鱻88日本料理 (已結業)

活海鰻塌塌米, 漆 漆 散 發 着 誘 人 亮 光 的 蒲 燒 鰻 魚 肉 ， 騷 騷 軟 軟 的 攤 臥 在 香脆的 珍 珠 塌塌米 上 ， 鰻 魚 肉 入 口 即 溶 ， 甜 汁 濃 香 纏 舌 ， 米通又香又脆，仍然微暖的糖膠還帶點煙韌的口感，一試難忘 牛油果軟殼蟹沙拉, 牛油果粒跟軟殼蟹配搭在一起,原隻軟殼蟹再配上新鮮的沙律菜以及牛油果炸至香脆的軟殼蟹，牛油果味很重, 一軟一脆的口感特別美味 和牛炒飯, 和牛烤的恰如其分，外香內嫩。和牛油脂及碎肉爆香後，油脂及肉香緊緊包裹著米粒，這口飯鹹香、醬香、油香、肉香俱備，雖然感覺已吃不下任何東西，卻讓人忍不住不斷的吃最後一口

今日嚟到呢間離佐敦站5分鐘腳程嘅鱻88食Omakase，慶祝朋友嘅生日。果然冇揀錯，餐廳服務好、食物質素高！Omakase嘅意思係廚師會根據季節時令嘅食材去，通常都係由冷盤開始上，越濃味嘅食物越後上，全程由廚師發板😋餐廳整個環境都好舒適，十足十係日本，中間有bar枱睇到師傅嘅功架，亦有卡位同房間，有空間安安靜靜同朋友食飯傾計。一坐低就為我哋準備咗綠茶🍵熱辣辣茶味又好香。今日廚師就為我哋準備咗牛油果軟殼蟹沙律為前菜，軟殻蟹好鮮味，加上油醋汁（橄欖油+黑醋）、新鮮嘅牛油果🥑，非常開胃！跟住上嘅係活海鰻博多，呢個博多上面放咗煎香嘅鰻魚，下面就係鮮蝦膠同芝麻，夠晒口感，鰻魚亦夠晒鮮，一啲都唔會腥，好好味接住係新鮮嘅刺身🍣分別係三文魚、帆立貝同平政，三個都超級鮮😋最後上嘅蒲燒活海鰻魚丼（三食）絕對係今晚嘅主角，可以選三種食法：單吃、配上蔥/芥末/紫菜碎、加上鰹魚湯，單吃已經好好食，個人覺得第二種食法更能帶出鰻魚鮮味！除咗食物，呢度服務都一流！店員不時睇我哋有冇需要，上每一碟嘅菜式時都細心介紹食物😍埋單人均$450左右，以餐廳同食物質素嚟講，價錢非常合理，絕對會再嚟！

這是一間在佐敦樓上的日本餐廳，店內裝修高檔很有格調，亦設有水吧枱可以看着料理是製作菜餚。有很多特別的日本菜式，例如每天新鮮製作的蒲燒活海鰻魚，壽喜燒，刺身，天婦羅等等。食材都是10分新鮮即叫即整。食了一個臀肉野菜沙律，醬汁10分配搭，很開胃。最推介的是三食蒲燒活海鰻魚飯，鰻魚入口溶化，醬汁濃郁，配上三款配菜一起食有不同的口感， 10分有創意。令一樣是鰻魚榻榻米，在鰻魚下放上香脆的米通，口感10分特別，令人有不一樣的體驗。刺身方面亦10分鮮甜，是一間高質素的日本餐廳。以後會再來。

一間有質素的OMAKASE ，唔單只有好食材，更要有舒適用餐環境，Sen88完全乎合到要求。晚餐餐牌選擇多不勝數，有前菜、沙律、刺身、壽司、揚物、天婦羅、卷物、燒物等。 次次黎食都會有新鮮感。刺身 三文魚($58) 帆立貝($98) 甜蝦 ($98)刺身一定係必食之選之一！ 新鮮度永遠都是100分，而且款款刺身都肥大又厚實，味道又鮮甜。和風芥末籽牛舌沙律 ($88)沙律配上牛舌原來係咁完美，牛舌香煎後，有少少油分滲透入沙律裡面，清新中又帶點香口，好正！活海鰻博多（$228）餐廳主打活海鰻，一口咬入兩種口感，一面海鰻鋪滿芝麻及特別醬科燒到非常脆口，另一面就係正常燒海鰻，口感幾特別。蒲燒活海鰻魚丼($258)鰻魚丼又是另一必食之選。呢款鰻魚有三食法。首先原始食法食出海鰻的原汁原味。其二就係配上紫菜、芥末一齊食，提升味道層次。再者就係茶漬飯食法、將魚湯倒海鰻丼，去走油膩，食出另一種芳香海鰻。

餐廳裝潢幾有氣氛，有卡位，亦有bar枱。可以見到壽司司傅整壽司刺身。牛油果軟殼蟹沙律前菜叫左一碟沙律，份量比我想像中多。除左有牛油果同軟殻蟹之外，仲有蟹籽。車厘茄多汁鮮甜，軟殻蟹一大隻分左四舊，好味😋刺身甜蝦（四本）真鯛（三切）三文魚（三切）黎得咁高級既日本餐廳，緊係要試試佢既刺身。我地叫左三款刺生，有頭甜蝦，真鯛，三文魚。今次我地就無沾wasabi，決定要試到片刺身既原味度。三文魚🍣唔沾wasabi咁食，食到三文魚既鮮味，加上三文魚紋路清𥇦，咁就知唔係用紅鱒魚做替身。仲有有頭甜蝦，甜蝦🦐肉質鮮甜，蝦頭有羔。鯛魚肉質結實，唔會鬆散。活海鰻博多原本都唔知咩叫博多，諗住試下係咩。原來係鰻魚+蝦餅。蝦餅同鰻魚一齊煎香，再加上芝麻，鰻魚燒汁。味道十分惹味，菜式亦好新奇。蒲燒活海鰻魚丼（三食）最後就黎主食！係一個三食既鰻魚丼。三食就係：1）原汁原味2）加上wasabi / 蒽花 / 脆脆 / 紫菜3）加上茶漬飯湯好少餐廳有鰻魚茶漬飯，湯夠暖，飯唔會太冧，鰻魚既醬汁令茶漬飯更入味。值得推介😝😋

一向貴價嘅日式壽司料理(Omakase)廚師發辦，因為價錢原故都令唔少人卻步。鱻88可以用唔洗$1,000嘅價錢食到Omakase作主CP值高🍣鱻88嘅$888，88會席Omakase包以下美食1）前菜2）刺身3）燒物4）炸物5）壽司6）卷物7）湯物8）甘味如果想再食靚D又或者想食飽D，可以選擇$1288嘅Omakase! 如果大家去食，建議搵Rex Lee偉師傅！偉師傅好有客人心，我第2次去已經認得我，仲記得我對邊種食物有敏感！超細心同有客心！讚

朋友係鰻魚控，知道佐敦有一間新開日式餐廳 有一系列海鰻餐單，就帶我去試新嘢。去到餐廳，一睇就知道係日式高級餐廳，呢度嘅裝修好有格調，充滿日式風情。話明嚟食鰻魚，除咗沙律、刺身外，就叫咗個 活海鰻榻榻米同蒲燒活海鰻丼(三食)慢慢品嚐。牛油果軟殼蟹沙律軟殼蟹炸得好香脆又唔會油淋淋，加上新鮮嘅蔬菜和陳醋，仲有牛油果和粒粒蟹籽，配搭健康又開胃。刺身 ~ 平政魚、帶子、三文魚好新鮮，厚切大大件，食得出魚嘅鮮味。平日食三文魚覺得冇乜味，但係今次喺呢度食，又覺得佢充滿魚香喎。活海鰻榻榻米海鰻燒得皮脆肉滑，鋪在香脆的脆米上，做法很特別，軟滑的鰻魚配上脆米，口感好特別。蒲燒活海鰻魚丼(三食)滿滿的一盒鰻魚飯， 配上切得幼幼的蛋絲和美味鰻魚汁。我先試原味，即係取蒲燒鰻魚配飯吃，慢慢品嚐肥美鰻魚。鰻魚除咗要肥美，最重要係冇骨，因為我好怕吞咗魚骨嗰種怪怪嘅感覺。之後我用鰻魚飯加葱、海苔絲和芥茉混著吃，加咗配料，味道較有層次，又是另一種風味。 三食係鰻魚飯加上煎茶造成茶漬飯，淡淡茶香加上肥美的燒鰻魚， 。 之後我仲自創第四種食法，就係將茶漬飯加埋所有配料一齊食，原來都好好味喎。呢間餐廳，今次只係試咗佢嘅沙律、刺

近期成日聽到有朋友介紹食鰻魚既好地方 我本身係食鰻魚既愛好者 會周圍食唔同類型既日本野 今日就食呢間係佐敦既鱻88 呢到環境好寧靜 好適合朋友聚會 首先叫左個活海鰻博多 分左兩種食法 第一個就係燒鰻魚 食到鰻魚嘅原汁原味 另一個食法係鰻魚配上大蝦 大蝦嘅鮮味配上鰻魚都係另一種特別嘅又好夾嘅食法另外叫左長芋蕃茄海帶沙律 開頭睇落去以為係三文魚原來係蕃茄 再配搭長芋同海帶口感好清新因為呢度主打食鰻魚嘅產品 所以叫左呢度嘅特色菜 鰻魚玉子蛋糕 蛋糕好鬆軟 甜度適中好適合食完主菜後作為飯後甜品黎到主菜就係好食既刺身 有真鯛 赤貝同帶子 所有嘅刺身都好新鮮 啲海鮮唔會有腥味 魚同帶子都係入口就會溶化 食完之後海鮮既香會殘留係個口中而我最鍾意食嘅鰻魚飯 仲要係三食添 第一個食法就係普通咁食 第二個食法真係會加啲配料例如紫菜同脆米 最後一個食法就係可以加湯 配上鰻魚飯 雖然我唔知嗰啲係咪叫湯 呢度嘅鰻魚係好特別 佢嘅鰻魚會煎到脆身 食完回味無窮 呢度係食鰻魚嘅首選

已經有好一陣子沒有吃日本菜了，聽朋友說佐敦開了間新的日本餐廳，便與他來試試看。位置很方便，於佐敦站A出口轉右一直走五分鐘左右就到了。餐廳裝潢以簡約為主，偶爾加些點綴更顯特色，不過燈光略嫌有點昏暗。食物方面，先來刺身：有三文魚 (三切)、帆立貝 (一客)、平政 (三切)。三文魚十分厚切，紋理清晰分明，鮮甜且肥美，果然是我的至愛。大大粒的帆立貝爽口彈牙，配上表面上的柚子粒，感覺清新。平政聽店員介紹才知其實是油甘魚，味道濃郁，口感頗肥嫩的，不錯。再來是前菜 牛油果軟殼蟹沙律大大隻的軟殼蟹放在沙律上非常吸引，味道也相當不俗，沙律十分新鮮，其中牛油果尤其出色，生熟程度剛剛好，很香甜，不然太熟的話會很膩的。活海鰻塌塌米 共4大塊，鰻魚顏色十分有光澤，香氣噗鼻，塌塌米也很脆，整個口感非常好，必食之選！蒲燒活海鰻魚丼，光看賣相已經好吸引，鰻魚滿滿的鋪在飯上，份量多得誇張，還附上紫菜 蔥花 芥末 “七色粒粒”及味噌湯，據店員的介紹，這鰻魚丼布三種食法：一是原味，二是加入紫菜 蔥花 芥末拌勻再吃，三則可以加上適量的味噌湯配搭七色粒粒。這道菜除了份量多，又有多種食法，十分有趣外，味道還是很好的，喜歡鰻魚的一

前排上網見到佐敦新開咗間「鱻88日本料理」日式餐廳，特別推出咗一系列活海鰻魚菜式，仲有多款新食法，包括有人氣嘅鰻魚丼、活海鰻塌塌米、鰻魚玉子蛋糕等。仲要每一款都係用新鮮海鰻製作，真材實料！男友至愛食鰻魚，今日一於帶佢嚟試下先。呢度除咗海鰻，都仲有好多其他嘢食，仲要係由星級廚師團隊即席炮製天婦羅、鐵板燒、浜燒、涮涮鍋、壽司刺身等，我哋首先揀咗個小食一口芝士，表面金黃又香脆，內裡芝士又軟又流心，再加埋藍莓醬，味道甜甜哋，又係另一種風味！食日本嘢又點少得刺身呢，真鯛薄切刺身超鮮甜呀，好似啱啱喺海撈上嚟嘅感覺，的確好新鮮，再加少少酸汁更加能帶出佢嘅鮮味。甜蝦同三文魚都係我至愛，甜蝦又甜又多膏，晶瑩剔透，而三文魚新鮮肥美。跟住揀番少少香口嘢，點咗兩款串燒，自家製免治雞肉串同埋長蔥雞串，免治雞肉串有啲燒汁，點少少蛋醬就更美味。長蔥雞串一上檯已經聞到香蔥嘅味道，一口雞肉，一口香蔥，感覺清新。話明嚟食活海鰻架嘛，主角嚟啦，叫咗個活海鰻塌塌米，塌塌米非常香脆，而活海鰻肉嫩鮮甜，再加埋少少嘅鰻魚汁，真係一個創新嘅配搭。另一款主打係蒲燒活海鰻魚丼三食🍱：佢參考咗日本名古屋做法，製成三食，先將飯分為4份，先將

和友人原本去食過幾次既日本餐廳食飯點知原來已經執左, 好可惜幸好同一位置開了另一間日本餐廳我們就入去試下食新野個招牌有條魚, 好得意, 好易認豚肉野菜沙律-$88豚肉好香口, 幾好味, 而且豚肉的油香滲落去野菜沙律度, 令沙律的味道更份外吸引三文魚-$58, 平政-$98, 帆立貝-$98全部d刺身都係厚切, 食落口感好好, 而且魚生係好新鮮的, 食得出鮮甜的味道吉列炸蠔-$88炸得好香炸, 但又唔會覺得好油膩, 更重要的是, 生蠔一d都唔會腥, 我係最怕生蠔腥既人, 可見新鮮程度, 經理果然無介紹錯活海鰻博多-$228香港食開既鰻魚一般黎講唔夠係日本食既林, 但係d度既鰻魚竟然有日本既質素, 好唔錯, 而且佢d個組合, 係鰻魚同埋蝦既組合, 口感好得意, 都幾夾, 好有創意呀海鰻魚丼(三食)-$258個鰻魚好正, 所以叫埋d個飯, d鰻魚汁同味滲晒落白飯度, 超香口, 第二食就係拌紫菜, 粒粒食, 增加左口感同香味, 係唔同既食法, 第三食係拌湯黎食, 令人更開胃, 估唔到叫一味菜有三種唔同食法總結食物都幾唔錯, 特別係鰻魚, 而且環境服務都好唔錯, 傾計好選擇呀!

為準備日本之旅，上網睇見啲相愈睇愈肚餓，為咗止癮，即刻search下邊到有日本菜食。平時只係去開連鎖壽司店，今次想揀間和風小小嘅餐廳。鱻88位於佐敦樓上餐廳，日式裝修，亦有壽司吧枱，可惜當日好多人坐吧枱，未能一試望住師父整壽司之味。🔹蒲燒活海鰻魚丼（三食） $258🔹活海鰻塌塌米 $198🔹燒活海鰻魚串 $68鰻魚丼不錯！店員有介紹有三種食法：有紫菜、芥辣和蔥及茶漬。本身乜都唔落都夠食，鰻魚好鮮味同厚肉實淨，飯亦熱辣辣好軟熟，落埋配料都有另一番風味。塌塌米其實係鰻魚下放咗塊脆米，兩者配搭幾有趣，脆卜卜口感不錯。🔹和風芥末籽牛舌沙律 $88🔹岩鹽燒牛舌 $48發Gor表示牛舌幾爽口，唔會太韌，不錯。🔹自家製免治雞肉串 $38免治雞肉串每啖都啖啖肉！好juicy！本身想食多條但驚太飽食唔哂就無叫到。🔹刺身（赤貝、真鯛、平政） $264每片刺身係厚切啖啖肉，食得出比坊間壽司店更新鮮同充滿魚味，我個人喜歡赤貝！📍鱻88日本料理佐敦佐敦道39-39A號根德大廈地下及1樓．．環境分數：8/10食物分數：7.8/10Encore分數：7.8/10

今日黎到柯士甸接朋友收工早到左 於是就係附近周圍行下睇下有咩岩食先喇原來呢頭都幾多野食！但係行完成個圈都係比呢個招牌深深吸引住！問左職員店內仲有位所以朋友差唔多時間到我就上左去攞位先喇！裝修以灰為主調設計有格調之餘亦有小裝飾痴左係牆上面加添活潑既感覺！由地下既職員到餐廳內既職員位位都斯文有禮佢地會介紹當日時令食材之外每次上食物都會講一次菜式名雖然唔係咩大動作但作為食客會覺得好貼心軟殻蟹牛油果沙律近年來牛油果都係沙律既常客軟殻蟹食落唔會好粉炸得剛剛好有肉食！沙律汁亦相當開胃食日本料理又點少得刺身三文魚 凡立貝 真鯛無諗過三文魚會咁厚切而且咁有鮮味喜出望外呢！另外兩種刺身都相當新鮮不錯不錯之後就到活鰻魚榻榻米係咪一聽到就聯想到訓教個啲呢？其實係講緊烤米米通加活鰻魚都係一次試呢個配搭過足口癮！脆卜卜之餘又食到美味既活鰻魚！當然唔少得蒲燒活海鰻魚飯啦！無燒到過火位無苦味一個價錢有三種食法！好抵！1）食鰻魚原味意思係咩都唔加2）加紫菜同蔥花/芥末撈埋一齊食3）加茶咁就可以變茶漬飯架啦！喜歡食鰻魚既朋友理應好喜歡呢到既活鰻魚我曾經有段時間好唔鐘意食鰻魚係因為有骨但係呢食左咁多舊鰻魚都無咬到有骨要吞

走進餐廳內，第一個感覺係好少起佐敦區會有一間環境咁舒服的高級日本菜餐廳，餐廳地方好大，環境相當舒適，有卡位枱，空間感十足，由裝潢餐具到服務每一樣都是滿意，環境寧靜岩晒想靜靜地食下飯同朋友傾下計的三五知己或者慶祝節日生日呢到都係一個很不錯的選擇。 食物方面，呢到有刺身，壽司，燒物，熟食，飲品等等可供選擇，好多不同款式。 <牛油果軟殼蟹沙津>，軟殼蟹炸得好香脆，半點肥膩感也沒有，外層薄脆完全食到軟殼蟹的原汁原味，沙津汁味道醒胃，蔬菜好新鮮。 呢到食物的賣相真是好吸引，刺身類我地食左帆立貝，三文魚仲有甜蝦，三樣刺身都好新鮮，帆立貝是黎知北海道，肉質又大又厚，鮮甜無比，三文魚厚切，味道甘香，鮮嫩滋味，入口令人大滿足。甜蝦都幾大隻，蝦肉紮實，甜味十足。 大大推介必食<蒲燒活海鰻丼>，活海鰻燒得好香，丼盒內佈滿鰻魚，外層燒得好香，入口油份溶化，邪惡又美味，鰻魚配上鬆軟米飯，好夾。品嚐了一大半之後，我地將熱茶倒入碗內再品嚐，確實別有一番風味，多了一份清新感覺。

小妹除左係牛魔之外，其實仲係個不折不扣既鰻魚控朋友話我知佐敦呢度新開左間以活海鰻料理做招牌既日式餐廳，收到呢個消息之後我就點會放過，呢晚適逢大帝收早而女皇去獨自偷歡唔煮飯，我就同大帝黎朝聖一下先呢度既裝修簡潔富和風，當中既有omakasa亦有散點，既然我既目標係活海鰻，咁就梗係散點啦，有成頁係專for活海鰻既菜式架我同大帝每人揀左款活海鰻系列既料理之外，仲order左個沙律同三款刺身share食先黎既係“牛油果軟殼蟹沙律”HKd$98+10%，有成熟程度剛好既牛油果粒加上新鮮既沙律菜，仲有香口而不油膩既軟殼蟹配上帶酸既醋汁，呢啲不敗既組合當然正啦之後我地揀個三款刺身：“帆立貝”HKd$98+10%、“三文魚”HKd$58+10%同“真鯛”HKd$88+10%都到場啦OMG, 估唔到呢到既刺身咁新鮮，仲要塊塊都咁厚切添跟住就係我最期待既“蒲燒活海鰻魚丼（三食）”HKd$258+10%首先當然要食佢既原汁原味啦以帶有微甜既燒汁將活海鰻燒至金黃焦香，當中海鰻肉質軟腍肥美而無骨，加上軟糯晶瑩既白飯一拼吃下，美味得教人感動之後仲可以加上葱花、芥末、脆粒同紫菜絲，為此增添層次感而最後一個食法就係加