麪譜車仔麵

营业中

休息中

呢間 車仔麵 既裝修充滿特色🎭係似喺戲棚嘅感覺，感覺睇大戲旁邊有一些麵店在旁邊一樣，設計很懷舊喔！🔸車仔麵食車仔麵最緊要係多餸簡，呢個接近有成40款配餸簡，選擇多會愈簡愈多😆😆 款款都吸引🤤每款都是統一價錢，$9一款餃類都有3款簡😉 其中叫左個鳳城水餃🥟同自製韭菜餃自製韭菜餃脹卜卜，入面滿滿的韭菜啲配料既名都好港式feel也豬紅夾起都唔會散開👍🏽 豬腸既滷水味也很入味食車仔麵我都係第一次配酸齋，適合食齋既人士呀！火雞姐牛丸，呢個名幾正😂咬落去啲汁咇出黎～🔸麵譜口水雞 ＄30好多花生碎🥜係入面個麻辣香味，唔會太辣啱啱好👍🏽雞肉嫩而且唔肥🔸香煎虎皮尖椒 $20呢一個尖椒食到好有刺激🔥因為虎皮尖椒外表綠綠的唔覺好辣咁，食頭嗰一兩嚿都OK之後既味道很香辣🌶🔸檸樂 +$11🔸可樂 +$8見到有可樂忍唔住要叫黎飲😆

每次經過呢間車仔麵都俾佢嘅裝修吸引，今日終於到立定心腸去探店🫶🏻枱面上已經放滿車仔麵必要嘅調味料，店主毫不吝嗇，任加任落！用剔剔紙落單，同傳統嘅車仔麵無異，但見到每一道餸菜名稱，都會會心微笑！肯定店主係有花過心機去命名每一道餸菜既名稱😂飲品方面都好多選擇，特別在豆漿係一樽樽，感覺更為衛生！而且品質較有保證！涼拌溏心皮蛋～香菜一向都非常百搭，爽脆嘅口感，配上細膩綿軟的皮蛋及惹味汁料更加無敵！炸一口韭菜餃～外皮已經炸到脆卜卜再淋上豉油，賣相非常唔錯，餡料非常飽滿！用料十足！口感同味道方面，我都係比滿分💯主角當然係車仔麵，同朋友都分別點了唔同嘅餸菜再share，當中最欣賞會係雞翼同埋豬頸肉，坊間好多車仔麵店雞翼嘅皮都已經係浸到爛晒/淋哂，冇晒彈性，呢度偏偏相反，口感依然非常出色。豬頸肉每一片都厚薄均勻，非常彈牙👍🏻麵底方面揀咗幼麵，蛋味非常濃郁，十分彈牙，幼麵接觸湯嘅接觸面相對其他麵底大，所以可以完美沾上美味湯底！

見有咁多好評，抱住滿心既期待。叫咗兩碗兩餸面，追加一個豬紅，亦追加碟炸雲吞。喺點餐時，仲興之盎然，比餐單紙上得意既用詞吸引住。兩碗兩餸面 $35x2, 一碗加底睇相就見，餸量不是合理既水平。兩餸，一款肉各三條。雖然勉強遮晒碗，但好單薄。餸一：手打魚肉另外，本來諗住手打魚肉，預應該係既鮮又嫩，點知生粉多過肉。餸二：酥炸蝦卷未食過咁唔酥炸既蝦卷，頂多係腐皮蝦卷，唔酥又無蝦味，又係食生粉既感覺。餸三：陳皮魚蛋正常但唔叫做出眾。餸四：烤豬頸肉味道唔錯，今次真係烤，但得果三條肉。豬紅 $32圖中所見，有8粒。雲吞 $24後來，實在無辦法，餸食晒，仲剩返大碗面，唯有追加炸雲吞，又細粒，肉真係連一毫子咁大都唔知有無。其實整體黎講，味係正常，但餸既量真係太少…一個晚餐，有兩個成年人，正常食量，要$13x到，先勉強填得飽肚。結論係不似預期，勁失望果種。

車仔麵我一向唔敢亂試，但係琴晚突然想試吓呢一間，見佢OpenRice食評都唔錯。膽粗粗一試，點知有驚喜。👍👍雖然我去到嘅時候，幼麵米線河粉已經賣晒，只能選擇幼麵，同埋烏冬，一丁。發覺佢啱啱餐牌加咗10%價。但價錢仍然算合理。餸方便呢，我就叫左藤椒煲老藕，不過滕椒味唔夠濃。蘿蔔方面夠林，不過唔係出邊嗰啲好甜嘅蘿蔔，但係好味嘅。醬燒豬頸肉，唔錯嘅。令一碗麵叫咗讚岐烏冬，雖然要加$7 ，有少少貴嘅。叫咗萬年滷大腸，呢個係好食嘅，必點。自製韭菜餃，就普通多汁多水冬菇，真係多汁多水，出色。整體嚟講，車仔麵尼講有質素，可以再嚟食。

呢間車仔麵有好多餸可以選擇餐牌上啲餸名都好出神入化而我就揀左陳皮魚蛋 “失戀酸齋”2款都好食合格過關 而且蘿蔔都好林同好入味揀埋個”HEA 底牛腩汁” 但絕對唔HEA仲可以揀芫荽 對面果個好細心咁叫佢多茜😆成碗滿滿既芫荽🫶🏻整體黎講成碗都真係唔錯好食黎到大埔記得黎食下啦🧡

去開大埔 唔知食咩好 見到呢間裝修新潮嘅車仔麵檔 都幾多人等緊同叫外賣 就一於入去試下喇入面裝修好京劇feel 連d餸名都玩味十足😂第一碗（5餸）隨意咖喱汁 油麵清純蘿蔔妹 醬燒豬頸肉 譜仔滷雞翼尖 火雞姐牛丸 紫菜 蘿蔔清甜多汁冇筋 滷水雞翼尖好入味 醬燒豬頸肉味道亦都好好 👍🏻咖喱汁湯底 唔會太濃搶左d餸嘅味道 不錯不錯第二碗 （6餸）求其辣汁瑞士留學雞翼 萬年油大腸 豬紅 酥炸蝦卷 麻甩辣魷魚 生菜🥬雞翼入味嫩滑 邪惡嘅大腸亦都好好食😋 豬紅入量多 特別推介麻甩辣魷魚🦑 幾爽口好食！另外叫咗兩個小食炸魚肉雲吞（$24）幾脆口 好食涼拌糖心皮蛋（$27）糖心皮蛋 配麻辣油 好快就清晒一碟整體來講 很抵食之選 不是hea hea 的車仔麵 大家經過都可以試吓

好凍！一凍除咗澱粉質，更抗拒唔到熱湯嘅呼喚！自問唔鍾意食粉麵，不過呢間近近哋嘅車仔麵成功吸引我注意。Lunchtime見好多學生喺門外排隊等食，望望餐牌價錢經濟得嚟又幾有態度咁，壯陽番茄濃湯、hea底牛腩汁、是但麻辣汁、求其辣汁......啲名玩創意都值得拜會一下碗麵嘅真身先知龍與鳳！車仔麵識食係食油麵，或者呃.....粗麵啦！壯陽番茄濃湯係濃到可以掛湯，雖然明顯有加茄膏提味，不過都食得出有堅係鮮滾嘅粒粒蕃茄肉，所以都算pass啦！另外朋友嘅是但麻辣汁偏咸，係重口味人士之選。餸方面瑞士留學雞翼、清純蘿蔔妹、藤椒煲老藕嗲同秘「魯」腩仔肉都唔錯。小食花膠教煮同麪譜口水雞都推介，好食又抵食！

今次出大埔搵左間車仔麵-《麵譜》,加上又係💛小店,好耐無食車仔麵既小篇👧🏻支持下,今次同朋友好放肆叫左好多餸🤪。💕兩餸一麵 💰32 💕三餸一麵 💰41 👅 𝓜𝓮𝓷𝓾𝓼🌟湯低：蕃茄濃湯🍅+讚岐烏冬🍲👧🏻小篇叫左麻甩辣魷魚🦑爽口彈牙, 瑞士雞翼🍗肉質好香瑞士汁好入味, 港撐溏心蛋🥚咬落流心好重滷水味, 醬燒豬頸肉🐖邊位燒得好香,鳳城水餃🥟好新鮮, 仲有酥炸蝦🍤卷, 生菜🥬。🍜蕃茄濃湯🍅湯低好香濃帶點甜配上讚岐烏冬好掛汁,特別係叫咗辣魷魚令到湯底有點微辣,令到湯低特別惹味。同埋令到生菜索哂啲汁好好味😋。🌟湯低：随意咖哩汁💛+粗麵🍜朋友仔就叫麻甩辣魷魚,沙嗲牛栢菜爽口煙韌,秘「魯」腩仔肉入口淋身,滷水鴨腎好大件；滷水味道好夠味 ,冬菇多汁爽口,鳳爪好淋身同埋鳳城水餃。🍜咖哩汁💛湯低惹味帶點微辣,特別係叫左牛栢菜、鴨腎、同冬菇索埋咖哩汁伴粗麵掛汁又入味。 🌟小食💕 花膠教煮花膠用左雞汁煮得好淋身同入味，入口滑身又帶點煙韌,超有膠質,係美顏之選。小篇👧🏻本身好鐘意食花膠覺有呢個價錢好抵食,推介‼️💕 麪語口水雞 $30口水雞雞皮簿身,肉質嫩滑,入口麻香辣味會後勁湧上，上層加左花生碎,食落好惹味。推介

📍大埔大埔太和路15號太和中心地下4號舖今日落好大雨呀，行下行下就入間叫麵譜嘅車仔麵店食野！裝修及擺設非常有heart 有種懷舊而舒服既感覺‼️第一碗：米線豬紅、查篤撐鳳爪、麻甩辣魷魚、沙嗲牛栢葉、芝士腸、萬年滷大腸，要個Hea底牛腩汁第二碗：油麵麻甩辣魷魚、沙嗲牛栢葉、秘魯腩仔肉 、萬年滷大腸、醬燒豬頸肉、譜仔滷雞翼尖，要左求其辣汁不過係要個無feel（小辣）我哋仲叫左2碟小食，涼拌糖心皮蛋同麵譜口水雞，每款材料都非常入味，份量十足好滿足，值得一提豬腸食落非常淋，另外湯底好夠味！飲品方面：奶茶夠滑，茶味可以！柚子密甜度適中！

💕麵譜大埔小店多籮籮，其中太和呢間車仔麵小店好有特色，裝修以中式面譜做主題，菜式名充滿玩味，感覺係一間好有誠意嘅小店🥰每款配料都用心製作，各有特色，配上濃郁嘅醬汁加上枱頭嘅酸蘿蔔同辣菜脯，味道豐富同朋友各自點咗唔同配料，好欣賞餐廳唔會因為叫多咗餸而比少啲份量，呢方面係幾值得讚一讚，特別推介以下幾款配料🤗🔸沙嗲牛柏葉-牛柏葉索晒沙嗲汁，又香又惹味🔸譜仔滷雞翼尖-滷得好入味，份量又多，性價比高🔸古早味牛腩-牛腩炆得軟腍，充滿濃郁腩汁香🔸瑞士留學雞翼-肉質滑嫩，食落甜甜哋，個人最愛呢款配料🔸秘魯腩仔肉-半肥腩肉入口即融，滷得好夠火喉🔸失戀酸齋-甜甜酸酸嘅味道，為麻辣汁帶嚟不一樣嘅味道🔸是旦麻辣汁配: 瑞士留學雞翼 秘魯腩仔肉 失戀酸齋 醬燒豬頸肉 港撐溏心蛋🔸Hea底牛腩汁配: 麻甩辣魷魚 沙嗲牛柏葉 萬年滷大腸 泡仔老雞翼尖 古早味牛腩 陳皮魚蛋🔸腐乳生菜🥬連生菜份量都係大大份，夠晒抵食，加上腐乳汁幾正

今日肥雞同朋友去咗大埔呢一間叫麵譜車仔麵嘅舖頭度食午餐。呢一間鋪面積唔算好大，但係成日都keep坐滿晒，可想而知佢嘅味道一定唔差！涼拌糖心皮蛋 $25個汁係麻辣汁，但係少少既麻刺激舌頭，糖心做得唔錯，好食過連鎖店嗰款小食n咁多倍!花膠教煮 $30呢一個價錢真係冇嘢好投訴花膠煮到好園林味道好清甜少少似雞湯嘅味道肥雞嘅朋友就叫咗麻辣辣魷魚，清純蘿蔔妹，藤原豆卜，陳皮魚蛋，自製韭菜餃配河粉，底湯就叫淡而無味清湯。雖然每一款嘅配菜都唔算好特別，但係勝在佢嘅味道真係做得唔錯！麻辣魷魚係爽口彈牙，陳皮魚蛋好實淨嘅口感，豆卜有頭香味，自製韭菜餃超級大隻，而且入邊包嘅韭菜有海量，蘿蔔鮮甜冇渣！肥雞我就叫咗沙嗲牛柏葉，瑞士留學雞翼，失戀酸齋，酥炸蝦卷，港撐糖心蛋，轉左讚岐烏冬，湯底就係Hea底牛腩汁。呢一個配搭簡直冇得輸，佢嘅牛柏葉好爽口，雞翼好大隻，失戀酸齋好有彈性，酥炸蝦卷炸到外皮趣卜卜，味道唔錯！港撐糖心蛋真係有糖心嘅效果。

今日往太和上興趣班,見到有間叫面譜車仔面,於是入內午餐食車仔面,我點了牛腩汁腩肉,魚片頭和蟹籽苑米線和凍奶茶,腩肉是半肥瘦,肥瘦適中,食落肉味香濃,咬落有油花,魚片頭食落彈牙,蟹籽丸食落有爆汁蟹籽,味道香濃,牛腩湯底味道香濃,而且湯底內有蝦米,味道鮮甜,米線味道爽口,整份車仔面食落美味,口感十足,最後凍奶茶茶味香濃,奶味香滑,餐廳座位闊落,內有很多Q版京劇面譜璧畫,食物美味,份量十足,價錢合理,食了一頓高質車仔面

依間車仔麵店感覺較新派，連裝柚子蜜嘅杯都好有特色，每枱都有菜脯、醃蘿蔔、辣椒油自己加，至於環境都整潔企理～ 依度可以叫淨餸，叫咗生菜同通菜自製菜底，其他餸係魷魚、牛栢葉、豬頸肉同溏心蛋，牛栢葉索到沙爹汁夠晒惹味又唔會好韌，魷魚幾爽脆唔會好辣 🦑另一碗就係讚岐烏冬底，餸係腩仔肉、豬頸肉、牛腩同生菜，見到豬腩同牛腩都上晒色幾入味🥓花膠教煮🥢本身對喺車仔麵店食花膠都唔會有太大期望，但見$30都可以試試，點知好有驚喜，真係出乎意料地好食，有大概5、6舊花膠，雖然每件唔算好大，卻有厚花膠嗰種豐富膠質，少少漿口，味道亦都唔錯，唔會有腥味，非常值得試 👍香煎虎皮尖椒🌶

星期日的晚上選擇去大埔麵譜食車仔麵，座位算舒適，堂食的人不多，大部分是外賣。麵譜的車仔麵的餸款多選擇之餘，又有小食，名字又有趣，時常來也不會悶。一會兒食物陸續上檯嗱喳小食失戀酸齋 $25: 質感軟中帶腍，酸度剛好，幾開胃時菜 $18: 是日時菜係通常，份量夠多，配腐乳一流。壯陽蕃茄湯底、幼麵查篤撐鳳爪、瑞士留學雞翼、沙嗲牛栢葉、萬年滷大腸鳳爪入味雞翼滷水味十足之餘又夠滑另外大腸入味到嚐到花椒八角味牛栢葉厚薄剛好，夠腍易入口另外幼麵彈牙美味湯底中辣，個醬都幾惹味麻甩辣魷魚、清純蘿蔔妹、醬燒豬頸肉、多汁多水冬菇魷魚爽口，蘿蔔好甜夠腍，冬菇都醃得入味豬頸肉濃郁惹味

車仔麵價錢平民之外都有好多款式種類配搭而且呢間都有自家的招牌食物更有自家麵底和醬汁腩仔肉、豬大腸配上車仔麵超級正，入味的豬大腸份量十足，賣相都唔差呀番茄🍅濃湯，湯底酸甜開胃，而且足夠番茄味道絕不馬虎豬皮豬紅配上牛腩汁麵一流，豬紅夠滑又入味，豬皮吸收湯的味道～非常夾的感覺配菜炸魚皮同車仔麵都好夾仲有呢度嘅口水雞，微辣絕對可以接受呢度嘅炸韭菜餃熱辣辣，而且份量都唔少裝修舒服有特色設計有啲與眾不同絕對唔係好頹廢嘅車仔麵肯定係有香港地道味道飲杯檸檬茶同埋可樂一流