鳴橋燒肉料理 (已結業)

一個星期最開心嘅一日當然係星期四，因為番多一日工就放假！放工可以同一班朋友一齊食放題啦, 我哋總共四個人前前後後叫左好多野都係埋單＄1000，食咗勁多野呀！好抵食！我地二話不說當然係要啲刺身先啦，我本人就鐘意三文魚同甜蝦，都好新鮮呀！我地仲叫左沙津，好開胃！蔬菜類我最欣賞佢嘅就係唔會切得太大塊，燒起上嚟又易熟又會好食啲超甜番薯果然係超甜，好好味呀！不過我就略嫌天婦羅唔夠脆，有待改善！之後海鮮我哋order咗牛油蒜蓉青口,墨魚軟骨,帶子，當然仲有虎蝦啦，都好新鮮又夠彈牙，正！肉類我哋又有雞又有牛，羊，而我就最鍾意食佢地既一口和牛，入口即融，同埋好欣賞鹽燒牛舌，好好食，燒出嚟好香好味道！飲品方面當然有汽水果汁任飲啦，而我就揀咗佢哋自家製嘅五花茶，可以降一降火！甜品有香芋雪米糍，綠茶雪糕同埋芝麻雪糕任食，每二百幾蚊有咁多嘢食，真係又開心又滿足！

今日去咗鳴橋燒肉放題，地點果然係就腳喎，我哋一行四人，本來諗住喺九點前入座就＄178點知個朋友遲咗＄208冇計啦加少少錢，同埋嗰度如果升級就加＄40仲可以食到帶子、牛肋骨、馬刀貝刺身，特大帆立貝同埋再加海蝦，冇計想食好野要加少少錢果然不出所料，我勁鍾意食馬刀貝刺身，嗌左差唔多10轉，食完刺身就梗係開始食燒肉啦。啲嘢係任點梗係樣樣都食啲，一口黃牛粒，同埋鹽燒牛肋骨鹽燒牛都係必點嘅，喺度食燒肉好唔同，因為佢會加張紙係底搞到嗰啲燒肉唔會窿底，因為每次食都好快會燒到窿晒，今次食就冇呢個問題最鍾意食嘅雞軟骨真係好入味喎，其實其他啲肉類都好新鮮，不過我就個人推介海鮮，帆立貝係幾好食再加埋勁大隻嘅海蝦，嗰＄40真係抵比。我哋都有飲湯架，不過啲湯好似麻麻哋。天婦羅都唔差架，仲有我最鍾意食嘅一口番薯，真係勁甜同埋勁脆。最後我哋梗係有叫甜品，有幾款雪糕有芝麻味同埋綠茶，仲有雪米池添，不過你又唔好期望佢太好食都係平常7-11買到嗰啲雪糕咁。

下班後的燒肉放題今天相約了幾個「食肉獸」朋友，放工後去試這間多次經過的燒肉放題！餐廳就坐立於旺角砵蘭街地舖，鄰近朗豪坊，對於我們住九龍、甚至沙田區的朋友，吃飽後回家亦非常方便。我們是黃金時段入座6:31～9:00，有兩個半小時任飲任食都只需要$208一位，那當然要加$40升級版便能食盡虎蝦、牛肋肉、特大帆立貝、羊架、刺身帶子、馬刀貝。真的非常「抵食！」星期四平日的黃金時段店內幾乎都坐滿了人，入座率頗高。沒想到這個價格都有頗多的選擇！👍🏻而且旁邊還有比下單紙還要大的意見書😂，感覺很有heart。店員們都很主動，下單後上菜速度都非常快，而且都細心的先上刺身。我們因爲怕浪費食物，所以每款只點少量，而肉的款式和口味有多種不同選擇。店員十分細心的為我們加上牛油紙托底去燒，就算不懂做飯的我們也不會燒焦食物。還有實在要推介一下「一口牛」和牛舌，肉質Juicy!四個人能享用兩個爐去燒，實在太好了！絕對不會餓倒了大家😂當然要點燒海鮮，再配上日式御飯，吃燒食要配飯一起吃才能滿足呢～！刺身都挺新鮮的，也要再來一客！😁我們不停重複下單後，經已捧着肚子，就是吃甜品的時候了！我點了綠茶雪糕和cheese cake

大少收早，又可以出去搵好嘢食，呢啲時間唔洗同人迫就最開心~ 近來發現油麻地多咗好多好嘢食，於是行去望下~ 大少話好想食日本嘢，而我又好肚餓，放題就最好。路過見到呢間放題有燒肉，又有刺身，價錢仲要好抵，唔洗考慮，一於試下。$178 有咁多款嘢食，好抵，我地再加$40升級，因為個牛肋肉同帶子刺身好吸引。先黎一個刺身併盤，件件都好新鮮呀…仲有馬刀貝真係超好食，爽口鮮甜，大多數放題嘅刺身都好一般（除非係貴嘢啦）再黎叫咗牛肋肉，羊架，一口和牛，豬背肋，賣相都好新鮮，而且係肥瘦適中，先試牛肋肉，好多汁，冇點調味料都好好食，而且牛味超濃，升級咗真係冇錯，豬背肋之前都冇試過，原來係好爽口，有少少豬油香味，但又唔覺得好肥膩，好食！一口和牛粉紅色架，入口啲牛油出晒黎，正呀！其實其他嘅肉都好好味，好多時啲燒肉一係用醃料醃過，一係就用梳打粉，攪到冇晒肉味，呢度啲肉真係唔錯。另外仲叫咗海鮮，佢地都配大量蒜蓉，燒完真係好香。仲有天婦羅，即叫即炸，啲粉漿唔會太厚，好脆口。正！最後再叫多次豬背肋同牛肋肉，食完想再去食呀！總結：店舖雖小，但食物質素真係好好，呢個價錢真心抵食！

除左旺角大街，話說原來砵蘭街都有好多美食，今次係朋友帶領之下，黎左依間燒肉放題店，燒肉同刺身都係任叫任食，而價錢仲要唔貴，今次真係大飽口福啦一開始叫左餃子同甜蕃薯填下肚先，細細份當前菜食唔會太飽肚。刺身黎啦！雖然係任食，但質素都唔差，三文魚，北寄貝，章魚，帶子，仲有好多...基本上menu上有嘅都有叫，賣相好之餘，味道都唔錯，有牛，雞，豬，羊，海鮮，熟食同刺身。有d肉款有2隻不同嘅調味，食落好有新鮮感呀，特別係辣味嘅，唔辣但好野味，同時都食到佢嘅原汁原味。我特別鐘意一口牛粒，原粒原味，肥瘦均勻，好似食緊A5和牛粒，沾少許鹽調味，相當唔錯嘅選擇。店員一開始會po張牛油紙係燒盤上面，應該係令d肉無咁容易燒焦，同埋好似乾淨d，好細心嘅服務，令到我燒出黎嘅肉都好靚仔。帆立貝好新鮮亦都好大粒呀，燒出黎好鮮甜juicy，而我個fd都話虎蝦好好味，可以再試。

其實2個人都可以去食放題燒肉， 放題已經唔再係一大班人先會去食嘅野。人小小傾下計，食下野，係寧靜與吵鬧中找平衡點，都係一件幸福嘅事晚飯時間食放題燒肉，有刺身，熟食同燒肉任食，208唔算貴傳統嘅落單字，唔同色唔同種類太肚餓啦，緊係叫定刺身先啦！三文魚、北寄貝、章魚刺身都係我最愛，以任食黎講，味道都唔錯，唔夠食可以再落單(任食ma)，上菜嘅速度都好快帆立貝等緊燒啦~唔使咁心急喎每款肉都好想可以試下，全部畫晒1人分量先。d肉唔會太濃味，加小小七味粉調味都唔錯，(p.s.店舖有鹽同七味粉提供)好易熟，燒2野就ok啦，唔洗慢慢等，而色澤同肉質都唔錯黎多張有牛舌嘅，以前食放題會食得好快，唔識嘆。但人大了，學懂慢慢享受食物同環境，每天努力工作過後，找回真正屬於自己嘅享受時間再黎過，一口氣叫多左帆立貝，朕好喜歡呢，新鮮+大粒，好好味(都要配合我燒烤嘅手勢)仲有大大隻虎蝦，加40蚊升級，好抵食小墨魚都好味，彈下彈下想食鳥冬但又驚太大碗？有1人烏冬，細細碗就唔使驚食唔晒，㗰野啦~Yummy最尾記得食埋甜品，咁先至滿足架ma

已經幾個月冇去 之前去都幾好食幾抵食 就黎父親節就搵埋成家人一齊去食 好啦去到既時候即刻寫刺身 黎刺身得幾片 我地咁多人每人食一塊？又吾新鮮 一碟仔都廢事影相po上網 後尾寫多啲佢地話而家黎咩人數兩倍 但每樣黎到都無人數2倍 客人好得閒不斷寫紙？跟住啲爐慢過之前 燒野慢 我地之前次次黎食至少換兩張紙 而家換得一張 叫天婦羅 勁耐都未黎到 吾知係經理定老闆既男人話炸緊 個爐吾夠炸 佢地個爐細吾係佢地責任？雖然枱少佢地係咪有責任買大啲既炸爐？我地計時架 2小時坐係到等？我屋企人去廁所個時經過見到得廚房得兩個人做野 經理仲要態度有啲炆回覆我地整緊🙃好啦食食下 仲有40分鐘先夠鐘走 職員無啦啦行過黎話Last order仲有咩要？原來話而家一星期有三日（五，六，日）都要早40分鐘Last order 我地食都未食飽 點知叫咩？早40分鐘叫定甜品 就算遲出都無引啦🤗真心吾會再黎 哂錢 食到個個燥底心情差 間野倒自己米 大家去吾去自己諗啦😉

垃圾放題 天婦羅唔熟都算 叫20件 仲要痴埋一餅上碟 真係搵你呀媽食 彈返俾佢叫佢重做 等咗勁耐都冇到 點知佢一時又話收咗爐 一時又話個爐壞咗做唔到 冇得食事少 交代一句係咪好難 如果係真係炸爐壞咗咁你一早講唔好炸堆生嘅天婦羅出嚟 一定唔會有下次 

油麻地食肆處處，今晚與友人結伴品嚐日式燒肉放題，一邊高談闊論，一邊大快朵頤。有別於其他燒肉料理，此店並不是將食材直接放於鐵板上燒烤，而是在鐵板上放上牛油紙墊底，並輕輕抹上油。根據店員解釋，用上牛油紙可於燒烤時保持食物的水份，而且牛油紙是白色，即使燒燶了，也容易識別，方便更換。做法確實精明。任食的款式繁多，除了有燒肉類、海鮮、還有天婦羅、冷盤、小食、飲品及甜品。燒肉有一口和牛、牛肋肉、牛舌、豬肋肉、豬拖羅、雞翼、羊架、羊肉等等；還可選鹽燒、汁燒或七味粉調味。一口和牛，肥瘦適中，即使燒至全熟，肉質仍然細嫩，侍應建議我們燒至三成熟，果然肉質更嫩滑，味道更帶點牛油香味。豬肋肉及豬拖羅均是薄切，容易燒熟，又不會韌。海鮮類，我們點了大大隻的虎蝦及帆立貝，兩者鮮美可口，肉質結實。刺身亦不失禮，除了有三文魚，還有甜蝦、北寄貝、馬刀貝等，款款新鮮甜美。三文魚頭湯，三文魚肉都溶於湯內，湯面有一層魚油，啖啖三文魚香味，味道不會太鹹。

今晚去旺角會朋友，我們不約而同心血來潮想吃燒肉，從登打士街一路走來，見這兒有日式燒肉放題，價錢合理，最貴的放題時段才$208一位，就入去一試。坐下後我們發現可以加$40升級，包任點大虎蝦、帆立貝、牛肋肉、羊架、帶子及馬刀貝刺身。當中帶子刺身及牛肋肉最吸引我眼球，我和朋友對望一眼就決定加碼了。我們先來些刺身，帶子果然不負我期望，新鮮清甜，而馬刀貝就爽口非常，三文魚及甜蝦還可以。主角燒肉方便，一口和牛真的出色，肉質夾帶豐腴的雪花，燒三至五成即可，肉汁豐富入口即溶。至於加碼點的牛肋肉更是必吃之選，肉質鮮嫩味厚，雪花紋理清晰。有汁燒及鹽燒可點，前者已醃製，後者沒有醃製而可自行放些日本鹽伴燒，我個人喜歡後者，牛肉原汁原味。期他食材也不錯。基本上點原價的話多點一口和牛錯不了，而加碼的話多點牛肋肉、羊架及帶子刺身，再加上一口和牛，就值回票價了。

落緊雨唔想係街淋雨揀左一間外觀似日本居酒屋既燒肉放題作為是日晚餐不但可坐2粒鐘慢慢食,除燒肉外亦有刺身供應,一邊吹水一邊燒肉另外40蚊升級放題可享受埋大虎蝦,帆立貝,牛肋肉(分鹽燒同燒汁),刺生帶子,馬刀貝同羊架以上樣樣都係我都鐘意食諗都無諗就升級左一開波就點左刺身先不過主菜當然係燒肉啦個人最愛食一口牛正所謂細細粒容易食食多幾粒都唔會飽加上牛味濃,非常易入口再埋樽日本鹽,非常惹味另外燒盤會加上一張牛油紙墊底咁就可以避免痴底既情況出現整體食物質素同種類都比滿意唯一可改善就係坐位方面如坐走廊位,可以會頂腳

闊別日式料理一段時間又開始想它了！見呢間鳴橋燒肉可以經openrice book位好方便 所以二話不說就即刻預約！唔洗幾秒就搞掂 快過打電話 晚上準時到達 兩小時任食放題 有魚生 野菜 海鮮 肉類 炸物 熱食 飲品（自製涼茶都有得提供 貼心又地道） 甜品等 右上角寫低人數 咁廚房就會配返幾多個人既份量俾你一開始已經急不及待點左好多肉類 最推薦既係和牛一口牛 首先肥瘦平均 而且食落好淋店員更教我地 將和牛放正中間燒 咁d油就會四散 其他食物就會更香！最重要食物上碟前可以落餐廳特製既日本鹽 味道會更昇華食得多燒烤會想食d熱食中和下 見openrice好多食家都推介一口御飯同一口烏冬 呢d迷你size正 試到少少飯麵但又唔佔胃

剛於13/5 1930時段之放題，我們三人再加40元加食指定食物，時間應為1930-2130時两小時的，該食肆食材幾新鮮，但是爐火太細無得調校，另至我們未能盡慶，希望能有所改善，而舖内又淺窄，再者在2100時己叫我們最後點菜，我們說再等等，待應己將貼菜表格收起，很無奈及失望……

這次朋友帶我來的，他上一次經過的時候就看中了這家韓烤餐廳。餐廳外觀不錯，乾淨整潔。除了烤肉自助餐外，午市還提供午市定食。不過我們一致同意選擇了放題，每人額外加＄40的話，還可以得到升級食材放題。星期六的午市，客人不算太多。我們選擇了最裏面的位置，雖然裝修不算漂亮，但是整體平民，可以接受。有一點需要稱讚的，就是店裏的店員都非常好客，而且很有禮貌。講快點好菜以後，我們就發現烤爐上面多了一塊牛油紙。這是平常在其他韓式燒烤店裏都沒有提供的。我認為雖然只是小小的一張紙張，卻展現了店家的細心。除了省卻清潔人員的工作，不用常常清洗很多烤板，在燒烤時，也能避免痴底！在放題紙上，寫的數字是真實的。如果你填寫一，他真的只會給你一片魚生所以，想點多少的，就要填寫確實的數字。這裡的刺身，雖然少少的，比較細塊，但是品質非常不錯，整體比較鮮甜。一口烏冬有兩款口味，分別是正常的和地獄湯底。老實說，湯底的質素一般，但是烏冬口感彈牙，有驚喜。每款肉類，我都填寫了份量二，稍作嘗試。大部份肉類都新鮮，特別是台灣腸，非常惹味。雞中翼切開了的一半，是單骨雞翼，方便進食。豬頸肉口感爽口，大大塊。其中一款豚肉片，油脂分布漂亮，值得

食評我真係好少寫，但真係中伏到唔寫唔得訂左3位，入坐時差不多20:40分但餐廳合共只得4枱客，入坐前先去洗手間，途中經過走廊望到廚房，壽司工作間，我以為自己去錯大排檔，感覺就係你見到都無意欲食野個種。算。。既然入左嚟就姑且試下，希望有驚喜，但最終都係越食越無隱，仲要無service，叫左refill wasabi ,要叫第二次先來，最hea就係叫左杯自制涼茶，嚟左2杯(1杯8成滿，1杯得4成滿🙄，想點先？)個dipping sauce又唔會主動加，汽水又唔夠凍。都已經唔係爆場都咁樣😤，啲燒肉無肉味👎，但真係要一讚呢度既一口牛，入口係霉既，什麼入口即溶？？我完全唔覺，可能真係一線之隔？！(大家唔好再信呢度啲食評！真係唔明點解咁多好評。大家自己諗下啦。😝)