魚鱻魚湯專門店

营业中

休息中

為試魚湯而來，依間魚鱻（讀音：鮮）魚湯專門店，鐘意魚湯🐟既人一定要試下！1️⃣招牌魚滑魚湯米線 $41 加蕃茄+ $8依款招牌魚滑米線，可以配米線或泡飯，米線分量多～但食落較淋身🧐魚湯既顏色呈奶白色，味道較清淡，係鮮魚味，好鮮甜，重點係完全唔覺得腥呀！！我飲左半碗，魚滑分量算多，大大舊，食落爽口同幾重魚味✨配餸方面：其實有好多魚製品揀，但個刻真係勁想食蕃茄～所以揀左，加八蚊黎講🍅分量係小咗啲，但食落酸酸都幾開胃😂下次我會試下枇杷豆腐、炸魚餅同泡飯😛😋

17/4等佢中午12點開門，個個乖乖門口排隊，負責人話開始入，咪人人搵位坐低。平時已惡形惡相的戴眼鏡阿嬸，已大聲呼喝食客，你哋走曬入嚟，個個駁哂懵唔量體溫及安心碼呀！大家都真心怨枉！阿姐，大家係門口排隊已做定啦！就算未做果啲，你咪提人哋囉，有乜嘢駁懵呀？人人叫佢落單，十問十唔應，望都費事望你，都算嘞！埋單食百幾蚊，俾張五百元你找，都要俾你鬧話點解你唔俾散紙。唔係卦，由頭受氣到尾！今時今日咁嘅服務態度，都唔使再嚟

真材實料魚湯，今次叫左原條黃立倉魚湯米線再加蕃茄肉碎做配料先講主角黃立倉，肉質一食就知新鮮，魚肉結實，體積仲大過個碗，加埋蕃茄肉碎，米線完全吸收晒所有湯汁，真係好味到湯都清埋，如果唔大食兩個女仔share都得。配料選擇多，可配飯或者米線，見到好多人都有叫琵琶豆腐，鯪魚滑，應該都係必點之一。店舖有好多選擇，炸魚，魚餅，雞翼，包羅萬有，下次再試埋啲小食先。👍店內姐姐親切有禮，笑容滿面，呢種服務態度真係值得一讚

呢間魚湯店在荃灣區很出店，平日中午lunch time很多人等位，我就算一人來也等了很久，由於午飯時間有限，所以唯有外賣返公司食。一人餐衹需$50可選飯或米線，配一款主菜及兩個餸，又有凍飲跟，加一蚊可另上魚湯真的很抵，是日點了魚湯飯配雞亦拼墨丸+魚腐。拎到返公司個雞亦仲好脆非常香口，墨丸正常好味，魚腐我冇諗過是鯪魚肉食時有些碎骨😓，呢個我覺得麻麻地。魚湯真的很大碗好好飲，白飯是另外盒裝。整體上味道很好會再幫襯

第一次黎食係因為我朋友介紹佢話有間米線好健康 有成條魚既湯飯佢叫左馬友湯飯, $85我叫左黃花湯飯,$99平常是不會喝湯底, 今日喝了很多, 以為只有魚, 原來少許紹菜及豆腐泡總結:味道係OK既,好鮮不過價格都係$85-$99

呢間魚湯店，係我荃灣嘅食堂！- 吉列豬扒蕃茄肉碎魚湯飯 - ($50) 因為下午茶時段，仲包埋凍檸茶/凍檸水，好抵👍🏻豬扒同魚湯飯係分開上，所以豬扒冇因為浸湯而影響口感！豬扒即叫即炸，所以入口有啲辣嘴，幾香口！豬扒炸得金黃，剪成小塊狀，方便進食。肉質雖然偏硬，有咬口之餘又唔會太嚡，仍保持住肉汁！講返個魚湯，食咗咁多年個魚湯都keep到水準，蕃茄同肉碎嘅份量，好似多到唔駛錢咁，最重要佢呢個魚湯完全冇味精，食完唔會口渴！

俗語有話，食飯才會硬，若果再加上鮮魚湯補身，在冬日品嘗一定適合不過。以往夏天食魚湯飯，熱到出曬汗，今日氣溫7~10度，凍到縮下縮下，決定食呢間又熱又飽肚又補身。原條加州鱸魚湯飯$75，肉質幼嫩又滑，但有魚的幼骨，所以要小心吃，加魚鰾$16，平時很早便沽清，非常罕有，再加上鮮甜魚鱻湯，超級補身。花白魚球湯飯$69，上次吃過敏魚球湯飯，今次試新嘢，魚球好處就是啖啖肉，不需擔心有魚骨，記得魚湯配蔥是必須的，請不要say no。炸魚餅$18，也是非常出色，沒有魚腥味，必食👍

今次我哋嚟到呢間魚湯出名嘅食店食晚飯。鋪頭環境唔大，略嫌狹窄。我哋叫咗個一碟蠔油菜心、魚滑魚湯米線同埋炸魚餅魚湯米線，一飲個湯感覺有鮮甜味，魚肉魚餅份量多，食落彈牙，個湯清清地，食下食下已經勁飽。而個人覺得炸魚餅更好食，因為經油炸過更香口美味蠔油菜心亦唔錯，因為佢啲蠔油好香甜，有特別的風味同埋個餐食完之後唔會感覺好口渴口乾想飲水，我估佢無落好多味精嘢去調個湯底，湯底嘅鮮甜來自真魚煲出嚟👍總括嚟講，想食魚呢間鋪頭係個唔錯嘅選擇。

2020/10/19 晴天星期一 下午荃灣 路德圍魚鱻魚湯專門店吉列朱扒米線+魚滑+番茄//凍檸水吉列朱扒喺分上的, 脆口有肉味比較薄。魚滑喺比想像中較大件,彈牙。番茄喺一粒粒的。米線配料有豆卜,椰菜條,蔥花。凍檸水喺真正凍 檸 水, 糖水需要自助添加。幾好, 又一餐。

​最近想吃魚湯，再來這裡了​。我叫了魚滑配米線​，他叫了魚腩配米線​，另加配炸魚餅一份。魚餅和魚滑🤔​，如果要我選一樣，我會選魚滑。因為魚味較重，魚餅相對煎炸食品來說則不夠香口（不適合重口味人士👻）​。魚腩新鮮，肉質不會散，沒有腥味，不用配上醬汁吃也可以，烹調處理得恬到好處。重點的魚湯呢？魚湯顏色是輕輕的奶白，清清淡淡，是鮮魚的味道，略帶清甜的味道，一點腥味都沒有，所以不禁喝一啖又一啖。這裡的魚湯，是健康的味道😆，感覺良好😉。他跟我說生炸豬扒也美味，下次要試一試。希望這店和其他分店繼續保持水準💯​。

I’ve lived in Tsuen Wan till the end of primary school before moving to Taikoo 10+ years ago. But I remember this restaurant specialised in fish soup was already open when I was still a resident in Tsuen Wan!-So recently, I hiked in Tai Mo Shan, and after coming back to town, I went to this restaurant. The fish soup is still so rich and delicious! You can feel that the soup is really cooked with fresh fish!-My favourite deep fried Bombay duck! It’s so crispy on the outside, soft and jelly-like o

老友兄弟專承走嚟荃灣搵我食Lunch，仲話帶我去食魚湯米線。12:15行到去，仲未正式開舖，不過已經有5、6人排緊隊等入舖內，大概5分鐘開始入得，都有先量體溫，然後再揀咗張細檯兩人坐啱啱好。食物主要係魚湯米線同泡飯，餸方面鮮魚類佔8成。仲有燉湯類，不過晚市6:00後先開始供應。每日餐牌都會因應當日有咩新鮮魚而定，眼見魚類品種都繁多，有選擇困難症嘅我又想食魚，又想食生炸豬扒(因為聽到好幾檯食客都叫，所以想試試)，經老友兄弟提議，就叫一碗原條細鱗魚湯米線，生炸豬扒魚湯米線再加個椒鹽九肚魚。第一樣嚟嘅係原條細鱗魚湯米線，成條魚開邊放喺魚湯米線上，魚肉口感嫩滑，豐富魚肉鮮甜味道，真係食得出嘅鱻。熬煮出來嘅呈奶白色魚湯全無腥味，清甜鮮美。跟住椒鹽九肚魚上場，一件件又肥又粗碌嘅九肚魚啖啖肉，表皮酥脆不軟塌，肉質滑嫩，調料調味得宜，火喉十足不遜大排檔。最後都到生炸豬扒魚湯米線出場，淨魚湯米線先到，生炸豬扒分開後上。所有魚湯米線有大量黃芽白同豆卜，索晒啲湯汁精華，米線一般。新鮮即炸豬排兩面金黃色，食落少少香脆同醃味好，真心好食。米線份量對我嚟講都算大碗，不過真係太鮮甜，當日我連湯都一飲而盡。不得不提一

D呀姐垃圾既服務態度，完！質素又一般，問佢門口張吉枱坐唔坐得佢話阻礙佢做野，咁你放三張枱響度托呀！野食唔見得有咩特別，以前都知佢地串，依加更加唔駛講，總之唔食唔會可惜

魚魚魚魚 (鱻: 唔識讀) 喺荃灣路德圍係好多年，喜歡食魚湯米線的人都會聽過或者食過。今日我就同個其實唔係好食魚湯的朋友過黎試下，睇下佢會點評價，哈哈。所以我點左原條黃花魚湯米線 ($65)，佢點左古法豬扒魚湯米線 ($41) ，希望食到啲肉味隔一隔無咁腥，加埋黑色可樂 ($9) 。首先，我見店員啲態度又其係咁差，係唔算好欣勤嗰啲囉，落單嗰陣無講過蔥的部份，佢又主動問丫🤔 仲提我地袋可以用牆上的鈎鈎住添。而朋友食的豬扒，調味幾好，肉質無醃到爛哂，調味不錯亦食到返豬肉本身的味道同口感，亦可以間一間魚湯的腥味。而我係飲湯控，基本上乜湯都唔會放過，所以魚湯本身都係我的菜，原條黃花魚湯米線上到黎，條黃花肉質白雪雪，滑溜溜，一夾肉就甩出黎，幼的魚骨多喺腩嗰個位，食的時候小心啲，而魚湯的顏色亦好自然，我自己反而欣賞呢種透色的魚湯，比較似自己喺屋企煲嗰種。即使配埋米線亦唔會令成碗米線變淡味。

我們本次吃了2份套餐，分別是雞翼配貢丸及潮州札肉，生炸豬扒配墨丸及魚滑。由店鋪到家味道仍然沒有流失味道。如果在現場用饍，味道一流。豬扒、雞翼等味道保留鮮味，尤其是湯底。