鮨和居食屋 (已結業)

朋友介紹銅鑼灣都抵食又溫暖嘅居食屋今次就嚟到登龍街鮨和門口有餐牌，細細地唔算太大間嘅居食屋，但坐落好舒服好寬倘，唔會逼逼埋埋今次兩個人輕食料理，所以食嘅嘢唔多第一款法國聖馬田生蠔，新鮮、蠔幾肥美係甜多過咸，有d海水味好重，今次就唔會啦日本鯛魚刺身，鮮甜，肉質爽口2人份量嚟講岩岩好，小吃多滋味ma炸蝦必食賣相10分我比8分脆卜卜外層而且好鬆脆炸粉個層應該係勁薄嘅感覺，外脆內軟一點都唔膩串燒時間豚五花腩、肋骨條、牛舌肉質小小硬，但味道上面係非常夾的，每一串都擁有自己嘅醬汁同味道拎出嚟唔係凍冰冰燒芝士翠肉瓜，鵝頸肉串，雞翼芝士配翠肉瓜都係種新食法，翠肉瓜會更加甜唔知關唔開事鵝頸肉第一次食，竟然好嫰滑，小小似食雞肉啦雞翼皮脆內嫰，冇雪味如果唔知點揀又想食小小食2人餐，除左好似我地咁散嗌，仲見到有個都幾抵嘅套餐今次輕食嚟講都唔錯，揀岩嘢食，炸蝦真係必食店員都好有禮貌咁介紹，地方坐得幾舒服

(特上)廚師發板壽司拼盤🍣每款壽司各一款全部都係好新鮮 好鮮甜赤貝 吞拿魚 油甘魚 劍魚🐟牡丹蝦 帆立貝炙燒秋刀魚 金目鯛 燒左口魚邊迷你海膽杯 賣相相當吸引🤩旁邊有吞拿魚蓉同飛魚籽相伴😋仲附上幾塊好新鮮脆卜卜既紫菜比你自己包全黎食燒蟶子😍勁大隻 鮮味十足 有大量既香蔥同蒜蓉好香既牛油味又唔會蓋過本身鮮甜口感非常爽彈 不錯👍🏻古列赤豚五花腩油脂分布相當平均廚師仲特別調配左柚子味既醬汁有種小清新的味道 好fresh💚~

一家大細，有老有嫩搵餐好晚飯食。臨時上Openrice book到呢間，好好彩。侍應姐姐非常親切，見到我囝囝即刻帶佢去揀兒童餐具，仲幫我再用滾水淥過先俾我地用，勁加分。食物點了：特上三色丼、炸墨魚海膽餅、明太子薯蓉火腿卷、三文魚籽壽司、天婦羅烏冬、燒白鰻魚、法國生蠔半打、滑蛋吉列豬扖丼。食物淨係聽個名已經吸引，上枱全部都不負所望，好味又精緻。特上三色丼：用料非常足，又新鮮法國生蠔半打：鮮甜到嘩一聲炸墨魚海膽餅、明太子薯蓉火腿卷：有創意又有心思

又嚟到銅鑼灣搵嘢食，今次嚟到登龍街永光中心嘅鮨和試吓佢哋嘅lunch set先！價錢方面平則只需數十元就可以食到豐盛又美味嘅午餐，性價比十分之高呢！• 角切魚生丼 $118經濟實惠嘅魚生丼套餐，壽司飯上面鋪滿咗大量魚生，驚喜在於裡面竟然仲有拖羅粒粒，用料絕對唔吝嗇，而壽司飯就壓得較實，套餐仲包括左沙律、茶碗蒸、麵豉湯、飲品或甜品～• 豚肉生薑燒定食 $98好有日本家庭料理嘅風味，甜甜嘅醬汁加上生薑嘅微辛，幾好餸飯！

今日放假過海搵男朋友食飯佢番工附近有勁多野食試下呢間居酒屋先！格局勁有feel我地坐係bar 枱，見到師傅準備野食Lunch set有好多野簡每個set跟沙律同嘢飲or甜品豚肉生姜燒定食（$98）豚肉半肥瘦，岩晒重口味既朋友，因為油脂分泌較多，肉味濃郁，聞落好香，食落惹味同埋豚肉保持到juicy海鮮丼（$128）有成5款刺身，款式算幾多、刺身都新鮮，個人好鐘意油甘魚同吞拿魚蓉😋😋鮮甜好味跟餐可跟野飲/甜品，甜品有抹茶雪糕😝😝

想不到平日晚市也滿座，略等了十多分鐘，每位客人也有一小碟醃蘿蔔漬物，甜甜的很開胃。鱸魚刺身 - $280鮮活的鱸魚以刺身形式最能吃出其鮮美，魚肉本身好脆彈，蓄積著脂肪，口味清淡鮮美，簡單以芥末和醬油配搭已很惹味。鰻魚白燒 - $188雪白厚厚的鱔肉充滿魚脂香，質地鮮甜彈牙；鱔皮更燒得脆脆地，略帶煙韌感；配海鹽更顯鮮味。玉子燒 - $95即叫即製非常熱騰騰，有紮實豐厚的甜滋黃香，沾上醬汁和蘿蔔蓉又是另一番風味。三文魚牛油果沙律 - $85有爽滑鮮美的角切三文魚、綿密的牛油果和爽脆的蟹籽，沙律菜以柚子醋調味，酸酸甜甜的很清新。

難得放低阿女，同老公兩個人去cwb拍下拖💕上網睇呢間 #鮨和 口碑幾好，就決定試下啦😆.平時同阿女一齊又唔食得魚生飯，今日終於可以無顧慮咁食🤤［特上鮨和海鮮丼］👍🏻吞拿魚、帆立貝、油甘魚、三文魚、三文魚子、牡丹蝦、加拿大海膽、甜蝦😍共有8種✨無論賣相定味道都一流👏🏻刺身肥美又鮮甜，好食！壽司飯較硬身，醋酸味重.［法國聖馬田生蠔］掋食！$108/6隻👏🏻肉質清甜肥厚，淡淡海水味非常新鮮，必食！.［牛肉壽喜燒］牛肉超多💖不過有少少筋，牛味都幾濃壽喜燒內有大量配菜，湯頭好香甜，總結都唔錯～去居酒屋就唔少得食燒物😎配埋生啤就係爽😆.總括黎講都值得一去，食物質素正常，餐廳服務＆環境亦唔錯👌🏻...#ca師奶餐廳_銅鑼灣

食物治療傷悲，如遇優質上盛之佳餚更能令人恢復元氣。今日正午十二時闖入登龍街，不為地舖，及至永光中心搭𨋢直上七樓去療我哀傷。心情低落要杜絕喧鬧，更需要此類精緻雅座。這鮨和展現出「室雅何需大」的道理。店內需正播放着不同版本的英語聖誕歌曲，但音量輕柔不吵耳。午餐一生一熟，心忖似是一生一死，貼近此刻心情。豉油由侍應代斟。生之代表——角切魚生丼，繞曲了的紅竹簽插住附有蝦膏的熟海老置在飯的邊旁，蝦膏似是隱藏了，嚼了幾口才隱隱滲出其鮮其甘。其餘角切粒大小統一，計有：油甘魚（部分連皮炙燒）、三文魚、吞拿魚，再配以三文魚籽點綴，其新鮮度也不用多贅述，配一碗左右的飯量，魚生和飯編配平衡、各司其職。熟之代表——豚肉生姜燒定食，再次展現其細膩烹調。片片豚肉都燒得金黃，原來姜味都藏在每片豚燒內，淡淡的不刺激，還有點甜帶出肉香，和着飯吃非常開胃。兩餐配的胡麻汁三文魚菜沙律，菜新鮮、胡麻汁酸度適中，餐前清醒味蕾；和風蒸蛋蛋味不算濃，但滑溜似吃布甸；終於有味噌湯不鹹，要數這間。跟餐的抹茶雪糕牛奶味凌駕於茶味之上。主要是該美女侍應周旋於枱間下單奉菜，眼明手快，話頭醒尾；另有位靚姨都好細心，見我等吃畢白飯即問用不用添飯。

夜晚喺銅鑼灣搵食，見呢間好多人都話CP值幾高，我又鍾意食日本嘢，阿仔都覺得可以試吓。永光中心基本上每一層樓一間餐廳，晚餐時間人流到幾多，要等一至兩部電梯才可以上到餐廳。門口裝修都有居酒屋feel，牆上擺滿晒好多唔同嘅清酒，幾吸晴。先叫一個廚師發板刺身（鮑魚、甜蝦、帶子、油甘魚、吞拿魚），擺設精美令人開胃。鮑魚係磯煮鮑魚，好鮮甜好爽口。油甘魚油脂分布平均，肉質鮮甜。甜蝦及帶子都係大size，鮮道十足。明太子薯蓉火腿卷，外皮炸得酥脆，加上自家製醬汁，味道有咸有甜仲有少少辣，豐富口感層次。牛肉壽喜燒，牛肉夠嫩滑，牛肉味濃厚，壽喜燒湯底亦唔會太甜，更能帶出牛肉嘅鮮味，分量亦唔細。鹽燒完條鯖魚，魚肉夠肥美，食落好有脂肪香味，魚皮燒得薄脆，魚身仍然好juicy。呢個價錢喺銅鑼灣食日式晚餐，又可以食到廚師發板嘅刺身，性價比高。

今日去銅鑼灣搵朋友吃午餐，佢帶我去燈籠街吃日本嘢，一入去已經感受到日本🇯🇵居酒屋嘅味道，環境好舒服，估唔到咁抵吃。🍱海鮮丼套餐$128有厚切吞拿魚、油甘魚、三文魚各2片，仲有碎吞拿魚腩同蟹籽，魚生夠新鮮，好鐘意個壽司飯。🍛豚肉生薑燒定食$98簡簡單單的便當，但味道一點也不單調，微辣的生薑蓉加上味淋煮的醬汁，味道濃郁，日本豚腩肉口感豐富。🥗套餐都包咗沙律、味增湯、和風蒸蛋同漬物。🍧最後仲有我最like嘅紅豆雪櫃，香濃嘅紅豆蓉，十分好味！

和朋友約了在銅鑼灣食日本居酒屋，位置在登龍街。師傅推介了幾款食物給我們，於是我們就點了。連子鯛嘩！侍應姐姐捧著整條魚出來，視覺效果好震撼！從未試過食一整條鯛魚，魚身的肉質好爽口嫩滑，一點兒也不腥，一啖接一啖，好快就吃完，剩下的魚頭魚尾就將它們炸了，不得不提的是，炸粉好好味，不會太厚，而且炸完的魚肉還很嫩滑，果然鯛魚真是不同的。明太子玉子燒顔色配搭好靚，玉子好滑，好濕潤，明太子都好入味。野菜天婦羅平時食開的天婦羅種類都好少，但是這裏可以食到好多款，有秋葵、冬菇、紫蘇葉、南瓜、番薯、青椒和京蔥。牛肉薄燒牛肉好好味，醬汁都好入味，配飯一流。

今日朋友帶我去永光中心7樓鮨和居食屋午餐。店細細間充滿日本居酒屋的情調，是和親友飯聚享受日本美食的好地方。我們今日中午一時到店，差不多已全場滿座，好彩朋友已預早訂位。午市套餐選擇多，有午市刺身定食和午市和食定食。豐儉由人，抵食好食。見到好多人食刺身定食，便叫了份鮨和午市套餐($178)。好豐富，有四款時令壽司，迷你海膽杯，串燒兩串和熱烏冬。時令壽司好味道，壽司調味得宜，師傅握壽司手勢好，魚生鮮甜新鮮，魚，蝦，三文魚等都好正。紫菜包住壽司吃更美味。迷你海膽杯少食多滋味，海膽甜，配埋三文魚籽和吞拿魚碎更有口感。串燒牛和豬新鮮熱辣，入口肥瘦得宜有肉香。熱烏冬好滑，加埋菠菜好味。䐁肉生姜燒定食($98)都有水準。䐁肉量多味道美，調味佳，飯有飯味，椰菜絲，青瓜和番茄都新鮮。每個餐包沙律，味噌湯，和風蒸蛋，漬物，飲品/雪糕。蒸蛋好正，蛋香，內有白果，百合，魚蛋等。麵豉湯夠熱。沙律新鮮。紅豆雪糕和柚子茶都好。埋單兩個人$300左右，超值。店員友善有效率。下次再來。

銅鑼灣登龍街呢邊我都算係地頭蟲，捐窿捐罅，邊度好食，問我就最清楚😎永光大廈7樓，呢間餐廳我成日去，又平又靚，招呼又好，尤其是中午飯就最抵食👍🏻佢哋中午嘅壽司定食$188，八件壽司🍣已經包括：吞拿魚，油甘魚，三文魚，帆立貝，甜蝦，赤貝，左口魚邊，時令魚，時令卷物三件，即叫即做🥰所有餐配：沙律，味噌湯，和風蒸蛋，漬物，非常豐富☺️擺盤精緻，件件新鮮材料日本直送，吞拿魚肥美可口，帆立貝鮮甜無比，慢慢食慢慢嘆，正👍🏻朋友叫左牛肉壽喜燒定食$168，濕濕潤潤，特別開胃，有飯有湯，而且牛肉份量特別多😊趁熱加埋隻雞蛋落去，蛋香好味，食得滋味😋牛肉又香又淋，夠晒兩個人Share，好味到我哋兩個連湯都飲埋，好好味呀💕仲有咖啡熱飲或者雪糕俾你揀，咁嘅價錢，坐得舒服，招呼又好，識食梗係上嚟呢度食👍🏻👍🏻👍🏻

實在太掛住日本，近排同朋友及見客都離不開去日本小店。今日和客人食午飯，到了銅鑼灣登龍街的鮨和居食屋，這裏有很多人排隊等位，好在有預先訂枱。我們點了兩款定食。午市套餐價錢非常合理，包括有沙律、味噌湯、和風蒸蛋、漬物、可選柚子蜜/炭燒咖啡或雪糕。豚肉生薑燒定食是一道非常普遍的日本家庭料理，看似普通但豚肉嫩滑，配上惹味嘅醬汁，還帶點生薑味道，配飯一流；海鮮丼定食有吞拿魚、油甘魚、三文魚、碎吞拿魚魚腩、蟹籽，賣相滿滿的，好像只見到刺身而看不到有飯😂，刺身非常新鮮肥美，好喜歡他的和風蒸蛋，非常鮮味；這裏的食物非常高質、價錢合理、環境衛生乾淨、又坐得舒服，是與朋友相聚及見客的好地方。

有時放晏想食日本嘢，但金鐘中環食呢啲真係偏貴，飛巴士出銅鑼灣都係一個選擇同事帶咗我嚟鮨和居食屋，睇門面都幾有日本feel👏🏻價錢又真係幾相宜，環境唔係好嘈好焗促咁都幾適合傾計午市定食仲抵食😍同事嘅角切魚生丼，睇落好多料佢話啲魚生都好鮮同多，配埋青瓜粒好清新我食咗咗幾啖，真係唔錯👏🏻定食會有茶碗蒸同味噌湯食一個定食已經夠晒飽我就叫咗大和照燒雞扒定食睇落有啲家庭feel雞扒切成bite size咁一件件煎香之後沾滿燒汁同花生醬，好啱送飯食到最後仲有餐飲/甜品我要咁甜品：柚子雪葩都幾大球同清清地嘅酸甜味，好適合食飽食少少😍總結: 店員親切有禮，落單要雞扒定食時都有貼心提醒有花生醬小心過敏食物大份抵食，銅鑼灣嚟講幾實惠同環境舒適，推薦💪🏻