鳳城酒家 (已結業)

有慶祝活動就嚟試下, 6 人叫了一些懷舊菜, 啲餸全部都偏細碟, 大良炒鮮奶非常油膩, 好滯, 仲好騷,炆石斑有條好粗嘅毛, 好恐怖, 最離譜係同個侍應講, 佢毫無反應, 就咁拎走就算數,石斑炒菜又鹹又油, 石班得果兩三片,豆苗螺片, 螺片硬到似砂紙,桂花炒翅又鹹又燶,生菜包的餡料好咸, 生菜又少,  藕餅都做得好差, 冇咬口, 料又少,壽包細到好緊要, 從未見過可以咁細, 糖水竟然係綠豆沙, 要送嘅係送紅豆沙㗎喇,錢又貴, 絕對不值一試!免中伏!!!!!!!!!!!!!!!!!!!!!!!!!!!!!!

懷舊點心，真材實料，仲要早茶平到無朋友！難得平日放假，走去懷舊一下。舊式酒樓通常都要搭枱，而且冇咩服務，但係食物真係真材實料，不會像其他大型連鎖酒樓，點心好似一陣風咁。點心11點前有優惠價，三個人食咗七碟點心，埋單兩舊有找，真係平到無朋友。懷舊臘腸卷，又大份又好食，一邊食一邊漏油嗰四粒鮮蝦燒賣仔，一啲都唔仔，好大粒，好有咬口，好真材實料。馬拉糕，有蛋味又唔會好甜，我的最愛溫馨提示：11點後大、中點心加＄8。鳳城有好多間，太子同北角先係同一個老闆。

第一次帶朋友來到香港懷舊酒家飲茶，樓上舖有兩層，酒樓環境一般，跟普通酒樓差不多，店員服務態度很好，飲茶總體食物不錯，除左個蝦餃比較失望，一夾就散同皮比較厚，而且價錢唔算平

做冬大過年，當然要同家人食餐好。最終揀了又懷舊又傳統的鳳城酒家。好在早成個星期book 位，否則好似好多walk in 客咁，被迫失望地離開。蒸石班，蒸得剛好，條魚好新鮮。大良炒鮮奶，老人家的我至愛。炸子雞，外脆內嫩。蝦多士，多士脆到無朋友。生炒骨，味道一般。炒蝦鉗，點少少醋，即把蝦味提升， 值得推介生腸豬腳仔海蜇， 又係好食到冇朋友，生腸好粗大又爽，正正正。乳豬仔，细细隻，皮脆肉嫩多汁。壽包，不錯的甜品。

假日喜歡到酒樓飲茶，太子鳳城酒家是我喜歡的其中一間酒樓。雖然鳳城酒家有數家分店，但太子這間的食物是最合我口味的。鳳城酒家沒多華麗的裝潢，但卻帶一點點懷舊的感覺。這裡沒間房間，人多便可獨佔一大枱；相反，人少便會編與其他人共坐同一枱。這裡的食客，多半是上了年紀的人，更有些人在這裡一飲便十幾年呢！這裡的點心，款式雖不是太多，卻是以傳統的手式製作。在這裡，我最愛最愛的是「乳豬飯」。沒錯，不是乳豬，而是乳豬飯。個人心得，乳豬配上白飯及醬汁一同食下，是單比只食乳豬更好味的。坊間許多招牌乳豬，夾起來是皮肉分開的。可是我還是覺得乳豬脆脆的外皮連著軟軟的肉，一次夾著兩種口感，是最原汁原味的。所以，每當想起乳豬飯，我還是會毫不猶疑的跑來這裡！☺️

今日朝早同男朋友飲早茶（2點先入座😂😂），唔洗等位，都幾少人下。無openrice啲人講到咁天上有地下無，款式好少，連蘿蔔榚馬蹄糕都無。價錢黎講都偏貴，無咩特別好味特別驚喜。值得推介嘅有～😉北菇綿花雞 爽肚蒸燒賣爽肚真係好爽但無乜味，燒賣賣相雖然一般般，但好足料，啖啖都係蝦同菇。一般嘅～蒸鳳爪同外味嘅醬汁唔同，比較咸啲，我覺得外面嘅醬汁更加夾，會有小小怪。叉燒包不過不失，無咩特別唔提議嘅～蒜茸蒸鮮魷無蒜茸味，成碟好似水煮咁。

今晚我地訂左6點食飯,叫左4-5人餐, 再加大良炒鮮奶,桂花炒魚肚,蝦多士。所有食物一次過上菜, 我明白繁忙時間佢地想做多轉生意, 無問題。之後職員上左隻雞,由於餐牌無寫炸子雞份量係一隻定半隻, 我地夾左幾件。隔左10分鐘,阿姐話上錯菜, 4-5人餐係半隻雞, 問都無問我地就拎走碟雞,我地已經呆左,之後有個男部長走來話唔好意思,個阿姐新來,唔知情況,之後係廚房拎番碟雞俾我地,話半隻就由佢啦。我地不以為意, 之後結賬時發現佢地收多140蚊, 問佢地係咩來,佢話係半隻雞價錢。明明係佢地職員俾錯野我地,仲要收番錢!如果佢一早講明話要收半隻雞價錢,唔該佢地一早講清楚,我諗我地會立即退番入廚房,宜家張賬單陰陰濕濕咁唔標明,我地同佢理論, 首先餐牌上無寫明係一隻雞定半隻雞, 其次係你地職員俾錯我地, 唔係我地問題, 然後阿姐又拎番入廚房後再拎出來, 咁點解唔俾番半隻雞我地。最搞笑係部長話我地同意左要一隻雞,中秋節好頭好尾。事實上我地完全無表明有同意喎!!亂收費,無下次!

同朋友飲早茶揀左呢度。個酒樓要搭lift/行樓梯上，得一層而且面積都唔係太大。大概朝早10點9到，一入到去就見到勁多食客同等緊位既人。我地好似等左20分鐘左右就入得😳。鳳城點心果種懷舊既味道，食果陣有少少時光倒流既感覺😛 我估佢係即叫即蒸，所以入左紙都要等番一陣，第一次去好似都等左20分鐘，第二次去就快少少既。通常一上就係全部點心都差唔多時候上，熱騰騰好正😛💦佢既水準好平均，皮薄料足，味道豐富，香氣濃郁。傳統中式點心黎黎去去都係果幾樣，都唔想太chom氣逐件講感受，直接去相（雖然影得麻麻地）！兩個人埋單一人大概80-90$，悠悠閑閑食到飽飽地，當係brunch都差唔多係咁啦😂係舊式酒樓逐漸沒落既時代，要搵番相同既味道可能愈來愈難，所以食完真係好想記錄低呢刻幸福既感覺。

唉！幾年前朋友相約曾到此店晚飯，當時覺得水準幾好，當然孝順嘅我時常都諗有機會帶媽咪尼試下，一諗就幾年了！終於昨晚有機會了，各人放假相约一行六人，齊齊去試下！我地book8点，去到8点半先有位入座，但我不是怪她此安排，因她已同我解釋枱客未走呀，只是該枱客人走時，她竞大大声講: 終於肯起身走了！我唔知佢想講俾我知抑或俾該枱客人聽，因為佢地都應該聽到的！我心想咁待客架！之後我地坐埋位，因為枱與抬之間比較迫，所以我地移一移張枱，立即有個待應走埋尼話(此人眼是鬥雞的)不客氣講，不要移d枱！我話:吓！唔移点坐，椅碰椅！我地無理佢，移開左d！跟住点菜，公平d幫我地落單個姐姐非常有禮，重叫我地不用点太多吃唔晒！講左咁耐，如果佢d食物有質素，我還可以忍受，但係相隔幾年，招牌炸子雞，皮係脆但係雞肉無味，乳豬拼大腸一般水準，係蝦多士有d水準，其他乏善足陳！6個人成$1800埋單，我就覺得唔平啦！但只換來咁既服務同食物，我就決定無下次了！

黎到weekend當然係嘆個靚茶先啦，呢度雖然要等位，但唔會好似大至連鎖要排咁耐，地點都方便所以黎左呢邊。由於我極喜愛吃點心，尤其係尤魚，叫左呢龍蒸尤魚。賣相同口感一樣係咁白滑，仲有好爽滑，味道係用蒜蓉黎蒸所以都夠香，不過味道有點單一。仲有份煎腸粉，細細條易入口，腸粉身夠薄同埋煎到脆，不過可能蔥粒唔夠，所以唔太香，需要用芝麻鼔油黎吊味呀。

假日要慢活，所以就出去飲下茶食下包慢慢嘆，食厭左大集團既茶樓，係需要幫襯下保留返自己特色既酒樓。呢度點心選擇唔算多，但勝在質素還在。呢籠蝦餃粒粒都係咁豐滿，餃皮軟淋淋唔厚皮，仲有餡料爆多，有最少兩隻蝦，而且係幾彈牙，高質既蝦餃。特別既仲有連蓉包，包皮都係偏向鬆軟，連蓉味係正常甜味，唔算好甜，甜度合理，而特別在連蓉餡裡面係有蛋黃架，感覺完全係食緊月餅咁，都幾過癮。

鳳城酒家，系彌敦道上邊，旺角站出嚟向北行一陣就到啦。亦都係一間樓上嘅茶樓，有兩層，帶friend去飲早茶有啲遲，上去二樓搵位，結果二樓無人又去翻一樓啦...茶點都幾好食，點咗椰汁紅豆糕，服務員仲同我地講呢個系飯後甜品sure要咁快點..三次，哈哈哈哈哈椰子味好濃郁，賣相好似豆腐，食落幾滑！灌湯水餃好大隻，水餃入邊有瑤柱同蝦，好似成隻水餃都浸曬系湯入面，一隻都好飽啦。。腸粉系提前煎過嘅，同其他茶樓普通嘅腸粉唔同，麻油加豉油嘅汁嘅味道唔錯~~咸水角，味道偏甜。入邊嘅蝦好多！！

今日有個客人朋廣州過嚟，傾完合同嘅嘢剛好收工時間，老細就話同客人一齊出去食飯，本嚟淋住遷就佢去食川菜，但佢話係廣州好多年，早已經習慣食粵菜，而且聽講話香港粵菜做得好更出色，所以要求我地帶佢去老字號吧粵菜。講系老字號粵菜餐廳，就應該要去鳳城酒家，粵菜都比較精致，廚師系順德人，所以做得好正宗。就好似呢個鯪魚球，我地個個都一致話好食，鯪魚肉唔腥，做得好爽口。招牌炸子雞保持以往嘅水準，炸得皮脆肉嫩，雞肉本嚟肉質都唔錯，所以好有口感，應該系腌過先炸，所以味道幾足，蓮藕餅都算OK，豬肉碎同紅蘿卜碎一齊釀蓮藕，再煎，煎過后比較香，仲唔錯。不過炒牛奶就有D不如人意了，食落有D滯，算系呢餐飯嘅美中不足。

懷舊的酒家總有他們的捧場食客,  今晚我姨母訂了位於 鳳城酒家 請我們晚飯, 她已經 88歲了.....第一個開心是她仍有積蓄請吃飯, 第二個開心是...我們高興見到她身体健康, 思維清晰, 因為她記得訂座時要同時預訂鎮店名甜品 "蓮蓉西米布甸", 頂瓜瓜. 鳳城酒家, 有多間分店, 今次去的是太子道鳳城.  我們訂檯在三樓, 那裡座位比二樓舒適.姨母很精明, 點了鳳城特式菜多款:  燒味拼盤, 有乳豬, 叉燒, 海蜇, 生腸和脆花生. 份量足五位.乳豬和叉燒水準一般, 乳豬皮很香脆, 夠大件, 應該是中豬因肉身很厚.  叉燒調味比不上其他酒家的一哥了.海蜇和脆花生很入味, 入口不錯.  生腸夠爽口.家鄉炒斑球:   斑球賣相不錯, 肉質很好，結實彈牙有鮮魚味.  配菜有菜心, 草菇, 紅蘿蔔, 薑片,調味適中, 炒得香爽夠鑊氣.粟米魚肚羹，粟米和魚肚材料豐富, 份量夠多, 魚肚十分爽口, 羮的味道甘甜, 絕對不稀.  入囗滿意.(忘記拍照片)西芹炒帶子:  帶子很大粒, 夠新鮮, 質感好又彈牙, 配菜有西芹, 洋蔥, 草菇, 紅蘿蔔很爽口.菠蘿咕嚕肉:   用半肥瘦豬肉, 口感不錯

表弟要結婚了，當他告知我婚宴地點時，我咀角上翹，心中暗叫：「識貨！」說太子鳳城享負盛名實不為過 (不是所有鳳城都是真‧鳳城，識食梗去太子或北角渣華道食，該是常識吧)，但還有多少新人會在這種傳統酒家擺酒？而我活到這把年紀，有印象的酒家婚宴是：上環金龍 (舅父母)、旺角瓊華 (六叔嬸)。屏風、麻雀枱、「聯婚」金粉字、隊拔蘭地XO，和這一切代表著的喧嚷與高興 ... 我期待著這一夜。在人情價常在FB鬧得沸沸揚揚 (but totally missing the point!) 的今時今日，您，也會期待一個婚宴嗎？這晚我倆遲大到，錯過了開席前大夥兒拍照的開心場面，也錯過了頭盤熱葷的上菜一刻。是的，打頭陣的還是熟悉的豬：除了皮脆，您還會期待些甚麼？傳統酒家扎實功夫所成就的品質，教曉了我可以期待些甚麼，也打開了這驚喜之夜的序幕。現在的人愛嫩口，所以菜要食菜苗，豬要食「豬苗」。常見的乳豬全體，因而都比較小，問題是吃完皮後，下面都沒有甚麼肉了。鳳城的這道菜，讓我們認識何謂「豬有豬味」：體型比坊間的大，這樣才有機會長肉，而肉既嫩亦有質感，還有只能以歲月培養的豬肉香。有多厚肉？請看下圖。當看到「雪花炒雀片