鳴虎 (北帝街) (已結業)

早排聽朋友推介依間拉麵店，見屯馬線搭過去幾方便就去咗一試。本身好怕店內會有侷促嘅吧枱位，但去到發現全係table枱，整體幾舒服。湯底選擇算多，經典同創新的都有，我就點咗鮮味嘅鳴海老。櫻花蝦粉撒係面幾香，有兩大塊火炙過嘅叉燒，紫菜、溏心蛋、木耳都有齊，如果有埋荀就更佳。拉麵偏幼，我個碗係正常硬度，真係好剛好，合我口味。湯底有鮮味之餘仲有少少濃厚，唔係稀個種，幾欣賞。全隻溏心蛋令人滿足，流心度同味道都屬中等。朋友點了鳴虎，最經典一款，魚介湯都幾濃，配料都一樣，男士食後都有飽足感。加小食及飲品只需$25性價比幾高，芝麻雞翼炸得超脆，同平時食到嘅唔太一樣，依款係帶辣勁，更過癮。食物質素唔錯，都有幾多街坊幫襯。

今天公司東主有喜，提前下班，即興跟同事來到土瓜灣北帝街搵食鬆一鬆來到鳴虎店門，已經傳來陣陣豬骨湯香味，加埋門面啲日式裝修，加更令人懷念在日本🇯🇵的日子搵好位，員工有禮地送上餐牌，把枱乾淨地抹一次，再送上冰茶，照顧非常周到我哋點了原味鳴虎拉麵、鳴海老拉麵、鰹魚汁浸菠菜、餃子同芝士魚條兩樣小食上菜時拉麵湯底非常夠熱，麵質硬度適中，有大大塊义燒、木耳、京蔥而且份量十足！大胃王更可以加麵錦上添花8成熟糖心蛋一咬入口蛋汁爆滿，蛋味濃郁鳴海老湯底更用日本蝦乾經長時間熬製而成，絕無花假，一試入口，味道難忘芝士魚條也是即叫即製，上碟仍然非常新鮮燙口，啱晒鍾意熱食嘅我原來餐廳仲有丼飯供應，見到隔離枱小朋友都食得津津有味，下次一定再來試試

心血來潮想吃拉麵，來到鳴虎全店主要有四款拉麵：鳴虎（日本魚乾豬骨湯）、綠虎(四國香蔥油)、黑鳴虎(博多黑蒜油)、鳴海老（北海道蝦味噌豬骨湯）鳴海老$88豬骨湯味濃郁混合了櫻花蝦粉，上面還撒上少少櫻花蝦，叉燒肥瘦適中，配菜本身有蛋、蔥、木耳和紫菜，全部都可以選擇減少份量或走蔥，另外可追加蛋／筍／叉燒／麵，還可以自由選擇麵的軟硬度肉餃子$38薄薄的脆皮包着滿滿的菜肉餡料，皮薄餡靚芝麻雞翼（加$25）香脆可口又不油膩店員十分細心，知道我們想share食物早已預備多一set餐具和碗，又會主動加茶，服務態度一流，餐廳的佈置亦充滿日本風味

沒有拍照，但湯底味道非常好，炸鷄也很好味道，老婆點的辣的湯底味道也非常濃，路過土瓜灣發現這家不錯的拉麵店，價錢不算便宜但物有所值，衹是小食品種不多，比如魚餅也很好吃。

話說公司有員工八折，放假同朋友嚟試下，係紅磡同土瓜灣站中間，差唔多路程我地叫左一碗黑蒜，一碗蝦味噌。黑蒜味濃，湯適中唔會太稀亦唔太杰，飲完都唔口渴，麵軟硬適中，如果可以自選軟硬同埋曲麵或直麵會更好（個人鍾意食硬d）蝦味噌，蝦味比味噌濃，唔多食到味噌味，叉燒有兩大塊，份量都好足，最滿意隻溏心蛋😆完整一隻咬開一半見到蛋黃係流心既。另外我地叫左個餃子，略嫌個皮太乾，會好想飲野。小食選擇如果多兩三款會更好😆

最凍：木耳絲，雪櫃拎出黎果種凍第二凍：凍到有腥味，入口作嘔第三凍：叉燒，室溫，而且食得出係急凍貨，有少少雪味去除唔到第四凍：湯，估計都無煲返滾，只係暖暖地麵係熱，因為要煮過至食得，食碗麵食到好想嘔，收我97蚊，好嬲，即時響鋪內打呢篇食評點解要夠200字至可以俾評分？唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍，唔熱，凍。

餐廳有4種味道的拉麵選擇，包括：「嗚虎」日本魚乾豬骨湯拉麵「綠虎」四國香蔥油拉麵「黑嗚虎」博多黑蒜油拉麵「嗚海老」蝦味噌豬骨湯拉麵另外還有地獄味拉麵，是餐單上沒有的。鳴海老拉麵$88橙紅色的湯底，蝦味重，而且很濃郁 。綠虎拉麵$88蔥粒增加口感，蔥的味道令油膩減弱 。每碗拉麵都會配有一個溏心蛋和兩塊叉燒 溏心蛋明顯煮得過熟 叉燒切片其中一面燒過，帶微微焦香 ，酥爛又有韌勁。 麵條煙韌彈牙，每條麵都掛滿湯汁。芝士魚餅拼魚條$38質感爽彈的魚肉，裡面加入香濃的半溶芝士，甜而不膩。魚餅和魚條味道一樣，只是外觀造型不同而已。

由農曆年開始已經無四圍去😣，時隔近2個月，終於可以出去食個不一樣嘅午餐🤤。上網搵左幾個選擇，最終揀左好耐好耐無食嘅拉麵，所以難免有所期望。店內雖然有實體餐牌，但我建議掃QR手機落單，因為MENU比實體更詳細、選擇更多。例如丼類：咖哩豬扒、照燒雞扒、咖哩炸蝦、咖哩炸雞、吉列蠔、吉列雪魚柳、汁燒鯖魚、浦燒鰻魚。我點左個綠虎 $88湯底顏色一D都唔綠，差D以為職員送錯🤔。湯底好濃蔥味，而且夠杰身，掛湯一流😏。本人中意食硬麵，呢度嘅麵質正合我心水😋。每碗拉麵都有一隻8成熟蛋，蛋味一般。最吸引係果三塊叉燒，厚薄啱啱好，重點係好有豬肉香，肥膏位入口即溶，怕肥嘅我都忍唔住食左兩塊!!😍友人點左鳴海老 $88上枱果時陣陣蝦香，湯底都好濃蝦味，不過食多幾啖，會覺得鹹左D。芝麻雞翼$25外皮脆卜卜，食落有D咖哩味，以呢個價錢，性價比幾高。提外話，黎之前我已經揀定食物，所以入座得即刻手機落單，但當我認真睇個MENU，發現加$25有芝麻雞翼🤔，好奇之下問職員，$25雞翼同$38雞翼有咩分別，職員睇左張單就話幫我改返。到最後我都唔知係LUNCH定下午茶加配價。總之連埋加一，兩人食左$221。供參考：加$25小食

屋企附近開了間新拉麵店，次次行過都覺得好有日本feel，由裝修到舖內座位設計，一定要試下，試完之後真心推薦。其實我本身唔係一個喜歡食拉麵嘅人，因為種種原因。今次都係一如既往會同樣有既問題，例如：太少餸唔夠飽….純個人問題。但坦白講呢間既拉麵，真心好味！湯底湯、麵屬於幼麵而且軟硬度剛剛好。我哋一共叫了2款拉麵：黑鳴虎/ 鳴海老，除了湯底，基本上食物是一樣，價錢當都一樣。黑鳴虎～黑蒜油味，湯底係好重黑蒜味。鳴海老～蝦味噌豬骨味，湯底啖啖蝦味，我個人喜歡呢個多啲。上網查看先發現原來香港有3間分店，我相信甘濃甘厚既湯底，都一定下了不少功夫。

土瓜灣是一個比較少去的民生地區，區內多民生設施。而在土瓜灣區中，我找到了一間有特色的日本小店。-餐廳內地方需少，但仍坐得好舒服我叫了一個綠虎、一個黑鳴虎兩虎的湯底，各有特色顏色好像一樣，但一比較之下各有千秋-麵身彈口，湯底極為豐富味道一流麵的份量足夠我以光速速度將麵食光了因為太好味另外，我也了一份芝士炸魚角味道有趣但要等待的時間較長但味道良好-下次會再來一試其他虎的拉麵希望在疫情下有特色的小店可努力生存為香港人帶來更多特色美食

天氣一凍就想食碗拉麵暖身，今日來到土瓜灣就來試試。一共有4款拉麵和不同小食, 另外仲有飯可供選擇. 🍴鳴海老🍜主要係由蝦🍤, 木耳同紫菜組成, 湯底係濃郁的豬骨湯做底, 再加上櫻花蝦粉撈埋一齊, 增添層次. 另外叉燒係半肥瘦, 薄切的, 表面有燒過. 🍴黑鳴虎🍜呢個即係博多黑蒜油拉麵, 湯底濃郁忘充滿黑蒜油味, 仲有粒溏心蛋. 🍴芝士魚餅拼魚條啖啖魚肉中間有流心芝士, 芝士份量夠多, 而且魚餅表面炸得多脆又香口. 🍴肉餃子🥟餃子皮夠薄, 表面煎得香脆, 入面啖啖肉, 名副其實肉餃子🥟.

朋友住在土瓜灣，今天搭屯馬線來找他午餐，朋友推介有間食日本拉麵挺出色的，就來了試試。這間餐廳叫做鳴虎，所以我點了這裡的首打推介～鳴虎，朋友點了～黑鳴虎，另外我們點了兩款小食～芝麻雞翼，鰹魚汁浸菠菜。這家拉麵湯底不錯，濃而不膩，吃後不會口渴，麵的韌性也不錯，正宗的日式拉麵做法，而朋友的黑鳴虎正是黑蒜油湯底，令湯更加香濃。小食的芝麻雞翼好大隻，像雞脾一樣，炸得好出色，外脆內軟，而近排菜價上升，當然要點個蔬菜作配襯，菠菜索了上湯好入味，這餐的確不錯。

天氣冰冷就會想食d 暖笠笠嘅嘢食, 而因為夜晚無堂食, 又諗起鳴虎拉麵, 咁就試吓外賣啦。🥢 黑鳴虎-博多黑蒜油外賣嘅賣相當然不及堂食啦, 不過餐廳會主動分湯, 所以唔怕d 拉麵會浸淋咗。拉麵包含1 隻糖心蛋, 2 片豚肉片, 1 塊紫菜同木耳絲。糖心蛋流心, 豚肉片嫩滑, 不過紫菜就淋曬🙈。湯底好濃好香, 不過略嫌太少湯, 差少少就唔夠嚟餸麵食。🥢 芝士魚餅拼魚條芝士魚餅入面嘅芝士半溶, 同魚餅味道好夾, 唔會覺得肥膩。魚條除咗有芝士仲有粟米粒, 芝士控絕對唔可以錯過。💭 整體食物好好食, 充滿日式味道, 值得再食嘅一間餐廳。

天氣凍就想食碗熱湯麵前排去土瓜灣搵朋友就順便去鳴虎食拉麵小店環境整潔 店員態度友善有種親切感 忙碌完一日嚟到哩度用餐 感覺好放鬆安心❤️🔸芝麻雞翼（$38）❇️好好食！我哋一致認為好好味！雞皮好香、好脆雞肉juicy好滑，成個都好入味香口。🔸鳴虎魚介（$86）+椰菜（$8）用日本魚乾、豬骨嚟熬煮湯底好香濃有魚介嘅鮮香味，唔會死咸拉麵掛湯彈牙，溏心蛋好好味，仲要係全隻，滿足！哩度可以加菜，好健康！🔸九州地獄豬骨湯拉麵（中辣）（$98）味道辛辣惹味，辣度唔會太刺激豬骨湯味道濃郁，飲完唔會好口渴叉燒係半肥瘦，加上用火槍燒過，香口鬆軟。.🔸YEBISU ビール唔係好多地方有哩款啤酒，order拉麵加廿幾蚊就有一杯，抵呀！

自從地下鐵有咗屯馬線，搵地方食嘢多咗好多地方選擇，土瓜灣站就係其中一個，同事提起嗰度有間鳴虎，主打日本拉麵，湯底超正，一於過去試吓！鳴虎，加麵另上，湯底用咗豚骨熬製8小時，再加上魚介粉，每口都鮮味十足，材料配上日本火炙黑豚肉，肉質嫩滑入味，還加上大蔥、木耳、半隻溏心蛋和紫菜增添美味，麵嘅林度有得揀，同事揀咗軟麵，掛湯後，爽口彈牙又鮮味！鳴海老，湯底用豬骨湯加上用日本大頭蝦熬製的湯頭，加入日本櫻花蝦粉末，味道鮮味無窮，啖啖都係精華！材料每款都差唔多，只係湯底有分別。芝麻雞翼即叫即炸，外皮脆口，肉嫩有汁！