麵屋一京 (已結業)

深水埗食肆多, 種類多, 有水準食店多, 競争多就人人都知. 但正宗日本拉麵不多, 試過幾間都是非常ㄧ般, 而這間是行簡約風格的日本拉麵店, 雖品種不多, 但是樣樣都精, 而環境雖在内街, 行過也不起眼, 但簡約清新. 座位不多放, 留出空間讓客人坐得舒適.難得是連老板两人負責楼面,再加攞位排隊加收銀都應付自如, 真見日本人的做事效率. 食物新鮮味道適中, 足見下過很大功夫, 難怪每次經過都見門口有人龍. 價錢大衆化. 可算是抵食之選!

來深水埗吃東西一向都有不少平靚正之選，呢間食市都唔例外。我叫了一碗一京拉麵(不要半熟蛋)$68，背脂豚骨醬油湯味道很濃郁，感覺很似在日本吃的味道。麵質爽口，豚肉較薄，但不會覺得無肉食，或者太少肉。因為本人細食，又不是特別好半熟蛋，走個半個京風味半熟蛋都夠我食，份量剛剛好。最開心是點菜紙上圖文並茂，非常清晰，下單容易。室內設計雖然簡單，但都專登貼了日本的海報，感覺好像去了日本街邊家族式經營的小食市，很貼地。

原本由佢裝修開始見到係食日本拉麵，就諗住深水埗呢個地方開嘅應該都係啲頹野。開咗之後都冇點留意但係經過就見到越來越多人，但係既然咁方便就試佢一次啦！佢嘅出品係同佢既poster一樣，唔需要好似其他地方咁寫住圖片只供參考。2個人食，一個揀多肉一個揀多蛋就除返勻佢。不過俾我揀多次可能我會想自己一個人食晒一隻蛋佢隻糖心蛋真係好好食㗎！時間完全控制得啱啱好，醃漬得好入味。肉就唔算好特別，雖然係薄切，但勝在夠多片，而且唔係會食到肥肉同瘦肉分開2邊果d，個樣似係原片切出黎，唔係圓滾滾壓出黎果種，所以就要睇返個人口味啦。湯底方面，豬骨味好濃郁，好香，但係好味係有代價㗎...本來都諗緊佢出粒粒浮起黎嗰啲係咩嚟㗎呢，試咗一粒入口，真係肥膏對於食拉麵嘅口感係冇影響嘅，唔會食到一粒粒肥膏係口嘅感覺，但係見到就好有罪垢感。怕肥嘅就自己斟酌一下啦..

朋友介紹話深水埗開咗間日本人自己開嘅拉麵店，我就抱著一試嘅心態去食。星期日7:00pm時間去，人不算多，我和友人叫了個極上拉麵及紅京拉麵。極上拉麵選了醬油湯底，麵質爽口，豚肉薄薄的，醃料味不太多，反之係清清的肉香，食麵時就算飲下幾口湯，但也沒有口渴的感覺，可以想像不是加了很多味精。紅京拉麵的湯帶有好濃郁的香辣味，濃郁的湯食起來有點像食沾麵，不過可惜湯不夠點。但整體來說都是值得加入飯堂名單之內的。7:30pm過後，門口開始有人要排隊了。

我自己覺得累就會去按按摩，如有時間可能會回內地全身按一下，如時間不足就會去深水埗的盲人按摩，簡單按十五分鐘。為緊張生活充充電。每次我都會在深水埗覓食，今次去了日本人開的拉麵店「 #麵屋一京 」🇯🇵🎌來了一客❶一京拉麵🍜（背脂豚骨醬油湯），由於湯底有大量背脂先生，令使湯頭變得很creamy，不過吃到尾升就沒辦法再喝，已經濃稠得成了醬汁，味道亦愈來愈咸🤦🏻‍♀️。起初不覺得膩，但最後真的膩到喝不下口。拉麵也剛剛好，想軟想硬都可配合。😉❷極上拉麵🍜（豚骨清湯醬油湯）這個湯底好喝太多了！清湯醬油味，既香濃又富層次感，重點清湯味道不膩！至少我願意喝到差不多見碗底。極上拉麵中有6片叉燒，叉燒是呈淡粉紅色的，肉質柔軟嫩滑，好好吃！😋❸京風炸雞🍗，$30三件，炸得很乾身，但有點可惜雞件不夠嫩、不夠juicy。總是覺得吃拉麵配餃子🥟，才是絕配！🤣😂#晚上8點半前要到#推薦豚骨清湯醬油湯拉麵#好鍾意麵店既太鼓式音樂「井井貢」🎶🔎 http://fb.me/imLaurierLaw.hk

係正屋企樓下,已經食過兩三次,但係可能小弟唔識欣賞湯底太咸,咸都唔緊要,隱家個湯都飲到但佢個湯唔夠熱就真係頂唔緊....配菜,食材無乜問題,價錢係同區拉麵算中上一試無妨

今日又忍唔住特登來食麵屋一京！！因為真係好好食，暫時來講係香港搵唔到第二間比佢更好食既拉麵！麵屋一京已經食過幾次，每一次個水準都keep 得好好，不過今次來明顯人流多左，但係食物水準無差過👍🏻呢個係一京拉麵，可以揀濃湯同清湯仲有辛辣湯！我永遠都係揀濃湯，因為真係好好飲，超creamy,而且充滿濃濃既豬骨香味🤤真係一試忘，極力推介啊👍🏻😍😍原本得一隻蛋，但因為佢d 溏心蛋實在太香太誘人，所以我加多隻，都係10蚊😋😋呢個都係一京拉麵，正常牌就係一隻蛋，同埋係有蔥花既👍🏻而呢個就係清湯底，唔好睇佢咁，絕對唔簡單架！佢個清湯都好濃豬骨味，食得出絕對唔咪味精可以做到咁，係真材實料既味道👍🏻

好味，暫時係香港食過數一數二好味，好過個啲一風堂既拉麵，老闆真係日本人，係咁講日文，初頭以為係扮日本人，之後問我簡咩湯底，係咁雞同鴨講先知，堅係日本人，會再黎食

是日又一個人晚飯忙碌了一整天還是找間麵店吃拉麵比較好極上濃湯拉麵叉燒軟硬適中有肉味可惜太咸麵沒有硬度選擇個人認為硬了一點湯真的很濃而且非常咸我以為自己味覺有問題再試一次真的是超級咸用一個字總結咸!

星期日約七時來到這店，見到上一輪人流走了，是好機會入座，試一試這稱是日本人的拉麵。二人點了個基礎的半熟卵拉麵(清湯)，及濃湯的極上拉麵。價格上是吸引的。上麵很快，放在枱上已聞到肉湯的香氣。麵條雖然沒有粗幼度及軟硬度選擇，但是彈牙的，也吸了湯味。叉燒是薄薄的瘦叉，對喜歡瘦叉的朋友是福音。荀有別一般拉麵的荀，是用甜的汁煮吧，個人覺得不錯。溏心蛋如圖，是滑溜流心。唯一，湯底鹹了一點，就沒有喝完整碗湯，這是有點可惜。濃湯也不錯，有點像汁的狀態，兩個人比較喜歡清湯。沒有加一及我聽到店員在隔鄰枱解釋不同款的叉燒口感，這也是加分位。要來記得睇時間，事關21:00就收舖了。

每次經過都人頭湧湧的小店 今日行過趁無乜人 即刻入去試下 😋😋 餐牌好簡單 兩種湯底 四款麵食 至啱我呢啲選擇困難症的人 😅 追加的食材有多種 我同男朋友各自選擇咗紫菜同味荀 咪以為個紫菜係普通即食紫菜貨色 濃濃的紫菜味道 正啊！今次選擇咗濃湯 食到最尾稍嫌略鹹 下次要試清湯日本人烹調的味道 推介 👍🏻👍🏻👍🏻

話說今日同朋友出深水埗買完玩具，肚仔餓又唔知食咩好，突然見到一間未見過嘅拉麵店出現眼前，為食嘅我地梗係即刻想沖入去試下先喇... 但... 見到條人龍都有6-7人左右，唯有排住隊先喇...👉🏻👈🏻排左大約10分鐘，有位喇😻😻入到去店內，唔算坐得好迫，枱下有勾比顧客掛袋添... 有免費冰水提供，亦可以購買店內飲品由於幾個朋友都係愛蛋一族，於是乎不約而同選左半熟卵拉麵跟濃湯湯底，其實仲有清湯湯底可以選擇嫁，而且唔夠食仲可以加$15替玉（加麵）添... 麵黎到... 湯底 - 堅濃但唔太咸，有少少肥肉粒，好香！如果覺得肥左少少，枱面有醋提供，可以加少少減少油膩感直麵 - 麵身較為硬，口感重啲（有需要可以同侍應講要軟少少嘅麵）建議可以加少少蒜蓉增加香氣😏😏叉燒 - 好薄，質感似肥牛片，但無咁肥，而且好滑好嫰唔鞋口😛😛份量 - 男仕可能差少少唔夠飽，女仕就應該夠埋數喇... 小店無加一😘服務黎講，算好ok，因為一路上都多人接住出出入入，侍應盡快手同有禮貌😸總結，深水埗又多間可以選黨嘅舖頭🎊🎊🎊

是日放假天，落街搵好野食，深水埗多小店，林林總總不同國家風味都有，所以對於有選擇困難症既我揀食咩確係1個難題當我經過呢間拉麵店發現有好多人食，但當時已經過左lunch hour，所以覺得有甘多人食必定有佢原因一入到去就受到純正日本語既歡迎嗌左個清湯極尚拉麵，一黎到俾佢既賣相嚇親超多肉呢，賣相好吸引。湯底雖然嗌左清湯，但味道都係比較濃郁，同埋油份比較多，但味道是可以既值得一讚係佢既叉燒好淋好入味總括黎講呢間味道你不錯，但價錢偏貴。

琴晚自己一個人行街，經過深水埗，見到呢間麵屋好似唔錯咁（其實成日都經過，未得閒去試），就入左去試試，見到個餐牌只有幾款選揀，就叫左其中一個略為有點貴既拉麵，同埋叫左個蜜瓜口味既飲品。湯底夠濃，豚肉味突出（我自己比較喜歡重豚肉味，平常人可能會覺得太濃烈），拉麵既軟硬度適中，日式滷水流心蛋簡直一流，，不過豚肉好似有點兒太薄，好似打邊爐果啲豚肉咁蜜瓜味既飲品都幾好，又唔會太甜，總括來講係絕對有下次！！！！

門口黑板上寫著「深水埗唯一日本人の拉麵店」，當然要試試。入座後立刻送上冰水一杯，對啊，日本人食拉麵，什麼溫度下也是飲冰水的，平衡熱騰騰的拉麵。店子提供4款拉麵兩種豚骨湯底，濃味或清湯。這店使用的食材多是從日本運來，如京都拉麵店也使用的鶴見軍醬油，而麵條則用日本製造的100％小麥麵粉本地製作。店子其中一個賣點是真‧叉燒及普通叉燒，真‧叉燒是選用岩鹽熟成的豚肉，鮮味濃縮後，再用“真空低溫烹飪”技術烹製而成，將加熱引起的味道流失和肉質變化情況降至最低，所以肉質鮮嫩而且呈現粉紅色，感覺像巴馬火腿，矜貴又美味。相比下普通叉燒就顯得一般，但一碗有齊兩款叉燒也確特別及抵食。整碗湯也有粒粒背脂，增添脂香，加上我選擇的濃湯變得有點油膩，喜歡清淡的朋友或許清湯會比較對胃口。若然你喜歡多肉，點碗極上拉麵，叉燒鋪滿整碗麵，你一定很滿足，性價比高。