麵檔

营业中

休息中

今日經過利舞臺同時代廣場附近行下,見到呢間新開既懷舊復古風車仔麵店！無諗過係呢個地段竟然有呢個價位既車仔麵食！店內既車仔麵分左3個選擇,三餸,四餸同五餸麵.每枱都有自家製既辣菜甫,菜甫辣得黎又惹味,配搭車仔麵食更香.整體佢地既份量真係好多！仲要價錢真係好抵,食完令你可以抱住個肚腩出去既車仔麵店.五餸麵配秘製辣汁 hkd$50。爆汁潮洲牛丸牛丸好彈牙而且咬入真係充滿牛肉汁既精華！。牛栢葉爽彈唔會過韌,中間皺褶位掛起晒車仔麵湯底同辣汁！。春卷煙煙韌韌得黎又大大條！。鹵水蛋鹵得夠入味！唔會外面鹹但內裏好淡.打開中間先發現原來係溏心蛋！好有驚喜！。清湯蘿蔔蘿蔔無渣而且清甜,蘿蔔煮得夠軟腍.。秘製辣汁充滿一陣陣麻香辣味！辣度同後勁同樣充滿好濃香既辣椒香.。河粉香滑得黎唔會一夾就短.五餸麵配懷舊沙爹醬 hkd$50。瑞士雞翼雞翼大大隻又滷得好入味,瑞士汁香甜又唔會過鹹！。沙嗲豬皮豬皮乾淨無毛！同樣滷得夠均勻入味,豬皮爽彈吸晒沙嗲汁香.。鹵水孖筋孖筋份量好多！牛筋唔會煮得過軟爛,保持住彈牙感得黎又帶住膠原既漿口感.味道同樣入味,充滿鹵水香.。韮菜餃餃皮少少偏口但保持到煙韌感,唔會甩晒皮.韮菜餡豐富,

銅鑼灣時代廣場附近，有一間懷舊裝修嘅餐廳，彷似踏入咗八十年代嘅老香港咁，啱哂打卡。門口更放咗一部黑膠碟機，一路播住啲舊廣東歌，依家真係好少見！麵檔睇個名都知，主要係賣車仔麵，五餸都只係$56，性價比超高！豬皮、蘿蔔、魚蛋真係車仔麵必點，仲有quota可以揀多兩個餸，滿足哂乜都想食嘅我🤩必點推介🤤👍 懷舊咖喱魚蛋魚蛋比坊間大粒，超彈牙。有厚厚嘅咖喱汁包住，香濃唔辣。一份有三大粒，超滿足！👍 香辣豬紅豬紅彈牙有咬口，唔會淋哂一pat野咁，而且份量頗多。店家自製香辣，令豬紅更惹味。👍 清湯蘿蔔最普通又最考功架嘅配料，車仔麵必點！蘿蔔浸得夠耐夠哂淋，無筋。清湯入味，非常鮮甜。👍 懷舊沙嗲醬店家以湯勺另外送上，見到都覺得好濃郁，可以自行決定落幾多去調較濃度。好香沙嗲味，少少辣，配車仔麵一流。📍麵檔銅鑼灣勿地臣街10號地舖

今日去咗港島做野，Lunch time一個人食咩好…行經時代廣場，見到呢間麵檔大排長龍，原來係新開既車仔麵檔。懷舊設計好有特色，除左放滿黑膠唱片，仲見到唔少舊式屋邨既裝潢擺設。餐牌簡潔，一目了然。提供辣菜脯，爽脆惹味!最後叫咗淨餸再加多個時菜就岩岩好~牛腩汁湯底好香濃，再另上秘製人氣沙嗲醬！南乳豬手好軟糯，肉質軟滑。瑞士雞翼醃得入味又夠腍。大大隻蠔油花菇爽滑又鮮甜。牛筋爽滑綿軟，入口豐腴而不膩。爆汁潮州牛丸爽彈有咬口！清湯蘿蔔清脆爽口仲好多汁～鮑汁雞腳入味又軟腍，正。蠔油生菜，夠哂健康又爽脆！

銅鑼灣times square附近開了一間新的車仔麵店，店內的裝修很懷舊，店舖不是很大!中午時間都有好多人排隊堂食或叫外賣!餐廳車仔麵餸菜款式都幾多，而且價錢都唔算好貴!我跟同事都點了五餸麵，份量都好多!豬大腸豬手豬紅春卷雞翼油麵，他們的車仔麵湯底可以加腩汁，而且亦可以加沙嗲醬!油麵爽身，豬大腸好入味，豬手炆得夠腍，豬紅口感好滑，春卷彈牙!而雞翼是瑞士雞翼，所以雞翼都好入味同好腍，而湯底味道都好香濃!香辣水魷豬皮酸甜齋魚蛋豬大腸油麵，而我就點了碗就加了腩汁和小辣，辣味剛剛好!魷魚爽脆，豬皮有淡淡的沙嗲味!這裡的魚蛋不是陳皮魚蛋，大大粒，爽口彈牙，好好食!酸甜齋都好大塊而且味道都很夠，很美味呢!蠔油時菜，當日時菜是生菜，個人覺得除了點蠔油好食，放湯味道更正!餐廳亦有汽水提供，這餐午餐非常滿足!

🥢新開特式屋邨裝修份量特大車仔麵🥢銅鑼灣最近開了一間裝修幾有趣的主題車仔麵店，用上80年代嘅公屋屋道裝修，唔難發現牆上的紙皮石，屋邨嘅通窿牆，晾衫竹及等舊物做裝飾，門口仲有個打卡位，感覺幾得意🥢枱面上提供辣菜蒲任落，唔好睇個樣好似好辣咁，其實無咩辣度，碗麵超級大碗，而且份量都認真多，食晒真係會超級飽，而且店家好大方可以加底唔使錢，超級大食嘅人一定好開心，今次點了辣醬+沙嗲醬，有成個匙羹咁多，心諗今次一定辣死，拌勻後竟然味道唔會太濃味，怕辣又怕濃味嘅朋友可以放心食🥢總括嚟講，裝修真係幾有香港特色風味，而且麵底及餸菜份量真係好多，最啱附近返工嘅朋友仔過嚟食，由其大食的男士，真係唔夠飽嘅話仲可以免費加底，一定食到你夠飽，以銅鑼灣區來講真係幾抵食🥢餸菜方面比較推薦魷魚因為住得好爽口彈牙，同埋豬紅佢嘅口感同鴨血一樣咁滑嘟嘟🥢五香牛腩，滷水孖筋，沙嗲豬皮，蘿蔔，咖哩魚蛋（ +沙嗲醬多蔥）🥢5 餸麵 $56 小紅腸，豬大腸，滷水蛋，鮑汁雞腳，豬紅， 河粉 (中辣+ 沙嗲醬多蔥）🥢另外留意到枱面的紙巾盒，寫住大排檔小炒，個字同灣仔同銅鑼灣都有分店的小炒店一樣，查詢店員原來係同一間集團開的💛鍾意的朋友可

📍麵檔 @ 銅鑼灣@大排檔小炒 車仔麵分店🍜ღ 牛腩+豬大腸+牛丸+蘿蔔米粉 $44ღ 牛腩+豬大腸+牛丸+牛肚米粉 $44ღ 淨豬紅 $28挾住大排檔小炒呢個名 所以都幾高期望㗎（因為以為都一樣會好重口味嘻嘻）喺時代廣場後面 地理位置都幾方便～而且呢個價錢嚟講都算好平！不過食落麻麻 同類型會揀返麵尊haha其實配料係幾好食 牛丸爆汁好濃牛味 必食！但湯底同整體都偏向好淡味 覺得硬係爭咁啲嘢個淨豬紅都係一樣問題😥雖然好滑 滑到好似鴨血咁 不過真係冇咩味ʕ⁎̯͡⁎ʔ༄但我都係2個月前食 可能試業期後會有所改善🤓回頭指數😼1.5/5（唔適合重口味人士\(//∇//)\

隨緣份過去你不再問～不懂珍惜此際 每每看著我傷心～🎵🎶麵檔門口貼咗張周慧敏海報 還有唱機店內擺了懷舊擺設、播舊歌小店裏裏外外都充滿住8-90年代嘅氣息而於麵食個人大推佢哋嘅滷物、鴨血、牛什滷汁好香花椒八角 又勁入味！鴨血咬開絕對係滑過bb嘅皮膚！👍🏻👍🏻牛筋炆得柔軟腍又入味，好食！湯底夠濃，加埋秘製嘅辣汁超惹味！🔸五餸麵（$56）▪️瑞士雞翼、春卷、懷舊豬大腸、咖喱魚蛋、香辣水魷、菜底豬大腸好好味，滷汁好香，腸厚身帶肥，好正！咖喱魚蛋夠香唔太辣，水魷爽身。仲可以揀菜底，岩哂減肥人士。🔸五餸麵（$56）▪️蠔油花菇、五香牛腩、爆汁牛丸、蘿蔔、滷水蛋、粗麵花菇好厚肉，炆得入味。香腩炆得柔軟腍，食到香料味。蘿蔔清甜冇渣👍🏻。滷水蛋係溏心架！

麵檔位置便利，銅鑼灣時代廣場對面街。步進店舖，聽到播放着黑膠片時代的經典歌曲，燈光明亮，裝飾著黑膠唱片有少許懷舊的感覺。點餐紙在鬧市吃個晚餐，選五個餸才$56，物超所值。朋友總覺得食車仔麵一定是油麵底，湯底反而不是重點，基本上湯底選清湯就可以，尤其是選擇了牛腩、滷水的餸，湯底已經有腩汁。她的五個餸選了五香牛腩、滷水孖筋、酸甜齋、鮑汁雞腳、牛柏葉。而我的五個餸選了米粉底，沙嗲豬皮、五香牛腩、懷舊咖喱魚蛋、秘製雞翼尖、懷舊豬大腸。湯底入口順口甘甜，最驚喜是咖喱魚蛋，大大一顆，入口彈牙，豬大腸洗得乾淨，入口軟嫩。每一款都很入味，又不會炆煮過火，份量合理。我們想吃得健康一點，加了蠔油時菜一碟$18，十分爽脆。

/ 麵檔銅鑼灣時代廣場附近嘅懷舊特色車仔麵檔🍜呢幾日不停落雨, 係時代廣場行完街就想近近地搵個地方食晚飯, 點知見到後面條街有間幾懷舊風嘅車仔麵檔幾搶眼, 就二話不說即刻去食🤣尼間麵檔以舊式屋邨為設計, 周圍都放置左八九十年代流行嘅黑膠唱片, 而且背景音樂都主要係香港懷舊金曲, 好有回憶🎼餐廳主要係用手機落單, 比一般車仔麵店更環保, 唔洗每人都用一張點餐紙又唔怕店員落錯單, 十分方便👍🏻食物價錢係銅鑼灣地區嚟講都好親民, 五餸$56, 四餸$50以及三餸$42🍜 超過20款餸菜選擇, 又有辣汁沙嗲醬同腩汁可以加, 更有小食同飲品可以散嗌😋分別嗌左兩碗五餸同男朋友share 加埋就好似變咗十餸🤣🤣總共食咗以下餸菜, 湯底加曬腩汁, 辣汁同沙嗲醬- 魚皮餃- 韭菜餃- 牛柏葉- 五香牛腩- 春卷- 香辣水魷- 清湯蘿蔔- 爆汁潮州牛丸- 懷舊豬大腸比較特別有驚喜嘅係五香牛腩, 煮得好軟淋同入味, 牛柏葉份量好多而且爽脆唔靭👍🏻而且每張枱都有一兜辣菜甫可以比客人任食, 我加左少少落碗麵到, 都幾辣幾好食架小食方面嗌咗以下:- 鮑汁雞腳 $28- 淨雞翼尖 $28- 懷舊咖喱魚蛋同水魷

食店播放著經典金曲,有懷舊感覺,裝飾簡約但有心思,整體感覺好舒服。當日試了四餸麵,其實並非麵,因為選了菜底,食物份量足夠美味,每枱都有免費菜脯任意加添,十分大方。值得一讚是他們的服務態度良好，除了招呼友善之外,當日看見有另一枱食客提出額外要求,他們也很禮貌地回應。

公司附近開咗間車仔麵店，午餐時間都幾多人幫襯，今日第一次入嚟，原來係行復古style，舖頭唔大但卻充滿懷舊色彩，門口嘅綠底白字膠牌、黑膠碟機、周慧敏同Beyond poster，嗰個通窿嘅公屋牆身，仲有嗰啲舊式收音機同埋熱水壺，好係80年代。點餐可以用紙剔或者QR code，五餸只係$56 ，以銅鑼灣呢個價錢來講都算抵，今日我揀咗瑞士雞翼、春卷、潮州爆汁牛丸、五香牛腩、魚皮餃油麵，每個餸至少有兩件，所以都相當大碗，牛腩好林又入味，仲有四舊，呢個抵賴，另外瑞士雞翼都好味，爆汁牛丸冇想像中咁爆炸，不過都可接受，魚皮餃和春卷不過不失。另外嗌咗碟油菜同埋鮑汁雞腳，份量都幾多，雞腳夠林夠入味，令人滿意。

銅鑼灣車仔麵-麵檔🍜又係銅鑼灣OL推介👉🏻係times square 隔離超方便👉🏻 可以揀嘅餸款式多，多到揀唔到有選擇困難症👉🏻我鐘意瑞士雞翼同墨丸，瑞士雞翼炆得好入味墨丸有彈牙唔係出面買嗰啲墨丸嚟㗎👉🏻五餸都係$56超抵👉🏻秘製辣汁超惹味👉🏻朋友叫沙嗲汁都好有驚喜👉🏻湯底真材實料絕無味精，牛腩汁好香👉🏻車仔麵必配油麵（我嘅首選）👉🏻 唔會食完好口渴👉🏻佢嘅辣菜甫係特色嚟㗎好值得👉🏻份量十足一碗已經食飽飽👉🏻 環境乾淨衛生，食得安心記住留意我嘅銅鑼灣食記。跟我去食💋💋食物：😍😍😍😍😍服務：😍😍😍😍😍環境：😍😍😍😍

大排檔小炒一直係我喜愛餐廳之一 最近佢哋仲開咗車仔麵店 當然要即刻去試下啦🥢同樣位於銅鑼灣 麵檔喺時代廣場斜對面 近地鐵站都好方便👍🏻價錢喺銅鑼灣嚟講都好抵食 三餸只係$38 我哋就叫咗一碗四餸($44)🍜同一碗五餸($50)◾四餸配米粉瑞士雞翼/懷舊豬大腸/香辣豬紅/春卷◽五餸配油麵瑞士雞翼/蠔油花菇/爆汁潮汕牛丸/五香牛肚/清湯蘿蔔超大碗嘅車仔麵啊喂🤩每款餸都勁足料 大部分都會有4-5件為一份✨豬大腸好軟腍亦好乾淨 瑞士雞翼味道啱啱好 咸甜兼備 牛肚爽口得嚟夠入味 豬紅大大件帶少少香辣湯底濃郁得嚟唔係死咸 所以食完都唔會有口乾嘅感覺 我哋加咗秘製辣汁 更加惹味🤤另外仲有沙嗲可以揀 提提大家唔好忽略枱上有盅辣菜甫 店家自製都係好好味架

喺銅鑼灣見完客，順便食埋lunch 先返公司，同事話喺時代廣場附近開左間新嘅車仔麵檔！梗係要去試下啦！舖頭以舊式屋邨做設計，懷舊又充滿回憶！店內裝潢更見用心！放滿經典黑膠唱片，一邊播住耳熟能詳嘅廣東歌，別有一番風味！餐牌簡而精，可以揀3餸、4餸同5餸，一共有25款選擇，包括：懷舊大豬腸、南乳豬手、酸甜齋、五香牛腩同香辣豬紅等，價錢超級親民！五餸麵都係$56。銅鑼灣要呢個價錢真係超值😄🍜 🥓🌶五餸麵 ［懷舊大豬腸、香辣豬紅、酸甜齋、魚皮餃，炸魚片頭」同事點左多蔥、小辣同米粉：懷舊豬大腸滷水汁香濃好入味，酸齋大大件酸酸地十分開胃，香辣豬紅咬落有口感，又香又惹味，由於點了小辣會食倒個豬骨湯頭都好好味！🍜 🥓🌶5餸麵  ［香辣水魷、春卷、墨魚丸、牛栢葉，懷舊咖喱魚蛋］我點左中辣加幼麵：  香辣水魷新鮮爽脆，牛百葉薄身帶點煙韌，口感豐富，咖哩魚旦彈牙真係無敵好食！魚肉春卷都好好味！個人黎講中辣都唔算好辣！成個麵份量好足！小食：豬皮蘿蔔 $28 清湯底特顯蘿蔔超甜，豬皮軟綿綿加上微辣簡直無得彈！必點！麵檔 地址📍：銅鑼灣勿地臣街10號地舖

同女朋友行完Time Square 就搵野食，發現呢間門面有趣既車仔麵檔︰以舊公屋為裝修藍本，門口擺放舊唱片幾，及女神周慧敏、四大天王、Beyond等海報，並播放著八九十年代金曲，就決定一試。我哋點了兩個五餸麵，各自選了牛腩、牛丸、韮菜餃、豬大腸、咖喱魚蛋、蘿蔔、南乳豬手及滷水雞翼，我特別一讚其懷舊豬大腸，沒有腥味而且有口感；小食就加了一份生菜及雞翼尖，後者甚有街頭風味。另外，麵檔提供的潮式辣菜甫，辣度適中，與車仔麵配合得天衣無縫。