鳴橋燒肉料理 (已結業)

係旺角番工一唔知食咩就會去砵蘭街搵靈感😆 行行下見到鳴橋都好似幾吸引就碌左入去～.非常鐘意食豬頸肉既我見到餐牌上 $48就有得食，個感覺好似執到寶咁呀😂👉🏻燒汁豚頸肉飯 $48好食⭐️⭐️⭐️⭐️半套餐包左一豌麵豉湯同雪米滋一碗咁細既飯仔竟然內有11舊豬頸肉😳 好驚喜呀大佬～ 肉好爽口而且好肥美，燒汁有好多，唔會好似乾哽咁👍🏻但係個湯就好失色喇😩😩😩😩😩😩 好淡呀 無咩味，完全唔係我杯茶呀

今日放假，約咗朋友出去行街，佢提議去食燒肉，話 呢間燒肉放題好抵食，就順佢意去試下啦~下午1：30pm 去到，唔使等位，直入~ 小店唔算太大，但一枱有一爐，坐得都唔算太逼~午市原來只係$168 一位，另加$40 就可以食埋 升級王牌放題， 升級嘅嘢包括有：虎蝦、刺身帶子、帆立貝、牛肋肉 、馬刀貝、法式香草羊架。 一場嚟到就梗係試埋啦~放題都幾多選擇，有肉類、海鮮類、 和食類、炸物、刺身先嚟燒啲海鮮先，虎蝦幾大隻，燒落啲蝦好香，食落好爽口，唔痴殼，應該幾新鮮~帶子好鮮甜 ，而牛油青口，落咗牛油味令到燒出黎嘅青口好香~再嚟燒我最喜愛的牛肉，有牛肋肉同埋一口牛，牛肋肉雪花分佈平均，燒幾下已經7成熟 ，好有牛味~一口牛我覺得最正，入口好淋， 食落唔會渣，呢個我再encore咗幾次~刺身算係幾新鮮，帶子甜蝦都好爽~炸物係即炸既，上枱仲熱辣辣，good!蟹籽沙律, 枝豆, 雜菜和烏冬自家製羅漢果茶, GOOD!總括黎講，款式都算多，又刺身又燒肉又炸物，抵!

相信應該沒很多人像我一樣，會自己一人去吃放題吧？今天家人不閒，男友又未下班，有點郁悶，想自己放肆一下。放肆的其中一項就是食食食，看到這小店並非連鎖放題餐廳，都有好多人吃，好奇下就進去了。放題在不同時段不同價錢，飲啤酒的話也有優惠。食物種類是燒烤為主，肉類，蔬菜和海鮮都有。另外還有刺身、炸物、和食類，甜品和飲品。喜歡帆立貝和虎蝦的我當然願意加40元升級~枱上有不同調味料任君搭配。右邊的御飯有飯素在上面，味道微鹹，混著吃好下飯。底下的一口甜蕃薯必點，外皮有咬口，內裡軟滑，除了外層蜜糖甜味，本身的蕃薯味也很鮮甜，小粒不會怕飽肚。自家涼茶是羅漢果，我encore了好幾杯。餐廳以燒烤為主，本來對刺身沒甚麼期望，但是竟讓我喜出望外，比我想像新鮮，沒雪味。馬刀貝非常爽口，甜蝦清爽、鮮甜味美，帶子也很鮮甜，三文魚油脂不太多但入口味道好濃，好食好食。燒物先上海鮮，有大大隻虎蝦，肥美的帆立貝，青口，還有特別的芝士麻吉。燒烤如先燒蔬菜和海鮮就不怕後期多油了。翠肉瓜和雞脾菇味道清新；帆立貝和青口燒後沒縮水，有新鮮的甜味，味道十足；虎蝦蝦膏味道超濃，蝦身又啖啖肉，爽口彈牙，正正子。芝士麻吉原來是像魚腐的東西夾著

每隔一排，就會心思思想食燒肉。想大快朵頤，唔想就住就住食，當然係揀食放題燒肉啦！不過唔知大家有冇試過，香港有好多間放題店，都會有漏單或者服務態度唔好嘅情況但今日試完呢間鳴橋之後，我可以話係我食過嘅放題燒肉店中，服務態度最好嘅一間！門面好有日式居酒屋feel! 當日我下晝12點半入場，$168加一，價錢算係大眾化！餐牌食物種類都算多，見到佢只要加＄40就可以升級做皇牌放題，當然要試吓啦！先叫一啲刺身做前菜，因為加左＄40所以有得食馬刀貝，爽口！刺身新鮮，三文魚脂肪分布平均，唔錯！再嗌咗少少天婦羅，有炸蝦、番薯同野菌！熱辣辣、吹卜卜！喺正式燒肉之前，要讚一讚嘅係，呢間燒肉店會放一張牛油紙喺爐面，以防痴底同濃，非常細心亦都係第一次見。之後每樣肉都點左少少，其中和牛粒同雞翼係亮點！前者非常重牛味；後者則香草味濃郁！溫馨提示，燒完D肉記得點埋個醬汁先食，即時層次升級之後再嗌多少少海鮮類，例如青口、帆立貝等。味道不過不失，但本人認為肉類較出色！食飽飽之後，當然要叫埋雪糕食啦！我叫左兩隻味，分別係綠茶同芝麻。綠茶雪糕重奶味，茶味略嫌不足；芝麻雪糕芝麻味突出，我較為鍾意呢款！

去完朗豪坊睇戲，原本打算入大埔BBQ,點知落雨，去燒野食燒唔成，但又釣起條燒烤引，行吓行吓，就搵到哩間鳴橋。見吓個餐牌，重有日本魚生食添，一次過食勻兩款食品，唔錯，吸引咗我入去幫襯。入到餐廳，無一d燒烤場嘅油煙味。首先試吓我最喜歡嘅香草羊扒先啦，羊騷味有少少唔係好重，自己鍾意有少少騷味，啱自己口味，雞中翼唔多醃料去醃制而肉味重，日本魚生新鮮，蟹子沙律落咗唔少沙律醬，哩點值得一讚。需要幫襯時人客不少，但上菜速度唔慢，好快上菜，而且餐廳員工d服務唔錯，無漏單。

今日出旺角搵朋友lunch， 佢喺附近返工，話成日都想試下呢間燒肉，所以我捨命陪君子🤣🤣。燒肉店門面好有日本食店feel店內燈光柔和，座位尚算闊落，午市時段唔洗等位，原來除左燒肉， 午市都有抵食套餐。 燒肉午餐時段$$， 我地仲要加$40 升級優惠， 可以任食大虎蝦、牛筋肉、帆立貝、羊架等等。菜單款色太多， 好在佢俾到「一口」份量， 可以每樣試少少。七款新鮮刺身選擇， 第一次食馬刀貝， 幾彈牙， 至於啖啖肉既帆立貝， 係我既至愛。肉類款色超多，牛、薄切豚肉、單骨雞翼，仲有羊架。 肉嫩牛筋肉同入口即溶既一口和牛真係無得輸，encore 左幾次。另外海鮮類有超肥美既多春魚、青口同帶子等等。仲有其他小食，炸超甜蕃薯、新鮮大蝦天婦羅、鹽味枝豆同埋炒野菜。燒肉， 當然熱氣， 但好在有老闆細心既自家制羅漢果茶， 甜度適中。老闆俾左成樽我地自由斟，真係一邊食一邊下🔥。埋單加一：抵

同老公路過, 老公想食烤肉就試下, 又到去餐廳冇一半滿已經覺得怪.....老公揀左加40蚊升級, 有帶子刺生, 羊架, 蝦, 開始點餐, 作為放題佢D野食算好少.....餐廳裝修設施感覺去左大陸餐廳咁, 坐又坐得唔舒服野食方面冇咩味, 除左香草之外食唔到咩味, 刺身都一樣係冇咩味.....食到一半已想走, 最好食只有一口蕃薯, 枝豆同雪米慈唔會再去, 強力唔建議朋友去呢度咁多好評就真係勁奇怪喇，原因不用多說啦

今晚冇飯食，打俾好朋友問有冇意欲出來食飯，佢竟然話約咗我哋中學時期的女神出來，有女神的出沒，我當然逼佢講出約會地點，然後強行加入。原來佢哋約咗在旺角呢間燒肉放題食飯。燒肉食過，日式放題都食過，但係燒肉放題其實真係未食過，不過有女神坐鎮，食咩我都仆倒過來啦！由於收到消息的時候已經為時已晚，來到現場佢哋已經食緊，我見到枱面上有個美輪美奐的的刺身小碟，當然搶先試一試啦（這個時候已經不理在女神面前的形象），雖然話名叫係食燒肉，但原來刺身款式都幾多喎，眼前經已見到有北寄貝，三文魚，帶子同甜蝦，三文魚係我的最愛，一來都已經食咗三片，仲食到一款細細舊的好爽口的刺身，應該就係馬刀貝了！食完刺身之際，佢哋已經燒好左多春魚了，細看多春魚之下原來放咗一層紙，呢個燒法又幾好喎，唔使直接比食物接觸個爐面燒，減少燒焦的機會，又冇甘油！多春魚個肚裏面收埋咗好多春春BB呀！好多蛋白質，好香口。 後來都我點菜先知道加左＄40升級皇牌放題，好在佢哋選擇咗升級， ＄40又唔算好多，但係食多好多正嘢，例如係呢個香草羊架，我哋叫完一碟又一碟，看到羊架之上那層厚厚的香草，可想而知羊架能夠好輕易好充足的吸收左香草的味，放上爐燒的時

鍾意一個人食放題嗎？ 一個人食放題一D都唔自閉！其實係一種享受， 靜靜地慢慢燒，慢慢食，仲可以一邊煲劇！放題！刺身、天婦羅、各海鮮、各肉類，又要講攻略！ 個肚咁細唔可以嘥咗啲位架麻！首先刺身， 各樣都好唔錯，我除咗三文魚冇食，其他全部有食。最 like 馬刀貝爽口，帶子鮮甜。天婦羅， 蝦同地瓜must食! 記得趁熱， 個皮仲脆嘅時候，沾佢個汁食海鮮 蝦， 去殼去頭後，蝦肉都仲有成隻中指咁長！帆立貝，都大隻架！多春魚、三文魚骨… 記得燒耐小小先至會好食架食海鮮記得自己調味， 檯面有鹽、七味粉、 豉油！肉類香草羊架，超好食，肉嫩juicy. 味道醃得好好一口牛真係冇介紹錯！一路燒，d牛油一路飆出嚟，好香！ 有啲朋友可能喜歡生少少， 但係我今次將佢燒到全熟，依然好淋好多汁， 呢個冇調味架，記得自己加鹽雞軟骨， 燒耐少少，再加鹽加七味粉，冇得頂！豬頸肉，本身已經調咗味㗎啦，燒香咗浸肉味撲埋呢個鼻到，流曬口水佢哋有一個豚拖羅， 我唔知咩嚟嘅，叫咗試下，原來就係肥豚肉， 都唔錯㗎！燒耐少少，迫多少少油出嚟先好食呀， 感覺罪惡感少啲甜品我叫咗個胡麻雪糕，加埋精選甜品係芝士蛋糕！ 雪糕芝麻味幾出，偏甜

舊朋友飯聚，朋友book左地方食燒肉。小店位於砵蘭街，都花左少少時間先搵到。去到先知，原來係燒肉放題。二百零蚊一位又幾抵wor。有部分食物要加$40升級，一場黎到當然要盡興啦！店員仲過黎同我地講，FB打卡會有白肉拖羅送啊！先來一盤刺身，始終是放題唔會對刺身期望太高，但可以開開胃都唔錯。肉類方面選擇都幾多，牛都有近十款。上檯都幾靚仔幾夠誠意。最鍾意食一口和牛同牛舌，油脂比較多、牛肉味濃。海鮮方面，虎蝦最吸引，有成隻手掌甘大架！除左燒肉，呢度仲有少量日式食品例如前菜、湯、天婦羅等。天婦羅都唔比一般放題輸蝕，甜薯好甜好好味。香草羊架好厚肉，羊味重，可惜香草稍為多左少少。撥開哂黎食，會比較好食。全盛時期，我地放滿哂燒肉爐，睇見都興奮。幾欣賞佢地有一張紙沾上牛油，墊住火爐就唔會痴底啦。店員仲會密密換，真貼心！另一樣野，一定要讚一讚，店員下單、師傅出貨精準。叫一份真係黎一份，無多無少，兩個人都可以黎食，唔驚食唔哂。成晚無漏單，無缺貨，貨真價實，十分值得欣賞。

好耐無食放題，今晚就同朋友黎食燒肉放題啦餐廳雖然寫住旺角，但其實係油麻地出最近。到達時已8:30，$208一位加一燒肉放題黎講算合理食物選擇算多另加$40可升級，升級既6種食物都岩食所以就決定升級啦第一次係張紙上面燒肉，感覺食物無咁易燒燶，燒出黎好食好多刺身不錯👍鮑片值得一讚甜薯超好食！脆卜卜而且好香甜每次點完份量不會太多，完全滿足左食客咩都想試既慾望一口牛係日本料，所以燒到7成已好好食，入口即溶羊架好香好諗，但建議遲少少先燒，因為一燒完羊架其他肉都會變左羊架味虎蝦夠大隻同好新鮮，啖啖肉令人滿足

今天心血來潮想去食燒肉，得知旺解有間價錢相宜的燒肉店，就決定和家人來。店面好有日本風，門口有兩棧燈籠。店內不算大，但氣氛很好，很有居酒屋的格調，店內大概可以容納到20-30人。每枱面上有一個烤爐，我們安頓好就準備點食物。我們晚上八時入內就座，所以每位成人$208 。只需加$40／每人，就可以任食一些更高級的食材，如虎蝦和帆立貝。所有肉類都好新鮮呀，點了好多肉，特別是雞軟骨和牛肋肉真的好鮮味。在燒好的肉上加上日本的鹽調味會更加錦上添花。虎蝦大大隻！帆立貝都是大大粒！以任食來說，只需加$40就可以無限任加，真的物超所值。刺身十分新鮮，我尤其喜歡肥美的三文魚片和清甜的鮑片。甜蝦也很不錯，肉質鮮美！帶子更是清甜可口。帆立貝真的好大粒！燒到兩邊有少少焦就剛剛好！肉質嫩滑。燒蔬菜也不錯，這裡的蔬菜都好新鮮翠綠。這個七味豚拖羅真的無得頂，肥瘦均勻，燒完口感煙韌得來又 入口既溶，豬肉帶有甜味。多春魚燒完油份滿滿，外皮香脆。雜菜炒得剛好，食完可以清清腸胃。炸餃子還蠻不錯，餃子皮炸到金黃色，口感香脆。味付螺肉惹味，帶有少少辣，但以小食來說真不錯。天婦羅炸到黃金色，入口脆卜卜，粉漿下的南瓜、茄子、蕃薯還是水

平時經常在旺角出沒，今天找來一間位於旺角的燒肉放題店，名字好日式，叫【鳴橋】，也好讓我期待一下。店面紅黑的設計好搶眼，好容易就會找到。店前有一個餐牌，寫上食物的種類，我和妹妹看了看合心水就衝入店內。店內保持紅黑的設計，座位容間感十足，枱面寬闊。食物紙共有五款，分別有刺身／野菜、海鮮／和食、肉類、飲品／甜品、炸物／湯飲。法式香草羊架羊架大大件，用好多香草醃製，所以香草味甚濃，肉質嫩口，羊味香濃，喜歡吃羊的朋友一定喜歡。雞軟骨、鹽燒牛舌和各式的肉類肉類食物顏色好鮮美，全部都好新鮮。店員好有心思過來教我們應該先把油份多的肉在鍋中心燒過後，油份可以令之後燒的食物更香和不易焦燶。枱上有一些日本鹽，燒食物時放少少會更惹味。虎蝦和帆立貝共需加$40升級就可以無限享用。虎蝦有心掌大，肉質彈牙鮮味！帆立貝都好大顆！燒起來鮮味十足。秘制牛柳肉肥瘦均勻！燒起來油份香濃，牛味濃郁，肉質更是嫩口。鹽燒牛肋肉也是加$40就可以無限享肉。牛肋肉脂肪分佈均勻！入口鬆化，牛肉味好香濃！食肉多都要食點蔬菜，這裡的蔬菜都好新鮮。這個芝士麻吉，中間有芝士年糕，煙煙韌韌的口感好過癮。這裡的天婦羅也很不錯，粉漿炸到脆卜卜！粉漿的

鄰近朗豪坊, 不想上樓上舖, 要食剌身燒肉放題, 這間算就腳大眾化價錢食剌身燒肉放題, 所謂大眾化, 以我角度, 就係間間都差不多價錢, 只在乎邊間較有返D質數內裡裝修有點似西式餐廳, 燈光帶點柔和氣氛, 不太侷促一坐下, 侍應便介紹$40升級優惠, 呢個價錢........,豐富D, 升級都OK 刺身, 當然先出場, 怎可缺少它刺身夠新鮮，帶子厚厚, 北寄貝又夠爽口. 忍唔住要encore多幾輪!升級優惠的虎蝦及帆立貝. 視覺上都OK喎升級優惠的羊架, 大小適中, 味道要燒過才知道羊架血水也出, 都很新鮮啊!! 羊架味道剛剛好，又唔羶試過食燒肉放題, 開爐前, 侍應問要唔要加牛油紙, 加就每張枱收多$10, 簡直離譜, 反而呢樹, 不用加$, 侍應還主動幫你替換, 相當貼心最好味都係一口和牛粒/牛肋肉, 略加少少海鹽, 就能帶出牛肉的香味牆上有張"C&C 蘋果汁"POSTER, 未試過, 當然要試下味道都不錯, 你話有提子味, 當然也要試埋, 那麼, 整晚只飲這兩隻, 已滿足!!