麵屋丸京

营业中

休息中

今次去呢間拉麵店門口已經出現人龍，主要佢地座位唔算多，不過既然有人肯等，睇黎都值得一試😏 可惜我去食既時候已經賣曬濃湯，連餃子都冇埋🥲 坐位方面佢有自助既蒜同辣醬調味，仲有盒紙巾比客人用，有紙巾係我會著重既一點黎，值得一讚😎我地叫左黑蒜油清湯（+$10）既真叉燒拉麵（$108），佢真叉燒我感覺係一d比較生d既日式叉燒，幾好食既，佢仲有隻蛋比埋我，而呢個黑蒜油湯好好飲，鐘意黑蒜味既都值得加錢轉😋另一碗我地叫左清湯豚骨拉麵（$78），不過我地呢碗就走蛋（-$10）仲平$10，佢呢個豚骨拉麵其實就都係叉燒黎，不過今次既叉燒就燒得比較熟既，佢既清湯我覺得實際係醬油湯黎既，亦都幾好味👍🏻佢既然冇餃子，我地轉嗌佢既自家製七味炸雞（$38），呢個炸雞佢新鮮即炸，好熱，我要灘一陣先食到😂 不過熱係好事黎，點埋個沙律醬食好match👏🏻呢間拉麵店真係唔錯，係要排隊有d辛苦，因為佢要室外排，天氣熱就更加覺得辛苦，可能去其他分店食會更好‼️

丸京食過幾次荃灣個間，深水埗總店第一次食。深水埗店無我最鐘意既地獄指天椒湯底，所以叫返濃湯(豬骨)，麵款同軟硬無得揀，揀左一碗真叉燒同一碗普通叉燒(普通叉燒無特別，真叉燒用慢煮方法去煮所以夠淋夠滑但重肉味)。麵係直麵無鹼水味夠爽，食到最後都唔會淋而且有麵香幾好食。豬骨湯中等厚度少少杰身，仲有少量油脂，但飲落唔覺肥膩，濃得黎又唔會咸，唔小心飲到見底。整碗麵我比90分，如果叉燒可以再香d，個湯再熱多少少就可以95分除左拉麵，深水埗店個炸雞同餃子講真係拉麵店數一數二，可以去到試一個小食。

中午食完一間幾好食嘅拉麵，但始終有啲唔夠喉，睇留言見到有人提呢間，於是夜晚試埋佢。冇當日即刻打食評，所以記憶有啲矇糊，但絕對記得係塊叉燒份量多再加幾好食，佢有分三塊燒三塊唔燒，唔燒嘅幾好食。湯底ok, 我再加咗背脂，但我覺得有啲啲油，所以建議唔使加。麵質都一樣唔係傳統個隻拉麵，唔係唔好食，只係唔係我杯茶。配料好食，一樣絕對合格。價錢我食咗$100+$10（背脂），我自己覺得合理，因為真係幾飽，但未去到好抵。留意，星期一至四同五至日嘅menu 唔同，自己查咗先去。

上址深水埗分店，星期日就與朋友去試試，去到已見很多人排隊，當日天氣好熱好曬，亦剛剛下了陣過雲雨，見排隊前頭有一家三口，其中一個係約8-10歲女的小朋友, 下兩張應該到他們一家，而店中女侍應就表示你們三人不能一次過入店內企等，只可容納兩個，因為多一個人入店內等會影響冷氣，唔夠凍，所以其中一個出返店外等。。。女侍應狠心拆散人地一家，好嘢，她真是好醒目好叻女，結果見到一家三口一齊返出嚟店外等，但等不夠一分鐘，一家三口絕塵離開😱好有型好有性格，明明等了咁耐，下張就到他們，都即刻走，登時好欣賞一家三口，我再看看各評語此店，原來此女侍應係多麼出名，她的態度，她的性格與及處事手法，令她出了名

個人認為味道幾好味，但咁嘅服務態度絕對唔需要再試！！！！話說男朋友未到，叫我先到先入座。到餐廳時，男侍應舉起一隻手指問是否一人，而我一手拎住一袋重野，而我用拎住電話嘅手舉起2隻手指，佢就示意我坐近門口4人位，不過要單邊坐，完全理解，大部分店舖都係咁。男朋友到店前，我對面已經坐了另一位男士，亦有2位男士等位。當男朋友到達時，正在落單嘅女侍應叫佢排隊等，男朋友話已經有位，女侍應就話「齊人先入座」，我勁愕然望住男侍應，當然男侍應同樣咁望住我，我就知道大家都誤會左，然後女侍應就再重覆兩次同一句說話，「齊人先入坐」，再加一句「下一位先生呀！」我真心呆左！！！其實你唔理解事源唔緊要，你可以講句「小姐，你介唔介意重新等過，比兩位先生入座先」。如果佢咁講我覺得冇問題，絕對唔係咁嘅態度！好似認定咗我係存心欺騙！！！

放假經過都見有人排隊，今日好想食拉麵，放工就碰碰運氣，去到大約七點見有四個人等緊位，都係等咗十五分鐘😅豚骨拉麵🍜湯底可以揀清湯、濃湯（黑蒜、蝦湯+12）豚骨拉麵有三塊叉燒同一隻糖心蛋，我揀咗濃湯，湯中充滿濃濃豚骨味豚肉油脂適中，麵條吸埋湯汁好好味丸京拉麵🍜一上枱非常澎湃，大大塊叉燒佈滿成碗麵，真叉燒三塊、叉燒三塊、醬油糖心蛋，肉味都嫰滑不肥不腻，大大碗非常超值香蔥沙律炸雞炸雞外面香脆，內面雞肉鲜嫰

一間位於深水埗的拉麵店，平時經過都會見到有人排隊，而突然間又好想食拉麵，就決定一試，竟然有意外驚喜！——————豚肉拉麵 （清湯）HKD78意想不到的美味，湯底清新，係可以飲晒嘅湯底，糖心蛋亦都好好食！拉麵質地剛好，唔會太硬唔會太淋，非常欣賞！以呢個價錢食到呢個質素嘅拉麵，的確唔錯！唔怪得咁多人排隊！丸京拉麵（小干蝦湯底）HKD 78+10呢個湯底絕對係驚喜之作，湯底蝦味非常香，而且湯底亦都非常清新，唔會因為係海鮮湯底而有好多油，呢個係我欣賞嘅地方！而且個湯真係好好飲，會係我再嚟食嘅原因！而呢個拉麵唔同嘅地方，就係有真叉燒，兩種唔同嘅叉燒一齊食，的確滿足！——————評價：深水埗驚喜拉麵性價比高週末開心之選推介指數：❤️❤️❤️❤️

麵屋丸京係由日本京都開過香港既正宗拉麵!!!成日經過丸京都會見到大排長龍之前見YouTuber大島與威龍都介紹過丸京連在港日本人食過都話好味 所以一直都好想去試前排煲日劇 又喚醒我既 \ 🔥拉麵魂 /於是乎 我終於的起心肝去排隊試下 🏃‍♀️💨當日星期六下午大約排左半個鐘左右***\ 🍜 丸京拉麵 ($100) /-真叉燒3枚 + 叉燒3枚 + 醬油糖芯蛋 + 筍-麵條可以自選軟硬度一送上枱就見到✨超級澎湃既叉燒✨!!!非常震撼😎 大大塊粉嫩叉燒佈滿成碗拉麵～見到已經急不及待想食!!! 真叉燒係由低溫慢煮而成有別於一般拉麵店既叉燒 一啲肥膏都無 薄切叉燒肉質鮮嫩 瘦而不柴吸埋湯汁更加好食🤤另一款普通叉燒雖然無真叉燒咁出色但肉味都好濃 🐽份量超級多 以正常女仔食量 真係食唔哂😂湯底可以揀清湯/濃湯/黑蒜/限定蝦湯🦐本身想試蝦湯 但當日已經售罄所以只好揀左濃湯 濃稠既豚骨湯頭!!!!豚肉油脂令湯頭有滿滿既膠質適合重口味既人士 (例如:我🤭)題外話：有一點我中意既係丸京同日本其他拉麵店一樣!! 🚰店內提供超級超級超級冰凍既水!!!! 😂😂***丸京可以媲美好多香港人氣拉麵店 👍真係有正宗日本

🍜濃湯丸京拉麵 $100大癲！$100有六塊叉燒，非常豐富；三塊燒過，三塊無燒過；我就中意食原生叉燒多啲🙆🏼‍♀️你地呢？🍜濃湯豚骨拉麵 $78好正！湯底濃厚，絕對係足料熬煮，飲落去啖啖豬骨味。有三塊燒叉燒，又香又腍🫶🏼拉麵有咬口，份量多！女仔未必食得晒🤭🍗沙律炸雞 $42友人帶我黎食話一定要試呢個，午市叫小食仲免費送汽水😍一端上炸雞，香味俱全，非常脆口！新鮮到🥹外樣脆口但內面又鮮嫩，必食！💯

price around 100$.+10$ for additional fat 背脂soysauce soup based, very clear and fresh.you can drink all the soup without 肥膩。thats the ramen i wanted.u can see 6 piece of slice pork. big enuf to roll into a meat ball shape, very enough meat and more then a lot of ramen place.noodle is thick 太麵， very good chewy quality.love it. have japan quality✅will come back

人氣拉麵店「麵屋丸京」早前獲網上熱棒，店舖長期大排長龍， 非常誇張！今日去碰下運氣，好彩人龍不算太長，都係等15-20mins 店舖主打蝦湯、濃湯、黑蒜油湯等拉麵湯底，拉麵設有普通叉燒及「真叉燒」，任意選擇！1. 濃湯豚骨拉麵 $78 今次我選擇濃湯拉麵，3大塊叉燒，賣相吸引，仲要有1隻流心雞蛋🥚，配上筍，賣相吸引！拉麵🍜超彈牙，湯底超濃豚骨味，令拉麵更掛汁，叉燒帶有輕微煙燻味，令人食慾大增！同時點了一份招牌香蔥沙律炸雞🍗，炸雞好juicy, 鎖住肉汁，非常喜愛！

聽講E間拉麵🍜一直係網上熱店🔥，個個食過都大推好味又還原到日本🇯🇵的味道，今日就同大家一齊入去試下佢幾款口味邊隻最好味啦💁🏻‍♀️普通的日式拉麵店🍜，店鋪的位置唔算大，坐bar枱反而比門口四人枱更闊更舒服😂👉🏻蝦湯🦐粟米紫菜拉麵🍜 ($95)~粟米🌽+紫菜+蛋🥚+筍<重口味必選> 先同大家讚下拉麵靈魂—湯底🍲︰濃郁鮮香的蝦湯🦐香滲透在每一啖的麵條上，湯底用上大量的鮮蝦及肉類🥩燉製本來已經好鮮甜，再加上上枱前的一圈蝦油令蝦香更為突出❤️，加上較素淡的combination反而會冇咁膩，可以吸收曬d精華，特別係個幾片脆卜卜的紫菜半脆半軟真係好好味😋👉🏻清湯丸京拉麵🍜 ($100)~叉燒3枚🐽+真叉燒3枚+蛋🥚+筍上枱個下真心嚇親🤣，大大片手掌咁大的粉紅色慢煮叉燒🐽佈滿碗邊，成碗拉麵只係見到肉同肉😱，一條麵都見唔到認真誇張。主角「真叉燒」嫩滑而且唔會好似平時的日式叉燒咁滿滿都係肥膏🤤，全片都係勁實在的肉來架，最適合食肉獸/唔好肥膏的你👍🏻~ 雖然話係清湯，但琥珀色的湯底本來已經好夠肉鮮味🥩，對比起濃湯反而少左油脂感，大家可以按照自己的需求選擇湯底😉👉🏻濃湯豚骨拉麵🍜 ($78)~

湯底：清香而優雅不肥也不膩微微胡椒香玩淡淡柚香會忍唔著完食。拉麵：唔係最幼身掛汁既而係中身最有口感既配上大量香蔥白蔥麵長而口感IN韌。配餸：日式叉燒：有6塊，大大塊，兩種叉燒，夠足料但食落唔算好大分別。食落普通，但勝在完全唔會痴牙，肉份量滿分。筍：有幾粒，粗條狀切，有口感，普通野。流心蛋：100分，個型態岩岩好，蛋白都入哂味。同個柚子鹽湯底勁夾。蔥：香蔥配白蔥，香味一絕，100分絕對做得比預期好，值得推薦及支持（杯冰水飲落, 完全無水喉水味, 極冰涼, 已睇得出間鋪既細節位都做得好足！抵讚）

Bookmark 左好耐的一間拉麵店終於有機會潮聖🥹平日1️⃣2️⃣點幾黎到已經有人排緊隊，結果等左超過半個鐘先可以入座，好彩天氣唔係太熱😥排隊時要諗定食咩，不過最想食的真叉燒拉麵已經冇，蝦湯又係冇🤥連餃子🥟都冇，一開舖冇耐就好多野都冇令我第一印象扣左分🥲原來佢地逢星期一三同星期四至日提供的湯底會有唔同🥸，逢星期二休息點內裝修有日本當地拉麵店風格，有Bar 檯位置睇到師傅煮麵過程店內提供座位不多，大約2️⃣0️⃣個左右店員有基本禮貌🆗==========🔹丸京拉麵 $100 (黑蒜油湯 +$12)男朋友揀清湯，我揀黑蒜油湯🍜每碗有3️⃣片叉燒，3️⃣片真叉燒，筍，蛋少量蔥花鋪面賣相吸引，份量適中片片叉燒均為粉嫩色，厚薄均一，有啡色邊的為叉燒😉真叉燒的肉質會比叉燒更滑更嫩，食到淡淡的豚肉香，油脂感不重，叉燒沒太多脂肪😗叉燒則比較普通，肉味也不重筍有幾片，非常掛湯溏心醬油蛋煮的時間拿捏得非常好，裡面是紅紅的流心，醬油味也很明顯😋拉麵則沒太大驚喜，質地偏少少硬，未食得到蛋香，略帶微微煙韌感==========黑蒜油湯底的黑蒜油味唔算好突出，就算平日唔鍾意蒜味的朋友都會接受到，湯底味道不算太重但層次豐富鮮甜，而且不油

睇完某youtuber介紹，終於等到放假，去試一試。叫左碗丸京拉麵，有3塊普通叉燒， 3塊真叉燒，一隻溫泉蛋同埋筍。拉麵冇得揀軟硬度，麵底一般，重要好淋。真叉燒的確係比普通叉燒好食，但未去到我會再次回頭。可能太有期望，結果好失望。早去關係，唔使排隊，食完出去，已經見到有人排隊。