鳳城酒家 (已搬遷) 新店位置

和娘親的下午茶, 一心來試鳳城出品的灌湯餃~在點心紙上同時叫了幾客點心~ 全部即叫即蒸, 都算新鮮~灌湯餃奉上, 是逐隻計, 一籠一隻, 約$16一隻~但一放在檯上, 見餃子已穿窿, 心知不妙~不是一隻半隻, 而是我和娘親的都是穿的,幸好湯未致於流出, 小心奕奕拿出放進碗內, 湯味濃, 料足, 不過不失,灌湯餃   灌湯餃   灌湯餃 但一籠一隻始終和從前一籠兩隻有大不同, 少了一點風味~其他點心仲有煎糯米雞, 好簡單, 將糯米雞壓平沾蛋漿煎成, 沒有甚麼特別~干蒸牛肉少食所以叫一客, 其他點心都是抱著試試心態... 都是一般...各式點心   各式點心 不過點心好味與否其中最重要的, 就是趁熱食就已經OK~因為下午茶關係, 人客一走就清細檯換大板面檯板預備晚市, 各人都很努力SET檯而忽略了正在品茶食客的感受, 當左右兩張檯都被SET好而你還會有心情細嚐嗎?吃完此處的灌湯餃才得知, 這鳳城是由新光集團管理, 由前北角主廚夥同新光管理, 和傳統鳳城在北角及太子的不同~ 而只有北角的鳳城有傳統灌湯餃, 要再下一城去試下, 比較一下~

今日我同老公約了老爺一起去飲茶， 近近地去試下新裝修既鳳城酒家。 心想鳳城都算多分店，應該唔會差得去邊。結果失望而回。芋茸千絲酥芋茸完全沒有芋頭味道，第一口食下去好像食了一團粉加了超多糖，加上千絲酥完全唔香口。我同老公食了一口就放棄了。燒賣一看賣相已經知道味道不會好得去邊， 燒賣面頭既蟹子既顏色同蟹子既數量，你可以看得出此店連基本既點心也做得不好。食了之後， 只有一團攪肉，不彈牙，沒有肉香。煎蝦米腸粉蝦米腸粉是現盛買回來的吧！應該是機械大量製造我那一種， 沒有蝦米香， 口感過實。加上煎的時間不夠或油不夠熱便下料去煎，令表面沒有煎香的香味及硊硊的口感，而有很大的生油味道， 而最大問題在是於酱酒品質太差，太甜沒有酱油味道。令到一盤普通香煎蝦米腸也令人失望。白菜餃有D菜味另外外皮不會太厚，另外也夠熱度， 比起以上幾個點心是比較好的一道。不過仍然未達可接受程度！ 相比起這個價錢，這個食物同服務質素，我同老公都覺得不太值。下次都係要找一家好口卑既酒樓！

同事生日佢話想飲荼，一行四人來到鳳城飲茶來到唔使等就有位點心纸菜心普通鮮蝦腸粉Ok煎腸粉有芽荼抵讚，如有XO醬就更好香煎糯米雞，冇嘜料，失敗牛肉細咗，味道普通, 燒賣OK鳳瓜同鍋貼OK小蘢包麻麻地魚頭OK蝦多士有倏毛，仕應換咗一碟比我地，味都OK，D油都唔少蛋散普通蓮茸焗布甸，唔知係咪放耐咗，冇想像咁好

整體來說，鳳城酒家的點心一向都不錯，由於我們在11點多入座，所以人不多，非常寧靜，感覺唔錯，而且點心款式多，可以有多D選擇。而且在星期一至五12:45分前結帳，全單仲有九折，都幾好啊﹗我最喜歡佢的蝦餃，大大隻，好爽口的蝦，而且熱勝勝，連坐在另一台的外國人都LIKE架﹗百花魚肚都唔錯﹗都係大大份﹗鳳爪味道足，但略嫌油了一點。麻辣金錢肚就係好辣架，要吃得辣才好﹗牛柏葉都幾爽口

今日LUNCH 和同事去鳳城酒家飲茶, 平時去開竹園, 小梡公等..鳳城都係第一次去~聽聞佢地既西米焗布甸都好正!!而且LUNCH好爆..所以一早訂埋位喇~先來蝦春卷, 春卷咬落挺香脆, 裡面除左了有原隻小蝦外, 還有少少的西芹粒增加惹味感, 而小蝦的腸亦有去掉, 食得更加開心!手拉滑腸粉, 看到這樣白滑剔透的腸粉便知道是新鮮之物,小妹第一次在茶樓食到沒添加任何材料的腸粉, 只點一些豉油,感覺綿綿細嫩, 滿特別!鳳城炒飯, 聽聞是這裡出名的炒飯, 炒飯粒粒分明有穫氣,除了一般炒飯的材料外, 還有不常見會加入做材料的蕃茄釣味小籠包, 小妹就冇試到, 不過聽同事講, 小籠包一上桌已經不是太熱,而且食落皮已經變硬沒有肉汁流出, 十分差薑忽牛柏葉, 小妹至愛的茶樓點心, 好味最後壓軸是甜品: 西米焗布甸, 滿大的一個! 侍應們還貼心的幫我們分了4碗,分了4碗後還餘一大半呢, 所以這個$65 足足可以夠分6碗!小妹一直都很喜歡食這款中式西米焗布甸..就算去滿記食糖水也不忘叫黎食!!所以對這裡的焗布甸甚為期待! 布甸熱辣辣的, 面層焗得香味四溢, 內裡的布甸軟綿綿很綿密, 每食一啖都倍感滿足! 加

這夜一行4人到了上環鳳城吃晚飯。主要點一些店方的拿手菜，有些的確不錯，但有些則非常一般。蝦多士：炸得很香口，蝦肉彈牙而多士底脆。(3.5/5)大良炒鮮奶：做得較黏和油膩，鮮奶香不太出。(1.5/5)煎藕餅：煎得過乾，而且味道偏咸。(2/5)炸子雞：全晚最精彩的一道菜。雞皮脆，肉嫩又香，好吃。不過切得有點粗，賣相可以做得更好。(4/5)芋頭粉葛扣肉：芋頭和粉葛都不夠入味，頗失敗。扣肉夠腍，吸了不少汁，送飯吃很不錯。(2.5/5)總括來說，不過不失的一餐。服務方面算有禮，員工醒目。

本來是這裡既茶客 不過點心水準不斷下滑 最终轉去其他酒樓今回中環友約我午茶 於是心郁郁再來食灌湯餃,炸粉果及西米焗布丁頭兩味點心都係一般 灌湯好清甜 但隻餃無餡 粉果唔脆唔香口 係西米布丁 好味鵪鶉蛋燒賣,魚翅餃 肉餡好淋巴巴 味道差 雞扎 仲差..用豬皮當魚肚 其他都不用多說~ "後會無期"

星期日與家人外出用膳，由姑奶拍板，選了在上環西港城附近的「鳳城酒家」。由於家母是順德人，所以對筆者來說，吃順德菜，唔多唔少，點都有些情意結。鳳城美饌指的就是順德廚藝，而在港、澳兩地，以「鳳城」為名的食肆也著實不少，可惜並不是每一間的出品，都能讓人嘗到正宗的鳳城風味。「鳳城酒家」，在港大大話話都有十間、八間之多，但據說只得北角和太子店才是正宗老舖。至於上環這家店子，筆者以前在中環上班時也會間中和同事來喝頓午茶，但吃晚飯嘛，這趟還是首次呢！就算從沒到過「鳳城」吃飯，相信也曾聽過這兒有幾道必試的名菜，甚麼「大良野雞卷」、「煎蓮藕餅」、「大良炒鮮奶」等，不過姑奶等人對吃向來沒甚要求，一切以節約為原則，見這個「燕窩啜魚全包宴」，足 6 位享用，只需 $1060， 頗為經濟抵食，就二話不說，選了作為這次晚餐。先上的金裝漢和大拼盆，其實就是以叉燒、燒肉及燒鵝組成的燒味拼盆，叉燒味道不俗，入口甜甜地、帶些蜜味，只是稍嫌肉質有點過瘦。至於燒肉，吃過後覺得鹹 味不足，而且肉質嫩度亦唔夠，但勝在五花腩肥瘦相間，入口外皮爽脆，都算 ok。 另外燒鵝，肉質本來還算可以，而且吃來亦帶點油脂，惜賣相較差，皮肉分離，

11月24日, 呀菲農曆生日~ 揀咗去鳳城食飯慶祝! 本來想去北角個間嘅… 但最後為咗就其他人就去咗上環呢間~ 佢個招牌同其他分店都係一樣, 不過就有人話呢間係假嘅… 真真假假… 實在無人知曉喇~::: 鍋貼大明蝦 ::: $68呀比見到鍋貼2個字就雙眼發光! 其實呢個菜同鍋貼一d關係都無! 叫蝦多士就貼切好多~ d蝦都幾大隻, 半釀入麵包上面拎去炸到金黃香脆, 真係脆卜卜架wor! 不過我就嫌佢油咗d…::: 鳳肝金錢雞 ::: $20/件此行目標菜式之一!! 係要預訂嘅~ 不過就可以獨立揀訂要幾多件~ 我恨咗食金錢雞好耐架喇~~~ 原來金錢雞係將雞潤、叉燒、豬肥膏夾包咁食!! 好肥膩但真係好好食呀~~~! 我好鐘意食雞潤同叉燒, 美中不足嘅係呢兩樣野都切得太薄… 但讚嘅係兩樣野都做得夠juicy, 連埋個肥膏咬落去個味真係不得了~~~ ::: 菜片鵪鶉崧 ::: $95鵪鶉崧炒得好香, 味道濃而比膩. 入面混咗d松子加強口感, 鬆鬆脆脆好開胃~ 不論包生菜或送飯都一流! 要讚嘅係佢d生菜切得勁靚! 而且顏色翠綠, 勁鮮嫩, 食落好爽口~ 包鵪鶉崧更覺清甜.::: 大良炒鮮奶 :::

與家人一行12人在此晚飯, 星期日的黃金8晚竟然只得8成滿, 是地點的關係?叫了10個餸, 多數是出名的招牌菜, 多數都好好味, 水準中上.好吃的包括: 粉腸(小食), 蝦多士, 炸子雞, 上湯豆苗, 鳳城小炒, 鳳城炒飯,普通的: 桂魚卷(有些腥, 無魚味), 炸粉果(沒太有味道, 好油) 好好味的當然還有它的焗西米布甸, 熱辣辣又不太甜, 美味的結束!

雖然之前投訢過這裏的灌湯餃和鮑魚雞燒買，但印象中，整體而言，鳳城的點心還是可以，而且這裏早市的大中小點也是一律$11.8，當中幾款還是我和少奶的「飛佛」，所以間中也會光顧。好幾個月沒有來了，今早與少奶專程再來，為的是幾款點心：高湯炸粉菓、炸魚餅、魚翅餃和雞札。可惜闊別三月，點心水準卻令我們刮目相看，最後失望而回。鳳城以前的高湯炸粉菓，好吃之處，在於粉皮的層次：最外層炸得鬆化，但內層仍帶煙韌和微甜，稍浸過高湯之後，外層吸收了水份和湯的鮮味，加上帶汁的涵料，一口咬下，就是一隻又脆又韌又有汁的餃子。但現在的高湯炸粉菓卻明顯是預先炸好，上枱前在翻炸。外皮明顯較以前深色，而且粉菓皮也炸得又乾又硬，完全失去了煙韌的內層，涵料也失去汁液。即便浸了高湯也無濟於事。魚餅的情況也一樣。以前的魚餅以薄薄的腐皮包著鯪魚肉，腐皮鬆化，魚內彈牙而有汁。現在的魚餅看似較以往大件，但明顯又是翻炸之作，腐皮炸得有點燶，而且硬了很多，魚肉混入了芋頭站，有點爽口，但卻失去了以往的彈性和汁液。雞扎本是很簡單的點心，一般酒樓也不會造得太差。以往這裏的雞扎也不錯，魚肚、火腿、雞肉和豬肚，標準的雞扎材枓。今次的雞札沒有豬肚都算罷，

又要食中餐,有得揀,緊係揀D特色D。六點幾的早,無乜人,所以招呼都特別好。一睇餐牌,我和老公都被那順德鮭魚卷吸引著,問侍應,她說都大條架,有成兩斤重。咁ok啦。來到一睇,我話呢度有兩斤!?都落左搭咯,佢咪敷衍我話,「有架!」幸好味道出色!魚肉滑滑!卷著金華火腿,但無火腿味噃。上湯浸菠菜,菜好嫩又唔油,正!蜆介炒牛肉,鑊氣十足!牛肉用梳打粉醃過,牛肉味已失了五成喇,腍腍質地似豬潤,再加埋蜆介成左「化學作用」,變成豬潤咁味道!哈哈!好餸得飯。每次食飯都要叫生炒骨,生炒骨好難整得好食麻!唉....肥肉多,又唔脆!仲要衰到落埋D酸蘿蔔、酸青瓜(o個D上枱開胃前菜)一齊落去炒!感覺好似將唔要既野,炒埋一碟!沒有一位用的西米布甸(晏晝賣晒),侍應送番紅豆沙給我們。紅豆沙有黏度,似乎用米槳煲,豆亦腍得奇怪,奶奶說,豆是俾野o拿腍過。唔怪之得有點同平時食開的沙狀/豆狀,紅豆沙唔同啦。不過有飯後甜品,少少地食一碗都ok架!鳳城不同分店,不同質素,北角當然No.1啦,呢間都唔錯,鑊氣夠,炒野都惹味D!

今日下午和男友及家人一齊嚟上環飲茶呀有一段時間無嚟到,突然又想wor ~四個人叫咗 7 籠點心~奶皇包, 己變流沙果種, 但我依然鍾意傳統果種呀~燒賣, 一般, 太多肥肉, 無咩味道呀珍珠雞, 飯粒不太淋, 味道又 幾好~鮮蝦苗菜餃, 好味呀, 個皮又不太厚, 料又ok, 好香既菜味呀!腸粉, 义燒腸, 就一般嘞~ 义燒有種不知怎說既味道...怪怪的...雞扎, 媽媽至愛..可惜佢話點解無豬肚喎.... haha 我又點會知呢...呢餐都幾好味呀~ good～

前幾日同家人同婆婆一齊食lunch,結果當然係要飲茶la…高湯炸粉果 浸左湯之後竟然冇淋到,重好好食tim ar炸子雞 好食wor,皮脆肉嫩,唔錯唔錯奶皇包 普通奶皇包,冇咩特別大良炒鮮奶 好滑,幾好食,唔係得個名野雞卷 好油,好肥,唔識欣賞鳳城炒飯 不愧為招牌菜,炒得好香糯米飯 普通,不是生炒的，但ｏｋ香煎蝦米腸 好食,煎得幾香,有幾多蝦米其他果d蝦餃、燒賣、叉燒包、芋絲餅、菠菜餃、蒸粉果冇食到，不過應該冇咩特別。

11.8 大中小逢星期六日假期呢度到係收以上價錢呀今天下著雨就嚟呢d嘆下茶啦二個人叫了奶皇包 依然咁好名呀高湯炸粉果 都幾特別呀,一定要浸湯才好吃(記住丫) 西米焗布甸 不甜,ok, 但蓮蓉太少喇糯米雞一般者魚翅餃不錯整体係ok呀... 會再來