經太安樓一定「扭計」要媽媽買魚蛋食，當時還是推車檔。今天駕車駕過，泊正係門口「吉」兩串。魚蛋佬已搬了入舖，由魚蛋佬的兒子經營。要了兩串魚蛋兩串齋。講真，香港成千上萬的魚蛋檔，都是麵粉制成，重點是醬汁。魚蛋佬的醬汁十年如一日，但好的東西就是歷久常新下可以維持不變而且有生意。特別是齋，因為將醬汁吸入齋內，放入口時，醬汁湧出來的口感，是難以形容的滿足。所以，齋反而是我推介的重點食物。提一下，魚蛋佬在上年曾作義買，捐錢俾612，如此有心黃店，香港人應該要去支持下。

我繼續在「西灣河」食街「太安樓」裡面一邊「掃街」，一邊慢慢等候晚餐時間來臨，期間我在「太安樓」往「香港電影資料館」那一邊位置，光顧港式小食店「魚蛋佬」，購買了一串「魚蛋」。「魚蛋佬」店舖實際規模其實非常之簡單，入面只有狹小的空間，放置了一個看似是雪櫃的物體，方便店主一個人在裡面工作，和製作售賣「魚蛋」食品給食客享用。「魚蛋佬」裡面的「魚蛋」口味屬於「沙嗲」，「沙嗲」醬裡面的辣味固然濃厚，但是其實「沙嗲」醬的辣味裡面，原來還有夾雜少許來自「花生」的甜味。至於「魚蛋佬」製作的沙嗲「魚蛋」實際口感方面，沙嗲「魚蛋」一串有五粒，「魚蛋」實際體積屬於中等，不算完全發漲漲大那一種「魚蛋」。「魚蛋」體積雖然不大，但是口感仍然算是彈牙。至於「魚蛋佬」的沙嗲「魚蛋」實際售價價錢，一串五粒的沙嗲「魚蛋」賣港幣六元，平均計每粒「魚蛋」賣一元左右，價錢尚算便宜，再計算口感和「沙嗲醬」的甜辣味道，「魚蛋佬」性價比頗高，下次可以繼續幫襯。

『我最愛之太安樓小食・惹味沙嗲魚蛋齋』☯︎魚蛋佬, 𝑺𝒂𝒊 𝑾𝒂𝒏 𝑯𝒐⠀⠀以前總是很愛吃太安樓的食物，但慢慢長大了，會不斷回訪的卻只有這一家，感覺永遠都不會吃膩啊♥︎⠀來到太安樓，必吃的我敢說一定是這家 魚蛋佬喔！⠀這裡的沙嗲醬汁非常濃厚，微辣，很香，我很愛！ฅ^•ﻌ•^ฅ⠀⠀꧁沙嗲齋꧂$6⠀這種齋真的是索汁的好幫手啊！真的熱量很高很胖，但是真的無敵好吃！大大塊的齋索滿了濃厚的沙嗲醬，無敵！😍⠀𝑅𝑎𝑡𝑖𝑛𝑔: 8/10⠀𝑃𝑟𝑖𝑐𝑒:$6⠀⠀꧁沙嗲魚蛋꧂⠀魚蛋中規中矩啦，正常發揮，但同樣配上美味的沙嗲醬汁就立即升呢😚⠀𝑅𝑎𝑡𝑖𝑛𝑔: 7.85/10⠀𝑃𝑟𝑖𝑐𝑒:$6⠀⠀除了齋和魚蛋之外其實還有魷魚牛柏葉牛丸香腸芝士腸供選擇喔！大家經過看見有開的話可以試試看喔！一般好像大概5PM左右就會開門，然後6點過後就開始多人排隊了～⠀⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀⠀ 齋，魚蛋⠀🤰🏻回訪 ʙᴀᴄᴋ ᴀɢᴀɪɴ? ⠀⠀⠀yes⠀——————————————————⠀魚蛋佬⠀西灣河筲箕灣道57-87號太安樓地下A28號B舖⠀————————————————

小編好少去港島東區，今次先係第一次去太安樓覓食⋯⋯🙈 今次試咗呢間喺晚飯時間都排長龍嘅小食店，老板娘講嘢真係好風趣，收錢嗰陣佢仲要雙手接錢，超級好禮貌同好服務😝 大家一定要多啲去幫襯同搵老板娘傾吓偈～😋 沙爹魚蛋 $66蚊5粒魚蛋真係好抵！呢隻唔係好實嘅陳皮魚蛋，而係比較彈牙嘅。沙爹汁少少辣好惹味，魚蛋索咗好多醬，多到爆晒出嚟😆 佢哋篤魚蛋嘅方法有啲唔同，竹籤尖嗰邊係手揸嗰邊，小編本來想提老闆娘係咪調轉咗支籤拮，原來呢件事勁有智慧🧐 原因有兩個，第一係如果尖頭向外嘅話有機會拮親食客個口，第二係袋落膠袋嘅話有機會篤串個袋，調轉支籤就安全好多喇！呢舖真係勇氣智慧也永不滅😝

每次小編放工放學時間經過太安樓既時候，都見到呢間小食店大排長龍。今日夜少少行過，難得撞岩條龍比較短，就諗住買泥試下。魚蛋（$6）、牛柏葉（$10）呢度賣既野得六樣，非常精簡：齋、魚蛋、腸仔、芝士腸、牛丸同牛柏葉，全部都係配搭自家製既沙嗲汁。小編叫左魚蛋同牛柏葉，不得不讚個汁好高質素，香口得泥辣度適中；牛柏葉算係大份，口感十足，老闆可能知道咁大串食既時候比較困難，所以一串剪開左幾舊，非常貼心。另外，處於疫情期間，小編亦不得不提衛生情況。呢間小店門口放左一支酒精消毒液俾有需要既客人使用，又寫明抗疫期間唔會服務唔戴口罩既人士，令食客排隊既時候更加安心。總括而言，我覺得呢間小食店相當值得推薦。如果各位想食，可以避開下晝5至7點既繁忙時間，應該唔洗排咁耐。

魚蛋佬係真係太安樓之中一定必食嘅一間舖頭佢好似已經屹立左好多年佢嘅魚蛋（$6）同腸仔（$3@1）配埋佢哋嘅秘製沙嗲汁真心好正雖然我唔食得太辣都一定要食😅😅（同埋魚蛋佬嘅營業時間係老闆自己定，所以你有時去到佢都未必開，真心係講緣份🤔🤔）（利申我有幾次佢都係摸門釘）

講到掃街，點可以唔提太安樓呢，而喺太安樓有一間最出名歷史悠久的小店，每次去都大排長龍，正正就是這一間魚蛋佬。今次專登吃了魚蛋、牛柏葉、齋、牛丸及腸仔。個人來說10分推介齋，因為他吸收了極多香濃的醬汁。其次推介魚蛋同樣10分好吃。

呢間嘢啲秘製醬汁簡直一流，去咗太安樓，都會忍唔住要買一兩串，過下口引,。秘製醬汁應該有沙嗲同辣椒，甜甜辣辣的，好有層次，令人食完又想食。初初食落唔覺得好辣，食完先覺厲害，要去隔離食多碗糖水解辣。今次冇食牛丸。叫咗魚蛋($6）、齋（$6）、同腸仔（$3）。只係15蚊。齋係必食推介，因為能夠吸盡秘製醬汁，醬汁係口入面爆出嚟，嗰種滿足嘅口感，非筆墨能形容！腸仔煑得太淋，似豆腐多啲，冇咬口，個人都係鍾意炸腸仔多啲。魚蛋質地冇乜特別，佢冇幫我點夠醬汁。你知咖哩魚蛋唔夠汁就唔好食㗎喇。職員姐姐一如既往的，好有霸氣。係對自己食物嘅信心表現吧！

相信各位住西灣河嘅街坊, 都唔會唔知呢間魚蛋由佢一開始推車仔賣到而家入咗舖,都係好出名嘅. 魚蛋佬可以話係我住咗喺呢頭咁多年, 百吃不厭嘅一間小食店. 呢度主打嘅係佢嘅咖哩, 選擇唔算好多, 有: 齋, 魚蛋, 牛丸, 牛柏葉, 魷魚, 腸仔.... 近年嚟仲有埋芝士腸添!! 雖然近年真係加價加咗好多, 不過都係每次經過, 如果見到唔多人都會買嚟食, 我最鍾意嘅就係佢嘅齋同埋魚蛋啦!!! 啲炸咗嘅齋索曬啲汁真係好惹味呀~~非常之邪惡, 反而魚蛋就唔會好掛汁 夏天嘅太安樓真係好熱，所以通常我都會買外賣返屋企食 ，建議如果大家經過見到冇乜人可以試下呀😍齋 $6魚蛋 $6

如果要我揀太安樓邊一間最好食，我會揀魚蛋佬🤣🤣🤣 個人好鍾意食港式嘅小食，平常篤一串魚蛋都已經好正最特別嘅係佢哋嘅秘製沙嗲醬，我食過好多間唔同嘅沙嗲魚蛋，都係覺得魚蛋佬嘅沙嗲醬最好食🤤🤤🤤🤤🤤 有好香嘅花生味，辣得來又唔會好”確”喉，鹹鹹甜甜配上魚蛋就最正😋 平平無奇的魚蛋，配上超好食嘅汁，就好似賦予左靈魂一樣，搞到停唔到口😍😍🥰🥰除咗食魚蛋，之外我仲會叫牛柏葉，本身無味嘅牛柏葉索晒啲汁一樣好好味

🥢筲箕灣太安樓濃汁咖哩魚蛋面筋黃店🥢其實今次係第一次去傳說中的美食集中地太安樓，梗係要掃下街睇下有咩好食，見到有間咖哩魚蛋大排長龍，一定有好野🥢咖哩魚蛋一串六粒$6而家食魚蛋仲有$6串真係抵，魚蛋彈牙又夠爽口，仲好有魚味，真正真材實料，咖哩汁入曬味🥢咖哩麵筋齋一串四件$6麵筋索曬咖哩汁，一口咬落去咖哩汁係口入面散發，是傳統的咖哩魚蛋汁，夠曬濃味🥢美味的舊式秘製咖哩汁，加上爽彈魚蛋，六蚊雞良心價錢，難怪大排長龍，而且店家為保持衛生問題大大隻字寫明買魚蛋一定要戴上口罩買，否則唔賣俾你，如果真係無口罩會送一個俾你，真係好好

今日難得放工早咗，決定去遠少少幫襯香港人的小店！今日3:20先開店，咁就等一下吧！到差不多時間就去，竟然有好多客人排隊，真好！這裡的食物簡單，是香港式小食。有魚蛋、牛丸、芝士腸、腸仔、齋、牛柏葉等，點上自家製作咖哩汁。服務哥哥招呼都幾好，勤快友善，好用心幫客人準備！魚蛋有5-6粒，都好軟好香，一口一粒，配上這個咖哩汁辣辣香香好惹味！齋都有3-4塊，好有口感入味，配上咖哩！喜歡香港人的堅持及支持！大家加油

沙嗲汁魚蛋好正 好好食超級黃店 我今日食果陣勁多人排隊 老細係後生仔到我果陣問我:係咪大學生 我唔小心答左係 之後佢話請我食 唔收錢btw 早知唔講係大學生 佢唔收我錢下次懲罰佢個陣記得唔好自爆