麵屋一京 (已結業)

食過一次就算， 經過見到，幾多人食，唸住試一試，揀咗個人氣組合又有粟米紫菜糖心蛋，碗野泥到一食個麵底硬過橡筋，最慘，無得揀麵嘅硬度，失敗啦點知個湯，咸到食左半碗，頂唔順 ，投降啦無下次

講起深水埗食拉麵，第一時間會諗起麵屋一京，因為佢個碗面頭鋪滿叉燒既拉麵真係好令人印象深刻。晚餐時段去食要係店外排隊，好彩唔係等左好耐，10分鐘左右已經有位坐。第一次食，我揀左外表吸引既「真·叉燒拉麵」配背脂豚骨湯底。叉燒係風乾左既叉燒，正因為咁佢先可以切到好薄一片。湯底底好濃幾好味，因為個湯脂肪多，所以食到後尾凍左個湯有D杰身，麵就正常，有D咬口。其實成碗麵開頭食無咩野，但食食下會覺得有D重口味，因為風乾叉燒本身已經鹹，再加埋個濃湯底，食到最尾要飲好多水，可能下次揀豚骨清湯會好D~總括黎講可以一試！

心思思想回鄉又未到出發日子，唯有留喺香港搵好食嘅拉麵啦！今次嚟到深水埗呢間麵屋一京試咗呢碗極上ラーメン，配料總共有六塊叉燒，另外再加流心蛋一隻，份量非常充足，大胃口嘅我亦都食得大滿足！⠀湯底方面揀咗豚骨濃湯，湯頭好杰而且味道非常濃烈，如果唔係食開濃厚系拉麵嘅朋友可能會覺得太油膩，但係配搭中身麵就好夾，最多都係食完飲多兩杯水啦😂⠀⠀一京暫時已經入咗我嘅香港拉麵top 3，準備又要發堀新嘅拉麵啦🤔⠀

今日去開深水埗買電腦產品， 當然要睇下附近有啲咩好嘢食啦， 經過一輪尋覓之後， 就見到呢一間拉麵鋪， 見門口冇人排隊， 即刻就入去食叫咗一個極上拉麵， 首先講個湯，味道不錯，無論味道同質感都接近日本食嘅拉面嘅水準，面條都煮得剛好，有咬口，亦唔會太腍，但係半熟蛋同叉燒就令我有少少失望半熟蛋嫩滑有餘，但味道不足，完全達不到味玉的標準，另外叉燒切得太薄，食起黎無口感之餘，亦令性價比降低，始終一碗售價近百嘅拉面，我嘅期望都會相對提高地理位置方面都要留意，鋪頭位於深水埗地鐵站出口大約二十步左右，但由於我食的時候已經接近夜晚9點，地鐵站附近有好多群南亞人聯群結黨，令我有少少不安，所以如果對呢方面有考慮的朋友可以選擇早少少去食

深水埗多野食係人都知，呢間係眾多之一我覺得吾錯既😊今次點左濃湯面同辣湯叉燒面，兩款湯底都各有特色，濃湯有豬骨味亦吾會太咸，辣味易入口吾太辣👍🏻面既軟硬程度都適中，最怕太軟既面，呢間絕對無。連埋湯底都差吾多成碗食晒😄另外叫左枝桃酒同炸鷄，炸鷄味道都ok，不過比較細碟。呢間店長期播日本歌，令人真係好似置身日本咁，幾有feel🤣環境吾算大，但都衞生，服務生都好願意不時斟水。食完今次都覺得值得再黎既！

路過見到呢間唔多人 望落好似幾好食咁 就入去試下 點知有驚喜湯底濃郁得黎唔會話太鹹溏心蛋好味 叉燒薄薄地 唔嚡口 又唔會太硬拉麵初初食時有d硬 但食食下浸耐左就好d整體黎講性價比幾高

今日一早去到深水埗，已經發現有唔少人排緊隊，鍾意食拉麵嘅豬太郎又點可以錯過！京醬油極上拉麵 $98極肚餓嘅豬太郎揀咗有六片叉燒嘅極上拉麵，同埋出名嘅京醬油湯底。一嚟到，鋪滿叉燒已經夠晒吸引，拉麵比較硬身，找起中間塊叉燒，就可以一啖麵一啖肉。仲有切好嘅溏心蛋，個人偏好完隻自己咬開，更加有驚喜😌。湯底濃得嚟帶有甜味，食食下都唔飲咗唔少😂估唔到平日都好多人，一家大細、學生都有，仲偷聽到隔離學生哥過食完要返去上堂🤣真係好青春！

一月星期天晚上，天氣有點涼。跟友人看過電影以後肚子有點餓，友人向來嗜吃拉麵，於是特地來到深水埗。店面很有居酒屋風格，走進去的時候受到在開放式廚房傳來中氣十足的日語歡迎句嚇到，很有受到重視的感覺。除了伴菜以外所有食物比如拉麵，肉也可以追加，也可以選擇不要，我不吃味筍，第一時間把它剔走。點的是背脂豚骨醬油湯的真·極上拉麵，拉麵全被叉燒覆蓋著，有一隻開邊溫泉蛋。還是頭一次看到如此薄切的叉燒，叉燒是慢煮豚肉，切法和味道是帕馬火腿一樣。非常新鮮的口感，拉麵份量剛剛好，麵質掛湯，對於喜歡濃味的我非常適合。友人加點了一份京風炸雞，一份四塊，外皮酥脆，雞肉十分嫩滑，熱騰騰的而且很夠味，不會皮肉分離要另加醬汁。一向不太愛吃拉麵，因為以往試過太多不好的中伏經驗，想不到在深水埗區居然有一家這麼和風的拉麵店。

一個一京拉麵，一個伊比利亞豚烤腩肉拉麵。兩碗的湯底一樣的，好濃厚，麵底都好多，變相湯底得好少咁，湯底偏鹹，有豚脂粒。溏心蛋都ok 既，唔會過熟。伊比利亞烤豚腩肉，都唔知有無講錯個名，好長，除左有本身一京拉麵的薄薄豚肉之外，仲有主角，好長的烤肉，有烤過既味道，少少燶味，不過可以接受。肥肉瘦肉都平均既，好食。仲叫左炸雞，好食既，唔會太多粉漿，唔記得影相添。仲有啲椰菜絲，面頭有芝麻醬，刀清新。總括一下，碗麵唔差既，係湯底濃左少少，飽到好濟

網上見到一京都幾出名，一直都好想試呢間野，不過住得遠 未有機會成日黎深水埗或者黎到又好吾好彩甘收左鋪不過今日終於有機會喇！呢碗價值$78嘅拉麵 我覺得好食過一蘭價錢黎講就吾係話好貴 因為都叫有質素！首先佢嘅豚肉係好薄切，吾似平時我地食個啲叉燒甘厚同大舊 食幾舊就飽！佢薄得黎似和牛個啲甘，所以好正 湯底黎講都吾錯，好鮮又吾多味精 我點左個背脂豚肉湯底啲麵就適中喇，吾係太硬/太軟間餐廳大多數都係日本師傅做 都有好多日本人去食稼 不過呢鋪頭就比較細喇，坐落可能比較迫同埋都需要等位稼

麵屋一京開喺深水埗街巿附近, 裝修不似平時的拉麵店般有格調.. 感覺有點像坐底等緊食車仔麵...不過店員會用日語招呼客人感覺有禮拉麵種類唔算多, 價位如別區拉麵店般屬中上價錢, 對深水埗來說算是貴啦 ! 有別於其他店... 落單麵條無軟硬選擇, 亦無多少葱選擇 ..點了豚骨獎油湯拉麵一客 $78豚骨濃湯標榜用背脂煮成, 唯呷一口驚喜欠奉.. 見到店裡訂的是日本雞卵.. 半熟蛋味道可以 ! 麵條有點韌.. 想說叉燒也是可以的.. 但所有加埋又好似有點普通.. 所以嘛 一次就夠 😊

黎食里間野真係一種偶然經過門口，見到禁細間野，重要十二點幾咋，門口已經有人等位🤪等左半個鐘多啲啲，終於到我了🍾Menu好簡單，就係拉麵🍜拉麵🍜同拉麵🍜我覺得食咩拉麵都差不多，最重要係諗個湯底，你要知你自己想食濃味（真係勁濃），定一般豬骨拉麵湯底先上桌的係炸雞🍗雞肉都算嫩滑有肉汁，不過$30@只有兩舊🤔而且我比較鐘意食個啲椰菜沙拉🥗好掛住以前尖沙咀個間專門食炸豬扒的拌碟椰菜沙拉（可以任fill嫁）真叉燒。配醬油湯底所謂的真叉燒，切得非常非常之薄，無論外形同味道都有啲像Pama Ham，還算不錯👍🏻湯底無咩特別，睇顏色都知，醬油風里到的加底好得意😎唔會直接加入你個麵到，係你自己食到禁上下先同佢地講，即煮。本來里件事係幾好的，但是朋友鐘意食少少再加少少，變相食到一半個麵變左個餅😯大家喜歡自己加加減減的，店家好歡迎👏我個人就唔會加囉，要手動我就唔出街食啦我里款係base 款，湯底我就選左店家主打的濃湯（背脂豚骨），個湯底好濃郁，食到尾段的時候會覺得個咀有野張住，明顯地骨膠原好豐富（即系好肥囉）🐷🐷🐷🐷流心蛋剛剛好，蛋白熟蛋黃重有蛋汁流出🐣里碗的叉燒一般般，其中有兩舊有根囉⋯⋯無牙婆表示不能接受

好好食店員服務又有禮貌已食過幾次，所以推介下！可能因位置不是鬧市，所以不是太多人排隊同埋知道有間好食既拉麵店大家可以試下，特別係佢個流心蛋！比出面不同，我個人覺得好食好多！

有驚喜深水埗小店，老闆是日本人試左極上拉麵，足料湯底夠濃味，有豬骨味，我覺得可以接受的。面質夠硬，聽講係日本製造100%小麥粉，味道正宗。服務態度都唔錯總括來說，可以再試。

放底左個女係老爺度就同老公拍拖行街食野。平時拖住小朋友係好難坐係好迫既拉麵店食拉麵，今次正好可以試新嘢！（唔係講野間鋪頭新🤣）入到去d位還可以，但帶住細路就真係差小小。價錢係拉麵店當中唔叫貴，但係深水埗呢個地段就好似貴左dd。叫左最普通既豚骨湯同醬油湯：豚骨背脂湯好重味，還可以...最正係配菜既份量好夠👍🏻醬油湯淡小小啱唔重口味既人最初以為係香港人開既，但見到一位疑似日本女士係度執碗、送麵...我諗應該係日本人老闆吧！經過附近而未試過既可以一試😊