鴻星中菜 (MOKO新世紀廣場)

营业中

休息中

老公同事上星期約食大閘蟹套餐,我就揀咗大前日(30-11-2023 Thur)晚,而我哋5個都係話嚟旺角呢間,我哋book咗枱,嚟到坐低就即話要2皇1后大閘蟹套餐,就要咗1位同4位餐.開咗茶就即俾咗兩兜花生我哋,兩兜味道都好淡,淡到冇乜味.首先嚟到嘅係煙鴨胸併青瓜鴨胸正常冇問題,青瓜新鮮爽口,但女同事R嫌醃青瓜唔夠味.3分2. 蟹肉芙蓉羹味道都係清,而豆腐滑嘅.3分3. 每人2隻大閘蟹公蟹公膏少,啲肉竟然有啲嚡.2.8分4. 鮮拆蟹粉小龍包蟹粉味道唔濃,咁同食普通小龍包有乜分別.2.8分5. 極品花雕醉雞(半隻)呢個係4位餐裡面,由於我哋重食𡁵大閘蟹公,冇人得閒理佢,擺耐咗就變風乾雞,到得閒食得喇,食到酒味但唔會苦,而鹹味亦到幾出,不過唔過鹹,可接受嘅.3分6. 叫上嘅大閘蟹后蟹后嘅膏多啲,但實同肉少.3分7. 翡翠炒蝦球大隻嘅蝦仁爽口但好鹹.2.7分8. 黑醋霜降肉呢個喺1位餐裡面,我同老公share最嗰件,咁就可以每人食1件,呢個味道ok,口感都彈彈地嘅.3分9.蟲草花浸時蔬蟲草花同白菜味道唔係好夾,不過口感都正常嘅.3分自己加嘅:10. 蛋白炒飯炒得好乾身,味道係好清嘅.3分11

好耐都沒去鴻星飲茶，難得今日到附近，便和家人一起到這裡飲茶。我們點了「蟹肉菜苗餃」，「黑椒牛肚」，「蝦腸粉」，「蒜頭蒸排骨」，「皮蛋酥」，「Q版流心奶黃飽」，「醬汁蒸鳳爪」，和「蒸牛肉球」。我想講個蒸排骨，好好食😋！讚！而個「蟹肉菜苗餃」的餡，好好食！唯一不好是「個餃皮」，水份太多，軟身都不得了。。。但，味道是ok!至於皮蛋酥，我覺得不算太甜，都可以接受，只係我個人本身不是太喜歡食皮蛋酥而已。黑椒牛肚，都好「林」，好入味。好食！底部的蘿蔔都ok! 不錯👌！蒸牛肉球都是正常。不過，個蒸鳳爪，我便覺得個皮不夠「林」身，但味道是可以的，只係質感差一點。但都算好食！流心奶黃飽外觀很可愛！內裡都算是「流心」。不過個飽的質感，如果可以再鬆軟一點會更好吧！鴻星的食物都算keep 到。下次會再嚟！😊

今日同朋友去咗Moko間鴻星中菜食大閘蟹套餐，三個人所以嗌咗三個一人餐，星期一至四同星期五至日嘅價錢有唔同，夜晚8:30後入座亦都會平啲，星期日6:30pm入座就每人$498，套餐包咗八道菜加杯橙汁，一人餐食到好飽。煙鴨胸併青瓜每人兩塊，有甜甜地嘅汁伴住。蟹肉芙蓉羹有豆腐粒、紅蘿蔔粒、翠玉瓜粒同一絲絲嘅蟹肉，食落幾有口感，唔會太鹹，不過個人偏向鍾意飲湯多過食羹。鮮拆蟹粉小籠包一人一粒，皮薄多汁，豬肉餡配上啖啖嘅蟹粉好正。主角清蒸大閘蟹有兩隻五両重嘅公蟹同一隻三両重嘅乸蟹，酒樓會先蒸兩隻公蟹同埋上左三碟餸先。公蟹嘅蟹膏又冧又滑，咬落去充滿啖啖嘅油香，嗰種肥膩得黎又滿足嘅感覺真係一年點都要食一次，個人比較鍾意食公蟹！之後就可以叫酒樓蒸埋隻乸蟹同上埋其餘四道餸，乸蟹嘅蟹膏偏硬身，同埋三両真係唔夠癮。翡翠炒蝦球嘅蝦都幾爽口，不過略嫌太鹹。黑醋霜降肉個汁酸酸甜甜好開胃，但豬肉略嫌太夠肥膏。蟲草花浸時蔬味道正常，食完咁多道濃味嘅餸後再食清淡嘅菜可以平衡返。最後食埋窩心薑茶芝麻湯丸，飲埋碗薑菜驅寒，真係食到好飽！📍旺角太子道西193號MOKO新世紀廣場6樓601A號舖位置就腳：🍊🍊🍊🍊 餐廳環境：🍊

一到秋天大閘蟹就好肥美爆膏，好似話今年既蟹特別靚架🦀今日去左ᴍᴏᴋᴏ 既鴻星酒樓食佢個大閘蟹套餐，感覺好似好豐富咁阿· - - · - - · - - · - - ·🦀 皇者大閘蟹套餐 🦀🔸煙鴫胸倂青瓜🔹鮮拆蟹粉小籠🔸蟹肉芙蓉羹🔹清蒸大閘蟹（兩皇一后）🔸翡翠炒蝦球🔹黑醋霜降肉🔸蟲草花浸時蔬🔹窩心薑茶湯丸🔸橙汁1杯· - - · - - · - - · - - ·而家個蟹真係好好食，爆曬膏💁🏻‍♀️依小妹既小知識只係知道有白色膏係蟹公（約5両）而家既蟹公非常之鮮甜，啲膏勁勁勁好食！😋蟹乸就係橙色膏（約3両），都好鮮甜，但蟹公比我感覺更當造一點🤏🏻大閘蟹+埋浙江醋真係鮮味無窮.ᐟ‪.ᐟ‪.ᐟ其他小菜都係不過不失，正常發揮黑醋霜降肉就感覺甜得滯，同埋橙汁有啲唔襯食蟹😂 ‪另外，唔好期待有服務🥹👉🏻👈🏻· - - · - - · - - ·/人均： $525· - - · - - · - - ·

今日去咗Moko 鴻星食大閘蟹佢有幾個聲咁當然就係喺 揀OpenRice 有discount 果個set 啦一入到去其實唔算多人，但係有啲唔明點解全部職員嘅態度都係比較差， 尤其是係語氣 😪 其實我哋係去食個飯啫，唔係想去受氣。我哋就叫咗清蒸大閘蟹(2皇1后共3隻）因為我哋兩個人第一次上到枱有四隻，佢哋放到枱然後就走咗， 完全唔會同我哋講話仲有兩隻嚟緊， 我覺得呢個唔係好專業另外一個餐仲有其他嘢食鴨胸青瓜，我自己就覺得係即食鴨胸果集味。蟹肉芙蓉羹，勁咸 好似食咗勁多鹽入口咁， 而且蟹肉都唔算多翡翠炒蝦球 ，黑醋霜降肉，蟲草花浸時蔬 ，窩心薑茶湯丸,橙汁 正常不過全部菜整體嚟講都偏鹹

好朋友聚會, 又想食大閘蟹; 過去曾經都食過鴻星蟹套餐質數也不錯, 甘就訂位食.但今次的感覺, 就似食旅行團團餐;  剛剛到的蟹, 食到30分鐘左右, 就送上醉雞, 最後雞都涼了結油.雞和蝦球好鹹, 大家都盡量嘗試用菜湯浸浸再進食.今次對食物結論是失望.  但服務員係好好.    

呢個大閘蟹套餐非常吸引，一人套餐就有「兩皇一后」大閘蟹，分別有5両及3両，仲送鮮榨橙汁一杯，真係好抵食👍🏻 以下係兩個皇者大閘蟹一人套餐份量：煙鴨胸併青瓜鴨胸香嫩入味，青瓜🥒酸甜又爽口鮮拆蟹粉小籠包小籠包皮薄饀靚，一咬落去勁多汁，濃濃嘅蟹粉好鮮甜蟹肉芙蓉羹好足料，蟹肉鮮甜，味道恰到好處，蛋白同豆腐入口香滑，加埋胡椒粉就更滋味清蒸大閘蟹公蟹有5両重，超多蟹膏，口感棉滑香濃，十分鮮甜肥美👍🏻蟹乸直頭係爆蟹，橙色蟹膏好軟熟美味，真係超正翡翠炒蝦球蝦球非常大隻，咬落爽口彈牙，荷蘭豆🫛亦好爽脆香甜黑醋霜降肉豬肉煮得夠入味，食落酸酸甜甜好開胃，十分惹味蟲草花浸時蔬白菜新鮮爽甜，顏色非常翠綠窩心薑茶湯丸食完大閘蟹就緊係要飲返杯薑茶，湯丸係黑芝士流沙，薑茶好夠辣，真係好滿足😌

鴻星年年都有幫襯，食物從來都冇失望過。今年就嗌咗皇者大閘蟹4位餐，蟹就冇得談嘅足两😋😍😍煙鴨胸唔柴，青瓜都好清爽好食！！😋😍小籠包要趁熱食新鮮😋😋😋蝦球好食，不過冇乜特別雞係食咗燒雞，皮脆肉嫩，食過仲想食😍😍😍不過最尾餸上得太快，有啲似趕客🙈🥲🥲🥲時蔬好食嘅，不過上得太快。。食完蟹再食都凍晒。。。薑茶同時蔬一齊上，飲嗰陣都凍晒，飲黎都冇驅寒嘅意義。🥲🥲期待下年再黎食🤩😍😋

套餐有北京填鴨同龍蝦伊麵套餐，只係298，正所謂便宜冇好，北京填鴨一般，龍蝦伊面唔好食，最好食當然就是我最喜愛的壽包，另外服務尚可，但是食物真的一般以下，應該不會再來了

以前很喜歡此餐廳飲茶食飯，集團式經營，水準有啲保證。可惜現在整體水準已下降! 價錢亦貴! 聽講第二代接手經營不善，現只執剩一/兩間店! 所以一個業務發展，老闆管理是最大問題! 😔

難得齊腳我們今次揀左係"鴻星"豪氣一點, , 不單出名食大閘蟹, 原來食中菜也有一手.🤩🤩2款不同套餐, 食物都有點不同.🤓「百味豆腐•拍蒜青瓜」 前菜款式, 炸豆腐好滑, 而且香口.「椒鹽魷魚鬚 •陳醋雲耳」 魷魚鬚超正, 不會是over cook, 是淋身的質地, 我們食唔停口呀.👍🏻「海海蛯汁龍蝦」抵食，是全隻海邊，爽肉🥰「野菌翡翠炒帶子」帶子大大隻，清炒我最愛了😻「清蒸游水海星斑」好大條呀，足夠星斑，肉質超滑「脆皮炸子雞-半隻」🤩好脆皮呀而且夠味，必叫之選「羊肚菌杞子浸菜苗」「x0醬翡翠炒蝦仁」「濃湯花膠翅」套餐不可缺少的「蠔皇鮑魚伴花菇」原隻鮑魚，好豪華感覺「招牌銅盤生煎雞」這個菜式好特別，而且是鹽焗雞味🤭「原個蛋黃壽桃包」係原隻呀...大大隻壽包內有蛋黃.「精美甜品」紅豆沙..是基本了.備註:🔺這款套餐好大份，可足夠6人份量🤭🔺事前係"大眾點評"揀選了套餐, 抵食呀.

之前食過質素都唔錯，再帶屋企人嚟呢間中菜廳，環境都坐得幾舒服。椒鹽魷魚鬚 陳醋雲耳先嚟個椒鹽魷魚鬚，炸粉夠晒酥脆，魷魚鬚夠大條，唔會𡁻橡筋😋雲耳爽口，少少酸辣酸辣，開胃。翡翠炒蝦仁蝦仁大大隻，好爽口👍🏻蜜糖豆爽脆，燈籠椒爽甜，幾有鑊氣😋濃湯花膠翅雖然翅就唔多，但係都有好多花膠條，整體唔錯，湯頭好濃郁😋蠔皇鮑魚扣花菇鮑魚煮得入味，爽得嚟又軟又滑😋花菇夠晒厚肉，爽滑👍🏻招牌銅盤生煎雞呢個雞香口惹味，有啲鹽焗沙薑味，肉質爽嫩，吸收晒墊底嘅薑粒、蒜頭、洋蔥、嘅香味，仲有啲蘑菇片添😋蒜蓉炒時蔬呢個清清地炒菜白菜仔，炒得幾有鑊氣，蒜蓉幾香。最後一定要食埋大大個嘅蛋黃蓮蓉壽桃包，配埋紅豆沙，大家都食得好滿足😋

早排見到呢間為人所熟悉嘅酒家推出海鮮套餐，非常吸引有龍蝦、東星斑、鮑魚、花膠翅真係勁豐富，即刻約咗幾個閨密嚟品嘗一番點知全女班真係搞唔掂好多嘢都要打包‼️估唔到呢間酒家嘅食物質素係咁好，全部都好有睇頭又好食「花膠翅」雖然啲翅唔係原整的一梳梳，比較散，但份量一啲都唔少花膠食落好爽口軟滑，對得起呢個價錢😊 「蠔皇鮑魚扣花菇」鮑魚仔嘅質地非常細膩，一啲都唔韌「海蝦汁龍蝦」真係要讚一讚呢隻龍蝦煮嘅時間非常好‼️完全食到龍蝦嘅鮮嫩Q彈嘅口感汁醬亦唔會搶左龍蝦嘅鮮甜味，調味方面拿捏得好好「炸子雞」亦是我個人非常鍾意嘅菜式之一，外層非常酥脆，內裡仍然保持著肉質嘅鮮嫩呢間有聲望嘅酒樓煮海鮮果然有一手煮海鮮其實最重要係時間控制，龍蝦、東星斑都保持到肉質好嫩滑，真係勁加分‼️結尾仲有蛋黃壽桃包&紅豆沙，好滿足呀

最近天天吃西餐，今晚跟朋友來到旺角新世界廣場鴻星酒家吃個二人餐。陳醋雲耳十分爽脆，酸味很夠，醒胃一流！椒鹽魷魚須🦑炸得酥脆，還吃到魷魚須的Q彈，口感不錯。翡翠炒蝦仁🦐，甜豆爽脆，蝦仁彈牙。濃湯花膠翅，分量十足，花膠肉汁厚實，濃湯味道不錯。蠔皇鮑魚扣花菇🍄，鮑魚口感軟滑，蠔汁不算太濃，花菇夠厚肉。招牌銅盤生煎雞🐔，大量蒜頭和蔥頭香味，雞肉夠入味。蒜蓉炒時蔬🥬是我每餐必須的。原個蛋黃壽桃包🍑及紅豆沙，結束完美的晚餐。

中菜去酒樓食最有鑊氣平時懶得買魚處理今次叫條清蒸海星班酒樓中菜相當高質好適合一家大細嚟食拍蒜青瓜一碟有八件，色澤好亮麗。食落口感爽脆，蒜味香濃，夏天作為前菜食好清新！百味豆腐外層炸到金黃香脆，但裡面嘅豆腐就非常滑溜，真係非常神奇，點埋泰式辣醬食就更惹味。海老汁龍蝦按人頭計每位半隻，龍蝦開邊上，勁好肉，肉質彈牙新鮮，用海老汁去烹調好夾，更能帶出龍蝦嘅鮮味。腐乳菌翡翠炒帶子帶子好大隻好新鮮彈牙，荷蘭豆同帶子一齊炒吸收哂鮮味，再加埋菇菌同三色椒一齊炒，色香味俱全。清蒸海星班上菜時已經香氣撲鼻，呢條東星班好大條好新鮮，師傅蒸得啱啱好，魚肉非常鮮嫩，魚味亦好香濃，食落完全唔腥，十分高質。炸子雞炸子雞有半隻，雞皮炸得金黃香脆，雞肉好嫩滑，咬落去爆哂肉汁，食落亦好香雞味。羊肚菌杞子浸菜苗菜苗好嫩綠好新鮮，食落好爽口，羊肚菌同杞子都好健康，絕對係營養之選。蛋黃壽桃包個包都幾大個，口感好軟綿，中間嘅蛋黃好香。紅豆沙有好多紅豆好足料，食落甜甜地，作為飯後甜品非常啱。