麵屋一京 (已結業)

📍深水埗📍極❗️濃❗️郁❗️湯底♥️低溫慢煮叉燒拉麵🍜前排經開深水埗，所以就搵下有咩食☺️估唔到呢度都有間拉麵店，係做低溫慢煮叉燒拉麵😍之前係葵芳食過有間都幾唔錯，睇下呢間又做成點🤔叫咗個辛味噌湯拉麵同真叉燒拉麵🍜基本上我個辛味噌湯個湯底真係超❗️級❗️濃❗️濃到好似撈麵咁🤣🤣可能有啲人幾鐘意嘅🤔但我食到一半就叫佢俾碗湯我，等我加翻落去，就好翻啲啲😽反而真叉燒拉麵個醬油湯底就適中，無咁濃，而叉燒就係櫻花粉紅色🌸同埋好薄，食落好嫩咁♥️

早幾日寫呢間拉麵嘅食評時，寫得太興奮，寫完即刻去食多次。今次試真.叉燒拉麵，要辛味湯底，焗住只配背脂湯底。上次食完普通叉燒，今次食真嗰款。感覺滑啲，似Parma ham，可惜我點咗辛味湯底。咦～杰過杰他他老伯。。。最大鑊係辛味唔夠辛。個日本侍應都自動配一小瓶辣椒粉一齊上麵，咁即係佢哋擺明唔會辣得去邊。雖然杰過乜，但本身都好味嘅，只可講句唔啱我個人口味啫。下次嚟我會點返清湯+真叉燒，唔再俾啲背脂膠我個咀！今次覺得服務比上次更好，不斷加水又笑又剩咁，唯獨那個後生啲講地道廣東話嘅侍應阿妹，我隔離個客問真叉燒同普通叉燒有乜分別，佢竟然答咗半日都答唔出，我忍唔住代答了。唉～我去過兩次都識，佢喺度返工唔識。老細應該罸佢自費一次過食晒兩款叉燒，等佢以後記住有咩分別😎

連續兩日食拉麵，呢間都係第一次試，因為又係唔少人讚嘅深水埗區拉麵，一定要試吓。我選擇平日嘅lunch time嚟，睇吓會唔會迫死，結果係要搭枱但冇迫死，因為兩枱之間空間唔錯。點咗個豚骨清湯底嘅極上拉麵，即係好多肉嗰碗大嘢。真樣冇睇相咁震撼，因為啲叉燒好薄。個人好鍾意個湯，可能清湯底感覺唔會好濃厚黏咀，覺得幾好唔肥膩。我鍾意佢有少少筍，感覺就好似食飯有菜有肉冇咁寡。至於叉燒，係我食過咁多間拉麵最薄嘅，但佢薄得嚟好有質感，亦唔會好似某啲拉麵店叉燒咁鞋或者厚到煲湯瘦肉咁，總之好味啦！半熟蛋就冇乜特別，正常。個人比較大食，食極上拉麵應該有6-8塊叉燒，因為叉燒薄，覺得啱啱好，夠晒飽但又未至於爆肚嗰隻，覺得係男人正常份量 (其實本人係女人😅😂)。我係專登唔食早餐，忍到1點去食當brunch㗎，所以覺得份量啱啱好！呢間拉麵絕對會回頭幫襯，而家寫寫吓好想再去食添，今晚一於試埋佢嘅真.叉燒拉麵，係慢煮叉燒，食完再評過😎

去深水埗買電腦野順便食埋個午餐先...平時去開都是茶餐廳或者雲吞麵檔無咩新意食到悶悶地，今次我哋行下行下見到間日本人開嘅拉麵店咁更係入去試試啦！朋友見到餐牌有個寫住每日限20碗，見已經下午一點半就問下店員仲有無這款“真。叉燒拉麵”好好彩仲有就叫了一碗，我就點咗“紫菜粟米拉麵”加一支靜岡蜜瓜汽水。真.叉燒拉麵 ，肉好鮮嫩好薄唔錯拉麵有咬口不過略為咸咗啲。紫菜粟米拉麵，雖然簡單咗啲但味道幾好有時簡單嘅餸菜先試出真功夫。靜岡蜜瓜汽水，有蜜瓜味唔假幾清甜。

今日我們去食拉麵，去到這間幾多客人讚的拉麵店。餐牌都幾靚！好多選擇！有埋材料介紹。餐具幾乾淨！（一京極上拉麵）好大碗！好足料！叉燒薄又多塊，好軟腍，唔肥；半熟流心蛋好香好滑！拉麵都彈牙，份量多又大碗，但湯底比較咸好靚呀！好多喔！（京風炸雞）3塊雞好香好熱騰騰、炸得好靚！大大粒！好正喔雞肉好滑好香、好有口感深水埗都是一個幾好的選擇，拉麵多選擇、但比較咸了點！服務員的服務及態度都唔錯，環境都乾淨及光亮的

眾所周知木嘴都係一個拉麵控，雖然成日周圍搵拉麵食，但已經滿足唔到木嘴呢個血盆大口，要努力搵新舖試食。今日就出動黎到深水埗啦。深水埗好鬼多食店，車仔麵呀米線呀又平又好食。呢間拉麵係深水埗黎講都幾高消費，木嘴我本身都有d質疑呢間舖會唔會做唔住，咁就緊係要趁佢執粒前快d黎食啦。佢係公和堂隔黎，一出地鐵行幾分鐘就到，間鋪又幾大，唔會好似某d拉麵舖咁細到劏房咁。咁就當然要叫下佢個最基本既豚骨濃湯試下，湯底揀左背脂，盛惠$78。由於木嘴真的很重口味，呢個麵真係岩晒我，好濃味。而且大家睇圖都見到，一定好肥。美中不足既係個湯太傑，傑到有d似沾麵咁，令到d麵好似漿住漿住，唔可以大啖大啖咁飲晒d湯。另外可以自己加普通蒜或辣蒜，要有幾重口味就有幾重口味，想個口有幾臭都得。叉燒好淋唔會好鞋，另外仲有一粒蛋！幾流心下！如果唔要蛋仲可以減番十蚊。食完之後，木嘴我覺得呢間舖暫時都應該唔洗執住，因為真係幾好食。希望深水埗既居民可以多d幫襯佢，等我下次黎都有得食。

放工諗起呢間鋪，之前行過見到係日本人開的拉麵🍜同埋聞到好香，就記低左呢間野專登過黎試下。🧐我地一共試左兩碗拉面，一碗辣一碗豚肉濃湯。兩碗既共通點都係咸到要係咁飲水，最好食就係隻蛋。🤬叉燒切到好薄，好似紙咁薄同埋冇咩叉燒味唔夠香。完全中哂伏。店內環境不斷有蒼蠅飛過，但係店員服務態度幾好。加水加得好頻密。👍🏿好老實講，如果要比七十幾八十蚊專登黎深水埗食碗拉面，可以唔需要黎呢間。旺角，尖沙咀比貴小小大把選擇。水準一定比呢間高。

星期日嚟到深水埗B出口，就係公和隔離的一家新開拉麵店，前身就係一家正宗印度薄餅店。其實都開咗一段時間，不過遲遲都未有機會去試一次，因為每次去都見到有人龍。今日未六點就去到，點知都一樣係要排3-4張枱，唔算等咗好耐(15分鐘內)只係企喺街出面有D熱。入到去發現其中主廚係日本人，其他職員都係本地年青人，一睇餐牌款式不多，3款湯底配不同配料，有泡菜、紫菜粟米、多叉燒等。最正係可加麵底，可解決小朋友食唔哂的問題，而且設有兒童餐(不過我覺得貴過個大人拉麵就太過了，如果可以平番少少就好)兒童餐一出來就感覺超可愛，估唔到一家小小的拉麵店都有兒童餐，不過起初以為好少嘢，因為只見一個bearbear蓋着的碗。原來一層一層可以打開，由上而下有布丁、炸雞塊溫泉蛋等餸、最底層是拉麵，再加杯橙汁。大人就點了碗加了麵底的紫菜粟米叉燒拉麵(仲可以選擇走溫泉蛋就減$10)還點了支蜜瓜味汽水$20，味道還可以。再點一個極上叉燒拉麵，就是多幾倍叉燒。先講拉麵，真的超爽彈牙，麵條好分明，真係食完一啖立即想食下一啖。醬油味湯底不會過鹹，叉燒真係好軟身好滑，吸上湯汁吃更好味。溫泉蛋有炭燒香味(我都唔知真定假，但真係食入口就有種

位於深水埗既間拉麵店打住係日本人開既旗號，去到時雖然係平日夜晚，但都排長龍。店面好細，淨係容納到20個客左右。店內服務員都係講日文、識講少少廣東話，應該係原汁原味既🇯🇵日本人。今次叫既係濃湯拉麵，對面媽媽都係揀濃湯拉麵但冇咁多叉燒。However...食完成碗後，個人覺得湯底太肥太鹹，唯一值返價錢既就係有成碗「叉燒花」排晒係到。面質偏粗，但都彈牙既～今次濃湯底有少少失望啦。。可能係我個人口味既問題，聽講醬油清湯好味d，期待下次食完再黎寫食評！

朋友食過話好好味，啲肉多到見不到麵，便特登走嚟試吓。叫咗兩款拉麵。背脂豚骨拉麵～湯底好濃郁味道唔錯，仲有啲脂肪粒浮吓浮吓適合重口味人士。豚骨清湯極上拉麵～肉真係好多，多到見不到麵，但係好薄所以唔嚡，麵比較硬，筍和蛋都唔熱。隻蛋好味還有少少酒香。整體呢講，所有嘢都好入味，即係好鹹，就算唔飲湯都覺得好鹹。

其實這是我第一遍來吃，整體來說還不錯。全港有很多家拉麵店，我亦吃過很多家，這一家對我印象平凡中帶一點特別(在麵條個湯底上)。溫野菜拉麵湯底: 背脂豚背醬油湯 (好濃稠喔！還真的看見很多脂肪浮在湯上正常人一定會覺得很油膩，其實沒有，它是溫和的豚骨湯加上醬油。<——我平常吃很清淡的！但我覺得ok,豚骨湯並不是味精速成的，喝下口很舒服）麵 : 幼麵，有彈性，有鹼水(我認為是正常的)菜 : 胡蘿蔔，椰菜，韭菜，芽菜 (口感爽脆不油膩）竹荀：偏甜，但我愛甜溏心蛋： 樣子不太合格但好吃，有微甜的醬油香肉 :薄片，不要以為溫野菜拉麵沒有肉，它有兩片的，不是硬硬的，口感有像薄薄的牛肉。真心話：吃完飽了很久～～極上拉麵其實配料的評價可看上面的。這個我推薦給喜歡吃肉又不想太罪惡感的朋友，因為它很多肉，但肉很薄，真的很薄。如果我下次再去，我一定會試豚骨清湯醬油湯，可能這個鹹一點？今天吃的時候，發生了一點小意外。店員無意地打翻及打破了我的水杯，反應很快地清潔！服務員很貼心，經常來添水。小提示： 2人會比較方便入座

呢間拉麵店開在深水埗感覺有點格格不入，我有一次咁啱經過就入去試下，都一試難忘。👍👍😋入面嘅環境都幾似日本當地嘅拉麵店，有些廚師同埋侍應應該日本人，有時候都會聽到佢哋講日文，感覺地道😄佢主要賣點是鋪滿肉的拉麵🍜佢的豚肉係慢煮處理，睇上去粉紅鮮嫩，啱啱熟咁嘅樣，其實已經熟晒，不過口感好嫩😋😋佢可以選擇冇咁多肉的普通一京拉麵（$78）同埋超多肉的極上拉麵（$98），每次去都會叫爆多肉嘅極上拉麵，因為我見爭$20不算多，但肉的份量差幾多下。每碗極上拉麵都會鋪滿晒粉嫩叉燒，係爆多，起碼有十片八片，見到都好開心😋😋😂每碗拉麵佢都會附上一隻超級正溏心蛋！佢哋拉麵都是我喜歡粗幼，麵身適中掛湯一流！佢有幾款湯底供選擇，我定會點佢嘅豚骨濃湯！佢嗰種濃稠度真係好似満滿的骨膠原張住你的嘴巴！想清淡點選擇醬油湯底亦可以🍜😝總之食肉獸食完呢碗拉麵你就會覺得好滿足！ ———————————————————店名: 麵屋一京 (深水埗)環境🏝：7/10服務💁🏼‍♀️：8/10 價錢💰：7/10食物質素🍝： 8/10 整體🙆🏻‍♂️：7.5/10 地址:深水埗北河街116A號地下

佢位置係北河街，隔壁就係好多年歷史食豆腐花。之前經過都想試，但奈何好多人排隊，唯有下次再試！到今日終於有時間試，但出奇冇咩人排隊我食既係醬油湯底，溫野菜拉麵。 都有問店員豚骨湯還是這個好，她說這個比較清，其實我自己都係鍾意醬油多點一黎到，香味吸引！醬油蛋賣相好，同想像一樣！不過如果少點豆芽，多點椰菜更好！而叉燒是好食，但個人鍾意比較肥一點的，喜歡肩肉既朋友一定會喜歡。拉麵質感彈牙，因為我喜歡偏硬既麵身，合我味！而我認為拉麵最重要既主角，醬油湯底好傳統很濃，跟日本吃的差不多。好味！但同行友人就說很咸....可能每人口味不同吧。 同行友人點的是有6片叉燒的，也是醬油湯底。大致上差不多，但沒吃不評論。兩款都是$98，不另收加一。提供冰水，令你可以更仔細品嘗湯底既味道。總體而言，每樣東西都很好，很值得推介！題外話，我食完之後有長龍，算是幸運吧

我地一家四口入去試下呢間同周邊格格不入嘅拉麵店，我地叫左兩碗拉麵分別係清湯同濃湯，一試湯底咸到叫救命，我唔明點解啲人覺得好食，真係咸到hi hi，可一不可再，咸到飲極水都解唔到

麵屋一京🍜麵店由日本師傅親自主理，湯底主打豚骨醬油，喜歡濃味嘅可以選擇背脂豚骨，而叉燒亦有分普通鹵叉燒同真.叉燒(即慢煮叉燒)，我比較喜歡濃味所以揀左豚脂醬油真.極上拉麵，湯底雖然加入背脂但一啲都唔覺油膩，入口好香豚骨同醬油味道，有層次感，而叉燒因為係用慢煮方法所以可以保留豬肉本身新鮮嘅色素，其實係熟㗎，我知好多人都未必接受到血紅色嘅叉燒放入口，但慢煮叉燒其實已經係一個潮流，好多地方已經用左好耐，只係香港人唔係咁多人接受所以好多拉麵店就算用慢煮方法煮叉燒都唔敢煮得太紅，大家真係放心去試下啦，講完叉燒到拉麵，拉麵用上粗直麵，麵質爽滑唔錯，而半熟蛋亦做到流心效果，價錢$108雖然感覺比較貴，但香港始終舖租同人工貴所以我覺得價錢都算合理嘅，好多人都會話香港拉麵又貴又唔好食，情願去日本食，我都知日本嘅拉麵好食，但唔通每次想食就飛去日本食咩，其實香港都有好多好食嘅拉麵小店，佢哋都係好用心去煮每一碗拉麵比客人。